انا مش محتاج إرشاد

[Dr. Atallah F. Ahmed]

الإرشاد الأكاديمى لو تعلمون شيىء هام جدا. الغرض منه وضع الطالب موضع رعاية متعددة الأوجه و هو عمل تفاعلى بين عضو هيئة التدريس و الطالب. يقوم به عضو هيئة التدريس لتعريف الطلاب بالكلية وبأنظمتها الدراسية وما يستجد من مجالات وفرص للتعلم، وكذلك مساعدتهم على التقدم الدراسى على أكمل وجه ممكن والوقوف بجانبهم في سبيل التغلب على ما يعترضهم من مشاكل وصعوبات أكاديمية أو اجتماعية أو نفسية أو صحية. العملية لها أهداف تنموية تزيد من قدرات الطالب على تدبر أموره وحل مشاكله من خلال اندماجه وتوافقه مع الحياة الجامعية والمشاركة الايجابية فيها. المشرف الأكاديمي هو بمنزلة الصديق او الأخ الأكبر، إلا أنه له القدرة في إيصال ما يريده الطالب (فى إطار المصلحة العامة) للمسؤولين و والدكاترة زملاؤه، وبذلك تتم مساعدته في حياته الجامعية ككل. الأنسان عدو ما يجهله. الطلاب ليسوا سواء فى اهتمامتهم و ما يقابلونه من مشاكل أو اسئلة تبحث عن جواب و بالتالى الذى سيجنيه طالب ما من الإرشاد الأكاديمى ليس بالضرورة أن يكون كالذى يجنيه زميله, فالأمر ليس اليا او نمطيا. بالرغم من تلك الأهداف التى من أجلها أطلق هذا البرنامج المستديم إلا ان الطلاب لم يستفيدون به كما فى الجامعات الأجنبية و لا نعرف ما هى الأسباب الأساسية التى تفرغ هذا البرنامج من مضمونه.
من أجل ذلك وضعت الإستبيان المرفق للوقوف على الأسباب الحقيقية لعدم نجاح هذا البرنامج فى كلية الصيدلة على امل ان يستفاد به فى فهم الظاهرة و ابعادها و ما الذى يتعين فعله حتى ينمو و يستمر.
تفضلوا بالمشاركة

[The Princess]

اولا السلام عليكم و رحمة الله استاذى الفاضل و ادعو الله لك بدوام الصحة و العافية

ثانيا اشكر حضرتك لانك الدكتور الوحيد اللى حسيت انه بيهتم بطلابه فعلا و عاوز يخلق منهم شيء جديد و متميز

ثالثا ندخل على موضوعنا بقى ....
الارشاد الاكاديمى كفكرة كويسة جدا و لو اتنفذت صح هتبقى ناجحه و هتفرق معانا كطلاب جامد بس يمكن يكون عيبها الاساسي ان مش الطالب هو اللى بيختار المشرف بتاعه احنا بنتوزع بالتساوى على اعضاء هيئة التدريس فمش معقول انى اروح لحد معرفوش مثلا او مش برتاح له او معروف عنه ان صعب فى معاملته انا عن نفسي لو كان الاشراف بتاعى عند حد من معيدين قسم الصيدلانيات عمرى ما هروح كفايه اللى الواحد بيشوفه فى السكشن فلازم الطالب يكون له و لو مساحة من الاختيار مش لازم مطلق ممكن اختيار من متعدد مثلا بحيث يبقى فيه نوع من الراحة ................

ثم ان محدش من المشرفين بيحاول هو اللى يبدا الاتصال بالطلاب كلقاء جماعى مثلا او ما شابه علشان يتعرف عليهم و يعرفهم هو ساعاته المكتبية مثلا امتى او حتى يكون معاهم الايميل الخاص بيه دى هتسهل التواصل جدا او ينشيء ساحة حوار هنا بينه و بينهم كل ده اكيد هينشط الموضوع ....

لازم يسبق ده برضه تعريف الطالب بالفكرة ككل ليه الكلية عملت ده ؟؟؟ ايه وجه الاستفادة من الموضوع ده للطالب و لازم يشمل الدليل اللى بيتوزع على الطلاب بتوع اعدادى شرح اكتر للفكرة ....

