مع قناة الافلام.....مش هتقدر تسيبنا وتصلى

[S!lent Tear]

أعزائي المشاهدين .. أهلا و سهلا بكم في قناتكم المفضلة قناة الأفلام ..

إليكم برنامج شهر رمضان المعظم

في تمام الساعة12.00تلتقون مع فيلم ' إوعى تصلي الظهر ' و هو فيلم تدور قصته حول غبي لعب الشيطان بعقله فترك لقاء الله عز وجل ومناجاته وتابع برامجنا

في تمام الساعة15.00تلتقون مع برنامج ' إنسى وِردك ' و هو برنامج نستضيف فيه العديد من الفنانين جاءوا فقط ليلهو سعادتك عن وردك من القران ..

في تمام الساعة16.00تلتقون مع المسلسل الشيطاني ' صل العصرفي البيت ' وهو مسلسل لاقى نجاحا كبيرا في أوساط ضعاف العقول و الإيمان حيث تدور فكرته الأساسية ان الصلاة في المسجد غير مهمة و صلاتك في بيتك أحسن ..

في تمام17.30تلتقون مع برنامج ' إربح المليون ' هو برنامج مسابقات يتيح لك الفرصة لتربح ملايين الدولارات و في نفس الوقت يسمح لك بنسيان وردك من ذكر اللهو بالتالي تفقد ملايين الحسنات ..

مع صلاة المغرب تلتقون مع النقل المباشرللحفل الفني الذي يحييه العديد من عدوى انفسهم و عدوى الامة و طبعا نقدم لك الحفل تغطية عن النقل المباشر للصلاة من الحرم ..

في تمام الساعة20.00تلتقون مع الجزء الثاني من فيلم ' إلا التراويح ' و هو فيلم يمتد من قبل صلاة العشاء الى حدود الساعة22.00

و هو فيلم بذل فيه المخرج و سعه و تكلف فيه ميزانية ضخمة فقط ليلهيك عن صلاةالتراويح

ومع السهرة تسهرون الليلة مع فيلم ' نم وعليك ليل طويل ' و هو فيلم بالاشتراك مع الشيطان قصته تدورحول غبي سمح للشيطان (بطل الفيلم) ليبول في اذنه وينومه عن صلاة الفجر و العديد من الأحداث المثيرة .. أترك لكم بقيتها في جهنم ..

لا تنسوا شعارنا :

مع قناة الافلام مش حتقدر تسيبنا وتصلي !!

[*محبة رسول الله*]

عثل وثكر يا أمانى والله العظيم عثل عثل عثل

انتى عارفه انا والله قولت لأختى الصغيرة انا هحلف على حاجة واشهدى عليه

قالتلى ايه؟

قولتلها أقسم بالله العظيم ما هتفرج على اى حاجة فى التليفزيون حتى البرامج الدينيه فى رمضان لو قدر الله لى البقاء...

قالتلى خلاص ماشى انا شاهده عليكى

بجد لما حد يكون عاوز يتغلب على نفسه فى حاجة يحلف انه مش هيعملها عشان يحط نفسه أدام الأمر الواقع....

ربنا يهدينا ويجعلنا من المقبولين فى هذا الشهر المبارك



انا بعتلك السلام على فكرة وصلك ولا اضرب دينا؟

[Messi]

ياتري القنوات الدينيه
مقدمه لنا ايه السنه دي في رمضان؟؟؟؟

انا كنت متابع كام برنامج كده في رمضان الي فات علي الرحمه
وكنت بحب جدا
برنامج(ايمن صيدح) الي قبل الفجر.....الي كان بيخوفنا فيه..
وبرنامج تاني كده بيجي بعد الفطار علي طول
وبرامج تانيه بس مش فاكر الحقيقه...

بجد كان رمضان جميل جدا السنه الي فاتت علي القنوات الدينيه..

[*محبة رسول الله*]

طيب دلوقتى انا حلفت انى مش هشوف اى حاجة خالص

حتى المنتدى ان شاء الله لو هتتعمل مسابقة هدخل اجاوب واخرج سريعا بدون اى مشاركات فى مواضيع تانيه.

انا واحدة صاحبتى قالتلى قبل كده انه الشيخ يعقوب كان قال يا جماعه البرنامج بتاعى مش عاوزكم تسمعوه فى رمضان لان كل الحاجات دى بتتعاد تانى بعد رمضان فنستغل اللحظات الروحانية دى يا جماعه فى قراءة القرآن , فى الذكر , فى الاستغفار, فى صلة الأرحام , فى عمل الخير , فى الصدقة ,,,,,,, الى آخر هذه العمال التى نرجو بها وجه* الله* جل وعلا

وفقنا الله جميعا لكل خير

[منى]

جزاكِ الله خيرا
ونعوذ بالله من الغبن

[محمد وجدي]

لا حول ولا قوة إلا بالله

واقع محزن

ربنا يهدي الجميع

[دينا سالم]

جزاكي الله خيرا....

اللهم بلغنا رمضــــان.

اللهم بلغنا رمضـــــــــان.

اللهم اعننا علي ذكرك وشكرك وحسن عبادتك.

[white light]

جزلكى الله خيرا

بجد يا جماعه احنا المفروض منضيعش وقتا فى رمضان خالص لان ده شهر العباده

رمضان اللى فات شلنا التيلفزيون والنت والله العظيم كان احلى رمضان قدرت انا واخواتى نختم القران اكتر من مرتين وبجد الوقت كان فى بركه وهدوء وراحه نفسيه فى البيت لما كلنا نجتمع على قراء القران ونعقد مع بابا ونحاول نتدبر اياته بجد دى احلى الاوقات مش الجلوس ادام التيلفزيون ونتفرج على البرامج الدينه واكيد يعنى هننسى نفسنا ونضيع وقت ادامه واصلا كل البرامج بتتعاد تانى فمحدش يزعل عليها

[Al-Shaimaa]

ربنا يهدي الجميع
ويرزقنا التوبة والصلاح
ويبعد عنا شياطين الانس التي تلهينا في رمضان وغير رمضان

جزاكِ الله كل خير يا أماني وجعله الله في ميزان حسناتك

[S!lent Tear]

جزاكم الله خير جميعا على المرور الطيب