كتابك فين يا دكتر ......؟؟؟!!!

[متفائل]

بسم الله الرحمن الرحيم

رغم كثرة الشكاوى المقدمة من الطلاب فى الأعوام السابقة و المتعلقة بأسعار الكتب المرتفعة و إجبار الجميع على حد سواء على شراء الكتب شاء من شاء و أبى من أبى

و رغم تفاعل إدارة الكلية مع هذه الشكاوى و قيام السيد عميد الكلية بتوجيه تعليمات إلى السادة رؤساء الأقسام و مشرفى الفرق الدراسية و ذلك للالتزام بتسعيرة الكتب الدراسية

و هذه صورة من تسعيرة الكتب الدراسية لقسم العقاقير بداية من الفرقة الاعدادية و حتى الفرقة الرابعة

و كذلك قام وكيل الكلية بإرسال خطاب مكمل لخطاب السيد العميد مطالبا الأقسام المختلفة بما يلى

و رغم كل هذا إلا أن مشكلة الكتاب لم تحل فى كليتنا

فليس المهم هو حضور المعمل و الاستفادة من المادة العلمية التى تشرح فيه و لكن المهم هو وجود الكتاب و تكملته - مع إننا بننقله من بعض -

على سبيل المثال :

لم أقم بشراء كتاب مادة الكميا الطبية - مش لأنى مش قادر لأ الحمد لله أقدر أشترى كل الكتب اللى عليا -
و حضرت أول معمل طبيعى جدا
المعمل التانى الكتاب كان بيصحح و المعيد لم يأخذ غيابى و اشترط إنى أجيب الكتاب المعمل الجاى و هو هيسجلنى حضور
جيت المعمل التالت مكمل الكتاب و لكن فى كراسة خارجية
المعيد قالى لام يتمضى م الدكتورة .....
و قالى انزل دور عليها عشان تمضيلك ع الكراسة
سيبت المعمل و التجربة اللى كانت فى ايدى و نزلت أدور ع الدكتورة و استنيتها تخلص حاجة فى سكرتارية القسم
و بعدين شرحت الموقف
قالتلى لازم توضح موقفك لأن عدم وجود الكتاب معاك بيدل على اهمالك و فيه نظام لازم الكل يمشى عليه
و اديتنى تلات خيارات
إما إنى قادر و بالتالى هشترى الكتاب
أو إن المبلغ كبير فممكن سعر الكتاب يتخفض للنص
أو إنى مش قادر فالكتاب متاح مجانا لغير المستطيع ماديا

طبعا الاختيارات السابقة لم يكن فيها ما يلائمنى و انتهى الموقف
و طلعت للمعيد من جديد
قالى أنت كده موصلتش لجاجة و ادامك لحد الساعة 3 لو مجتش هكتبك غياب السكشن اللى فات و اللى احنا فيه
و لو مجبتش الكتاب السكشن الجاى هكتبك غياب و بكده يبقى عندك 3 سكاشن غياب
قلت طيب و أنا طبعا فى داخلى مش عارف اعمل ايه

فى نفس اليوم اللى هو التلات كان علينا تسليم كتاب الصناعية اللى برده مشترتش كتابها وكان آخر ميعاد للتسليم فى هذا اليوم الساعة 4
كنت مكمل نص رسم الأجهزة فى ورق خارجى و لسه النص الباقى و فضلت إنى يعنى من باب الأدب و الاحترام استأذن الأول من دكتور المادة قبل ما اسلم رسمى بهذا الشكل و قد كان و ذهبت لدكتور المادة و دار الحوار التالى .......
و انتهى باحترام وجهه نظرى
و الدكتور أصر إنى آخذ كتاب العملى مجانا
قلت لسيادته إنى مش جاى اكلفه و ممكن أكمل الكتاب فى ورق خارجى و اسلمه عادى
إلا إن الدكتور كتبلى ورقة بكتاب العملى مع إنى قلتله أثناء كلامنا إنى أقدر أشترى الكتب كلها لو عايز

مستنى رأيكوا فى الموضوع

[ameer]

السؤال المفروض يتغير من ((هل يتم إجبار الطلاب على شراء الكتاب)) الي (( هل ممكن طالب ينجح من غير مايشتري الكتاب ؟!!!!!))
انا عن نفسي بشتري الكتب كلها مش علشان العملي ولا الغياب ولا حاجة بس من كتر ما سمعت الجمله دي (( لو ما جبتش كتاب الدكتور يبقي مش هتعدي السنة وهنقابلك السنة الجاية في نفس الفرقة ))

والمشكلة دلوقتي مش في اننا نجيب الكتاب فلنفرض مثلا انا احنا لسة في ابتدائي وبالتالي لازم نجيب الكتب علشان نذاكر منها (انا بقول نفرض لان الكل عارف اللي فيها ) يبقي المفروض الاسعار زي ما التسعيرة بتقول مش علي الورق التسعيرة 65 جنية والحقيقة .....(برضة الكل عارفها مش محتاج اقول )

[alnesr1988]

أنا برده الحمد لله حاضر بالجثه ومطلع كل ال EP
وعامل calculation لكل التجارب
ومتاخد غياب سكشنين عادي جداً
طبعاً الرد الطبيعي ما تشتري الكتاب طيب ما انا شاري الكتاب الترم الأول ومازلت محتفظ بيه كما هو لم يلمسه قلم ولم يطلب مني أي معيد كتابة فيه أي شيئ ولم أستفيد منه في أداء التجارب ممكن حد يفهمني كتاب العملي كان أيه فايدته الترم الأول في الميدسنال الكام صفحه في (( الكيم درو )) في الآخر لا والأعجب والأغرب في بلد دستورها قايم على المساواة إن في ناس ما اتخادتش غياب المعامل التانيه بسبب الكتاب وأصبحت مادة جايب فيها جيد جداً الترم الأول مهدد فيها بالحرمان




