المساعد الشخصي الرقمي

مشاهدة النسخة كاملة : يوميات صيدلي في سنة أولى شغل


الصفحات : 1 [2]

mr_toxic
03-01-2011, 02:46 AM
من يومين فى الصيدلية شفت تركيبة جاية من مركز عيون

الدكتور عايزنا ننطحن حبيتين نيزورال أقراص فى قطرة مش فاكر هى ايه و كاتب فى ظروف معقمة

حد يقولى تيجى ازاى

-----

حاجة تانية جالى واحد ياخد شريط رينو برو كبسولات بالإضافى لعلبة نوفا سى

صراحة استغرب و مكنتش فى زباين تانية فقلت أدردش مع الشاب ده فقلته هو لنفس المريض

قالى اه قلتله طب الضغط طبيعى قالى لأ تقريبا فى علاج ضغط

فنبهته إن الأنواع دى ممنوع استخدامها فى حالات الضغط

و دا فكرنى بروشتة أنف و أذن و كان فيها الرينو برو كبسول و بعد ما طلعت الروشتة لقيت المريضة بيقولى دا أنا نسيت أقول للدكتور إن عندى الضغط و فى تضخم فى عضلة القلب

طبعا قلتلها الدكتور لازم هيغير العلاج و فعلا كلمته و قالى طلع تلفاست 120 مكانه

كان نفسى كمان يغير النقط خوفا من أى تأثي systemic ليها

اللى خلصت ليه من المواقف دى و غيرها إننا لازم نكلم مع المريض أو على الأقل نديله الفرصة يكلم


و ربنا يستر على صحة الشعب المصرى



السلام عليكم

IT HAS BEEN long time since last time i post in this fabulous forum


about nizoral- ketoconazol

i think this patient suffering from blepharitis

sever inflamation of eyelid

but i think the doctor mean to apply nizoral as washing for eye lid

as it can not be applied directly into the eye

-and more - it is in tablet form may has preservative tht is not compatible with eye
also eye prepration must be with certain PH

AND
any prepration must has refrence

sp. eye prepration

and must be under uv or laminar on the hood

thx

محمد سمير
03-01-2011, 02:47 AM
السلام عليكم ورحمة الله وبركاته
امال فين الرقابه والكوالتي كنترول المفروض ان في رقابه من وزارة الصحه علي كده ونسب معينه مسموح بيها ولا كل ده كالعاده كلام نظري ندرسه وتطلع عنينا ف حفظه وبعد مانتخرج ونشتغل مانلاقيش منه حاجه
الله المستعان

وعليكم السلام ورحمة الله وبركاته

ايوه للاسف هو كلام نظرى وعلى الورق

منى
04-01-2011, 10:42 PM
جزاكم الله خيرا يا دكاتره
أنا اللي استغربت بسببه
إنه مجرد... ماء غريب !!!
ربنا يصلح الأحوال !

pharmacistina
05-01-2011, 12:29 PM
رأيي الجديد في موضوع البدائل


أنا لو تفتكروا يا جماعة , زمان كنت عاملة موضوع عن البدائل الدوائية

كنت بقول البدائل نفس المادة الفعالة و عادي كلهم زي بعض


دلوقت لما نزلت السوق بقول بصدق , لأن أنا كنت غلطانة

فعلا في اختلاف في الفاعلية لذلك لاااا يمكن أصرف بديل الا اذا كانت الحالة فعلا مستدعية كدة


يعني لسة امبارح واحدة كان مكتوبلها Epifassi injection , مفيش و ناقصة خالص و برضاها و بموافقة الطبيب المعالج ليها طلعت Pregnyl لأن مفيش خيار تاني


لكن فعلا في أدوية كويسة و في أدوية مش كويسة

أنا واحدة من الناس كنت تعبانة أخدت قرص ماركوفين Marcofen 400 ولا كأني خدت حاجة رغم انه انتاج جلاكسو

و كنت قبل كدة لما آخد قرص بروفين Brufen 400 بخف في ثواني من نفس التعب

مع ان كلاهما Ibuprofen لكن في فرق بجد أنا حسيته

محمد سمير
05-01-2011, 07:05 PM
جزاكم الله خيرا يا دكاتره

أنا اللي استغربت بسببه
إنه مجرد... ماء غريب !!!

وده العادى من بنك مصر

ربنا يصلح الأحوال !



يــــــــــــــــــارب

Sara Naeem
07-01-2011, 05:24 PM
ياجماعة حد اشتغل فى شركة ادوية يحكى تجربته

pharmacistina
11-01-2011, 12:54 PM
الملل و الروتين


ايه احساسكم بعد أربع شهور شغل أو خمسة ؟؟؟

الروتين بشع بصراحة بيكره الواحد في كل حاجة

pharmacistina
11-01-2011, 10:22 PM
المثرجين Methergin بعد الولادة


المثرجين عبارة عن مشتق من مشتقات أحد القلويدات المستخلصة الـ Ergot

على ما أذكر اننا في سنة ثالثة صيدلة طلبوا مننا كل واحد يجيب أمبول مثرجين عشان نشتغل عليهم العملي , كان بيدي لون بنفسجي كدة ( الواحد شاطر أهو )


المهم استخدام من استخدامات الارجوت على ما أذكر قلويد الـ ergometrine أنه بيقلل الـ Post partum bleeding


الحتة دي د- سحر جدارة كانت شارحاها برده في سنة تانية في جزء الـ Herb و طبعا د- عطا الله في سنة ثالثة شرح الألكالويد كلها و منها بتوع الارجوت , ربنا يكرم أساتذتنا ياااارب


لذلك تلاقوا جميع روشتات النسا فيما بعد الولادة فيها مثرجين , و عرفنا عشان يقلل شوية النزيف عند الأم بعد الولادة


اللي عايزة أقوله انه في عميل جالنا الصيدلية لفت نظري لأنه نشرة المثرجين مكتوب فيها تحذير عن تعاطي المثرجين أثناء الرضاعة الطبيعية ,

فتحت النشرة لقيت كلامه صحيح , بحترم أنا العيان المثقف اللي بيدور كدة و يسأل و يطمن

رجعتله المثرجين ( رغم ان الطبيب المعالج هو اللي كاتبه )


ليه يا جماعة المثرجين بيصرف اذا كان ثابت عليه حدوث تسمم للأطفال أخدوا لبن الأم اللي بتاخد مثرجين بعد ولادتها ليهم

؟؟؟؟

بسأل زميلتي قالت لي احنا نصرف الموجود مش معقول كل الدكاترة دول غلط , مبحبش الردود السلبية دي

جيت هنا أعرض الموضوع عشان عايزة أسمع آراء علمية و أتعلم و أعرف الصح

المثرجين بيوقف النزيف ما بعد الولادة ماشي , بس في الحالة دي المفروض الأم تمنع الرضاعة الطبيعية و تدي لبن صناعي زي أبتاميل و يبيلاك أو بيوميل أو فرانس ليه الخ ... من الألبان الصناعية اللي في تركيبها زي لبن الأم بالضبط


لماذا نضرب بالعلم عرض الحائط و نمشي بناء على بركة دعاء الوالدين و دعوة حلوة ( الهي يكفيك شر المثرجين انتي و الطفل ) و ندي للأم اللي بترضع طبيعي مثرجين و نخليها تستمر , الطفل يتسمم ولا يتعب أو يحصله حاجات وحشة لما يكبر مش مشكلة عادي :hi:

ولا يمكن النونو المصري طالع جامد و جاهز للسمية ؟؟ :fop (18):


كمان عايزة أسألكم , أنا العميل اللي رجعلي المثرجين اديته K - viton قلت مهو فيتامين K أو الـ phytomenadione بيوقف النزيف برده و أهو فيتامين يعني لو مفادش مش هيضر و لو استخلص في اللبن برده فيتامين مش هيضر النونو

فيدوني يا جماعة اللي يعرف ,

جزاكم الله خيرا

Amira Said
12-01-2011, 10:46 AM
نسأل أهل العلم يا منى، دكتور نسا وتوليد او أحد الزملاء في طب، يمكن الموضوع له أبعاد تانية لها علاقة بالجرعة مثلا


الهي يكفيك شر المثرجين انتي و الطفل

:fopl00l: :fopl00l: :fopl00l:

m_pharmacist89
12-01-2011, 01:39 PM
Methergine for nursing mothers:-

Methergine® (methylergonovine maleate) may be administered orally for a maximum of 1 week postpartum to control uterine bleeding. Recommended dosage is 1 tablet (0.2 mg) 3 or 4 times daily. At this dosage level a small quantity of drug appears in mothers' milk. Caution should be exercised when Methergine is administered to a nursing woman.

Source
http://www.rxlist.com/methergine-drug.htm

وهنا زى ما الموقع قايل مجرد كمية صغيرة منه بتفرز فى لبن الام مع مراعاة الاحتياطات وفى رابط الموقع حضرتك هتلاقى كل حاجة عن الميثرجين بما فيها اعراض التسمم وكيفية علاجها

a_fouda2
12-01-2011, 02:14 PM
السلام عليكم ورحمة الله وبركاته
آسف على تطفلي عليكم :fopl00l:
اللي اعرفه ان استخدام الميثرجين افضل من فيتامين k
عشان الميثرجين بيعمل كونتراكشن للuterus و بالتالي يمنع النزيف
بس اول ما يبقى contracted معدش بيستخدم الميثرجين
عشان كده بيتكتب وبيبقى استخدامه في اول ساعتين بعد الولاده بس

و دي صورة ممكن توضح شوية

http://www.aurorahealthcare.org/healthgate/images/exh36327f_96472_1_cropped.jpeg
دعواتكم :)

Amira Said
12-01-2011, 04:57 PM
الصورة مش راضية تظهر عندي يا دكتور، مش عارفة المشكلة عندي بس ولا ايه

a_fouda2
12-01-2011, 05:47 PM
الصورة مش راضية تظهر عندي يا دكتور، مش عارفة المشكلة عندي بس ولا ايه


هي ظاهرة عندي عادي
على العموم انا رفعتها مرة تانية


http://img109.imageshack.us/img109/5672/exh36327f964721cropped.jpg


و ده لينك الصورة لو مش راضية نظهر برده
http://img109.imageshack.us/img109/5672/exh36327f964721cropped.jpg

محمد_على_سلام
12-01-2011, 09:47 PM
السلام عليكم ورحمة الله وبركاته

آسف على تطفلي عليكم :fopl00l:
اللي اعرفه ان استخدام الميثرجين افضل من فيتامين k
عشان الميثرجين بيعمل كونتراكشن للuterus و بالتالي يمنع النزيف
بس اول ما يبقى contracted معدش بيستخدم الميثرجين
عشان كده بيتكتب وبيبقى استخدامه في اول ساعتين بعد الولاده بس

و دي صورة ممكن توضح شوية

http://www.aurorahealthcare.org/healthgate/images/exh36327f_96472_1_cropped.jpeg
دعواتكم :)

ايه الحلاوة دى يا عبد الرحمن
الفيتو نفعتك اهيه:fopl00l:

Amira Said
13-01-2011, 02:14 PM
شكرا يا دكتور على المجهود،، الصورة ظهرت

a_fouda2
13-01-2011, 05:13 PM
ايه الحلاوة دى يا عبد الرحمن
الفيتو نفعتك اهيه:fopl00l:

فيتو ايه يا ابني دي
احنا بتوع الكلام ده برده :fopl00l:
انا سألت دكتورة نسا وهي اللي قالتلي :)



شكرا يا دكتور على المجهود،، الصورة ظهرت

العفو يا دكتورة :hi:

احمد شبند
13-01-2011, 07:49 PM
مجرد كمية صغيرة منه بتفرز فى لبن الام


تمام

وجت يعنى على السايد افكت بتاع دوت ما الادوية كلها مليانة :)






انا سألت دكتورة نسا وهي اللي قالتلي :)

:)

أظن أنا تأريبا عارف مين يا عبده :winfop:


:fop (29):

a_fouda2
13-01-2011, 10:58 PM
:)

أظن أنا تأريبا عارف مين يا عبده :winfop:

:fop (29):



حبيبي :fopl00l:

زى الهوا
24-01-2011, 12:32 AM
لو سمحتم ياجماعه لما بيجيلكو روشته مكتوب فيها أي دواء من أدوية الجدول والطبيب مش محدد مده للعلاج بتصرف للمريض شريط واحد ولا علبه ولو جالك بعد ما خلص اللي عنده وعايز تاني هتديله ولا لأ

محمد سمير
24-01-2011, 04:32 AM
لو سمحتم ياجماعه لما بيجيلكو روشته مكتوب فيها أي دواء من أدوية الجدول والطبيب مش محدد مده للعلاج بتصرف للمريض شريط واحد ولا علبه ولو جالك بعد ما خلص اللي عنده وعايز تاني هتديله ولا لأ

بسأل المريض الاستشاره هتكون امتى

وغالبا بتكون بعد اسبوع يعنى

ولو كان استخدام الدوا لمره واحده يوميا بديله شريط وبقول للمريض لما تروح للدكتور الاستشاره ابقى اسأله هل الدوا ده هيتكرر ولا لأ وامشى عليه لحد امتى

يارب اكون افدتك

زى الهوا
25-01-2011, 01:15 AM
شكرا علي الرد يادكتور بس في ناس بتيجي تطلب أدويه جدول زي زولام وكالميبام مثلا وبيكون معاهم روشته مكتوب فيها الدوا ويقولو انهم ماشيين عليه علطول فأنا بكون محتاره أصرفه ولا لأ بخاف أصرفه يكونو بيستخدموه لغرض وحش وأخاف مش أصرفه يبقي انا منعت علاج عن مريض وحرام عليا

محمد سمير
25-01-2011, 05:28 AM
شكرا علي الرد يادكتور بس في ناس بتيجي تطلب أدويه جدول زي زولام وكالميبام مثلا وبيكون معاهم روشته مكتوب فيها الدوا ويقولو انهم ماشيين عليه علطول فأنا بكون محتاره أصرفه ولا لأ بخاف أصرفه يكونو بيستخدموه لغرض وحش وأخاف مش أصرفه يبقي انا منعت علاج عن مريض وحرام عليا

