صفحة 1 من 11 123 ... الأخيرةالأخيرة
النتائج 1 إلى 10 من 106

الموضوع: الإعلان الأخير .. في انتظاركم بشغف

  1. #1
    Pharma Student
    تاريخ التسجيل
    May 2009
    المشاركات
    1,317

    افتراضي الإعلان الأخير .. في انتظاركم بشغف

    بسم الله الرحمن الرحيم

    اليوم كان الإفطار السنوي لصيادلة الدقهلية

    وكان أن تجمعت حشود الصيادلة مع اقتراب موعد أذان المغرب في النقابة


    وكان ضمن الحضور من أساتذة كلية صيدلة (هقول اللي قابلتهم بنفسي)

    الدكتورة ماجدة نصر أستاذ الكيمياء العضوية وعميد الكلية
    الدكتور مجدي جنينة أستاذ الكيمياء العضوية وأمين مساعد نقابة صيادلة الدقهلية
    الدكتور وائل النجار أستاذ ورئيس قسم الميكروبيولوجي وعضو النقابة العامة لصيادلة مصر
    الدكتور ممدوح الششتاوي أستاذ الكيمياء الحيوية
    الدكتور أحمد جوهر أستاذ ورئيس قسم العقاقير
    الدكتور السيد مهدي

    وبعد الانتهاء من تناول وجبة الإفطار وأثناء احتساء الشاي بالحديقة
    كانت كلمة مجلس النقابة والتي مثله فيها الدكتور سمير المرسي نقيب صيادلة الدقهلية

    وأثناء كلمته ، وكعادته دائما في علاقاته المتميزة بإدارات الكلية ، وبعد تهنئة الدكتورة ماجدة بتوليها عمادة الكلية
    ولأول مرة

    واستغلالا للحشد ىالضخم الذي يشارك فيها في كل عام من طلبة الكلية بعدد يملأ جنبات النقابة دائما

    وجه الدكتور سمير دعوة رقيقة لعميد الكلية ومجلس الكلية للمشاركة في حفل الخريجين لهذا العام ببيت الصيادلة (النقابة)
    وكما تعودنا منها في مشاركتها الفعالة في كافة المناسبات المتاحة
    قبلت الدكتورة ماجدة الدعوة باسم إدارة الكلية

    وأعلن الدكتور سمير هذا الكلام مع دعوة الحضور لحضور حفل الخريجين "النشاط القادم للنقابة"

    وبقبول الدكتور ماجدة يكون قد تحدد 90% من منصة حفل التكريم هذا العام

    ______________________________________


    نقلبها عامية بقي

    شوفوا يا دكاترة

    خلاص الحفل اتحسمت إنها يوم 20 و 21/9

    وزي ما قلنا أبناء المنصورة وطلخا أول يوم وباقي المحافظة تاني يوم

    وبالنسبة للاقتراح الخاص بأن يكون التقسيم حسب أرقام الكشف عشان الأصحاب يتجمعوا فيؤسفني إني أقول إن الفكرة اترفضت لأن الأسماء بتجيلنا النقابة من الكلية مترتبة ترتيب حسب التقديرات وليس حسب الكشوفات

    في الأيام القادمة بإذن الله هتوصل لكم الدعوات الخاصة بالحفل

    وللأسف كان في وجهة نظر (ودا كان رأيي) بأن يكون الحفل باشتراك رمزي لكن الأغلبية رفضت الفكرة دي.. طبعا غرضها لم يكن إن الناس تدفع لكن كان لها هدف تاني خااالص

    عموما

    ملامح البرنامج اتحسم أغلبها وحاليا فريق لجنة الشباب المنظم للحفل بيتحرك عشان يخلص الفقرات المتاحة

    عشان كدا حبيت أكتب الموضوع دا عشان نقول يا شباب

    خلاص

    الحفل بعد العيد بـ 7 أيام

    يعني لسه اجتماع واحد للجنة بعد العيد أي حد يحب يشاركنا في التنظيم أو الاقتراحات في الأيام الأخيرة

    ينضم لفريق اللجنة المنظمة

    وأي استفسار

    0144350842

    الحفل فيه فقرات هتعجبكم بإذن الله عشان تكون بداية التعارف بينكم وبين النقابة

    وبالمناسبة

    في فقرة السنة دي خاصة بالأمهات المثاليات

    مين هم؟؟

    أي خريج والده متوفي وتحملت والدته مشقة وتعب السنين لغاية ما جه اليوم اللي تشوف ابنها أو بنتها دكتور أد الدنيا

    عشان كدا هنكرم أمهاتنا في يوم فرحهم

    عشان كدا لو أي خريج والدته مرت بالظرف دا

    ياريت يراعي يسجل اسمها في الفقرة دي عشان مننساهاش


    وياريت ميقولش لوالدته ويسبهالها مفاجأة



    و......


