أخر قطعة بازل !!

[RASHAD_RESALA]

فى الركن اليمين لفوق

رسمت لون بنى محروق

لون شعرها .. زى شجرة واقفة فى ربيع الشوق

نزلت لتحت مربعين

لقيت اجمل عين

بلون ازرق ملوش مثيل

ولا فى اى بنت بتحب التمثيل

كمان مربعين لأسفل

خدود ورد و يمكن اجمل

مستحيل اسيبهم و ارحل

و كمان مربعين جنب بعض

مربعين راسمين شفايف

و انا فى القرب منهم خايف

يمكن لمسة منهم لقلبى

تخلينى فى ساحة المحكمة واقف

بطلب من القاضى تحديد المواقف

يرد القاضى طلبك مرفوض

و دى اخر قطعة بازل فى حكاية

كانت نهايتها معروفة من البداية

بس طويت الصورة فى جيبى

و كتبت عليها حروف اسمها جنب حبيبى
__________________

[sweet nona]

بجد جميلة قوى وفكرتها لذيذة وجديدة

[chocolata]

الله جميله اوى يادكتور رشاد تسلم ايديك بجد
اسلوبها حلو
وكلامها بسيط اوى وكانه حكايه مش قصيدة
ومفيش مبالغه فى العاطفه ولا خيال واسع المدى
واقعيه وكانك بتوصف حد موجود ادامك فى الواقع
تشبيه الوصف او لوجه الوجه للشخص دا بالبازل عجبنى جدا
لانه تعبير مبتكر (ده من وجهه نظرى )

[بسطامى]

جميلة أوى

[RASHAD_RESALA]

شكرا ليكم ع الردود الجميلة دى ..

[Messi]

Bravooooooooo Ya Dr.rashad

[M.32L]

جميله جداا يادكتور
تحياتى لحضرتك

[novae]

[sunflower]

والله رووووووووووووووووووووووووعة

[dr moory]