لا طالما مكتوب اصرفيه

وانتى برضه ممكن تسألى المريض وتحسى من كلامه اذا كان عاوزه لهدف طبى ولا بياخده ادمان

pharmacistina
02-02-2011, 12:09 PM
ازيكم يا جماعة ؟؟

طمنونا عليكم

Amira Said
02-02-2011, 12:26 PM
ربنا يستر يا منى

سوزران
05-02-2011, 09:27 AM
ايه رأيكم فى الموقف ده يا جماعه ؟
مره واحد جالى الصيدليه عنده حساسيه جلديه مزمنه غير معروفة السبب المهم كان بياخد الديكساميثازون كل فتره وبيرتاح عليها..........وكان عاوزها فالدكتوره نصحته بالديبروفوس........المهم غاب علينا شويه ورجع ما كانش فى الشفت بتاعى .......فالاسستنت اداله الحقنه وحب يتفزلك فاداله معاها فلوكورال(فلوكونازول) مش عارفه على اى اساس واداله كمان شريط كلاريتين........ الظاهر الراجل عنده حساسيه شديده منها المهم لقيته داخل عليا النهارده الصبح عصبى وبيقول حرام عليكم انا ما نمتش طول الليل ومادام الاستاذ اللى واقف باليل ده ما بيعرفش يشخص بيدينى دوا غلط ليه انا طبعا حاولت اهديه على قد ما اقدر ورمالى الفلوكورال كان خد منه قرص وشريط الكلاريتين........وانا طبعا ما عرفتش ارد اقوله ايه؟
انا مش عارفه ممكن يكون الفلوكورال عامله حساسيه؟ولا ايه رايكم؟

pharmacistina
05-02-2011, 02:26 PM
انا مش عارفه ممكن يكون الفلوكورال عامله حساسيه؟ولا ايه رايكم؟


ممكن

وبعدين فلوكورال ليه , اللي أعرفه ان الفلوكورال مضاد فطري لعلاج التينيا مثلا ؟؟ هم اعتقدوا ان المشكلة الجلدية عبارة عن تينيا ؟؟

قولي لمدير الصيدلية يعطي أوامر بعدم تشخيص المساعدين و عدم افتاءهم عشان صحة الناس أولا ثم سمعة الصيدلية بتاعتكم

pharmacistina
19-02-2011, 12:32 PM
ازيكم يا صيادلة ؟؟

عساكم بخير و صحة و سعادة

عندي شحنة جميلة من النشاط و التفاؤل الحمد لله

و عندي فكرة لموضوع جديد هنقوم بيه - نحن الخريجون - هيكون مفيد جدا لنا و لغيرنا ان شاء الله


تحياتي

محمد سمير
19-02-2011, 04:30 PM
الحمد لله تمام

ربنا يزيدك نشاط وتفاؤل

ومنتظرين الفكره ولو اقدر اساعد باى حاجه هكون موجود باذن الله

..::ciZar_Resala::..
19-02-2011, 10:20 PM
ازيكم يا صيادلة ؟؟

عساكم بخير و صحة و سعادة

عندي شحنة جميلة من النشاط و التفاؤل الحمد لله

و عندي فكرة لموضوع جديد هنقوم بيه - نحن الخريجون - هيكون مفيد جدا لنا و لغيرنا ان شاء الله


تحياتي

إزيكم كلكم يا جماعة .. عودة بعد غياب طوييييييل .. :)



آخر زيارة لك كانت: 15-09-2010 الساعة 09:33 AM
أتمنى إنى أقدر أشارك معاكم .. و خصوصاً إنى الحمد لله اكتسبت خبرات و مهارات و قدرات لا بأس بها طوال مدة عمل شهرين و نص بالظبط .. بالإضافة إلى شهر كامل من التدريب النظرى و العملى :) .. إن شاء الله أقدر أفيدكوا

دمتم فى خير إن شاء الله :)

Amira Said
19-02-2011, 11:22 PM
منى، اطرحي الفكرة بسررررررررررعة :) استغلي التفاؤل ده

اتفضل يا د/ياسر ده شيء يسعدنا ان شاء الله

pharmacistina
21-02-2011, 01:16 PM
مرحبا بتواجدكم د- محمد سمير , د- ياسر , دكتورتنا العزيزة أميرة


الفكرة اللي كنت عايزة أعملها هي بعنوان ( موضوعات لم أدرسها - صيادلة 2010 )

كلنا عارفين ان مناهجنا قديمة و لم يتم تحديثها من زمان

السوق فيه عقارات كتير احنا عمرنا ما درسناها ولا سمعنا عنها

خلينا نحط في الموضوع دة كل ما هو مهم و لم ندرسه في الكلية لكي يتم تكليف الطلاب بأبحاث أو سمينارات أو يضيفه الأساتذة الى المناهج

كل دة هيخلي الخريج على مستوى أحسن , و ثقة بالنفس أعلى لأنه هيكون عارف كل حاجة

انما أنا لما ألاقي أدوية كتير مسمعتش عنها بزعل بصراحة

و ساعات ممكن أتحط في موقف حد يسألني و مبقاش عارفة عن الدواء لأني مدرستهوش ,

بيبقى صعب أقول ( معرفش ) و الموقف بيبقى حرج , فبدخل المعمل أفتح النشرة و أعرف أي حاجة عشان أقدر أجاوب

المهم هنعمل موضوع نحط فيه الحاجات دي

لعل الأساتذة يلتفتوا اليها و يدرسوها لغيرنا , و ناخد بيها ثواب عظيم ان شاء الله


أرجو مشاركتكم جميعا ,

عبدالله عبدالرحمن
21-02-2011, 04:26 PM
السلام عليكم ورحمة الله وبركاته
ارجو ان يقوم زملائنا الخريجين بشراء كتاب
comperhensive pharmacy reveiw
الكتاب من جزيئن ويحتوى على مختلف العلوم الصيدلية
الهامة
اعتبره مفتاح لتغيير مستوى الخريجين
والتحديث الدائم مع التعليم المستمر
الكتاب متوفر فى المكتبة اللى عند طب بسعر معقول
ستجدون الكثير من المعلومات الهامة التى لم تقترب لها مناهجنا من قريب او بعيد
وللعلم الكتاب يعتبر مصدر هاما لمن يرغب فى دخول اختبار naplex

Amira Said
21-02-2011, 04:46 PM
ان شاء الله هروح اجيبه،، شكرا د/عبد الله
بس هو ايه اختبار naplex ده

Anas
21-02-2011, 05:11 PM
السلام عليكم ورحمة الله وبركاته



ارجو ان يقوم زملائنا الخريجين بشراء كتاب
comperhensive pharmacy reveiw
الكتاب من جزيئن ويحتوى على مختلف العلوم الصيدلية
الهامة
اعتبره مفتاح لتغيير مستوى الخريجين
والتحديث الدائم مع التعليم المستمر
الكتاب متوفر فى المكتبة اللى عند طب بسعر معقول
ستجدون الكثير من المعلومات الهامة التى لم تقترب لها مناهجنا من قريب او بعيد
وللعلم الكتاب يعتبر مصدر هاما لمن يرغب فى دخول اختبار naplex


تمام يا عبد الله

الكتاب ده جميل جدا ... أنا جايبه من سنة أولى كان المتاح ساعتها 6th edition كان بـ 45 جنيه يومها في معرض الكتاب

و قرات منه بعض الحاجت ممتاز جدا و يعتبر مراجعة لكل ما سبق دراسته بس على نضافة شوية :fopl00l:


ان شاء الله هروح اجيبه،، شكرا د/عبد الله
بس هو ايه اختبار naplex ده



بعد إذن عبد الله هجاوب على ما يدخل


North American Pharmaceutical License Examination


أصل انا شخصيا ناوي عليه :smo

..::ciZar_Resala::..
21-02-2011, 05:26 PM
تمام يا عبد الله

الكتاب ده جميل جدا ... أنا جايبه من سنة أولى كان المتاح ساعتها 6th edition كان بـ 45 جنيه يومها في معرض الكتاب

و قرات منه بعض الحاجت ممتاز جدا و يعتبر مراجعة لكل ما سبق دراسته بس على نضافة شوية :fopl00l:


[/center]

و جبتهولى برده من معرض الكتاب يا أنس .. و كنت عاوز تاخده عشان بتاعى أحدث .. ههههههههه :fopl00l:

عبدالله عبدالرحمن
21-02-2011, 05:33 PM
الكتاب اهه
على 3 أجزاء
1 (http://www.mediafire.com/download.php?fxdgxxjorwebbpc)
2 (http://www.mediafire.com/download.php?rdd5z78n7as)
3 (http://www.mediafire.com/?ym1y3v28y23)

عود أحمد
يا
دكتور ياسر
:hi:

Amira Said
21-02-2011, 05:52 PM
شكرا جزيلا د/أنس،، بس هو ايه فايدته؟ يعني مهم بالنسبة للسفر يعني ولا ايه

د/عبد الله شكرا جزيلا، هحمله دلوقتي ان شاء الله

شكرا لاهتمامكم يا دكاترة

..::ciZar_Resala::..
21-02-2011, 05:59 PM
الكتاب اهه
على 3 أجزاء
1 (http://www.mediafire.com/download.php?fxdgxxjorwebbpc)
2 (http://www.mediafire.com/download.php?rdd5z78n7as)
3 (http://www.mediafire.com/?ym1y3v28y23)

عود أحمد
يا
دكتور ياسر
:hi:



شكراً يا عبالله :)

سوزران
01-03-2011, 11:18 AM
يا جماعه انتوا ايه رأيكم فى اعطاء الحقن فى الصيدليات وخصوصا للاطفال علما بانى فى صيدلية ريف يعنى مافيش بد من انى ادى حقن
بس الوريد والمحاليل دا انا رافضاه رفضا تام بس مسألة الحقن العضلى بتخونى وخصوصا فى الرضع انتوا ايه رأيكم؟

..::ciZar_Resala::..
01-03-2011, 12:52 PM
يا جماعه انتوا ايه رأيكم فى اعطاء الحقن فى الصيدليات وخصوصا للاطفال علما بانى فى صيدلية ريف يعنى مافيش بد من انى ادى حقن
بس الوريد والمحاليل دا انا رافضاه رفضا تام بس مسألة الحقن العضلى بتخونى وخصوصا فى الرضع انتوا ايه رأيكم؟


إحنا عندنا .. ممنوع منعاً باتاً إعطاء أى حقن فى الصيدليات ..

ممنوع منعاً باتاً قياس السكر فى الصيدليات ..

ممنوع حتى تركيب الحلقان ( بس دى بقى .. بنركب :D ) ...

أنا شايف إن مفيش فيها حاجة ..

أنا أول مرة أدى حقنة وريد كانت لبنت فى نفس سنى تقريباً و وريد فى ضهر الإيد .. مش اللى عند الكوع كمان ..

و أول مرة أركب حلق .. كانت لبنت عندها شهر ..

حقن العضل طالما الجرعة مظبوطة و بوصف الدكتور .. مفيش مشكلة ..

خدى بالك من البنسلينات بس .. متديش لحد حقنة بنسلين إلا إذا كان أخدها قبل كده ..

و إلا تعمليله allergy test ..

أنا رأيى فى إعطاء الحقن .. إنى أديها للمريض .. أفضل من ما يروح لواحد حلاق أو واحد بصمجى يديهاله .. عشان الصيدلى رفض ..

فى رأيى إنى هتحاسب على كل واحد جالى الصيدلية و أنا رفضت .. و حد تانى إدهاله .. و إدهاله غلط .. أو عمل حاجة غلط ( مثلاً حقنة ديبو و خلاه يدعكها بعد ما خلص ) .. أو إيده مش نضيفة .. أو مش استعمل الـ alcohol swab و اتأكد من نضافة الجلد و نضافة إيده ...

و ده رأيى المتواضع :)

pharmacistina
01-03-2011, 02:45 PM
صحيح المفروض ان الواحد يدي الحقنة فقط من باب الثواب ليس أكثر ولا أقل

لكن يا جماعة نبقى عارفين انه دة في الأصل شغل التمريض مش الصيدلي

محمد سمير
01-03-2011, 03:35 PM
صحيح المفروض ان الواحد يدي الحقنة فقط من باب الثواب ليس أكثر ولا أقل

لكن يا جماعة نبقى عارفين انه دة في الأصل شغل التمريض مش الصيدلي




كلام مظبوط

Sara Naeem
01-03-2011, 05:23 PM
هل الكبسول soft geltain ممكن يكون enteric coated ولا لاءه

محمد سمير
01-03-2011, 06:23 PM
هل الكبسول soft geltain ممكن يكون enteric coated ولا لاءه

ايوه ينفع وبيكون فى حاجات لازم ناخدها فى الاعتبار اثناء enteric coating of soft gelatin

Challenges encountered during enteric coating of soft gelatin capsules are often attributed to the properties of the gelatin and the dosage form. Soft gelatin capsules generally contain the medicament dissolved or dispersed in oils or hydrophilic liquids (ie, fill liquid). The inherent flexibility of the soft gelatin capsule is due to the presence of plasticizers and residual moisture in the capsule s h e l l
Thus, the soft gelatin capsule is a more dynamic system than conventional tablets.

As shown in Figure 1, atmospheric moisture may permeate into the capsule s h e l l or into the fill liquid. The drug or fill liquid may migrate into the capsule s h e l l, while the plasticizer or residual water in the gelatin s h e l l can potentially migrate into the fill. Volatile components in soft gelatin capsules may escape into the atmosphere.
It is these characteristics that must be considered when enteric coating soft gelatin capsules
http://www.drugdeliverytech.com/Media/PublicationsArticle/001511.jpg

..::ciZar_Resala::..
01-03-2011, 08:03 PM
أحد المواقف المضحة ...

جالى أحد الزباين .. اللى أول مرة أشوفه فى الصيدلية ..

أخبرنى أن زوجته تعانى من الـ Hemorrhoids .. و أنه يريد يريد التحاميل الخاصة بها ..

أخبرته عن العلاج الكامل للحالة .. و كيفية الأكل .. و كل ما يتعلق بتلك الحالة ..

