**الأفلام هل هى فن راقى أم هى جريمه يجب أن يعاقب مرتكبوها؟؟**

[AbU ElKhAiR-Let`s Go]

الأفلام هل هى فن جميل راقى مفيد

أم

هى جريمه ومصيبه تفتك بالمجتمع وتأخذه الى الهاويه

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

سؤال

أظنه غريب لكنه واقعى ومنطقى

خاصة

فى ظل هذ الظروف التى تحيط بنا

من انتشار مخيف للجرائم وارتفاع لنسبه العنف وزياده بشاعة الجرائم وتعدد أساليبها
وانحطاط أخلاقى وفكرى رهيب وتفكك أسرى مريب وشرذمه مجتمعه لا تعرف لها أصلا
ولا تعرف عنها أى شئ سوى ان الناس أصبحت لا تطيق ان تنظر فى وجوه بعضها البعض
الا بالكأبه والضيق وان تبسم شخص فهو يسخر من الأاخرين

فى ظل ذلك كلنا علينا جميعا أن ننظر الى هذا الشئ الذى يدخل كل البيوت شئنا أم أبينا
علينا أن نعرف هل هو بالفعل فن راقى ومصدر لنمو الوعى وزيادة الأنسان
أم هو مصدر البلوى
والمصائب التى حلت بهذا المجتمع
قد أكون أختصرت أسباب هذه المشاكل فى سبب واحد بالطبع ليس هو الوحيد
لكنه فى النهايه سبب من أهم الأسباب
على الأقل هو سبب لانتشار العنف والجرائم وهذا ما اعترف لص بعد توبته حيث قال انه قرر أن يقوم بالسرقه حينما شاهد فيلما وقرر أن يصبح مثل بطله
وايضا أظن أننا جميعا أو أغلبنا سمع عن حادث السرقه الذى قال عنه مرتكبوه أنهم كان يقلدون فيلما
ويظنون ان سيستطيعون الهرب كما استطاع بطل الفيلم
بالطبع قد ير البعض ويقول أن هذه واقائع فرديه لا يجب تعميمها لكننا ان قمنا بتفحص أغلب الجرائم التى وقعت فى الفتره الأخيره سنجد أن أغلبها
له قصه مماثله فى فيلم أو مسلسل أو غيره

لكنى أود أن أعرف أراء حضراتكم فى هذه الأفلام هل هى بالفعل فن جميل يبنى ولا يهدم يضيف ولا ينقص
يوسع مدارك الناس ويزيد وعيهم أم هى جرائم بل هى من أبشع الجرائم لأنها بدورها نشر الفضائح والجرائم البشعه

؟؟؟؟؟؟؟؟؟؟؟؟؟؟؟

[N00R EL _SHAMS]

موضوع مهم ......
فعلا الافلام سبب فى مشكلات كتير بنواجهها فى الوقت الحالى
وهى سبب فى ضياع كتير من الشباب بل والاطفال كمان
بسبب العنف الفظيع الى بتحويه هذه الافلام
والى بتخلى اى شاب بيشوفها يحاول يقلد ابطالها
فى كل شئ فـ جرايمه ....فـ كلامه ....حتى فـ لبسه وتسريحة شعره !!
مش بس افلام الاكشن لأ والافلام الرومانسيه كمان
دى اخطر نوع من انواع الافلام والى بستغربه جدا ازاى
ابطال الافلام دى مش بيتعرضوا للمسائله القانونيه!!!!
لا دا بالعكس بيكرموهم
فى بيت شعر سمعته مره فى فلم بينطبق عليهم
على اد ماتبقى حقير ...يحتفل العالم بيك... يكسيك شهادات تقدير

انا عن نفسى بتفرج ع الافلام للاسف بس الافلام المسليه الكومديه
او اى افلام بس تكون محترمه .....
وزى ما حضرتك قلت كمان الالعاب بتساهم شويه فى العنف
بس برده مش لدرجة الافلام

شكرا جزيلا .................

[pharmacistina]

موضوع رائع أشكرك أولا عليه ..


فعلا كنت أفكر في هذا الموضوع منذ الأمس تقريبا , عندما مر على بالصدفة برنامح اسمه ( بدون رقابة ) تستضيف فيه المذيعة مجموعة من الأطفال المبدعين ..

