معلش إحنا بنتبهدل

[**SAMAR_RESALA**]

بسم الله الرحمن الرحيم

معلش إحنا بنتبهدل
متهيألى ده شعار كل مصرى دلوقتى
تعالوا كده نشوف الأحداث المتواليه اللى حصلت فى الفتره الأخيره

1-(مقتل مهندس مصرى فى نيجيريا إثر تعرضه لحادث إطلاق نار مساء الجمعة أثناء استقلاله سيارته وسط حراسة من جنود الجيش النيجيري)

2-( مقتل مصرى بقرية كترمايه بلبنان وقيام أبناء القريه بالتمثيل بجثته بطريقه بشعه
قبل أن تثبت عليه التهمه أو يصدر حكم ضده عن طريق المحكمه )

3- (مقتل مصرى بالكويت نتيجة خلاف مع جيرانه السوريين حول موقف للسيارات، حيث انهالوا عليه طعنا بالسواطير في اجزاء متفرقة من جسمه في حادثة تأتي بعد ايام قلائل من مقتل مهندس مصري في نيجيريا )

4-(العثور على جثة مواطن مصري، داخل ثلاث حقائب ملقاة في صندوق لجمع القمامة في أحد شوارع محافظة كاليثيا باليونان)

5-(مقتل شابٌ بطلق ناري في نقاش مع زملاء في الحي، بسبب مباراة المريخ والترجي التونسي بمدينة سنار)

ده غير الحوادث اللى حصلت من فتره من مقتل الصيدلانيه المصريه مروه الشربينى
والشاب المصرى بمدينه ميلانو بإيطاليا والإعتداء على المصريين بالسودان
وغيره ........


ألمانيا نيجريا لبنان الكويت السودان و كمان اليونان ... دي دول منظمة مجلس التعاون في القضاء على المصريين ... و البقية تأتي ... قصدي البقية في حياتكم

رأيكوا إيه فى الموضوع ده ؟؟
وتفتكروا السبب إيه ولا ده مجرد صدفه ؟؟
وماتنسوش ترددوا الشعار (معلش إحنا بنتبهدل)
متهيألى هيفكروا يضيفه لنشيد بلاى
!!!!!!!!!!!!!!!!!!!!!

[ameer]

وتفتكروا السبب إيه ولا ده مجرد صدفه ؟؟

هي مش صدفة وبرضة مش مخططة يعني كل الموضوع ان حوادث من دي بتحصل يوميا في كل مكان في العالم بس مبنسمعش عنها لان الاعلام مبيبقاش مهتم بيها لكن لما حصلت حادثة مروة الشربيني وبعدها حادثة ميلانو بدأ الاعلام يهتم وينشر الاخبار دي فبقينا حاسين انها مدبرة مع انها طبيعية وبتحصل لمصريين وغير مصريين
يعني مثلا

مقتل مهندس مصرى فى نيجيريا إثر تعرضه لحادث إطلاق نار مساء الجمعة أثناء استقلاله سيارته وسط حراسة من جنود الجيش النيجيري

طب ما في نيجريا وكل الدول الغير مستقرة امنيا واللي فيها حروب بيتقتل يوميا المئات غير مصريين اشمعنة بقي لما اتقتل واحد مصري الدنيا قامت وبقت ويكأنها مدبرة لاستهداف المصريين

مقتل مصرى بقرية كترمايه بلبنان وقيام أبناء القريه بالتمثيل بجثته بطريقه بشعه
قبل أن تثبت عليه التهمه أو يصدر حكم ضده عن طريق المحكمه

بتحصل في كل مكان في العالم وعندنا ف مصر وخصوصا الصعيد لما حد يرتكب جريمة مبيدخلوش الحكومة بينهم وبياخدوا حقه بايديهم ايه الجديد يعني ولا علشان الضحية مصري بقيت مدبرة لاستهداف مصريين (دة مش معناه اني مع ان كل واحد ياخد حقة بدراعة )

مقتل مصرى بالكويت نتيجة خلاف مع جيرانه السوريين حول موقف للسيارات، حيث انهالوا عليه طعنا بالسواطير في اجزاء متفرقة من جسمه في حادثة تأتي بعد ايام قلائل من مقتل مهندس مصري في نيجيريا

العنوان بيرد علي نفسة يعني لو مكنش حصل حادثة مقتل المهندس المصري ولا كنا هنسمع عن الحادثة دي ابدا

الشاب المصرى بمدينه ميلانو بإيطاليا

مافيا وخناقة وواحد مات اية البروبليم في كدة بتحصل كتير

وماتنسوش ترددوا الشعار (معلش إحنا بنتبهدل)

من ناحية بنتبهدل ف80 مليون متبهدلين جوة بلدهم مجتش علي 5 ولا 6 ماتوا برة بلدهم يعني

[بنت أفندينا]

من ناحية بنتبهدل ف80 مليون متبهدلين جوة بلدهم مجتش علي 5 ولا 6 ماتوا برة بلدهم يعني

عندك حق فعلا


هي دي البهدلة الحقيقية

[*محبة رسول الله*]

يا جماعة حياة البنى آدم بقت رخيصة جدا والله

احنا بجد فى زمن غريب جدا
كل واحد يخاف على نفسه يا جماعة

وبعدين يا جماعة اذا كان اصحاب الأرض الواحدة مش بيخافوا على بعض يبقى مستنيين ايه من ناس من اجناس تانيه؟