و لكنه أخبرنى بأنه يريد تلك التحاميل مؤقتاً لحين الذهاب للدكتور ..

بعد أن أحضرت له التحاميل .. و قمت بتأكيد كلامى على نوعية الأكل و الـ life style ..

كتبت له كيف تستخدم التحاميل و أنا أتحدث بصوت عالى ( تحميلة 3 مرات فى اليوم ) ..

فكان رد الزبون ( قبل الأكل و لا بعد الأكل ) ... :D ...

تداركت الموقف ..

و سألته مرة أخرى .. " حضرتك قلتى تحاميل .. صح ؟ " ..

قالى " أيوة أيوة .. معلش خلاص :D " ..

==> الموقف ده بيأكد على ضرورة ذكر الصيدلى للـ route of administration .. و تأكيده عليه حتى يتذكر المريض جيداً .. فليس كل المرضى متعلمين أو مثقفين ..

و أيضاً مش شرط إن حد جاى يكرر الدوا .. يبقى عارف بيتاخد إزاى .. لازم برده تأكدله على طريقة التعاطى .. :)

toqaa
02-03-2011, 10:01 PM
أحد المواقف المضحة ...

جالى أحد الزباين .. اللى أول مرة أشوفه فى الصيدلية ..

أخبرنى أن زوجته تعانى من الـ Hemorrhoids .. و أنه يريد يريد التحاميل الخاصة بها ..

أخبرته عن العلاج الكامل للحالة .. و كيفية الأكل .. و كل ما يتعلق بتلك الحالة ..




د/cizar ممكن حضرتك تشرحلي يعنى ايه تحاميل وايه العلاج الكامل للحالة وكيفية الاكل وlife style ؟

..::ciZar_Resala::..
02-03-2011, 10:50 PM
د/cizar ممكن حضرتك تشرحلي يعنى ايه تحاميل وايه العلاج الكامل للحالة وكيفية الاكل وlife style ؟

زى ما خدنا فى سنة تانية . .. أو أولى على ما أذكر .. مع الدكتور عبد المنعم .. جزاه الله عنا كل خير .. تحاميل زى تلابيس زى لبوس زى suppositories .. تعددت الأسامى و فى النهاية .. الـ dosage form واحدة .. :)

العلاج الكامل لحالة الـ hemorrhoids ..

أول حاجة .. الـ life style .. و ده بيعتمد على الشخص نفسه ..

لازم يقلل من الوجبات السريعة fast food .. و ياكل حاجات غنية بالفيبر .. زى الخس و ما شابه .. و يشرب مية كتير .. عشان مش يجيله امساك .. لأنه عامل مهم جداً بيتوقف عليه نجاح العلاج .. فى حالة إن الشخص مفيش بد قدامه غير الوجبات السريعة .. ممكن توصفيله فيبر .. زى حاجة فى الصيدليات اسمها benefiber .. و دى منها عصير .. و منها بودرة تتحط فى مية ..

بداية العلاج .. حفاظاً و تأكيداً على عدم حدوث الامساك .. هتديله حاجة laxative .. زى الإيزيلاكس أو السينالاكس ..

بياخد مقوى للشعيرات الدموية .. زى الدافلون ..

مرهم و تحاميل سوا .. و يا ريت يكون النوعين مختلفين عشان اختلاف الـ efficacy مثلاً نيوهيلار أعشاب .. و معاه بروكتوجليفنول أو حاجة تانية ..

و تديله مضاد حيوى .. كــ prophylaxis .. عشان لو كان فى نزيف أو حصل نزيف ميحصلش infection.. لأن لو حصل إنفكشن .. هتبقى بلوة سودة .. خراج و كمان بواسير ..

المضاد الحيوى .. ممكن تديله برده أموكسيسيلين عادى .. و الأحسن الكوأموكسيكلاف .. زى الأوجمنتين أو الميجاموكس و ما شابه ..

و قبل ما يمشى تأكدى عليه تانى .. لازم يحاول على أد ما يقدر يشرب مية .. و يزود الألياف فى أكله ..

toqaa
04-03-2011, 10:31 PM
اااااااااه فعلا انا افتكرت د/عبدالمنعم فعلا ذكرلنا التحاميل دى بجد الواحد بيزعل جدا عالنسيان ده بس بالمتابعة والدراسة باذن الله نفتكر.جزاك الله خيرا يا دكتور.

pharmacistina
04-03-2011, 11:28 PM
ايه رأيكم في الروشتة دي يا جماعة

أنا صورتها لأنها من النوادر و تستحق التصوير

أنا من يوم ما اشتغلت و أنا بشوف ظواهر غريبة كتييييييييييير , لكن يمكن دي أغرب روشتة شفتها حتى الآن

عايزة أسمع تعليقاتكم ( لكن طبعا بدون ما نشتم أو نقول كلام وحش ) , و يا ترى العيان دة عنده ايه أصلا عشان دة يكون علاجه , أنا عن نفسي معنديش تفسير

اللي عنده يتفضل ,
http://www.uploadking.biz/out.php/t137950_919354881.jpg (http://www.uploadking.biz/show.php/137950_919354881.jpg.html)

yojeena
05-03-2011, 12:02 AM
بعيدا عن ان المريض دا ممكن معدته يبقي فيها ثقب بعد الكمية دي من anti inflammatory

في امراض بتحتاج لمسكنات و مضادات التهاب بكثره

كنا ممكن نخمن لو انتي صورتي دكتور تخصص ايه

حد مثلا عنده مشاكل في العظم او المفاصل بتكون روشتته صعبة زي دي

أنا مش هنتقد الدكتور لأنه اكيد في سبب لكل الانواع دي و هوا ادري مننا بالحاله

بس انا بصراحه هنتقده في انه ماكتبش حاجه تحمي المعده شوية من المشاكل المتوقعه

..::ciZar_Resala::..
05-03-2011, 08:01 AM
اتصلى بالدكتور .. و الرد اللى هتاخديه ..

" ميبقاش العيان دافعلى 100 جنيه كشف .. و أديله علاج بـ 12 جنيه .. دا أقل واجب " ..

دا الرد اللى خده واحد زميلنا لما اتصل بدكتور فى المنصورة كان عامل روشتة أمر من دى ..

بالإضافة " المريض لازم يخرج من عندى معندوش أى ألم فى العضم و لا بيشتكى من أى حاجة فيه .. يتابع هو بقى مع دكتور المعدة هو حر " ...

ده اللى بيتقال من النوع ده من الدكاترة .. :)

toqaa
05-03-2011, 09:54 PM
اعتقد ان كان ضروري الاتصال بالدكتور او مثلا الصيدلي يعرف المريض ان معدته هتتعب وممكن سيولة الدم تزيد جدااااا و و فيروح يقول للدكتور يكتبله علي ادوية كمان عشان متحصلوش المشاكل دى
بجد مهنتنا دى صعبة جدااااااااااا لاننا بنتعرض لمواقف كتير ضميرنا بيأنبنا فيها. ربنا يستر

pharmachemist
05-03-2011, 11:42 PM
لو ملاحظين يا دكتره ان الدكتور كتب voltrin عضل يوميا وindocid لبوس وsulide و olfen كبسوله واعتقد النوع الاخير كبسول وكمان تركيزه 300علشان حافظا على المعده من ادويه العظم لى هى olfen يعنى لى ممكن هياثر على المعده هو اولفن او السيوليد اما الباقى فهو حقن ولبوس ممكن كانت المشكله ان فيه واحد مكسور او وجع فى العظم شديد لان الكسور ووجع العظم شديد جدا ومؤلم بشكل فظيع ياريت تتقبلوا راى المتواضع

..::ciZar_Resala::..
07-03-2011, 12:37 AM
لو ملاحظين يا دكتره ان الدكتور كتب voltrin عضل يوميا وindocid لبوس وsulide و olfen كبسوله واعتقد النوع الاخير كبسول وكمان تركيزه 300علشان حافظا على المعده من ادويه العظم لى هى olfen يعنى لى ممكن هياثر على المعده هو اولفن او السيوليد اما الباقى فهو حقن ولبوس ممكن كانت المشكله ان فيه واحد مكسور او وجع فى العظم شديد لان الكسور ووجع العظم شديد جدا ومؤلم بشكل فظيع ياريت تتقبلوا راى المتواضع

فى حاجة يا دكتور فى دستور الأدوية اسمها ترامادول .. ده لو الألم شديد لدرجة إنه يكتب كل البلاوى دى ..

و لا هو الترامادول للكييفة .. و مش للمرضى ؟؟

ده عذر أقبح من ذنب .. لآن طالما عنده الحاجة اللى تسكن أقوى من غير مشاكل زايدة .. ليه الأذية ..

ع الأقل كان يوصفلوا حاجة فيها لورنوكسيكام .. أو حاجة زى الموبيك .. أهى دى حاجة potent .. و تنفع

..::ciZar_Resala::..
07-03-2011, 01:24 AM
أكتر موقف هزنى اليوم:

واحد اتصل بيا فى التليفون .. والده بياخد أدوية .. إدانى أساميها .. و سألنى عن الـ Drug interactions اللى بينهم ..

أخدت منه رقم المحمول .. و اتصلت بيه بعد لما اتأكدت تماماً إن كل كلمة هقولها صح .. و أحاسب عليها أمام الله ..

الأدوية كالتالى :

Zocor
Xefo
Aspirin
Calcium
Lasix
Cozaar
Omnic ocas
Proscar
Cortisone
Pharmaton
Omeprazole


يا ريت حد يرد عليا من الدكاترة .. و يقولى كان هيقول إيه فى الـ Drug interaction ..

و تخيلوا الموقف .. إنه بعد ما عرف اسمى .. اكتشفت إن اللى متصل بيا ده مدير إدارة الشركة اللى بشتغل فيها .. :)

Volcano90
07-03-2011, 04:20 AM
سلام عليكم ياشباب والله فكرة يوميات صيدلى فى سنة أولى شغل دا موضوع جميل جدا:fop (18):
أنا كنت فاكرة الأول انه خاص بالطلبة اللى اتخرجوا بس أثناء رحلة الانتظار الطوييييييييلة للنتيجة :rec:بدأت أقرأ فيه
بس والله استفدت كتير منه يعنى مفيد ومسلى وخصوصا انى اللى بندرسه مختلف كتير عن الحاجات اللى بنقابلها فى الصيدلة
___________________________
عندى سؤال ياريت تساعدونى النهاردة جه الصيدلية بنت (صغيرة فى ابتدائى) ووالدتها وقالتلى ان عنها اليوريك اسد نسبته عاليه فى الدم:297:؟؟ على حسب التحاليل اللى عملتها
دكتورة التحاليل قالتلها لازم تاخد حاجة للأملاح لكن الدكتورة فى المستشفى قالتلها أوعى تاخدى حاجة للأملاح وكتبت لها مضاد حيوى cefotax 1gm بس والأم كانت مستغربة وطبعا ماعرفتش أقولها تعمل إيه للأسف:eeeek:

نعمة
07-03-2011, 02:39 PM
موضوع رائع ربنا يزيدكم علما وينفعكم به وبارك فيكم وجزاكم خيرا
في الحقيقة جميل المواقف وكيفية التعامل بها بحيث نستفيد منها لإن فعلا مهمتنا ربنا يعينا عليها ويسترها معانا دايما ويوفقنا

______________
شخص وجد بقع بيضاء بعد ما حلق ذقنه وتوجد عند رقبته بسيط أيضا فهل هذه عدوي خاصة إنه كان متواجد في أماكن مزدحمة لعدة أيام أم أنها عدوي من عند الحلاق أصلا؟؟؟؟؟؟؟؟؟؟ماذا يأخذ من أدوية وهل ممكن تكون تينيا أم أنها عدوي فقط وهل أعطيه صابون طبي أيضا؟؟؟؟؟؟؟؟



ما هي أعراض الأنيميا هل تظهر في صورة بقع أيضا وما الدواء الذي أوصفه إذا كان طفل أو كبير ؟؟؟؟؟؟؟؟؟؟
شكرا لكم

pharmachemist
07-03-2011, 04:26 PM
سلام عليكم ياشباب والله فكرة يوميات صيدلى فى سنة أولى شغل دا موضوع جميل جدا:fop (18):
أنا كنت فاكرة الأول انه خاص بالطلبة اللى اتخرجوا بس أثناء رحلة الانتظار الطوييييييييلة للنتيجة :rec:بدأت أقرأ فيه
بس والله استفدت كتير منه يعنى مفيد ومسلى وخصوصا انى اللى بندرسه مختلف كتير عن الحاجات اللى بنقابلها فى الصيدلة
___________________________
عندى سؤال ياريت تساعدونى النهاردة جه الصيدلية بنت (صغيرة فى ابتدائى) ووالدتها وقالتلى ان عنها اليوريك اسد نسبته عاليه فى الدم:297:؟؟ على حسب التحاليل اللى عملتها
دكتورة التحاليل قالتلها لازم تاخد حاجة للأملاح لكن الدكتورة فى المستشفى قالتلها أوعى تاخدى حاجة للأملاح وكتبت لها مضاد حيوى cefotax 1gm بس والأم كانت مستغربة وطبعا ماعرفتش أقولها تعمل إيه للأسف:eeeek:


انا من وجهه نظرى انها طالما عملت تحاليل ووجدت عندها اليورك اسد عالى يبقى لازم تاخد حاجه لاملاح زى اليورسولفين منعا لزياده نسبه حمض البوليك فى الدم وينتج عنه مرض النقرس وطبعا لعلشان ما يودى لى حصوات المسالك البوليه وده نصف كوب ماء قبل الاكل 3 مرات ممكن الدكتوره كتبتها مضاد حيوى يكون هى قالتها على اعراض معينه الدكتور اكتشفت لى ممكن يكون عندها التهاب فكتبت مضاد حيوى دى وجهه نظرى يا ريت لو الدكتره تصحح الخطا :hi:
-----
موضوع رائع ربنا يزيدكم علما وينفعكم به وبارك فيكم وجزاكم خيرا
في الحقيقة جميل المواقف وكيفية التعامل بها بحيث نستفيد منها لإن فعلا مهمتنا ربنا يعينا عليها ويسترها معانا دايما ويوفقنا

______________
شخص وجد بقع بيضاء بعد ما حلق ذقنه وتوجد عند رقبته بسيط أيضا فهل هذه عدوي خاصة إنه كان متواجد في أماكن مزدحمة لعدة أيام أم أنها عدوي من عند الحلاق أصلا؟؟؟؟؟؟؟؟؟؟ماذا يأخذ من أدوية وهل ممكن تكون تينيا أم أنها عدوي فقط وهل أعطيه صابون طبي أيضا؟؟؟؟؟؟؟؟
اعتقد دى تسمى القوباء الفطريه وممكن تكون بسبب عدوى فى الحلاقه واعتقد انه احد انواع التنيا وممكن يستخدم فيها مضاد للفطريات زى كلوسول وده هيرش 3مرات مكان المنطقه المصابه


ما هي أعراض الأنيميا هل تظهر في صورة بقع أيضا وما الدواء الذي أوصفه إذا كان طفل أو كبير ؟؟؟؟؟؟؟؟؟؟
شكرا لكم

اعتقد دى تسمى القوباء الفطريه وممكن تكون بسبب عدوى فى الحلاقه واعتقد انه احد انواع التنيا وممكن يستخدم فيها مضاد للفطريات زى كلوسول ودهيرش 3مرات مكان المنطقه المصابه
-----
فى حاجة يا دكتور فى دستور الأدوية اسمها ترامادول .. ده لو الألم شديد لدرجة إنه يكتب كل البلاوى دى ..