    كفاية كدا النهارده عشان تعبت

    وياهلا يا زملاء المهنة



    كان معكم

    بحلم ببكره
    عضو لجنة الشباب بنقابة الصيادلة
    عضو اللجنة المنظمة لحفل الخريجين 2010
    التعديل الأخير تم بواسطة بحلم ببكره ; 24-08-2010 الساعة 12:36 AM

  2. #2
    Pharma Student
    تاريخ التسجيل
    Nov 2009
    المشاركات
    387

    افتراضي

    ياريت متتأخرش علينا يا دكتور

  3. #3
    Pharma Student
    تاريخ التسجيل
    May 2009
    المشاركات
    1,317

    افتراضي

    متأخرش في إيه بالضبط؟؟

  4. #4
    Pharma Student
    تاريخ التسجيل
    Nov 2009
    المشاركات
    387

    افتراضي

    و......


    كفاية كدا النهارده عشان تعبت

    وياهلا يا زملاء المهنة
    تكملة الموضوع دا
    بس بصراحة انا يعني مش مبسوطة اوي
    حتى لو كنا تبع التقديرات هنكون ان شاء الله مع بعض
    بس اللي هيبعدنا التفرقة حسب البلاد
    يالا خير

    وكمان انا مع الهدف التاني للاشتراك الرمزي( اعتقد ان تخميني صح)
    كان هيبقى حاجة جميلة جدا
    التعديل الأخير تم بواسطة إيمان حمدي ; 24-08-2010 الساعة 12:47 AM

  5. #5
    Pharma Student
    تاريخ التسجيل
    May 2009
    المشاركات
    1,317

    افتراضي

    كنت حاسس إنها كدا برضه

    بس مين قال إني هكمل

    لازم نخلي الباقي سر

    ونفتح الباب لو الناس عاوزة تقول حاجة

    يعني مش هحكي اللي يتم يبقي كدا الناس بتحرق اللي هتشوفه

    بالمناسبة ..
    حد حضر حفلة الكلية بتاعت دفعتي اللي كانت كلها بنات دي؟؟

  6. #6
    Pharma Student
    تاريخ التسجيل
    Sep 2007
    المشاركات
    359

    افتراضي

    شكرا يا دكتور ع الاعلان ومنتظرين الحفله بقارغ الصبر

  7. #7
    Pharma Student
    تاريخ التسجيل
    Mar 2009
    المشاركات
    1,136

    افتراضي

    جزيتم خير على هذا المجهود

    أسأل الله أن يوفقنا لما يحب و يرضى

    و إن شاء الله كلنا نكون مبسوطين و تبقى حفلة فوق الرائعة

  8. #8
    Pharma Student
    تاريخ التسجيل
    Aug 2007
    الدولة
    طير فى السما
    المشاركات
    309

    افتراضي

    بصراحة فكرة تقسيم الدفعة دى فكرة مش لذيذة خالص

  9. #9
    Pharma Student
    تاريخ التسجيل
    May 2009
    المشاركات
    1,317

    افتراضي

    بس بصراحة انا يعني مش مبسوطة اوي
    حتى لو كنا تبع التقديرات هنكون ان شاء الله مع بعض

    بس اللي هيبعدنا التفرقة حسب البلاد
    يالا خير


    وتعليقي هيخليني أنا مش مبسوط خالص يا دكتورة

    النقطة حضرتك أثرتيها .. وجوهرية جدا

    لكن

    حد عنده حل للنقطة دي؟؟
    وإحنا لو اقتنعنا حتي باقتراحك الخاص بأرقام الكشف

    هننفذه إزاي إذا كان معندناش الكشف دا ؟؟

    ومينفعش نجيبه لأن في ناس معاها دور تاني أو حتي هتعيد يبقي مش هينفع أبعت لها

    الخلاصة : اللي بيحدد مين هيتكرم إدارة الكلية بورق رسمي منها بأسماء الخريجين مينفعش أنا أتخطاه ..

    يبقي الحل إيه؟؟

    عموما التقسيم حسب البلاد هيخليكم تقابلوا ناس من بلاد قريبة منكم ومكنتوش هتقابلوها لو قسمنا بالأسلوب التاني وفي نفس الوقت مش هتقابلوا ناس كنتم هتقابلوها .. يعني ...

