دورات في الإسعافات الأولية بجمعية الهلال الأحمر

[Mohamed Al Gohary]

تعلن رعاية الطلاب عن دورات في الإسعافات الأولية نظري وعملي بجمعية الهلال الأحمر ..

الدورة الأولى : من يوم السبت 10/7 إلى يوم الخميس 15/7

الدورة الثانية : من يوم السبت 17/7 إلى يوم الخميس 22/7

فعلى من يرغب سرعة تسديد قيمة الاشتراك وقدرة 20 جنيهاً برعاية الطلاب بالكلية ..

[مهداه]

دكتور محمد
بعد اذن حضرتك
ممكن توضح مواعيدها بالضبط
يعنى من امته لامته؟
ويا ترى دى الافضل ولا بتاعه كليه تمريض؟؟؟؟؟

[Mohamed Al Gohary]

التواريخ زى ماهو موضح ..
بالنسبه للساعات وكده بيبقى فيه مرونه .. بس يعني بتبقى من 10 الصبح لحد الساعه 1 او 2 على حسب ما بتخلصوا ..

بس المواعيد كمان بتتحدد معاكم في اول يوم ..

والله الهلال الاحمر وكلية تمريض زى بعض مفيش اختلافات كتير اوى .. نفس الايتيمز اللى هنا هي اللى هنا ..

[مهداه]

جزاكم الله خيرا

[عامر إبراهيم]

ملحوظة :
نفس محتويات الهلال الأحمر و تمريض واحدة و لكن :
دورة كلية تمريض آخر مرة سألت عنها كانت فوق 50 جنيه !!!
وبيستغلوا إن هما داخل الجامعة

لكن الدورات مش بالمحتوى بس

الإسعافات الأولية الخاصة بالهلال الأحمر بالتعاون مع أعضاء هيئة تدريس من كلية طب و بتتاخد على 6 أيام
كلية تمريض : معيدات بالكلية و 3 أيام فقط

التدريب العملى فى الهلال الأحمر أكبر من كلية تمريض
العدد فى كل دورة بالهلال الأحمر لا يزيد عن 20
العدد فى تمريض يوصل لـ 35

وأحب أأكد : المعلومات اللى عندى بخصوص تمريض من سنة, ممكن يكون جد جديد ... لكنى ماسألتش هناك من يوميها علشان كان كل اللى واضح إن الدورات بتتعمل هناك كمصدر دخل مش كخدمة للطلاب ....

فرصة كويسة اللى عايز مع الهلال الأحمر يشترك فى الدورات اللى الرعاية عاملاها

[Mohamed Al Gohary]

انا اخدتها في تمريض من سنتين كان النظام افضل بكتير .. لكن فعلا غيروا نظامها تماما بشكل مبالغ فيه جدا ..

[مهداه]

سؤال اخير
هى فين الجمعيه دى؟؟؟؟؟؟؟؟؟

[Mohamed Al Gohary]

جمب مبني المحافظة على طول .. وانتى راحه ناحية مكتبة مبارك كده .. بتبقى المكتبه على شمالك والجمعيه على يمينك ..

[عامر إبراهيم]

عند المحافظة

أمام مكتبة مبارك

[NonY]

ناحية بيت المحافظ يعنى