و لا هو الترامادول للكييفة .. و مش للمرضى ؟؟
ده عذر أقبح من ذنب .. لآن طالما عنده الحاجة اللى تسكن أقوى من غير مشاكل زايدة .. ليه الأذية ..

ع الأقل كان يوصفلوا حاجة فيها لورنوكسيكام .. أو حاجة زى الموبيك .. أهى دى حاجة potent .. و تنفع


صح عندك حق يا دكتور الترامادول هنا هو الحل :fop (18)::fop (18)::fop (18)::hi:

Volcano90
07-03-2011, 09:43 PM
@Pharmachemistشكرااا جزيلاااااااا أنا اقتنعت برأيك
والله كلامك منطقى
:fop (27)::fop (27):

وردة العمر
08-03-2011, 03:44 AM
اتصلى بالدكتور .. و الرد اللى هتاخديه ..

" ميبقاش العيان دافعلى 100 جنيه كشف .. و أديله علاج بـ 12 جنيه .. دا أقل واجب " ..

دا الرد اللى خده واحد زميلنا لما اتصل بدكتور فى المنصورة كان عامل روشتة أمر من دى ..

بالإضافة " المريض لازم يخرج من عندى معندوش أى ألم فى العضم و لا بيشتكى من أى حاجة فيه .. يتابع هو بقى مع دكتور المعدة هو حر " ...

ده اللى بيتقال من النوع ده من الدكاترة .. :)


يالله نفس الكلام بالضبط اللى سمعته يا ااااااااااااااااااااااااا للاسف كنت متخيله ان الحياة غير كدةكنت متخيله انه بجد بيشعر بالانسان ويعامله على انه انسان مثله يستحق العيش لا الموت كما يفعل وان الدكاترة دول ارق ناس فى الدنيا بحكم عملهم بس اتضح ليا غير ذلك تماما اتمنى فى يوم انى اشوفهازى ما رسمتها فى خيالى وساظل احلم بها هكذا

pharmacistina
08-03-2011, 11:39 AM
المريض لازم يخرج من عندى معندوش أى ألم فى العضم


الدكتور اللي كاتب المسكنات دي كلها مش دكتور عظام على فكرة ...


هو دكتور باطنة , و دي طريقته بتتكرر كتير

على الأقل مسكنين أو 3 في كل روشتة عشان المريض آلامه تتسكن حلو فيخرج مبسوط من عنده و يقول خفيت

الواحد بيشوف حاجات و الله كرهته في التواجد في السوق اللي احنا عايشين فيه دة , أصلها فوضى أوي

toqaa
08-03-2011, 09:57 PM
لا حول ولا قوة الا بالله

pharmachemist
09-03-2011, 12:12 AM
الدكتور اللي كاتب المسكنات دي كلها مش دكتور عظام على فكرة ...


هو دكتور باطنة , و دي طريقته بتتكرر كتير

على الأقل مسكنين أو 3 في كل روشتة عشان المريض آلامه تتسكن حلو فيخرج مبسوط من عنده و يقول خفيت

الواحد بيشوف حاجات و الله كرهته في التواجد في السوق اللي احنا عايشين فيه دة , أصلها فوضى أوي


:(:(:(:(:(:(:(:(:(:(:(:(:ai::ai::ai::ai::ai::ai::a i::ai::ai::ai::ai::ai:

د\بوسى ربيع
09-03-2011, 12:21 PM
شبابا عايزه حد يرد عليا هو الناس اللى اشتغلت فى شركات ايه طبيعه الشغل كويس ولا وحش مش عايزه حد يقول اللى بيسمعه لا حد يقول عن تجربه من فضلكم بسرعه

متفائل
09-03-2011, 08:46 PM
شبابا عايزه حد يرد عليا هو الناس اللى اشتغلت فى شركات ايه طبيعه الشغل كويس ولا وحش مش عايزه حد يقول اللى بيسمعه لا حد يقول عن تجربه من فضلكم بسرعه

اعتقد إن معظم الشباب فى التجنيد و اللى اشتغل فى شركات من دفعتنا نسبة بسيطة جدا

يا ريت حد من الدفعات اللى قبلنا يفيدنا

Sara Naeem
11-03-2011, 01:55 AM
ايوه ينفع وبيكون فى حاجات لازم ناخدها فى الاعتبار اثناء enteric coating of soft gelatin


Challenges encountered during enteric coating of soft gelatin capsules are often attributed to the properties of the gelatin and the dosage form. Soft gelatin capsules generally contain the medicament dissolved or dispersed in oils or hydrophilic liquids (ie, fill liquid). The inherent flexibility of the soft gelatin capsule is due to the presence of plasticizers and residual moisture in the capsule s h e l l
Thus, the soft gelatin capsule is a more dynamic system than conventional tablets.

As shown in Figure 1, atmospheric moisture may permeate into the capsule s h e l l or into the fill liquid. The drug or fill liquid may migrate into the capsule s h e l l, while the plasticizer or residual water in the gelatin s h e l l can potentially migrate into the fill. Volatile components in soft gelatin capsules may escape into the atmosphere.
It is these characteristics that must be considered when enteric coating soft gelatin capsules

http://www.drugdeliverytech.com/Media/PublicationsArticle/001511.jpg

شكرا يا دكتور وجزاك الله خيرا
-----
[quote=د\بوسى ربيع;385572]شبابا عايزه حد يرد عليا هو الناس اللى اشتغلت فى شركات ايه طبيعه الشغل كويس ولا وحش مش عايزه حد يقول اللى بيسمعه لا حد يقول عن تجربه من فضلكم بسرعه
ازيك يا بوسى انتى هتشتغلى فى شركة ولا ايه ببصى انا بالنسبة لى بفضل الشغل فى شركة لان المعظم بيقدر انتى دكتورة اما الشغل فى صيدلية فهو انه انتى بتبيعى وخلاص بجانب المشاكل الى انا قابلتها اولا اسالى عن الشركة وادويتها والمعاملة والتارجت ولو عايزة اى حاجة كلمنى

Sara Naeem
12-03-2011, 07:06 AM
حد يعرف مين احسن وايه الفرق بين علاج التيجرتول والللريكا المريض الكر الى بيعنى من التهاب الاطراف

محمد سمير
12-03-2011, 09:22 PM
شكرا يا دكتور وجزاك الله خيرا


لا شكر على واجب

وجزاكى ربى مثله

والللريكا المريض الكر



ياريت توضحى اول واخر كلمه فى 3 كلمات اللى اقتبستهم لانى مش عارف هما ايه

toqaa
12-03-2011, 10:13 PM
وايه الفرق بين علاج التيجرتول والللريكا


هى قصدها lyrica اللي عبارة عنpergabalin اللي بيستخدم فعلاج الاعصاب برده

yojeena
13-03-2011, 01:53 AM
الليريكا نضيف جدا و غالي اعتقد انه الافضل

سوزران
13-03-2011, 09:56 AM
الليريكا نضيف جدا و غالي اعتقد انه الافضل


فعلا انا اعرف ان الليريكا افضل من التجريتول فى علاج التهاب الاعصاب ومن خلال تجربة المرضى بيقولوا انه احسن بكتير من التجريتول والبعض الاخر بيقول انه ما عملش معاهم حاجه وبيشكتوا من اعراضه الجانبيه الشديده بس بيتغلبوا على الاعراض دى بانهم بياخدوه قبل النوم

Sara Naeem
17-03-2011, 12:00 AM
لا شكر على واجب


وجزاكى ربى مثله






ياريت توضحى اول واخر كلمه فى 3 كلمات اللى اقتبستهم لانى مش عارف هما ايه

معلش يا دكتور كنت بكتب وانا نايمة قصدى زى ما قالت الدكتورة الفرق بين lyrica , and tegretol فى علاج التهاب الاعصاب لمريض السكر وياريت حد يسال فيها دكتور شحته لو حد من المنصورة
-----
ايه رايكوا فى ميدكال ريب بالنسبى للبنات

محمد سمير
17-03-2011, 12:25 PM
معلش يا دكتور كنت بكتب وانا نايمة قصدى زى ما قالت الدكتورة الفرق بين lyrica , and tegretol فى علاج التهاب الاعصاب لمريض السكر وياريت حد يسال فيها دكتور شحته لو حد من المنصورة
-----
ايه رايكوا فى ميدكال ريب بالنسبى للبنات

فعلا ذى ما د يوجينا قالت

ان الليريكا افضل لان الماده الفعاله بتاعته اللى هيا برجابالين اقوى فى التأثير بتاعها من تأثير الماده الفعاله للتجريتول اللى هيا كاربمازبين

وبالنسبه للمديكال ريب للبنات

هيا كوظيفه متعبه وعاوزه حركه

بس بيكون فيها مرتب كويس الى حد ما على حسب الشركه

toqaa
18-03-2011, 10:15 PM
لو فيه حد عنده كبد وعايز ياخد دوا تخسيس ياتري ياخد ايه من غير مايأثر طبعا عالكبد؟

yojeena
18-03-2011, 11:29 PM
انا لو كنت مكانك كنت هخاف اديله اي دوا بس ممكن اديله

بران bran

دي زي الرده كدا ياخد كبسولتين يوميا قبل الاكل بساعه بس لاااااااااازم يشرب بعدها ميا كتير

و انصحه ما يتعشاش او ياكل زبديايه غير ان الزبادي مفيد اوي لمرضي الكبد

ممكن ياكل عيش اسمر بدل العيش العادي

و ياريت يغير نظام الاكل

يعني يفطر و يتغدي في نفس التوقيت كل يوم

يبقي ليه طبق خاص بيه و يكون صغير لو حتي هيضطر يغرف تاني.. بس بمرور الوقت هيقلل لو حتي معلقه رز

مياكلش و ينام

لو جاع بين الوجبات ياكل خس او جزر او برتقانه

يا رب اكون افدتك

toqaa
19-03-2011, 09:14 PM
انا لو كنت مكانك كنت هخاف اديله اي دوا بس ممكن اديله

بران bran

دي زي الرده كدا ياخد كبسولتين يوميا قبل الاكل بساعه بس لاااااااااازم يشرب بعدها ميا كتير

و انصحه ما يتعشاش او ياكل زبديايه غير ان الزبادي مفيد اوي لمرضي الكبد

ممكن ياكل عيش اسمر بدل العيش العادي

و ياريت يغير نظام الاكل

يعني يفطر و يتغدي في نفس التوقيت كل يوم

يبقي ليه طبق خاص بيه و يكون صغير لو حتي هيضطر يغرف تاني.. بس بمرور الوقت هيقلل لو حتي معلقه رز

مياكلش و ينام

لو جاع بين الوجبات ياكل خس او جزر او برتقانه

يا رب اكون افدتك




طبعا يادكتورة افدتينى جزااك الله خيرا
اصل المشكلة انى حاسة ان معظم ادوية التخسيس ليها علاقة بالكبد فبصراحة خفت انصح المريضة وقولتلها تروح لدكتور متخصص احسن عشان لو طلب منك تحاليل الاول كمصدر يبنى عليه طريقة علاجه

..::ciZar_Resala::..
22-03-2011, 06:25 AM
أكتر موقف هزنى اليوم:

واحد اتصل بيا فى التليفون .. والده بياخد أدوية .. إدانى أساميها .. و سألنى عن الـ Drug interactions اللى بينهم ..

أخدت منه رقم المحمول .. و اتصلت بيه بعد لما اتأكدت تماماً إن كل كلمة هقولها صح .. و أحاسب عليها أمام الله ..

الأدوية كالتالى :

Zocor
Xefo
Aspirin
Calcium
Lasix
Cozaar
Omnic ocas
Proscar
Cortisone
Pharmaton
Omeprazole


يا ريت حد يرد عليا من الدكاترة .. و يقولى كان هيقول إيه فى الـ Drug interaction ..

و تخيلوا الموقف .. إنه بعد ما عرف اسمى .. اكتشفت إن اللى متصل بيا ده مدير إدارة الشركة اللى بشتغل فيها .. :)



محدش عرف يرد و لا إيه ..

طب هقولكوا .. هنفصل الأدوية مع بعض واحدة واحدة .. و بالراحة كده .. كل يوم واحد ..

و هسأل نفسى الأول سؤال .. ليه الدكتور كاتب للمريض ده كالسيوم ؟؟

-
-
-
-
-
-
-
كنت عاوز حد يفكر الأول .. أو يدور فيها ..

الدكتور كتب للمريض ده كالسيوم لأنه بياخد كورتيزون ..

و الكورتيزون بيقلل امتصاص الكالسيوم ..

و زى ما كلنا عارفين إن نسبة الكالسيوم فى الأكل أصلاً قليلة ..

تكاد تكفى ..