    خير

    عموما السنة اللي فاتت أقرب شخص لي في دفعتي كان في أول يوم وأنا كنت في تاني يوم

    حضرت له اليومين

    واستنيته وهو نازل من المنصة عشان أحضنه

    والسنة دي في واحد في الدفعة عزيز علي قلبي

    في فقرة كاملة معمولة عشانه .. أي نعم محدش هيقدر يخمنها لكن لما يشوفها هيفهم لوحده قصدي إيه؟؟

    رغم ضيقي إن في فقرة كاملة كانت هتعجبه بس اتلغت (وسبب الإلغاء هو العبد لله) لأسباب خارج الإرادة

    وهكذا

    يعني بلعب إزاي ألفت انتباهه إني أشاركه يومه

    وكمان انا مع الهدف التاني للاشتراك الرمزي( اعتقد ان تخميني صح)
    كان هيبقى حاجة جميلة جدا

    علي فكرة

    نفسي أعرف تخمينك إيه

    يعني

    يمكن يكون في حد بيفكر بنفس أسلوبي في البلد دي


    وفي مشكلة لغاية النهارده مش عارف أوصل لحل ليها

    بفكر أطرحها عليكم يمكن نلاقي لها حل "مش عارف إزاي"
    -----
    اقتباس المشاركة الأصلية كتبت بواسطة سندريلا مشاهدة المشاركة
    بصراحة فكرة تقسيم الدفعة دى فكرة مش لذيذة خالص



    ما هو مستحيل أجيب الدفعة كلها في يوم واحد يا دكتورة

    الحفلة الناس بتحرص إنها تشارك فيها

    والعدد بيبقي كبير جدا

    إزاي أستوعب كله في يوم واحد!!!!!




    د. Khokha

    العفو يا فندم وربنا يوفقكم في ما هو قادم


    عمنا المتفائل

    إزيك يا عزيزي

    مستنيك تنور يومها

  10. #10
    Pharma Student
    تاريخ التسجيل
    May 2009
    المشاركات
    1,317

    افتراضي

    نقطة لازم يكون الكل عارفها من النهارده

    يوم الحفل الناس بتطلع تتكرم علي أساس إيه؟؟

    .
    .
    .

    كنت قلت إن الأسماء بتتنده علي أساس ترتيب التقديرات

    بس خلوا بالكم

    دلوقتي هيتبعت دعوات للدفعة كلها

    وجاهز شهادات للكل

    بس مش كل الدفعة بيتنده اسمها

    لأن مش كل الناس بتيجي

    طب بنعرف إزاي مين الموجود؟؟

    كل خريج وهو داخل النقابة هيلاقي موظف في المدخل هياخد بياناتك

    لازم تسجل اسمك معاه

    لازم لازم

    لأن الأسماء دي هي اللي بتنزل لنا تحت نعرف منها إن سيادتك حضرت وبالتالي شهادتك تطلع واسمك يتحط في قائمة المكرمين

    ياريت يا دكاترة كله ياخد باله من النقطة دي

    وهنيئا لكم أول حفلة موحدة في تاريخ النقابة والكلية


    مع تحياتي


    بحلم ببكره
    2010

صفحة 1 من 11 123 ... الأخيرةالأخيرة

المواضيع المتشابهه

  1. عملى الميكروبيولوجى حتى السكشن الأخير .
    بواسطة muna7assan في المنتدى الفرقة الثانية 2011
    مشاركات: 58
    آخر مشاركة: 05-12-2010, 03:15 AM
  2. الإعلان ده بخصوص الفرقة الرابعة .. ألف مبروك النخرج :)
    بواسطة Ramy Saad في المنتدى الفرقة الرابعة 2010
    مشاركات: 32
    آخر مشاركة: 18-07-2010, 01:51 PM
  3. هام و عاجل .. مراجعة النبات كاملة مع صور سكشن المراجعة الأخير
    بواسطة M.Hegazy في المنتدى الفرقة الاولى 2010
    مشاركات: 5
    آخر مشاركة: 09-05-2010, 03:02 AM
  4. اعتصام الممرضات .... و ذكرى الإعلان العالمى
    بواسطة متفائل في المنتدى المنتـدى العـام
    مشاركات: 14
    آخر مشاركة: 22-12-2009, 01:35 PM
  5. الحل الأخير لمنهج البيو
    بواسطة ahmed2006 في المنتدى الفرقة الثالثة 2008
    مشاركات: 10
    آخر مشاركة: 15-05-2008, 08:49 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •