ابن المســـــــــــــؤل
بسم الله الرحمن الرحيم
بالنسبه لى دى أول مره أشارك بشعر فى المنتدى الأدبى يمكن شاركت قبل كده بقصه
تحت اسم مستعار
بس ان شاء الله انزلها قريب باسمى الحقيقى تانى. أما القصيده دى من الشعر العامى
السياسى اسمها ابن المســـــــؤل
يابن أسيادنا ردعليا
ولا سيبنى أهاتى شويه
امتى هيجى اليوم وتسوقنا؟
ولا تهد الدنيا دى فوقنا؟
ولا اليوم ده هنكون فوقنا؟
يابن سيادنا رد عليا
ده أنا مطحون وفى أرضى غريب
ولا لاقى الصاحب ولا حتى حبيب
قلت أهج وعن أرضى أغيب
يمكن ألاقى بره الحنيه
ولما تكون مصر المنصوره
وكنانة ربى المعموره
وأنا مش شايف فيها غير صوره
لظلم ورشوه ومحسوبيه
والله دى كلمة أهج شويه
أيوه ياسيدى أنا عندى سؤال؟
وجايز مبيجلكش فى بال
يابن أسيادنا احنا حبايب؟
ولا حبيبنا ده سيدنا النايب؟
اللى بيظهر زى هلال
طب فين أشولة المال السايب؟
اللى بتترحل كل شويه
أيوه ياسيدنا ردعليا
يابن أسيادنا أنا المخدوع
ويمكن صوتى مهوش مسموع
وبيقولى كلامى فى الممنوع
بس كلامى ده مش بأديه
أيوه ياسيدى أنا مش هسكت
ألا لما ترد عليا
رد مع اقتباس
المشاركة الأصلية كتبت بواسطة بسطامى
