برجاء سرعة نقل قسم العقاقير

[pharmacistina]

السلام عليكم ورحمة الله و بركاته

نرجو من ادارة الكلية سرعة اجراء نقل قسم العقاقير الى الكلية الجديدة .. بأسرع وقت ممكن


لأن في أعمال ترميم أصلا في المبنى و الطلوع أصبح مشكلة ..

و المعامل المياه مقطوعة فيها ..

الصودا بتيجي على ايدنا و منعرفش نغسل ايدينا !!

و حاطينلنا زجاجات ماء على البنشات صعب استخدامها , احنا اتعودنا على الحنفية اللي بتنزل ماية لوحدها ..


الطريف جدااا ان واحدة زميلتي غسلت ايدها بالمياه الموجودة في زجاجة كبيرة على البنش الجانبي و بعد ما غسلت ايدها الحمد لله طلعت دي زجاجة كلورال هيدرات

مش هينفع ان يتعمل امتحانات عملي العقاقير في القسم بهذا الشكل ..

كان نفسي مراجعة الأبلايد تتعمل في معامل أفضل من كدة ..


برجاء حل المشكلة ..


شكرا ادارتنا الكريمة

وفق الله الجميع لما يحب و يرضى

[Anas]

هينقلو امتى و ازاي و احنا عندنا امتحان عملي الفايتو بعد بكره ؟؟؟
-----
اللي اعرفه ان معظم الدكاترة نقلت خلاص مش فاضل غير المعامل اللي هتتنقل بعد آخر امتحان عملي

و بكده هيكون الشفوي في الكلية الجديدة ان شاء الله

انما المعامل تتنقل اليومين دول ... مظنش ... مفيش وقت للنقل ولا المكان الجديد جاهز بما فيه الكفاية لاستقبال المعامل الجديدة

هانت ... رابعة ملهاش نصيب في معامل العقاقير الجديدة ... احمدو ربنا انكم شفتم الميكروسكوبات

[pharmacistina]

هانت ... رابعة ملهاش نصيب في معامل العقاقير الجديدة ...

رابعة ملهاش نصيب في حاجات كتير ..

الحمد لله و الشكر لله

ربنا يوفقكم في امتحان عملي الـ Phytochemistry

[محمد_على_سلام]

المعامل الجديدة الترم الجاى ان شاء الله
واحنا امتحنا ميد ترم عملى فيتو الاسبوع اللى فات الحمد لله

[Mohamed Al Gohary]

مش عارف فعلا القسم بطيء ليه كده في نقله .. الدور كان خلصان بقاله فتره ومحتاج نقل وانتهى .. زي قسم البيو ..

مكاتب الدكاتره كلها اتنقلت .. والمعامل موجوده بس محتاجه تجهيز .. ليه اتاخر كل ده مش عارف !!

فعلا السكاشن هناك كانت صعبه جدا الطلوع وان مفيش مياه .. ربنا يستر فى الامتحان .. ويعدي على خير ..

[Messi]

يعني سكشن يوم السبت هاخده في صيدله؟؟؟؟؟؟؟؟؟؟؟؟ كويس....... حتي المسافه اقرب...

[muna7assan]

يعني سكشن يوم السبت هاخده في صيدله؟؟؟؟؟؟؟؟؟؟؟؟ كويس....... حتي المسافه اقرب...

المعامل زى ماهيا فى صيدله القديمه يا د.محمد لغايه اخر السنه ان شاء الله
التغيير هيكون فى اول السنه الجديده ان شاء الله

[Anas]

هانت يا جماعة ... المهم يكون في مياه في المعامل أثناء الامتحان ...

يعني سكشن يوم السبت هاخده في صيدله؟؟؟؟؟؟ كويس....... حتي المسافه اقرب...

انت متوقع تاخد السكشن في مكان تاني غير صيدلة ولا ايه يا عليوة

[N00R EL _SHAMS]

والله فعلا يا جماعه ياريت المعامل دى تتنقل ف اقرب وقت ....فعلا مفيش اى تجهيزات خااااااالص فى معاملنا دى والله الواحد بيحس انه ملوش علاقه خالص بصيدله واحنا واقفين فى المعامل دى............. والاحواض مسدوده والبنشات ميعلم بيها حاجه الاربنا .......ربنا يستر .........

[Hope1]

انا مش عايزاه يتنقل و الله له ذكريات حلوة معايا