و بالتالى الدكتور عشان يحافظ على المريض ..

و بدل ما يوقعه فى مشكلة نقص كالسيوم ..

ممكن تقلب بهشاشة عظام لو المريض متلحقش ..

خصوصاً إن معظم الأدوية اللى بياخدها واضح إنها كرونيك ..

هيبرلبيديميا .. و ضغط .. و بروستاتا

و بالتالى وصفله الكالسيوم كــ prophylaxis .. و مش لأن المريض عنده نقص فى الكالسيوم

كفاية كده النهاردة .. بس كل واحد يحط المعلومة دى فى دماغه كويس ..

و إحنا واقفين فى الصيدليات كده .. بدل ما الناس بتقول إن الصيدلى بيصرف دوا و بس ..

هطلب منكم طلب .. كل معلومة نقولها هنا نطبقها ..

جالى مثلاً مريض بيصرف أدوية كورتيزون oral ..

أسأله ... عن نوع الأكل

هل بياخد calcium supplement و لا لآ ..

أقضى من وقتى معاه دقيقة .. و أقوله على إن الكورتيزونات بتقلل امتصاص الكالسيوم ..

و إنه لازم ياخد كالسيوم معاها .. " حتى لو مش اشتريته من عندى " ..

المريض هيحترمك و يقدرك و يعرف فعلاً إنك دكتور مش بياع ..

حتى لو مش اشترى .. و خسرت الفايدة المادية ..

جرب مرة تنصح مريض و إنت عارف و متأكد إن الحاجة اللى بتتعمل دى غلط ..

أو إن علاجه لازم معاه حاجة .. أو لازم ياكل أكل معين ..

و شوف العائد المعنوى .. و شوف هتحس بإيه طول اليوم ده ..

عشان كده عايزكوا تطبقوا كل معلومة فى الموضوع .. إن شاء الله ..

و من ناحيتى مش هتقل .. :)

..::ciZar_Resala::..
22-03-2011, 06:57 AM
حد يعرف مين احسن وايه الفرق بين علاج التيجرتول والللريكا المريض الكر الى بيعنى من التهاب الاطراف

الليريكا نضيف جدا و غالي اعتقد انه الافضل



فعلا انا اعرف ان الليريكا افضل من التجريتول فى علاج التهاب الاعصاب ومن خلال تجربة المرضى بيقولوا انه احسن بكتير من التجريتول والبعض الاخر بيقول انه ما عملش معاهم حاجه وبيشكتوا من اعراضه الجانبيه الشديده بس بيتغلبوا على الاعراض دى بانهم بياخدوه قبل النوم

معلش يا دكتور كنت بكتب وانا نايمة قصدى زى ما قالت الدكتورة الفرق بين lyrica , and tegretol فى علاج التهاب الاعصاب لمريض السكر وياريت حد يسال فيها دكتور شحته لو حد من المنصورة
-----
ايه رايكوا فى ميدكال ريب بالنسبى للبنات


فعلا ذى ما د يوجينا قالت

ان الليريكا افضل لان الماده الفعاله بتاعته اللى هيا برجابالين اقوى فى التأثير بتاعها من تأثير الماده الفعاله للتجريتول اللى هيا كاربمازبين





أنا ليا رأى تانى ... و اختلاف الرأى لا يفسد للود قضية ..

من خلال اللى شفته و اللى عرفته .. و من خبرات الناس السابقة .. و من خلال التعامل داخل الـ Drug Marketing ..

مينفعش بتاتاً أقول على أى دوا أفضل من دوا تانى فى علاج مرض معين إلا من خلال Comparative study ..

عشان نتكلم كلام علمى ..

تقدر تقول إن الدوا ده more potent عن دوا تانى .. إذا كان بيدى نفس التأثير بتركيز أقل ..

تقدر تقول الدوا ده أفضل من دوا تانى .. من حيث الـ side effects ..

لكن إن أنا أقول إن الدوا بتاعى ده أحسن من الدوا ده .. فى علاج المرض الفلانى .. ده كلام مش علمى ..

إثبتلى ..

داخلك مندوب أدوية .. و شرحلك الدوا بتاعه ..

و فى منافس تانى ليه فى السوق .. لما يقولك إن الدوا بتاعى أحسن من ده .. هتقوله أمين ؟؟

لآ طبعاً ..

لازم هتقوله ليه ؟ .. و لازم تقوله فى Comparative study و لا لآ ..

و لازم تسأله على الـ side effect بتاع الدوا بتاعه .. و بتاع الدوا التانى ..

خلونى نتكلم كلام علمى يا جماعة ..

كل حاجة ليها مزاياها .. و برده أكيد ليها عيوبها .. الكمال لله وحده ..

أنا عن نفسى مش بعترف غير بالـ Comparative studies ..

بس كده .. :fopl00l:.. فى دراسة على الاتنين فى علاج نفس المرض نتكلم و نقول آه ده أحسن .. مع اعتبار الـ side effects فى الحساب برده .. لأن مش كل المرضى ليهم نفس الـ threshold لتحمل الدوا ..

غير كده .. مقدرش أقول ..

يعنى مش عشان إديت دوا لأحمد .. و نفع معاه لحالة معينة .. يبقى نفس الدوا هينفع مع حسين فى نفس الحالة .. لآ فى اعتبارات تانية بتتاخد فى الحسبان ..

على سبيل المثال .. الـ life style .. وزن المريض .. بياخد أدوية تانية و لا لآ .. عنده حساسية و لا لآ .. السبب أصلاً فى المرض ده .. هل هو برد ؟ و لا نتيجة لسكر ؟ و لا نتيجة لإيه بالظبط ؟؟

و فى اعتبارات تانية كتير .. :)

و بالتالى . الكلام العلمى الصح .. إن كل حاجة ليها مميزاتها و ليها عيوبها .. و كل حاجة ليها استخدامها المناسب ليها .. يعنى عندك التجريتول ينفع أديه للأطفال .. هل الليركا تنفع ؟؟؟

هل الليركا تنفع مع مريض ضغط بياخد ACE- Inhibitor .. ؟؟

عشان لما حد يسألنى على دوا معين .. مين الأفضل .. الرد المفروض أول حاجة أقولها .. أفضل من حيث إيه ؟؟

التأثير؟
السعر؟
الأعراض الجانية ؟
بتاخد أدوية تانية ؟
عندك حساسية لأدوية معينة ؟
و غيره ....

معلش عارف إنى طولت .. :fopl00l:

محمد سمير
22-03-2011, 12:27 PM
تسلم ياياسر

جزاك ربى خيرا

toqaa
22-03-2011, 08:43 PM
بااااااااااارك الله فيك يادكتور ياسر بجد ماشاء الله عليك ربنا يزيدك علم وتنفع بيه الناس اكتر واكتر.

..::ciZar_Resala::..
22-03-2011, 09:15 PM
تسلم ياياسر

جزاك ربى خيرا


بااااااااااارك الله فيك يادكتور ياسر بجد ماشاء الله عليك ربنا يزيدك علم وتنفع بيه الناس اكتر واكتر.

