إزاى نحب كليتنا ؟؟

[الفراشة الرقيقة]

فى رأيك ؟ إزاى نحب كليتنا ؟ أو إيه اللى نفسك يتعمل فى كليتنا علشان تبقى جميلة فى نظرنا ؟إمتى هنقول كليتنا مفيش أحسن منها ؟ إمتى مش هنضايق من العضوية و التحليلية و العقاقير و الفارما ؟ إمتى هنحب المواد اللى بناخدها ؟ تفتكروا إمتى ؟؟؟؟؟؟

[NonY]

مبدئيا انا ممكن أحب الكلية كمكان
لو اتحققت فيها الحاجات اللى قلنا عليها قبل كدة
لأنها هتبأة أريح وألطف كتير

حبيت المكان ..
نشوف بأة المواد

هحب الكلية لو العقاقير اتلغت
و حفظ الstructures قل للنص
و شغل العملى بأة ممتع و له معنى

و المعيدين و الدكاترة بقوا لطاف ( دى كفاية )
و شرحهم حلو

و بقينا بناخد معلومات مفيدة فى الحياة .. تخلينى عايزة أعرفها
و تخلينى مميزة عن اللى مش معايا فى الكلية

من الاخر عايزة أحس انى مرتاحة فى الكلية .. و فخورة بيها

أكيد هحبها

[*محبة رسول الله*]

أنا بقى مش عاوزة حاجه عشان أحبها

لأنى أصلا بحبها كده زى ما هيه بحلوها ومرها

بس نفسى العقاقير دى تتلغى بقى أو يحرقوها

مادة بشعة
يعنى هى دى أرخم مادة قابلتها لحد دلوقتى

ربنا ييسرلنا جميعا ان شاء الله

[NonY]

أيوة كدة يا هالة : )

عايزين كلنا نتفق على الغاء العقاقير

[Hope1]

لأاااااااااااااااااااااااااااااا

كله الا العقاقير

انتو عارفين معزتها عندي أد ايه

[NonY]

امنية متخلينيش أأ ...













أطـــــــــق

[Dr\Emy]

في البداية شغل العملي بتاع الكلية بتاعتنا ممتع
لذلك انا نفسي ان العملي بتاع الكلية بتاعنا يبقي اكتر بالاخص مادة الصيدلانيات
بتحسسني اني انا دكتورة بجدعشان بنحضر ادوية
وبعدين هي مادة ممتعة جداوفعلا دي اكتر مادة بحبها
وبعدين كليتنا تحفة بجد جميلة جدااااااااااااااا وممتعة

[مهداه]

بجد الكليه حلوه
بس الضغط اللى علينا ايام الامتحانات هو اللى بيخلينا نزهق ونمل

امنية متخلينيش أأ ...



أطـــــــــق

سلامتك يا حبيبتى
انا معاكوا برضه
يا ريت يلغوا العكاكير دى
ومعاها 5
6
اقسام فوق البيعه
ياااااااااااه
حلم عمرى

[Amira]

رأيي ان كليتنا مش وحشه....واذا كانت المواد معقده شويه فى نظرنا فده لان احنا اللى بنكره نفسنا فيها
يمكن فعلا الماده تبقى صعبه لكن لو كل واحد اقنع نفسه انها مهمه بالنسباله واقنع نفسه انه يحبها ...هيحبها ويفهمها يمكن المشكله اللى فى المواد هى نظام الحفظ ودى مش من المواد نفسها دى من النظام بتاع الدراسه عامةً...وبدأ يتغير على فكره الامتحانات معدتش رص كلام زى الاول .....حتى فى العقاقير

وبعدين انتوا بتكرهوا العقاقير ليييييه؟؟؟ العضويه أولى بالكراهيه

واذا كان فى شويه حاجات ناقصه فى الكليه فأكيد كلنا شايفين التغيير اللى بيحصل

رأيي ان كليتنا من احسن الكليات وان كان فيها بعض المشاكل فأكيد هتتحل آجلاً أم عاجلاً

[Hope1]

امنية متخلينيش أأ ...
أطـــــــــق

نورا حبيبتي بعد الشر عليكي ليه كده ؟؟؟!!!
فرصة و الله في الاجازة نعمل موضوع لماذا نكره العئائير همخمخ فيه و أعمله ان شاء الله
أصل في مواد أغلس منها بكتيييييييييييييير بس ملهاش شعبية العئائير