عاوز إيه من الإدارة الجديدة؟؟

[بحلم ببكره]

السلام عليكم ورحمة الله وبركاته

منذ فترة تم تعيين الدكتورة ماجدة نصر عميدا للكلية

وكان دا بعد فترة من مغادرة الدكتور محمود بكر للمكان وتوليه رئاسة قسم الكيمياء الطبية أسأل الله أن يبدع فيه كما تعودنا منه في الأمور العلمية بالذات

أدخل في الموضوع

فكرت في إيه؟؟

النبي صلي الله عليه وسلم بيقول:


(اللهم من ولي من أمر أمتي شيئاً فشق عليهم فشقق عليه، ومن ولي من أمر أمتي شيئاً فرفق بهم فارفق به)


أكيد إدارة الكلية كل فترة بتبص بصة علي المكان هنا

فليه متوجهش (حضرتك يعني) رسالة للإدارة الجديدة تحتوي علي رؤيتك اللي شايفها لأولويات شايف إنها محتاجة تتعدل في الكلية

نقطة شايف إنها محتاجة تتراعي ، الناس تاخد بالها منها

وهكذا

أظن الكلام واضح من غير تفصيل

بس رجاء

الكلام كله يكون في إطار طيب مبني علي ما هو معتاد من احترام بين الأعضاء خصوصا أنك بتوجه كلامك لأساتذتك في الكلية

وياريت الناس تشارك

وقبل ما تشارك تجدد نيتها لله عز وجل

وهحاول أشارككم قدر المستطاع

ودمتم في أمان الله

[متفائل]

بجد فكرة الموضوع جميلة جدا و طيبة

خصوصا إن احنا فى أول طريق الجودة و الاعتماد

و عايزيين نسرع حبتن تلاته عشان نلحق ننجز بسرعة

و دى طبعا مش مسئولية الإدارة لوحدتها و إنما كل فرد فى المنظومة عليه دور و عامل مهم

و أدى أول مشاركتين من خريجين 2009 و 2010

يلا بقى ورونا همتكم

و بالتوفيق بإذن الله

[A.Denewar]

بسم الله
اولا انا اعتقد ان كليتنا من احسن وافضل الكليات واكثرهم اجلالا لطلابها
ولذلك فمن الواجب علينا مساعدة الادارة علي النهوض بكليتنا اكتر واكتر حتي تخرج لنا ابناء محترمين مثقفين ملمين بالعلم مفيدين للاسلام وللمجتمع
ومن وجهة نظري المتواضعة

• ان يتم الاهتمام بالعملي اكثر يعني يتوافر الامثلة الواضحة في النبات مثلا
• وتوافر الsamples في الchemistrey
• الفارما نحقن بنفسنا وطبعا انا لسه في اولي فبعد شويتين هيكون عندي مطالب اكتر
• وياريت لو تكرم الدكاترة لو يأكدوا علي المعيدين في المعامل الاهتمام والرفق بالطلبة لان للاسف هناك بعض المعيدين كانوا يجعلوا طالب واحد اللي يعمل التفاعل وكفاية علي كده وطبعا كانت معاناة في الامتحان لاننا مش عارفين شكل ورائحة الناتج ويخرجونا في نصف الوقت
• الارتباط بين العملي والنظري الي اكبر حد ممكن
• الاعتماد علي التمتع بالمادة العلمية والعقل وليس الحفظ دون الخروج باي جدوي من المادة العلمية
• الاهتمام بالمدرج وتشغيل التكييف ارجوكمpleaaaaaaaaaaaaaaaase ووقوف الحارس لترتيب الدخول لاني حضرت محاضرات ليست بالقليلة واقفة علي قدمي
• تقبل عرض ارائنا بجدول الدراسة والامتحاناتpleaaaaaaaaaaaaaaaaaaase
• واخيرا منحنا الفرص للترشيح وانتخاب امين اتحادنا الذي هو صوتنا

_اسفة علي الاطالة وارجوكم ان تاخذوا كلامي علي الرحب والسعة وما نحن الا ابنائكم وما تزرعوه اليوم تحصدوه غدا ابناء صالحين مفيدين للاسلام والمجتمع

[Dr/HULK]