و بمناسبة طلاب اعدادى ياريت يكون المشرفين عليهم هما نفسهم اللى بيدرسوا ليهم او كل معيد فى سكشن يبقى مشرف الطلاب معاه لان الطالب فى الفترة دي بيبقى لسه واخد اكتر على النظام المدرسي و اللى فيه بيكون الطلبة علاقتهم اقوى مع المدرسين بتعوهم و ده بيبقى مهم ليهم و بيطمنهم و يشجعهم على التواصل و الاندماج فى مجتمعهم الجديد ....

فيه كلام تانى كتير بس مش قادرة ارتبه و اسفة اذا كان كلامي ملخبط شوية

و مرة تانيه شكرا لحضرتك دكتور عطا الله

[Mohamed Al Gohary]

بس يمكن يكون عيبها الاساسي ان مش الطالب هو اللى بيختار المشرف بتاعه احنا بنتوزع بالتساوى على اعضاء هيئة التدريس فمش معقول انى اروح لحد معرفوش مثلا او مش برتاح له او معروف عنه ان صعب فى معاملته انا عن نفسي لو كان الاشراف بتاعى عند حد من معيدين قسم الصيدلانيات عمرى ما هروح كفايه اللى الواحد بيشوفه فى السكشن فلازم الطالب يكون له و لو مساحة من الاختيار مش لازم مطلق ممكن اختيار من متعدد مثلا بحيث يبقى فيه نوع من الراحة ................

وهو ده رأيي .. برضه .. لو أردنا النجاح لهذا المشروع اتركوا الطالب ليختار من يريده أن يكون مشرفاً أكاديمياً حقيقياً له ..

شكراً أستاذنا العزيز ..

[Dr. Atallah F. Ahmed]

وهو ده رأيي .. برضه .. لو أردنا النجاح لهذا المشروع اتركوا الطالب ليختار من يريده أن يكون مشرفاً أكاديمياً حقيقياً له ..

شكراً أستاذنا العزيز ..

يعنى يا محمد الم يصدف ان جاء الطلاب من نصيب عضو هيئة تدريس يرضون عنه. نحن لم نجد تفاعل إطلاقا من حتى 5% من الطلاب و لم يدخل طالب الى الان يحكى عن تجربة او فايدة من هذا النظام.

[muna7assan]

ما شاء الله د.عطا الله بيفكر فى كل المشاكل اللى ممكن تشغلنا.,

سواء اكاديميه او غير ذلك

بجد ربنا يبارك فى حضرتك يا دكتور ويجازى حضرتك كل خير
عنا

بخصوص موضوع الارشاد الاكاديمى .,

الموضوع دا اول ما سمعت عنه عجبنى جدا واتحمست له

وكان مشرف عليا د.محمد العوضى قسم الكيمياء التحليليه

ود.محمد بنفسه جزاه الله كل خير بحث عننا وسلمنا كشكول كان

مطلوب مننا بيانات فيه وكملتها ووصلتها له تانى

بس سمعت انه سافر للدراسه ., وفى اول السنه روحت مكتب

د.حسن الكاشف وسالت على المشرف اللى اتحولنا له وسكرتارية

المكتب كانوا متعاونين جدا وافادونى فى وقتها.,

المشكله انى مش عارفه بصراحه اروح للمشرف اقوله ايه او

اعرفه بنفسى ازاى؟

ساعات فعلا بأحس ان لو حصل مشكله او حاجه اكيد المفروض

يكون فيه حد ارجعله بالتدريج قبل التوجه مباشره لمبنى اداره

الكليه., واكيد المفروض انى اتوجه للمشرف الخاص بى .,

تقريبا طول السنه بأحاول اشجع نفسى اروحله بس مش عارفه ايه

اللى المفروض اعمله بالظبط.,

كمان فكره ان كل طالب له الحق انه يختار المشرف الخاص بيه

دى حاجه اشجعها جدا يمكن وقتها مش هتكون فيه مشاكل والتفاعل

هيكون احسن .