جزاكم الله كل خير .. :)

~~~~~~~~

نيجى للحاجة التانية السهلة ..

المريض بياخد Omeprazole ليه ؟؟؟

-
-
-
-
-
-
-
-
-
أولاً: الـراجل ده بياخد NSAIDs .. عندنا الأسبرين مثلاً .. Acetyl salicylic acid .. بيأثر على المعدة و قد يؤدى إلى قرحة فى المعدة مع الاستخدام على المدى الطويل ..

و لو بصينا فى الروشتة شوية هنلاحظ إن المريض ده مريض Hyperlipidemia أو Hypercholesterolemia .. و ده واضح من دوا الـ Zocor ..

و بالتالى قد يكون الأسبرين هو أسبرين الأطفال .. أو الـ Aspirin protect .. و دول بيتاخدوا لتسييل الدم و منع الجلطات .. لأن إمكانية حدوث الجلطات مع الناس دى بيكون عالى شوية ..

و قد يكون أسبرين عادى كــ combination مع الزيفو لتسكين الألم ... لأن واضح إن المريض عنده بروستاتا كمان .. و ده من الـ Omnic ..

و فى الغالب هيبقى النوع الأول .. لأن الزيفو مش محتاج يتحط مع مسكن تانى ..

تانى NSAID عندنا هو الزيفو Lornoxicam ..

و بالتالى قد يكون المريض من البداية عنده مشاكل فى المعدة ( بيتقل فى الأكل علطول عشان كده تخن و جاله كوليسترول و معدته تعبت :fopl00l: ) .. أو الـ Omeprazole بيتاخد كــ prophylaxis أيضاً زى الكالسيوم ما كان برده وقائى .. عشان المريض ميعانيش من قرحة المعدة ..

و لذلك لازم تنصح المريض بأنه يقلل من المشروبات الغازية شوية .. لأنه دلوقتى أصبح عنده Risk factor لأنه يعمل Development of peptic ulcer .. فمش ناقصة كمان البيبسى و البلاوى السودة دى ..

كذلك برده ميدخنش .. و لا يقعد فى أماكن حد بيدخن فيها .. لأنها بتسبب برده قرحة فى المعدة ..

و يبعد عن الأكلات الحارة .. اللى فيها شطة .. أو كارى .. عشان برده ممكن تزود الموضوع ده عنده ..

تمام كده .... :fopl00l:

فى انتظار التعليقات .. و هكمل الباقى إن شاء الله ...

نعمة
25-03-2011, 03:02 PM
جزاك الله خيرا د/ ياسر
ربنا يزيدك علما نافعا وعملا متقبلا وتنفع بهذا العلم الآخرين
في الحقيقة أنا بستفيد جدا من طريقة مناقشتك للحالة وحلها بأسلوب رائع

..::ciZar_Resala::..
05-04-2011, 07:17 PM
جزاك الله خيرا د/ ياسر
ربنا يزيدك علما نافعا وعملا متقبلا وتنفع بهذا العلم الآخرين
في الحقيقة أنا بستفيد جدا من طريقة مناقشتك للحالة وحلها بأسلوب رائع
جزانا الله و إياكم ..

هكمل بس حاجة بسيطة النهاردة ..

بالنسبة للمريض عنده ضغط .. واضح جداً ..

و بياخد دوايين ضغط .. يهدوا ضغط الفيل ما شاء الله ..

بس لو بصينا على الوصفة الطبية ككل ..

هنلاقى إن فى توازن ..

يعنى مثلاً .. بياخد Lasix و Cozaar .. عشان يقللوا الضغط ..

طيب ليه عاتيله دوا تقيل كده ..

بسببين ..

السبب الأول: قد يكون مقصود أو غير مقصود .. و هو إن كل الـ NSAIDs و منها الأسبرين و الزيفو .. بيقللوا عمل الـ Antihypertensive agents و بالذات الـ ACE-Inhibitors ..

السبب التانى: و قد يكون مقصود أو غير مقصود .. إن الفارماتون Pharmaton capsules بيحتوى على جنسنج .. و من المعروف إن الجنسنج بيرفع الضغط عشان كده Contraindicated فى مرضى الضغط ..

:hi:

..::ciZar_Resala::..
23-04-2011, 07:26 PM
الأيام بتثبت إن مفيش حد كبير على العلم ..

الأسئلة دى اتسألتها النهاردة فى زيارة من وزارة الصحة ..

الأول: جالى زيون و هم و اقفين كان عاوز فنتولين بخاخ .. بعد ما مشى .. سألنى لو جالك مريض زى ده و قالك إنه أول مرة يستخدم البخاخ .. و مش عارف إزاى يستخدمه .. هتقوله إيه ؟؟

التانى: قاللى لو جالك واحد قالك إنه بيجيله برد باستمرار .. و عاوز حاجة ترفع مناعته شوية .. يا ترى تقوله إيه ؟؟

دى مجرد تذكرة .. مش اختبار :)

3slaya
05-05-2011, 11:55 PM
طبعا انا حصل معايا كام موقف كده من اول ما نزلت الشغل

من اولها ان انا اتنصب عليا في 88 جنية واحدة كانت زوووق اوى معايا وانا بضعف مع الناس الزوق وقالتلى انها زبونة عند الدكتور وهتجيلي الفلوس بكرة وكده ومشفتش وشها بعد كده والمشكلة ان انا حسيت انى هبلة جدا

موقف تانى

مرة لقينا واحدة داخلة علينا وشايلة في اديها قرص اريك وقرص كاميبام وجاية تقول للدكتور يا دكتور ممكن اخد القرصين دول للبرد اصل واحدة جارتى جابتهملى (طبعا لا تعليييق)انا تنحت قد ايه الشعب بيحب بعضه معرفش والله ايه اللى بيحصل ده

موقف تالت

مرة لقينا واحد داخل علينا بابنة وشة واااااااااااارم بطريقة غريبة جدا ومعلم صوابع على وشه ومفحوم من العياط يا حبيبى وجاى بيقول للدكتور يا دك لوسمحت اديله حقنة اصل انا خرجت عن اعصابي واديتة 10 اقلام لقيته كده(ده اقل حاجة تحصله اصلا)برضه لا تعليق


موقف رابع

مرة لقينا واحدة داخلة علينا ووجه ابنها محروق خالص بقولها ماله؟قالتلى كانوا هما واصحابه بيلعبوا في الشارع صبوا على وشه بنزين وولعوا فيه(طبعا انا بلمت وبرضه لا تعليييق)تقوم هيا رايحة مستشفي الحكومة لان هيا مش معاها تكشف عليه خصوصى يقوم الدكتور المحترم كاتبلها على مرهم ب 75 جنية وجايباه وجاية للدكتور تقوله اعمل ايه؟؟؟(الله المستعاااااااااااااان)

وطبعا ان الدكاترة يبقوا متفقين مع صيدليات معينة على انهم يقولوا لمرضاهم يروحوا يصرفوا روشتاتهم من هناك طبعا اكيد بعمولة الموضوع ده الصراحة حدث ولا حرج فيه دكاترة كتييير اوى كده

ولسه ياما هنشوف في الدنيا

دى من اكتر المواقف اللى انا فاكراها ومش هنساها في حياتى لو افتكرت تانى هكتب

وكل سنة ومصر بخير

pharmacistina
06-05-2011, 07:12 PM
ازيكم يا جماعة ؟؟

أنا زعلانة و الله من نفسي اني غايبة عن منتدانا الرائع و النقاش الممتاز هنا اللي كلنا بنتعلم منه

بس ربنا يكرم و أجدد نشاطي كلما سمح الوقت

الأيام بتثبت إن مفيش حد كبير على العلم ..

طبعا مفيش حد كبير على العلم , كلما تعلمت كلما تواضعت لأنك بتعرف ان اللي تعلمته نقطة في بحر و الله بجد الانسان اللي بيتعلم بيحس فعلا بالآية الكريمة ( و ما أوتيتم من العلم الا قليلا )

هم عندكم بييجوا كدة ع الواحد كدة بدون استعداد و يقعدوا يسألوا !!!!! زي عندنا بالضبط الصيدلي بيكون عارف قبلها بأسبوع ان في تفتيش جاي الصيدلية يوم كذا الساعة كذا :)

مرة لقينا واحد داخل علينا بابنة وشة واااااااااااارم بطريقة غريبة جدا ومعلم صوابع على وشه ومفحوم من العياط يا حبيبى وجاى بيقول للدكتور يا دك لوسمحت اديله حقنة اصل انا خرجت عن اعصابي واديتة 10 اقلام لقيته كده(ده اقل حاجة تحصله اصلا)برضه لا تعليق

لا حول ولا قوة الا بالله , ايه الناس دي , بحس ان الناس عندها غل و عقد في قلوبها بيطلعوه على أولادهم

زي مرة راجل جايب ابنه الطفل بتاع 5 سنين و بيصرف له روشتة علشان الطفل عنده التهاب في الأذن الوسطى

المهم الروشتة فيها حقن , الطبيعي ان الطفل لما بيشوف السرنجات بيبدأ اسطوانة العياط و الصراخ ,

يقوم الأب مزعق و ضاربه بالألم على وشه , بجد أنا اتضايقت أوي و زعقت للراجل و قلتله ان الألم دة ممكن يؤثر أكتر على ودنه و ممكن ميخفش بسبب التصرف دة ( عشان يبطل )

أكتر حاجة بتوجعني قسوة الأهل على ولادهم خصوصا لو أطفال بتبقى وحشة أوي

أنا عندي كلام كتير عايزة أقوله في الموضوع دة و صور روشتات عايزة أسمع تعليقاتكم عليها

سوزران
08-05-2011, 01:47 PM
الأيام بتثبت إن مفيش حد كبير على العلم ..

الأسئلة دى اتسألتها النهاردة فى زيارة من وزارة الصحة ..

الأول: جالى زيون و هم و اقفين كان عاوز فنتولين بخاخ .. بعد ما مشى .. سألنى لو جالك مريض زى ده و قالك إنه أول مرة يستخدم البخاخ .. و مش عارف إزاى يستخدمه .. هتقوله إيه ؟؟

التانى: قاللى لو جالك واحد قالك إنه بيجيله برد باستمرار .. و عاوز حاجة ترفع مناعته شوية .. يا ترى تقوله إيه ؟؟

دى مجرد تذكرة .. مش اختبار :)



وبالنسبه لاجابة الحاجه اللى ترفع المناعه قصدهم مضاد حيوى يساعد فى العمليه المناعيه ولا قصدهم دوا من ادوية المناعه

..::ciZar_Resala::..
09-05-2011, 03:51 PM
وبالنسبه لاجابة الحاجه اللى ترفع المناعه قصدهم مضاد حيوى يساعد فى العمليه المناعيه ولا قصدهم دوا من ادوية المناعه



قوليلهم مضاد حيوى بيرفع المناعة ... هههههههههههه .. هتشخشخى جيبك بالغرامة علطول ..

أولاً: المضادات الحيوية بتضعف المناعة .. عشان كده المفروض أغلب الحالات تتعالج symptomatic الأول .. و بعد كده لو منفعش .. نبدأ بالمضاد الحيوى ( المناسب ) .. و لو مش عارفينه .. الأفضل نعمل مزرعة ..

ثانياً: يحظر على الصيدلى صرف أى دواء و بالأخص المضادات الحيوية إلا بوصفات طبية .. و يستثنى من ذلك الأدوية المذكورة فى دليل وزارة الصحة السعودية للأدوية اللاوصفية ..

ثالثاً: إحنا بنصرف مضادات حيوية و كل حاجة .. و بنعمل اللى إحنا عاوزينه .. و هم عارفين .. بس متعمليهاش قدامه .. أنا فى مرة من المرات مطلع OTC .. لواحد عنده نزلة برد بـ 120 ريال .. و واحد عنده بواسير 320 ريال .. بس المهم إنك تكون متأكد إن علاجك صح .. و إنه لو راح للدكتور مش هيديله أكتر منه ..

المقصود من سؤاله ..

كان الفيتامين سى .. واحدة بس فى اليوم ..

أو حاجة يكون فيها أعشاب زى مثلاً purple cone flower دى بترفع المناعة ..

حاجة زى الـ immulant .. و دى أعتقد موجودة ف مصر ..

بالنسبة بقى لبخاخ الفنتولين .. حد فاكر الدكتور جلال الله يمسيه بالخير كان قالنا إيه ؟

toqaa
09-05-2011, 11:24 PM
بالنسبة بقى لبخاخ الفنتولين .. حد فاكر الدكتور جلال الله يمسيه بالخير كان قالنا إيه ؟




علي حسب منا فاكرة
كان طبعا هيرج كويس قبل الاستعمال وبعدين يخرج زفير علي قد مايقدر وبعدين ياخد الدوز بتاعته وبعدين يستنى بعدها حوالي 3 او 4 ثوانى قبل مايطلع زفير عشان ميضيعش حاجة من جرعة الدوا اللي دخلت
هذا والله اعلم

سوزران
10-05-2011, 10:43 PM
قوليلهم مضاد حيوى بيرفع المناعة ... هههههههههههه .. هتشخشخى جيبك بالغرامة علطول ..

أولاً: المضادات الحيوية بتضعف المناعة .. عشان كده المفروض أغلب الحالات تتعالج symptomatic الأول .. و بعد كده لو منفعش .. نبدأ بالمضاد الحيوى ( المناسب ) .. و لو مش عارفينه .. الأفضل نعمل مزرعة ..

ثانياً: يحظر على الصيدلى صرف أى دواء و بالأخص المضادات الحيوية إلا بوصفات طبية .. و يستثنى من ذلك الأدوية المذكورة فى دليل وزارة الصحة السعودية للأدوية اللاوصفية ..

ثالثاً: إحنا بنصرف مضادات حيوية و كل حاجة .. و بنعمل اللى إحنا عاوزينه .. و هم عارفين .. بس متعمليهاش قدامه .. أنا فى مرة من المرات مطلع OTC .. لواحد عنده نزلة برد بـ 120 ريال .. و واحد عنده بواسير 320 ريال .. بس المهم إنك تكون متأكد إن علاجك صح .. و إنه لو راح للدكتور مش هيديله أكتر منه ..

المقصود من سؤاله ..

كان الفيتامين سى .. واحدة بس فى اليوم ..

أو حاجة يكون فيها أعشاب زى مثلاً purple cone flower دى بترفع المناعة ..

حاجة زى الـ immulant .. و دى أعتقد موجودة ف مصر ..

بالنسبة بقى لبخاخ الفنتولين .. حد فاكر الدكتور جلال الله يمسيه بالخير كان قالنا إيه ؟



شكرا يا دكتور على الرد
بالنسبه لانى لو قلتله المضاد الحيوى بيرفع المناعه مش هيدفعنى غرامه بس دا هيرمينى بره البلد اساسا :fopl00l:
انا فهمت سؤاله على اساس ان عاوز حاجه تمنع الsecondery infection
وحضرتك عارف ان هنا فى مصر لازم لو حد عاوز حاجه للبرد مهما تديله لازم ياخد مضاد حيوى والا يبقى احنا مقصرين فى حقه وطبعا هنا مجال الوصف مفتوح
immulant موجود هنا فى الصيدليات ان شاء الله هادخل فيتامين سى بعد كده فى الوصف

pharmachemist
12-05-2011, 12:57 PM
اخيرا رجع المناقشات مره تانيه ياريت يا دكتره مش تحرمونا من المعلومات القيمه دى ...احنا يدوب نحب نسمع ونقرا ونعى هذا الحوار البناء ولكن ياتى المشاركه ان شاء الله بعد سنه تالثه ربنا يوفقكم جميعا ويكرمك يارب ويجزيكم خيرا على هذه المعلومات القيمه :fop (18):

A7MD
19-05-2011, 03:28 AM
ربنا يخليكوا لينا يادكاترة وسلام خاص لدكتور ياسر وافدتني كثيرا بكلامك بس ايه ده
purple cone flower

عجبتني قوي قوي وفطست علي نفسي من الضحك
مرة لقينا واحدة داخلة علينا وشايلة في اديها قرص اريك وقرص كاميبام وجاية تقول للدكتور يا دكتور ممكن اخد القرصين دول للبرد اصل واحدة جارتى جابتهملى (طبعا لا تعليييق)انا تنحت قد ايه الشعب بيحب بعضه معرفش والله ايه اللى بيحصل