يتعمل كولديرات عشان منبقاش مشردين لما نروح نشرب

باقى على الدراسة 20 يوم تقريبا والجوهرى كان قايل ان كله هيبقى تمام

لكن لما رحت الكلية مشفتش ازازة مية ساقعة حتى

الشغل كله مازال على الاسانسيرات

[N00R EL _SHAMS]

بسم الله

انا مش بعرف ارتب الكلام كويس لكن هتكلم بطريقه عاميه شويه

اولا الف مبروك للدكتوره ماجده ع المنصب الجديد وربنا يكرمها يارب

بالنسبه بقى لطلبتنا

هى مش كتير هى طلبات بسيطه خالص

بالنسبه للمدرجات

جميل جدا ان فيها تكييف بس مع الاسف مش بيتفتح الا فى محاضرات مخصصه بس ولداتره معينين

قبل ما الدكتور يدخل بربع ساعه يكون شغال وتمام وبعد كده يتقفل وانا بعتبر ده عدم احترام للدكتور

الى جاى بعد كده دا غير عدم مراعاة الحر الى بنكون فيه


بالنسبه للسكاشن

رجاااااااااء ثم رجااااااااااء ثم رجاااااااااااء من الاداره الجديده انها تقلل العدد شويه فى السكاشن والله
ه
يا جماعه احنا بنعانى معاناه بنقعد فى سكشن ياخد 100بالكتير اوى تلاقينا200 دا غير الزيادات الى بتيجى من سكاشن تانيه !وخاصه سكاشن العقاقير

وكمان العضويه انا تقريبا مشتغلتش ولا تجربه فى السنه الى فاتت فى العضويه بسبب العدد الجروب

الطبيعى بيكون من 5 احنا كنا بنشتغل 12 مع بعض لو نفخنا فى التجربه هتتعمل لوحدها بس يالا

احنا خلصنا العضويه خالص

وياريت الميكروسكوبات تكون كتير وكويسه احنا مكناش بناخد حقنا خالص فى المعامل الغريب ان

السكاشن الى فى الاول اعدادهم معقوله وكويسه وبيستغربوا ازاى احنا مش بشتغل ولا حتى

الدكاتره بتقدر تاخد بالها مننا وطبعا ليهم العذر فى التتار الى بيكون فى المعمل بتتظلم جامد جدا


معلش انا افضت شويه فى الحته الى فاتت دى بس بجد دى معاناه بالنسبه لينا .

وياريت الاداره كمان تخلى المعيدين حنيين معانا شويه وخاصه قسم الصيدلنيات بجد المعامله مش كويسه اطلاقا

انا بخاف انى احتك بيهم او اسالهم اى سؤال منعا لاحراجى .

حاجه كمان نرجو انها تتتنفذ فى المعامل ان يكون فيها كراسى لاننا بجد بنتعب اوى اوى من الوقوف لان مدة السكاشن بتكون كبيره اوى

وحاجه كمان بس اعتقد دى ممكن تكون صعبه شويه على الاداره اننا بنتاخر اوى فى السكاشن بتكون بالليل بس مش مهم دى لانهم مش بايديهم حاجه يعملوها.


بالنسبه بقىw.c
نفسى افهم هى ليه مقفوله على طول !مفيش غير واحد الى فى الدور الارضى والباقى مقفول او خاص باعضاء هيئة التدريس ليــــــــــــــه امال هى معموله لايه !

وكمان الكولديرات

والله بنعانى بسبب الميه دى وخاصه ايام الامتحانات ومش دايما بنلاقى فى السنتر ميه ساقعه

ياريت رجاءا يتعمل لو


حتى اتنين احنا مش طماعين بس الميه تكون ساقعه اهم حاجه .

كفايه طلبات لحد كده زمايلى يبقوا يدخلوا يكملوا بقى.

شكرااعلى عرض التوبيك واعطائنا الفرص اننا نقول طلباتنا

[Mohamed Al Gohary]

يتعمل كولديرات عشان منبقاش مشردين لما نروح نشرب

باقى على الدراسة 20 يوم تقريبا والجوهرى كان قايل ان كله هيبقى تمام

لكن لما رحت الكلية مشفتش ازازة مية ساقعة حتى

الشغل كله مازال على الاسانسيرات

والله العظيم الجوهري مش ساكت ولسه عند وعده .. وربنا يسهل ان شاء الله .. احنا في رمضان لسه ..