ده لازم كل يوم اسمع عن حادثة اغتصاب وقتل

ومفيش قصاص يا جماعة

المشكلة ان القتل بقى حاجه سهله
لان القاتل مش بياخد جزاؤه فى الدنيا

انا اعرف واحد قتل واحد مع سبق الاصرار
والناس كلها كانت موجوده وشايفه الموضوع ده

القاتل ده اخد 3 سنين سجن وخرج

فعادى بقى
اروح اقتل واخدلى 3 سنين
ايه يعنى
اهو حتى هلاقى ااكل وهلاقى مكان انام فيه

[**SAMAR_RESALA**]

هي مش صدفة وبرضة مش مخططة يعني كل الموضوع ان حوادث من دي بتحصل يوميا في كل مكان في العالم بس مبنسمعش عنها لان الاعلام مبيبقاش مهتم بيها لكن لما حصلت حادثة مروة الشربيني وبعدها حادثة ميلانو بدأ الاعلام يهتم وينشر الاخبار دي فبقينا حاسين انها مدبرة مع انها طبيعية وبتحصل لمصريين وغير مصريين

بالنسبه ليا أنا شايفه إن الموضوع بقا ظاهره نتيجة تكرار أكتر من حادثه فى فتره قصيره
يعنى مش صدفه
أكيد فى سبب لكده
علشان كده طرحت الموضوع نتناقش فيه
بالنسبه للحوادث من النوع ده فى النطاق العربى
متهيألى إن سببها نظرة العرب السلبيه للمصريين
وخصوصاً بعد حرب غزه الأخيره وحكاية الحصار والمعابر وده اللى كان واضح من هتافات جمهور الجزائر أيام ماتش السودان
كانوا بيعايروا المصريين ويقولوا (يا للذل ويا للعار باعوا غزه بالدولار )
فصورة المصرى فى عينهم إتهزت

وعلى النطاق العالمى من الواضح إن السبب الأساسى هو إضطهاد المسلمين وده اللى واضح من حادثة مروه الشربينى غير طبعاً سفارات مصر فى الخارج اللى مش قايمه بدورها....ده غير تعامل الحكومه معالمصريين اللى أكيد يعطى انطباع للعالم بأن المصرى بلا ظهر يحميه داخل بلده أو خارجها.
دى وجهة نظرى

من ناحية بنتبهدل ف80 مليون متبهدلين جوة بلدهم مجتش علي 5 ولا 6 ماتوا برة بلدهم يعني

المسأله أكبر من كده بكتير المسأله كرامة دوله فى حجم مصر
ومعاك حق المصرى متبهدل جوه وبره مش بقولك الشعار (معلش إحنا بنتبهدل
بس مش 80 مليون شيل منهم مثلاُ الطبقه اللى فوق أوى واللى بيسرقوا فلوس البنوك ويهربوا

وبعدين يا جماعة اذا كان اصحاب الأرض الواحدة مش بيخافوا على بعض يبقى مستنيين ايه من ناس من اجناس تانيه؟

ده لازم كل يوم اسمع عن حادثة اغتصاب وقتل

ومفيش قصاص يا جماعة

معاكى حق يا هاله
ودى فى حد ذاتها ظاهره تانيه محتاجه يتفتحلها موضوع تانى
وهى تدهور أخلاق المصريين عن زمان
أنا جدى بيقولى أيام زمان الناس ماكنتش زى دلوقتى خالص
مكناش نسمع عن قضايا الإغتصاب والعنف والكلام ده .. والناس بالها رايق ومش عصبيه ولا متوتره عمال على بطال زى دلوقتى
وتلاقى الجار يسأل على جاره وفى صلة رحم والناس قلبها على بعض
قولتله يا ريتنى يا جدى كنت عيشت زمنكوا ده

[ameer]

المسأله أكبر من كده بكتير المسأله كرامة دوله فى حجم مصر

كرامة !
دولة في حجم مصر !
كلام الشعارات بقي (مصر بلد الحضارة -مصر ام الدنيا .......) طب باية يعني وازاي بقت ام الدنيا وهي بالشكل دة تخلف ما بعده تخلف هي ممكن تبقي جدة الدنيا علي اساس التخلف اللي فيها دة
اما كرامة دي فبرضة كرامة مصر متهانة من زمان وفي حاجات اكبر من دي مجتش بقي علي اهانة حبتين زيادة

[Dr/HULK]

احنا هنكدب الكدبة وبنصدقها

مش عارف فاكرين مصر دى ايه؟؟؟؟؟؟؟

دى اثيوبيا عندها كرامة اكتر مننا رغم كل اللى هما فيه

بنقول اننا كبار واحنا حتى محصلناش دول العالم التالت

طب امريكا والقوة الاولى فى العالم

اسرائيل واقنعونا انها اقوى مننا

الجزائر وقالوا انهم اخواتنا

السودان دول جيرانا

طب اثيوبيا دى ايه نظامها فى حكاية السدود دى هههههههههه

اه دول اللى بيشربونا

فعلا كرامة المصرى


كنت سمعت خبر ييجى من سنة كده تقريبا

ملخصه ان نيجيريا سحبت سفيرها من امريكا نيجة لتفتيش الحكومة الامريكية للنيجريين فى المطارات الامر اللى ادى لتغيير السياسة الامريكية مع المهاجرين النيجريين فى المطارات

شوف انت بقى المصرى لما بيروح اى بلد فى العالم بيتفتش ازاى وبيعاملوه على انه ارهابى ولا حياة لمن تنادى

كروايتيا كانت منعت سياحها من السفر لمصر احتجاجا على تفتيش احد مواطنيها فى مطار القاهرة

هى دى كرامة والتانية برده كرامة

وفى الاخر

لو لم اكن مصريا كانت هتبقى فل اوى

[محمد غريب]

برغم من ده لازم يكون عندنا انتماء حتي لو معدش لينا كرامة لا بره ولا جوه ولازم نؤمن انه هييجي يوم هترجع للمصري كرامته