(( كدبــــــــــــــــــه البـــــــــــــعد ))

[الحالمه]

كدبـــــــــــــه البــــــــــــــــعد

مين جاب حبيبتي سيرة البعاد
مين قال يا عمري فات الميعاد
مين قال اننا بقينا صورة لمجرد
ذكريات
.......
جت بتخبي وشها
وبتحاول تداري ملامحها
بإيديها
وفضحها غصب عنها رعشه
عينيها ...مش ضحكها
جت بتصرخ..حبي مات
وجه خلاص وقت البعاد
.........
ولقتني بعمل زيها
وبحكي عن الفراق ...عن السفر
فجأه لقيت الدمع سال من عينيها
علي خدها
وحكي عن حب حياتها اللي في خطر
مديت ايديه امسح دمعها
اتحول الدمع لشعله غضب
ولقيت مليون اتهام
وسؤال بيجي وراه سؤال
وانا واقف مش فاهم ايه حصل
وقلب مين اللي انكسر
..............
بصيت لقيت
الكدبه كبرت غصب عني وعنها
ما كنت فاكر إننا مهما هنكدب
عمرنا ما هنصدق غير حبنا
والحب راح ينتصر
وفضلت مستني ضحكها
علشان الحزن ينحسر
...............
والوقت مر علينا بالساعات
والجو مشحون بالآهات
وكل واحد منا ساق في الكدب العناد
وأنا كان منايا اسمع ضحكها
علشان اعترف اني كدبت علي كدبها
فجأة لقتني وحدي
وهي بدأت في البعاد
قلبي اتحسر .........وفضلت السكات
سبتها
ما حقيقي قلبي بين ايديها مات
وبقينا صورة لمجرد ذكريات
...........

[الحالمه]

خلصوا خلاص الكلمتين

مانا كنت منك .....وانت بعت
قلبي انكسر
وفي احزاني حبيبي ضعت
بين اللقه والفراق كان فاصل خطوتين
وسؤال بيتردد
انت مين ! وحبيبي فين!
خلصوا خلاص الكلمتين
انا قلبي حر
انت اللي غاوي لقلبك للحزن تجر
وانا قلبه ماله .....لو كنت غاوي لنفسك تضر
خلصوا خلاص الكلمتين
رسمت خيانتك سكه وداع
وانا قلبي فيها ..ويا عمري ضاع
جي بتسئل عن طريق للرجوع !
ما قلبك اللي خلي قلبي باع
.........
سيب قلبي ..سيب
من غير ألم
دا ماصدق لجراحه تلتئم
وسط الدموع....قلبي اتعدم
وعلي حبك صاحبه الندم
............
دا مكنش مجرد في العيون دمعتين
دا قلب شرب غصب عنه
من غدر السنين
........
خلصوا خلاص الكلمتين
اوعه تسأل قلبي فين
ويا السنين
علمته يقتل جواه الحنين
انه يأمن مره واحده ..مش مرتين
وانه يقدر علي الوداع
مهما كان طعم الانين
خلصوا خلاص الكلمتين

[ASOOOM]

[الحالمه]

[ahmedofegypt]

nice topic

[river]

جميل جدا يا حالمة
كلمات تمس الواقع فعلا
واقع الغلطان فيه شايف انه مش غلطان لا وفاكر انه بيضحي كمان

[Nayroz]

كلماااااااات مؤثرة جدا جداااااااااا
تسلمى

[محمد سمير]

تسلم ايدك

جميله ورائعه

[الحالمه]

nice topic

nice passage

-----

جميل جدا يا حالمة
كلمات تمس الواقع فعلا
واقع الغلطان فيه شايف انه مش غلطان لا وفاكر انه بيضحي كمان

الحمد لله انها عجبتك
معاك/ي حق ....صعب اننا نقيم نفسنا ونشوف عيوبنا ..... علشان كدا مراجعه النفس مطلوبه علشان نحاسبها ونعرف مين علي حق فعلا ومين اللي علي باطل
تقبل/ي فائق احترامي لمرورك

-----

كلماااااااات مؤثرة جدا جداااااااااا

تسلمى

اهلا بيكي يا دكتورة وميرسي علي تواجدك
وتسلمي علي مرورك

-----

تسلم ايدك

جميله ورائعه

دا فضل من عند ربنا انها عجبتك يا دكتور
شكرك لتشجيعك ومرورك
تقبل تحياتي

-----

ملناش غني .......عن بعضنا

مش كل اللي تتمناه قلوبنا
في لحظتها لازم ننوله
ولا كل وعد بينا حبيبتي
لازم بلساننا ننوله
والحلم مهما طال
راح بالصبر نطوله
مهما كدبنا
مهما قولنا للحب بعنا
الوعد عرفاه قلوبنا
يبقا ليه نعذبه؟
وبإيدينا نخونه !
مهما عيوننا تنكره
مهما في قلوبنا نسجنه
راح يجي يوم برا قلوبنا نحرره
ومهما تبعدنا الحياه
وعد مني راح اصونه
لو ضعفنا ....والحلم ضاع
وكبرت جوانا جروحنا
يبقا مفيش غير نفسنا علشان نلومه
لو ضعفنا والحلم ضاع

يبقا منلناش من لهيب الحب إلا دموعه

[الحالمه]

مكنش وعد

اسفه اقولك

مستحيل هنكون لبعض

بس السؤال لازم له رد

اسفه اقولك

اللي اتبني كان مجرد

حلم في خيالك

ومكنش مني وعد

..........

مستحيل ..حب حياتي يكون كدا

يكون ضعيف بالشكل دا

وانت زيك زي اي حد

انت حلمك حلم عادي

ايه يفرقه عن اي حلم؟

حلم الذكريات لسنين جميله

وبيت بيكبر وعيله

وشعر ابيض لجد

اوعه تقول دا اسمه حب

دا مجرد وهم حب

والحكايه مش ناقصه عند

.............

شوفت في عينيك احلامي البريئه

بتندفن وبيتبني بيني وبينها الف سد

وسط زحمه المدينه

بتنفرض حاجات علينا

وبتضيع احلامنا قدام عينينا

ومبيكونش لينا في موتها اي ذنب

واللي ضاع مني مكنش حلم

اللي ضاع مني قلب

...........

اسفه اقولك

قلبي محتاج حب يزيزله

وعلي نفسه يطمنه

ولا عمره يفكر يجرحه

علشان يرجع يطببه

ان طريقك لقلبي لسه في اوله

انك خسرت بحلمك تكسبه

وصعب عليك تفهمه

لو فضلت بعقلك تحسبه

والنهايه لاما موت.. لاما بعد