[المشمرون للجنة]

انا صراحة لا اعرف فائدة انيكون لى مرشد اكاديمى وما هى امشاكل او المواقف التى الجا اليه فيها

وايضا كنت اود ان يكون من نفس جنسى لانى خجولة جدا

وكان نفس يكون فى توغيه لهذا الامرمن زمااااان

[Dr. Atallah F. Ahmed]

بجد ربنا يبارك فى حضرتك يا دكتور ويجازى حضرتك كل خير

عنا

و يبارك فيك يا منى نور و يكرمك من فضله

المشكله انى مش عارفه بصراحه اروح للمشرف اقوله ايه او

اعرفه بنفسى ازاى؟

اول شيىء لابد ان يكون للمشرف جدول اسبوعى يحدد فيه وقت تفرغه للإرشاد الأكاديمى. فإذا لم تجديه اول واجب عليكى و من حقك تفعليه هو ان تدخلى على مشرفك و تعرفيه بنفسك و تلفتى نظره انك تودى معرفة وقت اشرافة الأكاديمى الأسبوعى حتى تستفيدى به. بعد ذلك يمكنك الأستعانه بنصائحة و خدماته و خبراته فى كل ما يعن لكى داخل اسوار الجامعة.

كمان فكره ان كل طالب له الحق انه يختار المشرف الخاص بيه دى حاجه اشجعها جدا يمكن وقتها مش هتكون فيه مشاكل والتفاعل هيكون احسن .

طبعا ده شيىء مثالى لكن سينجم عن ذلك استقطاب لأعضاء هيئة تدريس معينين و الباقى منهم سيحرم من أداء واجبة نحو طلابه وهذا يقلل من انشطته الجامعية الظاهرة للإدارة فى حين ان هذا واجب رسمى على كل عضو هيئة التدريس.

[Dr/HULK]

هههههههههه جميلة فكرة ان كل طالب يختار الدكتور اللى يبقى مشرف عليه

بس لو اتطبقت يبقى دكتور عطاالله هيبقى مشرف على اكتر من 5000 طالب على الاقل

دى حقيقة مش مجاملة مفيش غير دكتور عطاالله هو اللى بيتناقش معانا فى مشاكلنا وبيدور معانا على حلول ليها

باقى الدكاترة وسيلة اتصالهم بالطلاب معدومة تقريبا

[Mohamed Al Gohary]

لكن سينجم عن ذلك استقطاب لأعضاء هيئة تدريس معينين و الباقى منهم سيحرم من أداء واجبة نحو طلابه وهذا يقلل من انشطته الجامعية الظاهرة للإدارة فى حين ان واجب رسمى على كل عضو هيئة التدريس.

نخرج من كده يا دكتور ان عضو هيئة التدريس ده ناجح وفيه مزايا كتير وبيقوم بحاجات غيره مش بيقوم بيها .. يبقى وجب على اعضاء هيئة التدريس الباقين التأسي به ..
واذا تم ذلك .. سيكون من رفعة شأن الكلية في النهاية .. ولا إيه ؟؟

لكن ازاى أبقى أنا المشرف الأكاديمي بتاعي دكتور .. طردني أول امبارح من المعمل .. واداني صفر فى الكتاب لمجرد ان كبسولة البالطو اللى فوق مفتوحه ؟؟

تفتكر يا دكتور بعد كده اروح له واحكيله عن مشاكلي واشتكي له من مشكلة معينه .. كده على رأي المتنبي .. ( فيك الخصم والحكم )

[treka 22]

شكرا يادكتور ان حضرتك دايما مهتم بينا وبتحاول تحل مشاكلنا

هى فكرة الاشراف الاكاديميى كويسة بس المشكلة احنا مش عارفين نستفيد منها صح
دا لاكتر من سب اولا فى ناس كتير متعرفش مين المشرف الاكاديميى بتاعها

ثانيا مع احترامى لكل اعضاء هيئة التدريس الموجودين بس المفروض مش نتوزع وخلاص بالارقام ولكن فى دكاترة معينين هم اللى يبقوا مشرفين يعنى الدكتور اللى فعلا ممكن يتعامل مع الطلبة بصدر رحب