لو شفت الالعاب دى فى الملاهى هتركب؟؟

[S!lent Tear]

كل واحد يقولنا بصراحه لو شاف الالعاب فى فى ملاهى ممكن يركب ؟

دى لا يمكن اركبها لو قطعونى حتت

العجله دى اللى هيركبها قدامه طريقين يا هيدغدغ يا هيدغدغ

شوفتوا الراجل اللى راكب فى المروحه ده ده

[scientest]

انا يستحيل اركب اى لعبه من دول حتى لو هيدونى ملايين ( معلش العمر مش بعزقه)


بس صور حلوه

[ساره البيومى]

الله صور حلوه اوى واكيد اللعب هتبقى تحفه يا ريت كانت موجوده هنا كان الواحد ركبها هو اينعم العمر مش بعزقه بس برده المغامره حلوه

[dr.lobna]

بصي هو انا لو هقرر يبقي استحالة اجرب اي لعبة من دول
اجرب ؟؟؟ اجرب ايه قال يعني الحكاية تجربة
لا طبعا وبعدين مفيش واحدة منهم ممكن تتسمي لعبة
دول يتلمو كده مع بعض زي مانتي عملتي وعليهم يافتة مكتوب عليها ...طريقك الي الموت...
بس ممكن ..ممكن لو حد عزيييييييييييز علياااا اوي ضغط عليا ممكن اوافق عشان نروح سوي محدش يزعل علي حد وياسلام بقي لو الاسرة كلها اتلمت
ياااااااااااااااااه
نصلي ركعتين ونشاهد ونتوكل علي الله
...تعددت الالعاب والموتة واحدة...

[NonY]

هههههههههههههههههههههه

طبعا هركبها .. من غير تفكير

اذا كان بخاف م الساقية

[SHEREIF]

ههههههههههههههههههههه
انا عن نفسى هاركب
السنة اللى فاتت كنا ركبنا قطر الموت فى الملاهى اول ما نزلنا قولنا للراجل عاوزين نركب تانى قالنا لازم تمشو فى الصف
كان صف طويل بقى سيبناه
على فكرة الالعاب دى بتخوف اه بس هيا متامنه كويس جدا يعنى
وعمرنا ماسمعنا ان حد مات منها يعنى

[mohamed samir]

والله اللعب دى لو موجودة والواحد ملعبهاش يبقى ضيع فرصة العمر

اى نعم هموا يرعبوا بس الواحد هيركبهم من هنا وهينسى الخوف بعد كده طول حياته.......... ده لو نزل عايش


انا اخر مرة دخلت فيها الملاهى كانت قبل رمضان ب 3 ايام فضلت واقف قدام لعبة اسمها الأناناسة حوالى ساعة وفى الاخر خفت ومركبتهاش فى حين انها جمب اللعب دى ممكن نقول عليها لعبة رضع!!!

[Dr.Dina ELBeltagy]

انا لو متاكدة ان اللعب دى متامنة كويس جدا طبعا اركبها بس ماعدا اللعبة اللى الراجل موجود فيها فى جناح الطيارة

[mohamed hamed]

اه طبعا هركب بس اول تاكسى على بيتنا



على فكرة الالعاب دى عايزة قلب جامد مش اكتر

ومبتأذيش حد اصلا

شكرا للتوبيك

[كليوباترا]

والله يا اوختى انا ركبت حاجه اسمها الصاروخ فى دريم بارك طبعا ميجيش حاجه جنب الحاجات دى خالص بس مش عايزه اقولك كان احساسى ايه وقتها كنت بتشاهد على روحى وانا فوق و نزلت معيطه وحلفت ما هركبها تانى