من العنوان هى قصة حقيقية سمعت أذنى بدايتها منذ شهور ودمعت عيناى واقشعر جسدى لسماع نهايتها اليوم
أحببت أن أنقلها لكم كى تكون عظة وتزيدنا ايمانا برحمة الله الواسعة وغفرانه وفضله الذى لا حدود له
فى شهر رمضان العام الماضى كنت استمع الى أحد البرامج الدينية
وجاء اتصال من أحد المشاهدين
يبكى ....يصرخ .....يطلب الدعاء له بالصبر ...
وكان كلامة كالآتى
ابنى ..ابنى يا ناس
ماليش غيره فى الدنيا.....
ابنى كان فى نهائى طب .....متفوق فى
دراسته وفى دينه ...... (ويبكى الرجل بشدة ثم يكمل)
وأنا مكونتش بصلى ولا أصوم ولا أعرف حاجة فى دينى .......
تعبت ودخلت المستشفى ........
وابنى حاول يقربنى للدين ويعلمنى فيه.....
حفظنى سورة يس كاملة........
ولما ربنا شفانى قالى تعالى يا بابا نطلع عمرة.............
وطلعنا .....بس .... (ويحترق قلبه من شدة البكاء ثم يصرخ)
رجعت من غيره .................
دفنته بايدى هناك.......ماااااااات هناك
ورجعت لوحدى
أنا مش عارف أعيش .....أنا فكرت انتحر كذا مرة
امه ماتت وهو عنده 7 سنين ....ماليش غيره
ودعوا له فى البرنامج بالصبر والسلوان والتقرب من الله
ولكن آخر جملة قيلت له فى البرنامج(اصبر على قضاء ربنا ...دى الدنيا دى أيام معدودة مهما طالت ...وكلنا هنحصل بعض)
ومرت الايام
وبعد 8 شهور تقريبا منذ سماعى لهذه الحلقة
شاء الله ان استمع لهذا البرنامج اليوم
ولكن يا ترى من ؟؟؟؟؟
هو حمل امانة وكان عليه أن يقولها
وكان كلامه كالآتى
أنا أخو الحاج اللى اتصل فى رمضان اللى فات
وكان ابنه توفى فى العمرة ودفنة هناك
هو حملنى أمانة ولازم أقولها
الفترة اللى فاتت دى اتغير خالص وبقى واحد تانى
قدر بفضل الله انه يحفظ 8 أجزاء من القرآن
وبعد ما عاش طول حياته يجمع الثروة والفلوس ......
اتبرع بكل ده للايتام وفى سبيل الله ........
وكان دايما بيدعى انه يموت فى السعودية ويدفن هناك زى ابنه الله يرحمه
وطلع عمرة مولد النبى 
اللى فاتت ربنا استجاب دعوته ...وقبل توبته
والله دى أمانة وصانى انى أقولها هنا فى البرنامج
ما أرحم رب العالمين
اللهم ارزقنا جميعا حسن الخاتمة
حسن الخاتمة (قصة حقيقية)
رد مع اقتباس
المشاركة الأصلية كتبت بواسطة طيور الجنه
