ودار بينهما هذا الحوار .......

[اميرة الاحلام]

هو

عاشق حبيبتى
ايوة عاشق من سنين
مشتاق يا عمرى
ايوة مشتاق للحنين.......
مشتاق تحنى لقلبى تانى وترجعيلى
مشتاق تقولى رجعتلك خلاص
يا حــــــــــــــــب السنين
...........
مشتاق لنظرة من عينيكى
لهمسة من شفايفك
مشتاق لينا لما بنختلف
مشتاق لقلبى لما بيرتجف
لو حس لحظة انه ممكن يوم يفقدك
...............
مشتاق اسهر ليالى
عشان بس!!! مستنى كلمة منك
..........
حاسس من غيرك انى تايـــــــــــــــــــــــــــه
لسة روحى بدور عليها
طول مانتى بعيدة مش لاقيها
ارجعى يا عمرى تانى
ارجوكى
وعد منى خلاص ....مش هبعد تانى
خلاص
قلبى عرف انك حياته
صوتك هو دقاته
حياته ف نظرة عينيكى
صدقينى اتعلمت الدرس خلاص
عرفت انك انا
ومستحيل من غيرك اكون

هى

صعب صدقنى ارجع تانى
جرحك ليا مكنش هين
بعادك عنى كسرنى
عرفت اد ايه من غيرك انا ضعيفة
زى ريشة ف يوم رياحه قوية
.......
حسيت بس ساعتها
انى بيك بكون حياتى
بس...عايشة عشانك
لقيت ان سنينى بتضيع من ايديا
وانك ف ثانية قلت هبعد
بعدت ومفكرتش لحظة فيا
..........
بدات ف بعدك اكون
ابنى كيانى من جديد
بدات الاقى نبض الحياة ف عروقى بيجرى
بدات احس انى عايشة عشانى
فهمت
ان حبى ليك كان ضعف منى
كنت لاقية الامان ف عينيك
بس لما بعدت عنى ؟؟
عرفت ان الامان ده جوايا انا
شئ منى انا
صدقنى خلااااااص
مش هينفع
وقبل ما امشى
من قلبى بشكرك
بجرحك ليا
عرفت بجد مين انا
قربت منى وعرفتنى

حاول تنسى وتدور
على قلب غيرى
بس اوعى يوم تخسره
زى ما يوم خسرتنى

[eeeman]

السلام عليكم
جميلة يا د/اميرة ماشاء الله
الجزء دة عجبنى جدا من كلام هو

مشتاق لنظرة من عينيكى
لهمسة من شفايفك
مشتاق لينا لما بنختلف
مشتاق لقلبى لما بيرتجف
لو حس لحظة انه ممكن يوم يفقدك
...............
مشتاق اسهر ليالى
عشان بس!!! مستنى كلمة منك
ودة احلى جزء من كلامها هى
فهمت
ان حبى ليك كان ضعف منى
كنت لاقية الامان ف عينيك
بس لما بعدت عنى ؟؟
عرفت ان الامان ده جوايا انا
شئ منى انا
صدقنى خلااااااص
مش هينفع
وقبل ما امشى
من قلبى بشكرك
بجرحك ليا
عرفت بجد مين انا
قربت منى وعرفتنى

تحياااتى

[اميرة الاحلام]

مرسى ليكى جدا
يا د. eeman
نورتى بجد

[اميرة الاحلام]

طيب افهمها دى ازااااااااااااااااااااااااى
15 مشاهدة ومحدش يقول حاجة
انتو مكسلين تقولو رايكو ولا ايه
؟؟؟؟؟؟؟؟؟

[Messi]

gooooooooood

[الحالمه]

حاول تنسى وتدور
على قلب غيرى
بس اوعى يوم تخسره
زى ما يوم خسرتنى

كلمات جميله واجمل ما فيها قوتها
تسلم ايديكي يا دكتورة وربنا يوفقك

[ASOOOM]

[river]

بجد جميلة جدا يا أميرة

[Nayroz]

كلمات مؤثرة كتيييييير
تسلمى

[محمد سمير]

احساسها صادق وكلماتها رومانتك

بس انا شايف ان الواجب الحبيبه تسامح وما تكنش قاسيه على حبيبها

وتنهى قصة الحب اللى بينهم

لان ما احلى التسامح فى الحب

بس الحوار عجبنى وجميل

تسلم ايدك ياأميره