تركت البرنامج لأني كنت أنتظر ( محمود أو مودي ) الطفل المصري ذو الـ 11 سنة و الذي هو أذكة طفل بالعالم ..

وجدت المذيعة قدمت قبل مودي مجموعة أخرى من الأطفال ..

كان منهم طفلين بارعين بالغناء , و طفلة بارعة بالرقص الشرقي !!!


للأسف الشديد ..

مجتمعنا أصبح يسمي الأشياء في عير مواضعها ..

تسمية أفلام عصرنا بأنها فن يقبح معنى الفن و الله ..

أنا أحب الرسم و العزف , لأنهما من صور الفن ولا يتعارضان مع الجانب الأخلاقي ..

أما الأفلام بما فيها من أشياء خليعة فلا أحبها ولا أعتبرها فنا

لأن الفن شيء جميل يجب ألا يقبل الا فكرة جميلة ..

[dr/noony]

للاسف الشديد اصبحت جريمة
مش حاسة ان فى افلام كويسة بتناقش قضايا مهمة
والله حتى المسلسلات وطبعا الموسم رمضان بقى فى الصيف
والممثلات بجد over قوى فى لبسهم مفيش احترام لحرمة الشهر الكريم
الحمد لله بقالى رمضانين مقاطعة المسلسلات
الفيلم الوحيد اللى عجبنى مأخرا كان الف مبروك لاحمد حلمى
الفيلم محترم جدا وفيه فكرة هى ان الموت هو الحقيقة الوحيدة فى حياتنا
و مهما غيرت الواقع فى الاخر هتموت فالاحسن انك تغيره للافضل وتنسى الانانية
وتحسن لغيرك .......................

[M.tal3t]

أنا بحب الأفلام الوثائقية أكتر ( مختصرة ومركزة المعلومات ومدعومه بالأمثله ) أما الأفلام العربية مضيعه للوقت .

mt-

[الجنة مرادى]

للأسف الشديد وبكل المقاييس


جريمة يجب ان يعاقب مرتكبوها


مضيعة للوقت


مخالفة واضحة لشرع الله


وان كان بعض الأفلام دلوقتى وخاصة المصرية بتناقش قضايا مهمة


بس أعمل انا ايه بفيلم فيه نساء مش بالحجاب الشرعى وممكن بكونوا


بلبس خليع كمان ويقولك بيناقش قضية مهمة


والشباب بنات وصبيان يتعلقوا بأبطال الفيلم ويتخذوه قدوة ليهم


وتلاقى البنت معلقة البوستر بتاع البطل فى أودتها أو حاطة صورته على موبايلها


طبعا دا اسمه ضحك على العقول فى ميت ألف طريقة ممكن نناقش بيها القضايا المهمة دى


وبدون خروج عن الدين والأخلاق ونفس الكلام بالنسبة للألعاب واللى بتعمله


فى عقول الشباب وبتخرجه عن الواقع اللى هو عايش فيه وبتنسيه مهمته الأساسية فى الحياة


انا مش ضد الألعاب بس ممكن تكون فى وقت ترفيه مش طول اليوم قاعد على اللعبة وممكن يضيع


الصلوات ويعوق والديه بسببها


أعتذر عن الإطالة لكن دى فعلا وجهة نظرى


وجزاكم الله خيرا على طرح الموضوع المهم دا

[pharmacistina]

والممثلات بجد over قوى فى لبسهم مفيش احترام لحرمة الشهر الكريم

ربنا يثبتك ياااارب


اوعوا يا جماعة تقضوا الشهر في مشاهدة الهراء دة

تهريج , ييجوا يشدوا حيلهم في شهر رمضان , بجاحة و الله

رمضان يا ناس بقى موسم التليفزيون و المسلسلات ؟؟؟!!!!!!!

أنا أصلا معدتش بحب التليفزيون غير بس الأخبار أو البرامج زي العاشرة مساءا لأنها بتجيب فضايحنا في مصر ,

و طبعا مازلت بحب الكارتون جدااا , يمكن لأنه بيفكرني بطفولتي الهادئة ..

عايزين نعمل موضوع توعية عشان موضوع المسلسلات في رمضان ..

أصلا احنا بلاد العرب نعظم الممثلين و الراقصين و لاعبي كرة القدم ولا نكرم العلماء ,

ماذا نقول ..!!

[Ramy Saad]

ماذا نقول ..!!

