%$%$.. ناويين على ايه يادفعة صيدلة المنصوره رقم 36..%$%$

[محمد سمير]

الحمد لله خلصنا الكليه وكلنا نتخرج ان شاء الله على خير

ونكون الدفعه رقم 36

فى كلية الصيدله جامعة المنصوره

كل واحد يدخل يقلنا ناوى يعمل ايه بعد التخرج

ياترى تحب تشتغل فى صيدليه ولا تشتغل فى شركة ادويه

ولا تسافر بره

ولا تقعد على القهوه

منتظر اعرف كل واحد بيفكر فى مستقبله ازاى

هابى كونجيه يادفعتى

العسلووووووووووووووووووووووز

[drsherbiny]

بسم الله الرحمن الرحيم

احب اهنئ زملاتي بانتهاء المرحلة الجامعيه

كل سنه وانتو طيبين

ايه اللي ممكن اعمله كصيدلي الوقتي يعني انا اهوه اتخرجت المفروض بقه اشتغل ايه


بالنسبه للولاد

1 - ادرب او اشتغل في صيدلية لحد اما تشوف ورق جيشك اللي هيبان حسب تاريخ ميلادك
يعني نص اول او تاني والولاد عارفين معنا كلامي

لازم تحدد المجال اللي انته عاوز تمشي فيه

هل انا عاوز اكون

community pharmacist

او

medical representative


عاو تكون كوميونتي فارماسست اعرف انك هتفضل طول حياتك كده ولازم تتعود علي كده ساعتا تشوف صيدلية محترمة تشتغل فيها

وتبدا من اول شهر واحد كده تتابع بقه اهرام الجمعه اول باول

لان عقود الصيدليات بتنزل عليها


طب لو انا عاوز اكون ميديكال ريبرسنتاتف

نفس الحوار حضر سي في محترم كده وتقدمه في كل الشركات اشتغل الاول في لوكال لحد اما يجيلم فرصه في مالتي
وهنا بقه لازم تتطور من نفسك علي الاخر وتكون متابع كل حاجة في السوق

هنا بقه يرجعلك الاختيار تكمل في البلد دي ولا تسافر ؟؟؟؟؟

عاوز تكمل يبقي تستقر في شركة مالتي محترمه وتجتهد وتترقي وربنا يوفقك

عاوز تسافر تاخد هنا سنتين خبرة وبرضه تكون متابع اهرام الجمعه

حدعاوز يستفسر عن حاجة برضه يقولي

بالنسبه للبنات
نفس النظام اشتغلي في صيدليه لحد التكليف بتاعك اما يجي علي شهر سبعه كده

بالنسبه لشغل الشركات متوفر برضه بس عاوز تنازلات شوية وبالنسبه لعقود السفر للبنات بتكون موجوده برضو

سواء كوميونتي فارماسست او ميديكال ريب

بس طبعا مش زي الولاد

ان شاء الله نعمل موضوع يختص بالوظائف وربنا يكرمنا جميعا اي استفسار نكتبه هنا

[khokha224]

بالنسبه للبنات
بس طبعا مش زي الولاد

ليه يعنى
احنا ولاد البطه السودا

على فكره الكلام ده اتغير كان زمان

[محمد سمير]

ليه يعنى
احنا ولاد البطه السودا

على فكره الكلام ده اتغير كان زمان

لا مش ولاد البطه السودا

ربنا يوفقكم ان شاء الله

انا عاوز اعرف بقه هل فى بنات بعد 5 سنين دراسه فى صيدله

غير سنين الدراسه اللى قبل كده

هتكتفى انها تجوز وتقعد فى البيت من غير ما تشتغل

ولا ايه

[قناع الذهب]

لا ان شاء الله انا ناويه ارتاح شويه فى البيت وبعدين اشتغل
انا فعلا كنت رافضة فكرة ان اشتغل دى خاااااالص لحد تانيه صيدله وبعدين بعد كدة بعد تالته ورابعة يعنى قلت لا لازم اشتغل بقة ههههههههههه امال مين هيقوللى يا دكتورة
يللا ربنا يعمللنا اللى فيه الخير
بس انا عندى سؤال
لو انا عايزة اعمل cv
هيبقى فاضى اوى صح ؟؟ طب كدة عادى ولا ايه ولو حد يعرف بيتعمل ازاى يقوللى ماشى

[golden girl]

قناع الذهب انا معاكي في موضوع ال c.v ده وبسال نفس السؤال هنعمله فاضي
وبعدين انا شايفه انه كتير اوي ان بعد كل العذاب ده نتخج ونقعد في البيت طب كان ليه من الاول

[محمد سمير]

حملوا ملف الورد ده

هتلاقوا فيه الحاجات اللى بتكتب فى السى فى

اللى ناقص بس ان احنا نكتب بقه بياناتنا فيه

http://www.mediafire.com/?dizvrw3yfnm

[khokha224]

لا مش ولاد البطه السودا

ربنا يوفقكم ان شاء الله

انا عاوز اعرف بقه هل فى بنات بعد 5 سنين دراسه فى صيدله

غير سنين الدراسه اللى قبل كده

هتكتفى انها تجوز وتقعد فى البيت من غير ما تشتغل

ولا ايه

اكيد لا طبعااااااااااااااااا
ده حتى يبقى حرام تعب السنين دى كلها
بس ربنا يارب يوفقنا ويقدرنا نعمل حاجه مفيده ان شاء الله

وبعدين انا شايفه انه كتير اوي ان بعد كل العذاب ده نتخج ونقعد في البيت طب كان ليه من الاول

هو ده الكلام
هى دى بنات بلدى اللى اعرفها
go girls

وروهم اننا مش بس بتوع باميه وملوخيه وغسيل مواعين
احنا ادنا ادهم
على الاقل احنا نعرف نعمل الاتنين لكن مفيش راجل يعرف يعمل شغل الستات ولا ايه


(ملحوظه انا لحد دلوقتى مش عارفه هعمل ايه اصلا بس ان شاء الله هنلاقى يعنى)

[د\بوسى ربيع]

طيب انا دلوقتى عايز اشتغل فى صيدليه شويه لانى معرفش اى حاجه فى الادويه الصراحه يعنى مكنتش بتدرب وكنت مانتخه خالص حد بقى يفهمنى اعمل ايه واروح فين وامتى وازى وكل الحاجات دى

[همسة عتاب]

ألف ألف مبرووك التخرج يا جماعة...

ويااارب يكلل تعب السنة دي بالنجاح لينا كلنا...

بصراحة انا نفسي أشتغل.. بس في مجال تاني خاالص..

بس مش عارفة إذا ينفع ولا لأ؟؟

في مجال الصحافة؟؟

يا ترى حد عنده أي خلفية؟؟

بالتوفيق لينا كلنا..