عارف يا محمد اكبر مشكله بواجهها في الموضوع ده ايه ؟؟
(( هيبوظوا ومش هيقعدوا اكتر من شهر والطلبه هتبوظهم ))

وانا بحاول الاقناع لدرجة ان قلت ان على مسئوليتي الطلاب هيحافظوا عليها .. ادعيلي انت بس يا محمد اللى بسع له يتحقق وانت هتنبسط اوى

انا عاوز من الاداره الجديده حاجتين ..

الاهتمام بدورات المياه والاهتمام بالمعامل ..

[Messi]

وانا عايز من الاداره الجديده انها تتواصل معانا علي المنتدي من حين لاخر

عشان احنا الرسمي

[AbU ElKhAiR-Let`s Go]

أما أروح بأه أجهز قائمة الطلبات وأرجع


لأنه بجد موضوع جمييييييييييييييل جدا



وعايز دراسه كويسه

وتفكير شويه

[AbU ElKhAiR-Let`s Go]

السلام عليكم ورحمة الله وبركاته


طبعا أنا قعدت فكرت شويه


ولقيت نفسى الحاجات تتعمل فى الكليه

*1* اعاده النظر فى جميع المقررات التى يتم دراستها للطلاب
والعمل على مسايرتها لأحدث الاكتشافات والابتكارات العالميه
وكذلك الاهتمام بأساسيات كل علم

*2*الربط الكامل بين مايتم دراسته فى النظرى وما يتم تطبيقه فى العملى
*3*الاهتمام بالعملى والتركيز عليه واعطائه الوقت الكافى
*4*العمل على تطوير المعامل وتزويدها بكافه الأدوات والمواد المطلوبه
وكذلك تزويدها بالأجهزة الحديثه مع اشراك الأسر الطلابيه فى ذلك
*5*العمل على تنظيم أعداد الطلاب فى السكاشن والمحاضرات مع الاخذ فى الاعتبار سعة المعامل والمدرجات والأهم من ذلك قدرة المعيدين أو الأساتذه على متابعه هذا العديد وقدرتهم على تلبيه رغباته والرد على الأسئله والاستفسارات
*6*تطوير المدرجات والاهتمام بها وتواجد الأمن على أبواب على الدرجات لتنظيم الدخول والخروج (وان كان ده دور الطلبه المفروض هما يعملوا كده لواحدهم )
*7*الاهتمام بالمذكرات والكتب والعمل على جعلها مرجع قيم للطلبه دون خلل أو حشو أو نقص
*8*العمل على تقليل الكورسات والحد منها وذلك عن طريق معاقبه أى من المعيدين أو الأساتذه الذين يثبت عليهم ذلك
وكذلك معاقبه الخريجين الذى يقومون باعطاء كورسات وذلك عن طريق النقابه أو بأى وسيله أخرى
*9*تحديد زى معين لأعضاء هيئة التدريس من الأساتذه والمعيدين و ......وكذلك للعمال وأيضا للطلبه والموظيفن
بالطبع ده مش لمجر الشكل الجمالى بس لأ طبعا
دا المفروض يكون من السمات الاجتماعيه ان كل مهنه يكون لها زى معين خصوصا فى أوقات العمل
*10*العمل على توطيد العلاقه بين الأساتذه والطلبه وقد يتثنى ذلك عن طريق عمل مجاضره أو ندوه أسبوعيه أو شهريه لأحد أعضاء هيئة التدريس يتحدث فيها عن تجربه يود أن ينقلها أو يخاطبهم عن أحدث الاكتشافات العلميه أو التجارب البحثيه
أو يتحدثون عن أحوال الكليه
*11*العمل على انشاء معمل بحثى مجهز بكافه الأجهزه والتقنيات الحديثه والأدوات المجهزه على أن يكون جاهزا لأى عضومن أعضاء هيئه التدريس ممن لديهم موضوعات بحثيه أو تجارب جديده

[محمد غريب]

*8*العمل على تقليل الكورسات والحد منها وذلك عن طريق معاقبه أى من المعيدين أو الأساتذه الذين يثبت عليهم ذلك
(الله ينور عليك يا محمود)