اللهم أجرنا في مصيتنا واخلف لنا خيرا منها





الأفلام الموجودة دلوقتي ديه قتلت الأخلاق وذبحت الحياء وشنقت الفضيلة وقضت على الأدب وحاربت العفة وأودت بحياة الأمانة

وذهبت بالمجتمع بتاعنا إلى الهاوية

[NeScaFE]

والله مش كل الافلام زى بعضها ... زى ما فى افلام هدامة فى افلام بناءة بس دى وللاسف بقت قليلة

اوى حتى المهتمين بيها هم قلة من الناس .. لكن بصفة عامة الافلام الموجودة دلوقتى بجد ساعدت

فى انحراف شباب كتير وضياع ناس كتير مش بس عشان قلة الدين والحياء اللى فيها ده كمان انها

ولدت العنف فيهم ومن هنا كترت الجرايم ..برده العنف فى الافلام ده موجود من ايام الحروب فى الافلام

القديمة .. كمان هديكم مثل ( مسرحية مدرسة المشاغبين ) اناعتقدان اى قلة ادب او خروج عنه

ظهرت الا بعد اداء المسرحية دى حتى لو كان فى النهاية المغزى كويس منها بس الناس مش بتهتم

بالنهاية لان اللى بيتفرج على حاجة بينطبع جواه المشاهد والادوار مش بيعد يفكر ايه الهدف منها

فى النهاية صوابعك مش زى بعضها بس دلوقتى صوابعك كلها بقت زى بعضها فيما يتعلق بالافلام

او زى ما بيدعوا الفن الراقى

[AbU ElKhAiR-Let`s Go]

أولا :

شكرا لحضراتكم على الردود الجميله

ثانيا :

على اد ماتبقى حقير ...يحتفل العالم بيك... يكسيك شهادات تقدير

للأسف أصبح التافه هو النجم والحقير هو البطل والفاسق هو الصالح المرشد

انا عن نفسى بتفرج ع الافلام للاسف بس الافلام المسليه الكومديه
او اى افلام بس تكون محترمه .....

للأسف يادكتوره لو قعدتى تدورى على فيلم واحد محترم يبقى مش هتلاقى
اللهم الا بعض الأفلام الوثائقيه

و طفلة بارعة بالرقص الشرقي

أااااه فعلا تحتاج الى التكريم والاستضافه بحفاوه
واااااأسفاه على مجتمعنا

مفيش احترام لحرمة الشهر الكريم

وهل رب رمضان ليس ربا لبقية الشهور
للأسف الناس دى ما بتحترمش أى حاجه
لا دين ولا أخلاق ولا عادات ولا تقاليد
ولا تنظر لأى عواقب قد تنجم عن تلك السخافات

الفيلم محترم جدا وفيه فكرة

وان كان بعض الأفلام دلوقتى وخاصة المصرية بتناقش قضايا مهمة

يا دكتوره ما فيش حاجه من غير فكره وغالبا وليس دائما ما تكون الفكره جيده
لكن تختلف طريقة تقديمها وبحسب طريقة التقديم نقيم الفكره لان الفكره فى حد ذاتها ليس لها اى قيمه
بل تظهر قيمتها عند تقديمها ومن ثم تطبيقها على أرض الواقع
واعتراضى على الطريقه التى تقدم بها الأفكار التى تحويها تلك الأفلام
قد تكون الفكره التى يستهدفها الفيلم فكره رائعه ولكن تكون عواقبه سيئه جدا

أعتذر عن الإطالة لكن دى فعلا وجهة نظرى

لا داعى للاعتذار فحضرتك نورتينا وهذا بيتك
وأنا احترم وجهات النظر حتى لو كنت مختلف معها
لكنى متفق مع حضرتك تماما

ماذا نقول ..!!

نقول لا حول ولا قوة الا بالله العلى العظيم

الأفلام الموجودة دلوقتي

أنا شخصيا أرى أنها ليست الأفلام الموجوده حاليا فقط
بل الموجوده حاليا وبعض الأفلام القديمه أيضا

زى ما فى افلام هدامة فى افلام بناءة بس دى وللاسف بقت قليلة

ان كان هناك فيلما يبنى شيئا فهو يهدم ألف شئ

شكرا جزيلا .................

موضوع رائع أشكرك أولا عليه ..

وجزاكم الله خيرا على طرح الموضوع المهم دا

وجزاكم الله خيرا