toqaa
22-05-2011, 10:56 PM
النهاردة ياجماعة حصل موقف علي قد مااتبسطت منه لانى حسيت بقيمتى بجد فالمجتمع وانى اقدر افيد الناس وانى بفضل ربنا قدرت امنع مصيبة ممكن تحصل
علي قد ماكنت حزينة لان فيه مصايب لاقدر الله ممكن تحصل بسبب الجهل والاهمال
دكتور مشهور المفروض وبقاله فترة مش قليلة فالحياة العملية كاتب لواحدة حامل excedrin
ايوووووووووة ماتتخضوش ده حصل بجد
والاكسدرين ده ياجماعة عبارة عن ايه؟
عبارة عنacetaminophene وده ممكن الحامل تاخده
لكن معاه بلوتين الحقيقة asprin,caffiene
لا حول ولا قوة الا بالله مش عارفة ازاي كتبلها ده حتى سالتها انت عرفيتيه انك حامل؟ضحكت ياعينى وقالتلي ايوة
بجد قمة الجهل والاستهتار انه ممكن يضيع حياة طفل وامل ام بسبب انه مفكرش يسأل او يتأكد حتى
حاجة بجد تحزن

متفائل
23-05-2011, 11:52 PM
"الصحة" تقرر سحب عقار Duxil Tab من الأسواق

http://www.youm7.com/News.asp?NewsID=419252&

a_fouda2
23-05-2011, 11:57 PM
http://a6.sphotos.ak.fbcdn.net/hphotos-ak-snc6/225313_10150183730488460_605263459_6887736_6512164 _n.jpg

toqaa
27-05-2011, 04:42 PM
جزاكم الله خيرا يا دكاترة
ازاي الناس بتفضل تاخد فالادوية وبعدين يكتشفو ان لها اثار جانبية خطيرة ومينفعش تتاخد
الله يكون فعون الشعب المصري ده والله

سوزران
29-05-2011, 11:19 AM
بمناسبة سحب الدوكسيل من السوق بقول للمساعد معانا فى الصيدليه دا الدوكسيل حيتسحب عشان اعراضه الجانبيه لقيته بقولى كويس نجيب كميه ونخبيها عشان لما ينقص بذمكتكم اقول لده ايه قلتله اتقى الله بقولك خطر تقولى نجيب كميه فعلا حاجه تغم :fop (17):

د\بوسى ربيع
29-05-2011, 07:27 PM
انهارده عميل كلمنى كان عايز يعرف ليه اتسحب انا قلت جايز بياثر على الدوره الدمويه فى المخ صح ولا ايه

toqaa
29-05-2011, 10:43 PM
بمناسبة سحب الدوكسيل من السوق بقول للمساعد معانا فى الصيدليه دا الدوكسيل حيتسحب عشان اعراضه الجانبيه لقيته بقولى كويس نجيب كميه ونخبيها عشان لما ينقص بذمكتكم اقول لده ايه قلتله اتقى الله بقولك خطر تقولى نجيب كميه فعلا حاجه تغم :fop (17):



:bj::bj::bj::bj::bj::bj::bj::bj:
لا تعليق

**tota**
29-05-2011, 11:57 PM
مش بيقولو الدوكسيل اتسحب لسه طلبيه جيالنا من كام يوم فيها دوكسيل وقولت للدكتوره انه اتسحب وبردو مش شالته سيباه يا جماعه الموضوع بقى تجاره وللاسف احنا اللى بنعمل كدا ف نفسنا ونرجع نقول ليه اللى بيحصلنا دا ربنا يهدي الجميع

محمد سمير
30-05-2011, 01:18 AM
جزاكم الله خيرا يا دكاترة

ازاي الناس بتفضل تاخد فالادوية وبعدين يكتشفو ان لها اثار جانبية خطيرة ومينفعش تتاخد
الله يكون فعون الشعب المصري ده والله


بمناسبة سحب الدوكسيل من السوق بقول للمساعد معانا فى الصيدليه دا الدوكسيل حيتسحب عشان اعراضه الجانبيه لقيته بقولى كويس نجيب كميه ونخبيها عشان لما ينقص بذمكتكم اقول لده ايه قلتله اتقى الله بقولك خطر تقولى نجيب كميه فعلا حاجه تغم :fop (17):

مش بيقولو الدوكسيل اتسحب لسه طلبيه جيالنا من كام يوم فيها دوكسيل وقولت للدكتوره انه اتسحب وبردو مش شالته سيباه يا جماعه الموضوع بقى تجاره وللاسف احنا اللى بنعمل كدا ف نفسنا ونرجع نقول ليه اللى بيحصلنا دا ربنا يهدي الجميع

للاسف شغلنا اصبح بسينس

..::ciZar_Resala::..
04-08-2011, 01:00 AM
النهاردة ياجماعة حصل موقف علي قد مااتبسطت منه لانى حسيت بقيمتى بجد فالمجتمع وانى اقدر افيد الناس وانى بفضل ربنا قدرت امنع مصيبة ممكن تحصل
علي قد ماكنت حزينة لان فيه مصايب لاقدر الله ممكن تحصل بسبب الجهل والاهمال
دكتور مشهور المفروض وبقاله فترة مش قليلة فالحياة العملية كاتب لواحدة حامل excedrin
ايوووووووووة ماتتخضوش ده حصل بجد
والاكسدرين ده ياجماعة عبارة عن ايه؟
عبارة عنacetaminophene وده ممكن الحامل تاخده
لكن معاه بلوتين الحقيقة asprin,caffiene
لا حول ولا قوة الا بالله مش عارفة ازاي كتبلها ده حتى سالتها انت عرفيتيه انك حامل؟ضحكت ياعينى وقالتلي ايوة
بجد قمة الجهل والاستهتار انه ممكن يضيع حياة طفل وامل ام بسبب انه مفكرش يسأل او يتأكد حتى
حاجة بجد تحزن



و مين اللى قال إن وصفه غلط ؟؟

سألتى هى حامل فى الشهر الكام ؟

الأسبرين مفيش فيه مشكلة فى الشهور الآخيرة ..

بل إنه بيتوصف بيعض الحالات لزيادة سيولة الدم و منع الجلطات فى الأشهر الأخيرة من الحمل ..

زى ما كلنا عارفين .. إن الحمل ده Risk Factor للإصابة بالجلطات .. و خاصة فى الأقدام و الأماكن اللى بيحصل عليها ضغط كبير .. و ممكن الجلطة تتحرك من مكانها ( لا قدر الله لو حصلت ) و بالتالى فى الحالة دى هتبقى الأم و الجنين فى خطر كبير جداً ...

و بالتالى ...

لما نشوف حاجة من دى منفكرش بس فى اتجاه واحد .. و نخلى تفكيرنا دايماً ... Beyond Therapy ..

:) .... هى بقى كانت حامل فى الشهر الكام ؟ .... :)

yojeena
05-08-2011, 02:20 AM
و مين اللى قال إن وصفه غلط ؟؟

سألتى هى حامل فى الشهر الكام ؟

الأسبرين مفيش فيه مشكلة فى الشهور الآخيرة ..

بل إنه بيتوصف بيعض الحالات لزيادة سيولة الدم و منع الجلطات فى الأشهر الأخيرة من الحمل ..

زى ما كلنا عارفين .. إن الحمل ده Risk Factor للإصابة بالجلطات .. و خاصة فى الأقدام و الأماكن اللى بيحصل عليها ضغط كبير .. و ممكن الجلطة تتحرك من مكانها ( لا قدر الله لو حصلت ) و بالتالى فى الحالة دى هتبقى الأم و الجنين فى خطر كبير جداً ...

و بالتالى ...

لما نشوف حاجة من دى منفكرش بس فى اتجاه واحد .. و نخلى تفكيرنا دايماً ... Beyond Therapy ..

:) .... هى بقى كانت حامل فى الشهر الكام ؟ .... :)



اعترض تماما مع حضرتك
هتفرق ايه هي في اي شهر؟؟؟؟؟
ازاي ادي واحدة حامل اسبرين بجرعة 250 ملجم و لو هتاخده 3 مرات يبقي اخدت 750 ملجم في اليوم:ai:

الاسبرين كاتيجوري D!!!

حضرتك بتقول ان الاسبرين مافيش منه مشكلة في ال3 شهور الاخيرة
دا بيعمل مصايب بالذات في ال 3 شهور الاخيره


امتى منستخدمش الأسبرين؟؟؟


في اخر 3 شهور من الحمل ممنوع استخدام الاسبرين !!
لانه بيسبب مصايب منها:
-perinatal mortality موت الجنين قبل الولادة
-antepartum hemorrhage نزيف قبل الولادة
- postpartum hemorrhage نزيف بعد الولادة (والاتنين دول محتمل يكونوا بسبب ان الاسبرين antiplatelet)
- prolonged gestation يعنى طول فترة الحمل قبل الولادة لانه بيمنع تصنيع ال PGs= prostaglandins ال uterotonic اللى بيساعد وبيزود نوبات الطلق عند الحامل بالذات في ال3 شهور الاخيرة قبل الولادة




دا غير المشاكل اللي بيسببها للجنين لأنه teratogenic
من قلب closure of the ductus arteriosus لرئة لتأخر في النمو

الحالة الوحيدة اللي ممكن تدي معاها اسبرين لو ضغطها عالي جدا من الشهور الاولي في الحمل
و الجرعة بتاعته (1or2 mg\kg\d )
يعني لا يتجاوز 150 ملجم في اليوووم

في حالة تانية ماقبل تسمم الحمل ممكن يكتب لها اسبرين بنفس الجرعة اللي قولتها
لكن الافيد انها مش تتحرك و تلازم السرير و الولادة في اقرب وقت ممكن سواء قيصري او طبيعي
ممكن تاخد Mgso4 حقن ودا الافضل ليها و للجنين
يا ريت يا دكتور نتحري شوية لان الحمل بالذات صعب :)
:fop (29):

toqaa
08-08-2011, 02:18 AM
جزاكم الله خيرا د/cizar و د/yojeena
لكن انا بصراحة متفقة مع د/yojeena
لان معلوماتى ان الاسبرين فعلا بيسبب مشاكل طول فترة الحمل ولو اتاخد زى ما الدكتورة ذكرت بيتاخد فحالات محددة جدا وبجرعات صغيرة جدا مش 3 مرات فعلا
لذلك انا ماهتميتش أسأل الحمل فالشهر الكام
لو فيه حد عنده معلومات تانية بالنسبة للموضوع ده ياريت يقولها

-----
لكن أنا افتكرت ان المريضة مكانش باين عليها حمل قصدى بطنها مكانتش كبيرة ولا حاجة فممكن تكون كمان فالشهور الاولي

..::ciZar_Resala::..
12-08-2011, 01:15 AM
اعترض تماما مع حضرتك
هتفرق ايه هي في اي شهر؟؟؟؟؟
ازاي ادي واحدة حامل اسبرين بجرعة 250 ملجم و لو هتاخده 3 مرات يبقي اخدت 750 ملجم في اليوم:ai:

الاسبرين كاتيجوري D!!!

حضرتك بتقول ان الاسبرين مافيش منه مشكلة في ال3 شهور الاخيرة
دا بيعمل مصايب بالذات في ال 3 شهور الاخيره



دا غير المشاكل اللي بيسببها للجنين لأنه teratogenic
من قلب closure of the ductus arteriosus لرئة لتأخر في النمو

الحالة الوحيدة اللي ممكن تدي معاها اسبرين لو ضغطها عالي جدا من الشهور الاولي في الحمل
و الجرعة بتاعته (1or2 mg\kg\d )
يعني لا يتجاوز 150 ملجم في اليوووم

في حالة تانية ماقبل تسمم الحمل ممكن يكتب لها اسبرين بنفس الجرعة اللي قولتها
لكن الافيد انها مش تتحرك و تلازم السرير و الولادة في اقرب وقت ممكن سواء قيصري او طبيعي
ممكن تاخد Mgso4 حقن ودا الافضل ليها و للجنين
يا ريت يا دكتور نتحري شوية لان الحمل بالذات صعب :)
:fop (29):



أنا أختى كان موصوفلها أسبرين فى آخر شهر عشان الجلطات .... و دى حالة قدامى مش قرأت عنها فى كتاب ..

و جابت بنوتة (تانية) زى القمر ما شاء الله ... ربنا يجفظها .. "بيسان" .. بنت أختى :fopl00l:...

و عامة ... هجيبلكم الخبر الأكيد عن الموضوع ده ..

dr_orchida
12-08-2011, 01:42 AM
هناك حالات للحوامل يتم علاجها بالأسبرين بجرعات محدودة وفي أوقات معينة مثل:

1-الحامل التي تعاني من النقص المشيمي.
2-الحامل المعرضة لخطر الإصابة بارتفاع ضغط الدم.
3-في حالة المضاعفات المصاحبة لحالات التشنج والتسمم الحملي الذي يتسبب الانتفاخ وارتفاع ضغط الدم وظهور البروتين في البول أثناء فترة الحمل.
4-الحامل التي تعرضت لإجهاض سابق.

الإسبرين يعطي بمعدل 75 ملم جرام يوميًّا بعد مشاهدة نبض الجنين بالموجات فوق الصوتية، وعليه الإسبرين لا يؤدي إلى موت الجنين. يعطي الإسبرين لغاية 34 أسبوعًا من الحمل.
.
.
وانا بتفق مع د\ciZar_Resala::..
ان الاسبرين مش كارثة للدرجة دي هو مفيد في حالات معينة وبجرعة ميعنة
لو اتعطي فتوقيت غلط بجرعات غلط بيسبب العكس لا قدر الله
فاكيد الدكتور بتاعها عارف حالتها كويس وعلي هذا الاساس اتصرف كده وزيادة تأكيد كنتي حضرتك اتصلتي بالدكتور استفسرتي منه عالمعلومة الصح وتوصلوا لحل يفيد المريض في جميع الاحوال

تقبلوا مروري
:hi: :hi: :hi:

..::ciZar_Resala::..
12-08-2011, 01:53 AM
هناك حالات للحوامل يتم علاجها بالأسبرين بجرعات محدودة وفي أوقات معينة مثل:

1-الحامل التي تعاني من النقص المشيمي.
2-الحامل المعرضة لخطر الإصابة بارتفاع ضغط الدم.
3-في حالة المضاعفات المصاحبة لحالات التشنج والتسمم الحملي الذي يتسبب الانتفاخ وارتفاع ضغط الدم وظهور البروتين في البول أثناء فترة الحمل.
4-الحامل التي تعرضت لإجهاض سابق.

الإسبرين يعطي بمعدل 75 ملم جرام يوميًّا بعد مشاهدة نبض الجنين بالموجات فوق الصوتية، وعليه الإسبرين لا يؤدي إلى موت الجنين. يعطي الإسبرين لغاية 34 أسبوعًا من الحمل.
.
.
وانا بتفق مع د\ciZar_Resala::..
ان الاسبرين مش كارثة للدرجة دي هو مفيد في حالات معينة وبجرعة ميعنة
لو اتعطي فتوقيت غلط بجرعات غلط بيسبب العكس لا قدر الله
فاكيد الدكتور بتاعها عارف حالتها كويس وعلي هذا الاساس اتصرف كده وزيادة تأكيد كنتي حضرتك اتصلتي بالدكتور استفسرتي منه عالمعلومة الصح وتوصلوا لحل يفيد المريض في جميع الاحوال

تقبلوا مروري
:hi: :hi: :hi:


جوزيت خيراً يا دكتور ...

و زيادة تأكيد منى أنا ..

إن شاء الله هتصل بمدير قسم التدريب عندنا و أسأله فى النقطة دى .. و أرد عليكم بإذن الله الإجابة الكاملة :) ..

yojeena
12-08-2011, 01:59 AM
أنا أختى كان موصوفلها أسبرين فى آخر شهر عشان الجلطات .... و دى حالة قدامى مش قرأت عنها فى كتاب ..

و جابت بنوتة (تانية) زى القمر ما شاء الله ... ربنا يجفظها .. "بيسان" .. بنت أختى :fopl00l:...

و عامة ... هجيبلكم الخبر الأكيد عن الموضوع ده ..



ما شاء الله
ربنا يبارك فيها و يخليهالكم
بس حضرتك مقولتش كانت بتاخد اسبرين نوع ايه
اكيد لرفع سيولة الدم فقط

هناك حالات للحوامل يتم علاجها بالأسبرين بجرعات محدودة وفي أوقات معينة مثل:

1-الحامل التي تعاني من النقص المشيمي.
