Public !!!!!!!!!!!!!!!

[Amira Said]

السادة الزملاء ما رأيكم ؟

ملحوظة: معرفتش اضيف استفتاء اقول فيه ايه، لو حد عنده اقتراح ياريت يتفضل
-----
أول رأي معانا رأي منى

طبعا كلكم مبسوطين من الامتحان

أنا لو قلت هقول كتير بجد ,

كنت في الامتحان في حالة ذهول و الله

خليني ساكتة أحسن ..

No comment

[alnesr1988]

بلاش احسن المنتدى متراقب وأرقامنا في الكشوف معروفه

[Ramy Saad]

السؤال اللي بـ 7 درجات ده حلو
النقطة الواحدة بـ 1/3 درجة



الواحد يقعد يحل أسئلة في صفحة ولا حاجة ويجي يشوف هو حل ايه
يلاقيه 3 درجات ونص أو 4 درجات

21 أكمل بـ 7 درجات
18 صح وغلط بـ 9 درجات
36 choose بـ 18 درجة
و 18 أكمل بـ 11 درجة

أسئلة الاختياري كنت باستخسر أكمل قراية بعض الجمل للآخر
لأن عشان أقرأ الجملة وأفكر في الاختياري وممكن أكتر من إجابة .. وفي الآخر كل ده بـ نص ردجة

[رويزو]

الله جاب الله خد
الله عليه العوض
مش قلتلكم قبل كدا والله عايزه تولع
لما اجل الجيش بقى بمزاجى

[Mohamed Al Gohary]

معلش يا جماعه ربنا يعوضكم خير .. بس صدقوني القسم ده صحيح امتحاناته بتبقى طويله وساعات بتبقى صعبه لكن درجاتهم وتصحيحهم بيبقى كويس جدا .. انا مش بقول كده عشان اطمنكم وخلاص بس بجد دي حقيقه وحصلت معانا فعلا في سنه تانيه .. الامتحان جه طويل جدا وتوزيعة الدرجات كانت غريبه لدرجة ان السؤال شورت نوت يكتب فيه صفحه كامله ويبقى عليه درجتين .. واول 3 ورقات كانوا mcq تتوه فيهم وياخدوا منك وقت كبير وفى الاخر يبقى عليهم 25 درجه بس .. والصفحه الاخيره اللى توصلها بعد ساعه ونص من الامتحان عليها 55 درجه لواحدها ..

لكن فى الاخر الدرجات كانت كويسه جدا .. وقليل جدا اللى شالوا الماده .. حتى اللى اعدوا كانوا معديين في الماده ..


مادة وانتهت بلا رجعه باذن الله .. ركزوا بقى فى الصناعيه مفيش وقت


ربنا معاكم

[ShEriF EzzELdiN]

No comment
أسوء امتحان امتحنته من اول ما دخلت الكلية بجد

[إيمان حمدي]

السؤال اللي بـ 7 درجات ده حلو

النقطة الواحدة بـ 1/3 درجة

الواحد يقعد يحل أسئلة في صفحة ولا حاجة ويجي يشوف هو حل ايه
يلاقيه 3 درجات ونص أو 4 درجات

21 أكمل بـ 7 درجات
18 صح وغلط بـ 9 درجات
36 choose بـ 18 درجة
و 18 أكمل بـ 11 درجة

أسئلة الاختياري كنت باستخسر أكمل قراية بعض الجمل للآخر
لأن عشان أقرأ الجملة وأفكر في الاختياري وممكن أكتر من إجابة .. وفي الآخر كل ده بـ نص ردجة

ايه يا دكتور حضرتك نسيت تقول سؤال الــ serology اللي كان محتاج لوحده نص ساعة لما تكون بتكتب بكل الحواس اللي تمتلكها عشان تجاوبه كويس وفي الآخر 8 درجات لأنه in details

انا هداني التفكير اني اسيب اول 3 اسئلة دول للآخر عشان اكون براحتي ومكنتش عارفة ان اللي جاي العن واضل نسيت فيها اللي stages of syphilis
لا ونسيت كمان الفرق بين الـ endo & exotoxins مكنتش عارفة مين اللي بتطلع منين لا والله حرام حرام دا سؤال فرخة تجاوبه
حسبي الله ونعم الوكيل دا انا كنت بكتب بخط انا نفسي مش فاهماه ومكنتش بكمل الكلمة
يارب عليك تعبنا
انا اول مرة اعيط بعد امتحان من يوم امتحان التفاضل وحساب المثلثات بتاع تانية ثانوي يااااااه حرقة دم انك تكون عارف ومش لاحق تكتب
ولكن قدر الله وما شاء فعل اللهم لا اعتراض
اللهم لك الحمد كما ينبغي لجلال وجهك ولعظيم سلطانك

[khokha224]

No comment
أسوء امتحان امتحنته من اول ما دخلت الكلية بجد

انا نفسى اعرف بس
لييييييييييييييييييييييييييييييه

مين المستفيد لما يتحرق دمنا كده ونتعب كل ده
ايه اللى يجرى لو كان امتحان كويس ودرجاته متوزعه كويس
خصوصا ان كل الدفعه شايلاها ترم اول

ربنا يسامحهم

[yojeena]

حسبي الله و نعم الوكيل
دا مش نظام ناس عاوزانا ننجح لااااااااااااااا عاوزنا نقعد في الهم دا
يعني حرام يسيبونا نعدي وخلاص مش عايزين منكم حاجه غير الخلااااااااااااص
ليه ابسط امل لينا باين انه سراب و بنجري وراه
المنهج اساسا مضغوط و معقد و .......مش ناقصه امتحان بالحجم دا ولا بالدقه دي
اول مره اعيط بعد ماده لان كل المجهود دا مش ضامن حتي اني اعدي
و تكمل السلسله بدكتوره بتسال في ازاي بالظبط بنعمل الكالشر و السيريولوجي و معلومه ليكو
الليبروسي طلع 3 انواع مش نوعين واللي يعيش ياما يشوف

[قناع الذهب]

زعلانين ليه بس دا الامتحان سهل وبسيط والسؤال الاول جميل والاختيارى بسيط ومش محتاج تفكير وتوزيعة الدرجات جميله جدا جدا ومناسبه
لا وايه الوقت كفاااااااااايه اوى .. دانا حتى مكنتش عارفة اعمل ايه فى الامتحان احل شويه وانام شويه ولا ايه ؟؟
بجد بجد احلى واسهل واقصر امتحان شفته من ساعة مادخلت
انا مبسوطة اوى من الامتحان
بس مش عارفة ليه حاسه ان هيجيلى جلطة وهخرج من الكليه على كرسى متحرك
تفتكرو دا هيبقى polio ??
هههههههههههه هم يبكى وهم يضحك ... وهم يا جمل!!