صدمه صناعيه
الكل بلا استثناء عرف اللي حصل الاسبوع دا اللي احنا في اخره فيوم السبت مش علينا ببعيد
بعضنا عدي عليه الموضوع علي خير وبعضنا جت معاه ضربت حظ وحضر لاول مره في حياته وتمتع بعرض الخمس درجات والبعض داق مراره انه يفقدهم عيني عينك ويعرف ان امتحانه العملي هيتصحح مش من اربعين لا من خمسه وتلاتين
بين استعجاب واستنكار للموقف .......بين تكبير وتطنيش من البعض .........بين الاستسلام والخضوع والرضا بالامر الواقع ........كانت حاله دفعه سنه رابعه وبالاخص جروب ايه ...اللي كان كبش الفدي وملحقش تتسربله الاخبار وبأن كلام الدكتور مكنش مجرد انذار ...لا دا كان قرار موضع التنفيذ وقد كان ............
ها .......يحصلك ايه لو قالولك ان الشيت اللي راح عليك اللي اتقالك ان عليه خمس درجات هو دا امتحان العملي بتاعك واللي امتحنه يريح دماغه ويضبط اعصابه ولا داعي للقلق تاني فخلاص في جيبه درجه العملي وانت اللي محضرتش سواء سوء حظ سواء قسمه ونصيب ودي اراده ربنا سواء ظروف وما اكترها .....وقالولك .ورينا شطارتك مع امتحان العملي وورينا هتحصل كام من الاربعين او بالاصح من الخمسه وتلاتين .......... متفرحش كتير يا اللي حضرت ومتنهرش يا اللي متحضرتش .......لاننا في شهر ابريل .......وشهر ابريل كدبه كتير .......دا مجرد تساؤل لفكره انطرحت مش اكتر ولا اقل واكيد مش فكرتي ولا فكره اي طالب والنبيه يفهم دي فكره مين
علي العموم سبونا من ابريل ومفاجأته لوني كنت دايما اسمع ان الواحد يخاف من زعابيب امشير بس الظاهر ان ابريل حب يسيب علامه مميزه في عقولنا قبل ما نتخرج ونسيبه
وخلونا ندخل منه علي سؤال ..........مجرد سؤال
ياتري ممكن يتقاس التزام طالب وحضوره من خلال محاضره واحده ؟؟؟؟؟؟؟؟؟؟؟؟؟؟؟؟؟ لو كان عندي مساحه اكبر كنت مليت الورقه كلها علامات استفهام علي سؤال واحد من ضمن اسئله كتيره ثارتها محاضره الصناعيه
وعلي العموم ........مبروك للي حصل علي الخمس درجات ..................بس فيه رجاء خلونا نعدي شهر ابريل بدون مفاجأت تانيه .......مع امتحان العملي بتقل نسبه الحضور وتكاد تكون منعدمه والاسبوع الجي هنبدأ عملي الصيدلانيات الموافق لمحاضره الصناعيه فياريت نسبه الحضور تكون كامله مكمله ........خلوا المحاولات اللي بتم علشان القرار اللي صدر يتعدل تستمد من نسبه الحضور قوتها ....وان كان الحضور هيتقاس عليه التزامنا فياريت الكل بلا استثناء يحرص علي الحضور مش هو بس لا فاكرين اول السنه كنا بنقول ايه .......شد صاحبك او صاحبتك وانت جي
......... وخلونا نحولها للعبه
اللي داخل يقول ان شاء الله هحضر او انا حاضره
لمجرد اطمئنان ان نسبه الحضور مش هتقل تاني لان الحسنه تخص والسيئه تعم
انا طولت عليكم انا عارفه بس الموضوع مهم متستهونوش بيه
وربنا معانا كلنا
(....صدمه صناعيه....)
.gif "Fop (18)")
.gif "Fop (11)")
المشاركة الأصلية كتبت بواسطة RASHAD_RESALA
.gif "Fop (28)")
يا جماعه خلاص كلها ايام مش هنقول شهور وهننخلص ..مجتش من كام محاضرة وبعدين يوم السبت دا اول الاسبوع ومعاكم ان الصحيان بدرى والمواصلات حاجه صعبه بس معلش مجتش من يومين وهنخلص ..وعلى رأى الدكتور احنا امتحانتنا هتكون الساعه 9 الصبح يعنى من قبلها واحنا لازم نكون فى الكليه ..اللى متضرر اوى من الحضور .. اعتبر السبت اللى جاى واللى بعده امتحان وحاول تحضر بدرى .وبعدين دى مصلحتنا يا جماعه عايزين نمشى على خير..بجد الواحد من كتر ما بيشوف حاسس ان كل اللى اتخرجوا قبل كدا كانوا بيهرجوا لما كانوا بيقولوا رابعه اسهل سنه ...انا عمرى فى حياتى ما حسيت بضغط كدا قد السنه دى ... مش على قد المواد لا من الكلام اللى بنسمعه من الدكاترة والتهديدات والامتحانات يعنى شده اعصاب من الكلام فوق شده اعصاب المذاكرة وتحديد المصير...يا جماعه خلاص هانت معدش غير حاجه بسيطه ...مش عاوزين حد يقلب علينا ..واللهى انا جت فى بالى فكرة بس مش عارفه هيكون رايكوا ايه فيها ..كل الدكاترة او بمعنى اصح اغلبهم بيدخلوا بيعلقوا على الحضور والغياب وكلامهم عن الامتحان مش مبشر ...ياريت لو بس الاسبوع دا واللى جاى احنا كدا كدا هنكون فى الكليه وعندنا امتحانات ...ياريت نحضر ولو لمرتين فى الاسبوعين دول ..انا حاسه ان الدكاترة نفسهم يشوفوا بس العدد..وزى ما انتم بتقولوا الحسنه بتخص والسيئه بتعم ...والواحد ياما عمت عليه سيئات ....معلش طولت عليكم بس بجد الواحد تعب من كتر اللى بيشوفه فمش هيلاقى حد يتكلم معاه غير صحابه .