2-الحامل المعرضة لخطر الإصابة بارتفاع ضغط الدم.
3-في حالة المضاعفات المصاحبة لحالات التشنج والتسمم الحملي الذي يتسبب الانتفاخ وارتفاع ضغط الدم وظهور البروتين في البول أثناء فترة الحمل.
4-الحامل التي تعرضت لإجهاض سابق.

الإسبرين يعطي بمعدل 75 ملم جرام يوميًّا بعد مشاهدة نبض الجنين بالموجات فوق الصوتية، وعليه الإسبرين لا يؤدي إلى موت الجنين. يعطي الإسبرين لغاية 34 أسبوعًا من الحمل.
.
.
وانا بتفق مع د\ciZar_Resala::..
ان الاسبرين مش كارثة للدرجة دي هو مفيد في حالات معينة وبجرعة ميعنة
لو اتعطي فتوقيت غلط بجرعات غلط بيسبب العكس لا قدر الله
فاكيد الدكتور بتاعها عارف حالتها كويس وعلي هذا الاساس اتصرف كده وزيادة تأكيد كنتي حضرتك اتصلتي بالدكتور استفسرتي منه عالمعلومة الصح وتوصلوا لحل يفيد المريض في جميع الاحوال

تقبلوا مروري
:hi: :hi: :hi:


حضرتك قلتي نفس الحالات اللي انا ذكرتها و قلت ينفع في حالات معينة


الحالة الوحيدة اللي ممكن تدي معاها اسبرين لو ضغطها عالي جدا من الشهور الاولي في الحمل
و الجرعة بتاعته (1or2 mg\kg\d )
يعني لا يتجاوز 150 ملجم في اليوووم

في حالة تانية ماقبل تسمم الحمل ممكن يكتب لها اسبرين بنفس الجرعة اللي قولتها
لكن الافيد انها مش تتحرك و تلازم السرير و الولادة في اقرب وقت ممكن سواء قيصري او طبيعي
ممكن تاخد Mgso4 حقن ودا الافضل ليها و للجنين
يا ريت يا دكتور نتحري شوية لان الحمل بالذات صعب :)
:fop (29):




لكن يا دكتورة حضرتك قولتيها بنفسك التركيز 75 مل في اليوم

يبقي ازاي عادي اني ادي حامل اسبرين بجرعات تصل لـ 750 مل في اليوم!!!!!!!!!!!!!!!!:fop7:

عامة انا بتكلم عن معلومات دقيقة و معدلات دولية مش رأي خاص بيا

المفروض دا تخصصنا و احنا بنتحاسب علي ارواح الناس:)

عبدالله عبدالرحمن
12-08-2011, 02:04 AM
أنا أختى كان موصوفلها أسبرين فى آخر شهر عشان الجلطات .... و دى حالة قدامى مش قرأت عنها فى كتاب ..

و جابت بنوتة (تانية) زى القمر ما شاء الله ... ربنا يجفظها .. "بيسان" .. بنت أختى :fopl00l:...

و عامة ... هجيبلكم الخبر الأكيد عن الموضوع ده ..


أهلا يادكتور ياسر
انا متفق مع الدكتورة فى ان الأسبرين له مخاطره
وممكن الحالة اللى حضرتك بتتكلم عليها
كان مثلا فيها risk factor
خلى الدكتور يوازن بين المخاطر والفوائد
ده غير ان أكيد الجرعة بتبقى صغيرة جدا
لكن كلام الدكتورة يوجينا صحيح 100%
ومش كلام كتب بس
:fop (29):

yojeena
12-08-2011, 10:27 PM
أهلا يادكتور ياسر
انا متفق مع الدكتورة فى ان الأسبرين له مخاطره
وممكن الحالة اللى حضرتك بتتكلم عليها
كان مثلا فيها risk factor
خلى الدكتور يوازن بين المخاطر والفوائد
ده غير ان أكيد الجرعة بتبقى صغيرة جدا((هو دا اللي بحاول اوصله :fop (41):))
لكن كلام الدكتورة يوجينا صحيح 100%
ومش كلام كتب بس
:fop (29):



:hi::hi:
نفع الله بنا و اياكم

نعمة
13-08-2011, 04:08 PM
ممكن سؤال إذا واحدة بتعطي حقنة لشخص مريض بالكبد بحالة حادة وبعد ما رمتها ثاني يوم وهي بترمي الصنوق شكتها سن السرنجة دي هل ممكن يحدث لها عدوي وهي خرجت الدم بعد ما شكتها الإبرة وإيه هو الحل الآن ؟
ممكن رد سريع وجزاكم الله خيرا

yojeena
13-08-2011, 05:31 PM
خلاص انتي طلعتي الدم ان شاء الله مفيش مشكلة
بس كان افضل تستخدمي كحول او تغسلي ايدك بالميا والصابون
عامة تعملي تحاليل كبد بعد 6 شهور للاطمئنان فقط
و ان شاء الله خير ماتقلقيش:)

نعمة
13-08-2011, 05:54 PM
خلاص انتي طلعتي الدم ان شاء الله مفيش مشكلة


بس كان افضل تستخدمي كحول او تغسلي ايدك بالميا والصابون
عامة تعملي تحاليل كبد بعد 6 شهور للاطمئنان فقط
و ان شاء الله خير ماتقلقيش:)


جزاكي الله خيرا
مادام البنت طلعت الدم إن شاء الله مفيش مشكلة
والتحليل تعملها بعد 6 شهور ؟؟؟؟؟؟؟؟

mido17
14-08-2011, 09:33 AM
يستحسن برده لو تسألي حد يكون تخصصه ميكروبيولوجي علشان لو في أي اجراء ممكن تعمليه لتجنب اي مخاطر وان شاء الله ميكونش في خطوره
انتي بتقولي انك رميتيها ثاني يوم و انا سمعت قبل كده من دكتور مناعه ان الدم لو نشف الفيروس بيموت
ان شاء الله ميكونش في حاجه

نعمة
14-08-2011, 11:21 PM
يستحسن برده لو تسألي حد يكون تخصصه ميكروبيولوجي علشان لو في أي اجراء ممكن تعمليه لتجنب اي مخاطر وان شاء الله ميكونش في خطوره
انتي بتقولي انك رميتيها ثاني يوم و انا سمعت قبل كده من دكتور مناعه ان الدم لو نشف الفيروس بيموت
ان شاء الله ميكونش في حاجه

شكرا جزاك الله خيرا

Amira
17-08-2011, 08:18 PM
السلام عليكم ورحمة الله :)
عاوزه أسأل سؤال :
فى واحده زميله امى فى الشغل بتقول انها لما ضرسها او اسنانها توجعها بتسخن ميا وتفتح كبسوله مضاد حيوى وتدوبها فى الميا السخنه دى وتتمضمض بيها واللى قالها على الكلام ده دكتور بشرى

هو الكلام ده مظبوط ؟؟ يعنى ينفع اى حد يفتح الكبسوله ويطلع اللى جواها كده ! هى اكيد مش محطوطه يعنى فى كبسوله منظره ازاى يطلعوا اللى فيها !!!

SHEREIF
18-08-2011, 06:11 PM
السلام عليكم ورحمة الله :)

عاوزه أسأل سؤال :
فى واحده زميله امى فى الشغل بتقول انها لما ضرسها او اسنانها توجعها بتسخن ميا وتفتح كبسوله مضاد حيوى وتدوبها فى الميا السخنه دى وتتمضمض بيها واللى قالها على الكلام ده دكتور بشرى


هو الكلام ده مظبوط ؟؟ يعنى ينفع اى حد يفتح الكبسوله ويطلع اللى جواها كده ! هى اكيد مش محطوطه يعنى فى كبسوله منظره ازاى يطلعوا اللى فيها !!!

اه طبعا ينفع عادى يا دكتورة
اولا لازم حضرتك تبقى عارفه ليه الدوا محطوط فى كبسولات ؟
ياما طعم الدوا مر وبيبقى صعب على الانسان انه يتذوقه
ياما الدوا اللى فى الكبسوله بيتاثر بحموضة المعدة وبيتكسر او يكون بياثر على المعدة ذات نفسها او اى حاجة من افرازاتها
او ان اصلا الدوا بيمتص من الامعاء فلازم حاجة تخليه يوصل للامعاء علشان يحصله امتصاص هناك
ثانيا بقى بالنسبة للحالة دى
هو ممكن يكون الدكتور فكرته من الحكاية دى انه يسرع عمليه الامتصاص مثلا لان اصلا كدة كدة الكبسولة بتتحلل فى الجسم وبيحصل release للدوا منها وبعدين بيحصل dissolution فى عصارة الجسم وبعدين يحصل ال absorption وكدة
او ممكن يكون الدكتور ده بيستخدم تاثير المادة اللى فى الكبسولة كتاثير topical على الاسنان لتخفيف الالم او كدة يعنى وده احتمال ضعيف بس الاحتمال الاول هو الاقرب ان شاء الله

عبدالله عبدالرحمن
18-08-2011, 06:28 PM
اه طبعا ينفع عادى يا دكتورة
اولا لازم حضرتك تبقى عارفه ليه الدوا محطوط فى كبسولات ؟
ياما طعم الدوا مر وبيبقى صعب على الانسان انه يتذوقه
ياما الدوا اللى فى الكبسوله بيتاثر بحموضة المعدة وبيتكسر او يكون بياثر على المعدة ذات نفسها او اى حاجة من افرازاتها
او ان اصلا الدوا بيمتص من الامعاء فلازم حاجة تخليه يوصل للامعاء علشان يحصله امتصاص هناك
ثانيا بقى بالنسبة للحالة دى
هو ممكن يكون الدكتور فكرته من الحكاية دى انه يسرع عمليه الامتصاص مثلا لان اصلا كدة كدة الكبسولة بتتحلل فى الجسم وبيحصل release للدوا منها وبعدين بيحصل dissolution فى عصارة الجسم وبعدين يحصل ال absorption وكدة
او ممكن يكون الدكتور ده بيستخدم تاثير المادة اللى فى الكبسولة كتاثير topical على الاسنان لتخفيف الالم او كدة يعنى وده احتمال ضعيف بس الاحتمال الاول هو الاقرب ان شاء الله


معلش يادكتور هعلق على كام نقطة
==
=
الكبسول اللى بتحمى الدواء من حامض المعدة
أو اللى بتعطى تأثير مطول Sustained release
ماينفعش على الإطلاق انك تفتحها أبدا
لازم تأخذ
intact
لكن الكبسول العادى اللى فيها مجرد powder
مفيش مشكلة طالما بتتذوب فى كمية الماء المظبوطة
لو هتبقى Multi dose
أو كمية ماء مناسب لو كبسولة بكبسولة
ولما ساعات بيبقى فى نقص فى الأدوية الشراب ساعات
ممكن يتم تحضير الoral liquid
من الsolid dosage
وعادة لازم الصيدلى اللى يعمل كده
-==-
فى غير الحالة اللى الدكتورة اميرة ذكرتها
لازم نتأكد من موضوع ان الكبسولة
-لأن المضاد الحيوى مش بيسكن الألم
لكن ممكن لو فى عدوى بس
عمر ما التأثير يبقى بالسرعة دى
واعتقد ان الماء الساخن هو اللى بيخفف الألم-
التأثيرالفورى أبدا بالشكل ده
مش coated
أو فيها S.R
غير كده عادى
معلومات أكثر عن الSolid dosage form
هنا (http://www.pharma-board.com/board/showthread.php?t=21819&page=2)
:fop (28):

Amira
18-08-2011, 06:36 PM
اه طبعا ينفع عادى يا دكتورة


اولا لازم حضرتك تبقى عارفه ليه الدوا محطوط فى كبسولات ؟
ياما طعم الدوا مر وبيبقى صعب على الانسان انه يتذوقه
ياما الدوا اللى فى الكبسوله بيتاثر بحموضة المعدة وبيتكسر او يكون بياثر على المعدة ذات نفسها او اى حاجة من افرازاتها
او ان اصلا الدوا بيمتص من الامعاء فلازم حاجة تخليه يوصل للامعاء علشان يحصله امتصاص هناك
ثانيا بقى بالنسبة للحالة دى
هو ممكن يكون الدكتور فكرته من الحكاية دى انه يسرع عمليه الامتصاص مثلا لان اصلا كدة كدة الكبسولة بتتحلل فى الجسم وبيحصل release للدوا منها وبعدين بيحصل dissolution فى عصارة الجسم وبعدين يحصل ال absorption وكدة

او ممكن يكون الدكتور ده بيستخدم تاثير المادة اللى فى الكبسولة كتاثير topical على الاسنان لتخفيف الالم او كدة يعنى وده احتمال ضعيف بس الاحتمال الاول هو الاقرب ان شاء الله

شكـرا يا دكتور
انا عارفه طبعا وظيفه الكبسوله نفسها , وعشان كده سالت ... ماهو اذا كان الدوا نفسه بيبقى له تأثير فى الامعاء بس مثلا ومش هيدى تأثير فى مكان تانى يبقى مينفعش يتاخد كده
او كان هيبقى فى مضادات حيويه تتاخد بنفس الطريقه اللى الدكتور ده قال عليها , انا مثلا عمرى ماشوفت مضاد حيوي للمضمضه !

-----

معلش يادكتور هعلق على كام نقطة
==
=
الكبسول اللى بتحمى الدواء من حامض المعدة
أو اللى بتعطى تأثير مطول Sustained release
ماينفعش على الإطلاق انك تفتحها أبدا
لازم تأخذ
intact
لكن الكبسول العادى اللى فيها مجرد powder
مفيش مشكلة طالما بتتذوب فى كمية الماء المظبوطة
لو هتبقى Multi dose
أو كمية ماء مناسب لو كبسولة بكبسولة
ولما ساعات بيبقى فى نقص فى الأدوية الشراب ساعات
ممكن يتم تحضير الoral liquid
من الsolid dosage
وعادة لازم الصيدلى اللى يعمل كده

هى حتى متعرفش وظيفه الكبسوله ايه لان الدكتور قالها أى مضاد حيوى تفتحيه وتعملى كده
-==-
فى غير الحالة اللى الدكتورة اميرة ذكرتها
لازم نتأكد من موضوع ان الكبسولة
-لأن المضاد الحيوى مش بيسكن الألم
لكن ممكن لو فى عدوى بس
عمر ما التأثير يبقى بالسرعة دى
واعتقد ان الماء الساخن هو اللى بيخفف الألم-
التأثيرالفورى أبدا بالشكل ده
مش coated
أو فيها S.R
غير كده عادى
معلومات أكثر عن الSolid dosage form
هنا (http://www.pharma-board.com/board/showthread.php?t=21819&page=2)
:fop (28):

شكـراً يا د.عبدالله :)

متفائل
18-08-2011, 07:27 PM
ياريت لو حد عنده خلفية عن فكرة عمل أقراص الملح للوقاية من ضربات الشمس

نعمة
24-08-2011, 08:43 PM
ممكن سؤال إذا واحدة بتعطي حقنة لشخص مريض بالكبد بحالة حادة وبعد ما رمتها ثاني يوم وهي بترمي الصنوق شكتها سن السرنجة دي هل ممكن يحدث لها عدوي وهي خرجت الدم بعد ما شكتها الإبرة وإيه هو الحل الآن ؟

اسم التحليل المطلوب تعمله للتأكد من سلامتها إيه ؟؟؟؟؟؟؟؟؟؟؟

(Dr enas)
14-09-2011, 01:42 AM
اعتقد ان ده يعتمد علي نوع المرض اللي عند المريض ده هل هو خلل في وظائف الكبد لاي سبب والا فيروس كبدي

pharmacistina
14-09-2011, 11:42 PM
اسم التحليل المطلوب تعمله للتأكد من سلامتها إيه ؟؟؟؟؟؟؟؟؟؟؟

لازم تحاسبي يا دكتورة مينفعش موقف زي كدة يحصل , و بعدين ليه مش بتغطوا السرنجات قبل ما ترموها في الباسكيت ؟؟؟؟؟ المفروض تستخدمي السرنجة بعدين تغطيها بعدين ترميها عشان محدش يتعور سواء انتي أو عامل النظافة الخ ....

عموما ربنا يستر , اعملي وظائف كبد و فيروس سي لو حابة تطمني على نفسك

بس عموما لو لا قدر الله كان حصل حاجة مش هتبان دلوقت

فوضي أمرك لله و اعملي وظائف كبد و فيروس سي دلوقت عشان تطمني مش أكتر

..::ciZar_Resala::..
26-11-2011, 07:34 AM
هو الموضوع هنا واقف ليه و محدش بيكتب ليه ؟