أخبار النتيجة

[shaph3yitaly]

اللي يعرف حاجة عن النتيجة أو ميعادها أو أي حاجة ياريت يبلغنا

[khokha224]

يافتاح ياعليم
احنا لحقنا

عموما اللى سمعته ان النتيجه بتبان بعد اسبوعين بالضبط من معاد اخر امتحان
عشان الجيش والدور التانى والكلام ده

[Amira Said]

وفيم العجلة؟
د/محمود بكر كان قايل في اول محاضرة ان نتيجة رابعة ترم تاني بتظهر بعد اسبوعين علشان كل واحد يشوف اللي وراه،، زي ما خوخة قالت، الجيش والدور التاني

[mansy89]

ايه يا شافعي ؟ احنا لسة لحقنا ,,,,
عموما ماتقلقش ... أول ماعرف حاجة هابلغك ان شاء الله

[shaph3yitaly]

ههههههههه .. هعمل إيه بس يا منسي .. أصل أنا بقالي كتيييييير قوي في الكلية وعايز أخلص بقى .. ع العموم أنا سمعت أن كل نتايج الكلية لازم تطلع بدري عشان نظام الجوده ... لما نشوف

[khokha224]

هو احنا مفروض نعمل استبيان برده
لو كده يبقى نلحق نعمله دلوقتى احسن
عشان لما النتيجه تظهر نكون مستعدين

[Larine_Resala]

ربنا يستر ...........

[د\بوسى ربيع]

المفروض بقى زى ما زنقونا فى الامتحانات يتزنقوا فى التصحيح ويطلعوا النتيجه بدرى ايه ده انا مالى بقيت شريره كده ليه لا اللى فى الخير ربنا يجيبه فى الوقت اللى شايفه

[Anas]

على فكرة في مادة من اللي كانو في الأول عندكم شبه خلصت في التصحيح

[سوزران]

يا جماعه كل ما ادخل الباس وورد والidفى موقع الاستبيان يقولى غلط مع انى متأكده منهم تماما وصاحبتى كده برده ماحدش يعرف ايه المشكله؟؟؟؟؟؟؟؟؟؟؟؟؟؟؟؟؟