اتجوزها (اتجوزه) ليه

[DR.BIBO]

طبعا فى كتير اوى من شباب وبنات جيلنا مبيتجوزوش الا عن طريق جواز الصالونات الاهل والمعارف والقرايب والصحاب وكل واحد يعرف ان فى حد عايز يتجوز او ان البنت دى فى سن الجواز يحاول يساعد ويدور على عروسه مناسبه للشخص اللى يعرفه العروسه ديه بتكون مناسبه من وجهه نظر الوسيط ده بس خلاص الوسيط ضبط مع اهل العروسه ان العريس ده مناسب وجه العريس عشان يشوف العروسه وطبعا هو عمره ماشافها قبل كده ولا هى عمرها شافته قبل كده انا عايزه اعرف بقى من البنات والشباب هتعرفى(هتعرف)ان الانسان (الانسانه ) يصلح انه يكون شريك(شريكه) حياتك وتكملى معاه عمرك اللى باقى كلها( وخصوصا فى المقابله الاولى) هتتكلمى (هتتكلم) معاه فى ايه هتتصرف (هتتصرفى)ازاى هتكون (هتكونى) على طبيعتك ولا مكسوفه هتقبلى (هتقبل) الانسان ده على اى اساس وخد (خدى) بالك ان الانطباع الاول بيدوم وخصوصا فى موضوع الخطوبه والجواز
مستنيه اعرف رايكوا وربنا يوفقنا كلنا للانسان المناسب اللى يتقى(تتقى) ربنا فينا

[N00R EL _SHAMS]

انا اكتر حاجه خايفه منها هى المقابله الاولى الى بيقولوا عليها دى

لانها فعلا مهمه بتدى ليكى انطباع شبه كامل عن الشخص ده

وبتدى له برده انطباع كبير عنك .

بس طبعا اكيد فى الاول هتكونى مكسوفه شويه مش شويه قليلين كمان

بس بعد كده هنقدر ناخد ع الوضع شويه بشويه ونبدا بقى فى الاختبارات المختلفه

كان عندنا مدرس بيقول لنا اهم حاجه اختبروه فى البخل معرفش اشمعنى البخل بالذات

باين الموضوع ده اتجرب فيه

ربنا يهدى المسلمين جميعا ويستر بنات وشباب المسلمين .

تسلمى يا بيبو على موضوعك الرائع وكل سنه وانتى طيبه يا جميل

[الفراشة الرقيقة]

شكل مسلسل هند صبرى مأثر عليكوا خاااااااااااالص

[N00R EL _SHAMS]

مسلسل ايه هو فيه مسلسل له علاقه بالموضوع ده ؟؟؟؟؟؟؟

[DR.BIBO]

شكل مسلسل هند صبرى مأثر عليكوا خاااااااااااالص

هههههههههههه ممكن برده يادكتورة بس اللى بيحصل فى المسلسل لو حصل في مش عارفه هعمل ايه بس الموضوع مهم فعلا وفى بنات وشباب بيبقو كويسين جدا بس مبيعرفوش يعبرو عن نفسهم كويس فى المقابله الاولى وبتبوظ جوازات كتير بسبب الموضوع ده
-----

انا اكتر حاجه خايفه منها هى المقابله الاولى الى بيقولوا عليها دى

لانها فعلا مهمه بتدى ليكى انطباع شبه كامل عن الشخص ده

وبتدى له برده انطباع كبير عنك .

بس طبعا اكيد فى الاول هتكونى مكسوفه شويه مش شويه قليلين كمان

بس بعد كده هنقدر ناخد ع الوضع شويه بشويه ونبدا بقى فى الاختبارات المختلفه

كان عندنا مدرس بيقول لنا اهم حاجه اختبروه فى البخل معرفش اشمعنى البخل بالذات

باين الموضوع ده اتجرب فيه

ربنا يهدى المسلمين جميعا ويستر بنات وشباب المسلمين .

تسلمى يا بيبو على موضوعك الرائع وكل سنه وانتى طيبه يا جميل

وانتى طيبه يا جميل نورتى الموضوع والمدرس اللى قالك شوفى موضوع البخل لان البخيل فى الفلوس بيبقى بخيل فى مشاعره بيبقى بخيل فى كل حاجه عشان كده الموضوع ده مهم اوى

[DR.BIBO]

ايه ياجماعه هو محدش ناوى يتجوز جواز صالونات ولا ايه

[pharmachemist]

اولا الموضوع جريىء قووووووووووووووووووووووووووووووووووووووووووى ومخجل جدا بس جواز الصالونات ده ممكن يكون اكثر حاجه محترمه للبنات بالذات وطريقه دى بتبين مدى علاقه ربنا بكل انسان يعنى لو الانسان كويس ان شاء الله يوقعوا فى بنت الحلال او ابن الحلال

[enas_m]

انا جرررررررررررررررررررربت و بجد حاجه صعبه جدا انك تاخد قرار ان الحد دا هيكون هو شريك حياتك بالمعرفه السطحيه دى و فى ناس كتير بتمثل طباع مش فيها بس اهم حاجه الدين و الخلق ولا تهاون فى دا

[نونة دودو]

السلام عليكم
فعلا يا جماعة الموضوع صعب جدا والواحد مش عارف ممكن يعمل ايه فى موقف زى ده انا اعتقد ان جواز الصالونات مش وحش اوى زى ما فى ناس بتعتقد ع الاقل انتى عارفة ان الشخص ده محترم وجاى داخل البيت من بابه زى ما بيقولوا والاهم ان نيته كويسه والا ما كانش جه مش واحد هتتعرفى عليه والله اعلم ممكن يعمل ايه وطبعا كلنا هنبقى مكسوفين بس ما تبينوش ده اوى يعنى انا شخصيا هاحاول اكون جريئه وادخل فى الحوار وعادى كانه اى حد باشوفه وهاحاول اتعرف على شخصيته وحكاية البخل دى يادكتورة طبعا مهمة يمكن استاذك الفاضل نصحك بيها لان ما فيش اسوأ من الراجل البخيل وربنا يكرمنا جميعا ان شاء الله

[asfourelgana]

بسم الله الرحمن الرحيم

والله يا جماعه مش عارفه اقولكم ايه بس انا اصحابي الانتيم ال 2 اتخطبو كده

ومبسوطين جدا مع عرسانهم ومنهم واحده هتتجوز ان شاء الله الاسبوع الجاي

هما بردو مكنوش مقتنعين بالطريقه دي بس هما الحمد لله مبسوطين جدا

وعقبالكم يا بنات