-----

فى نفس اليوم اللى هو التلات كان علينا تسليم كتاب الصناعية اللى برده مشترتش كتابها وكان آخر ميعاد للتسليم فى هذا اليوم الساعة 4
كنت مكمل نص رسم الأجهزة فى ورق خارجى و لسه النص الباقى و فضلت إنى يعنى من باب الأدب و الاحترام استأذن الأول من دكتور المادة قبل ما اسلم رسمى بهذا الشكل و قد كان و ذهبت لدكتور المادة و دار الحوار التالى .......
و انتهى باحترام وجهه نظرى
و الدكتور أصر إنى آخذ كتاب العملى مجانا
قلت لسيادته إنى مش جاى اكلفه و ممكن أكمل الكتاب فى ورق خارجى و اسلمه عادى
إلا إن الدكتور كتبلى ورقة بكتاب العملى مع إنى قلتله أثناء كلامنا إنى أقدر أشترى الكتب كلها لو عايز

مستنى رأيكوا فى الموضوع

موقف في منتهى الجنتله بجد فيه دكاتره الواحد فخور إنه اتعلم على ايديهم في الكليه وطبعاً الجميع الواحد مدين للكل بأي كلمه اتعلمها بس في كذا شخصيه أثرت في شخصية الواحد ولا يمكن تتنسى أبد الدهر

[متفائل]

السؤال المفروض يتغير من ((هل يتم إجبار الطلاب على شراء الكتاب)) الي (( هل ممكن طالب ينجح من غير مايشتري الكتاب ؟!!!!!))

مش للدرجة دى يا دكتور / أمير
ممكن تنجح لكن بالتأكيد إنك هتنقص درجات

انا عن نفسي بشتري الكتب كلها مش علشان العملي ولا الغياب ولا حاجة بس من كتر ما سمعت الجمله دي (( لو ما جبتش كتاب الدكتور يبقي مش هتعدي السنة وهنقابلك السنة الجاية في نفس الفرقة ))

مين اللى قال كده
عن تجربة
فيه كتب كتير مشترتهاش و عادى
بس المهم لو فيه تكملة للكتاب ممكن تكملها فى كشكشول أو كراسة صغيرة و تصححها و تاخد درجتك بما يرضى الله

والمشكلة دلوقتي مش في اننا نجيب الكتاب فلنفرض مثلا انا احنا لسة في ابتدائي وبالتالي لازم نجيب الكتب علشان نذاكر منها (انا بقول نفرض لان الكل عارف اللي فيها ) يبقي المفروض الاسعار زي ما التسعيرة بتقول مش علي الورق التسعيرة 65 جنية والحقيقة .....(برضة الكل عارفها مش محتاج اقول )

كلام سليم
و تكملة الكلام السليم
أنه المفروض المبالغ الخالفة ترد إلى أصحابها زى ما الدكتور / حسن كاتب بنفسه

شكرا لمشاركتك

-----

أنا برده الحمد لله حاضر بالجثه ومطلع كل ال EP
وعامل calculation لكل التجارب
ومتاخد غياب سكشنين عادي جداً

يا دكتور لو أنت مكتوب فى الكشف ( غـ ) و بالقلم الجاف
من حقك ترفع الأمر للدكتور / حسن وكيل الكلية و سيادته هيصرف فى الموضوع ده
لأن اللى بيحصل ده اسمه تهريج

طبعاً الرد الطبيعي ما تشتري الكتاب طيب ما انا شاري الكتاب الترم الأول ومازلت محتفظ بيه كما هو لم يلمسه قلم ولم يطلب مني أي معيد كتابة فيه أي شيئ ولم أستفيد منه في أداء التجارب ممكن حد يفهمني كتاب العملي كان أيه فايدته الترم الأول في الميدسنال الكام صفحه في (( الكيم درو )) في الآخر لا والأعجب والأغرب في بلد دستورها قايم على المساواة إن في ناس ما اتخادتش غياب المعامل التانيه بسبب الكتاب وأصبحت مادة جايب فيها جيد جداً الترم الأول مهدد فيها بالحرمان

معلش فى الكلام
حتى لو الكتاب هيخلنى أحمد زويل
و مفيش فى العالم كله زيه
مش غصب عنى هشتريه
فيه حاجة اسمها إرادة أو أنا عايز
من حقى أرفض الكتاب
و الكلام ده قبل ما يكون تعليمات من إدارة الكلية
دا أ ب حقوق إنسان

-----

موقف في منتهى الجنتله بجد فيه دكاتره الواحد فخور إنه اتعلم على ايديهم في الكليه وطبعاً الجميع الواحد مدين للكل بأي كلمه اتعلمها بس في كذا شخصيه أثرت في شخصية الواحد ولا يمكن تتنسى أبد الدهر

بالتأكيد

نورت التوبك يا دكتر

[Messi]

انا بقترح ان يبقي مصارف السنه+الكتب مره واحده.......كلها علي بعضها مع بعض.....في اول السنه
زي ابتدائي واعدادي وثانوي كده.....
والمصاريف دي تكون موحده علي مستوي كليات الصيدله في مصر كلها.....

فيه واحد يقولي :احنا ما بنستفيدش من الكتب دي في حاجه (او استفاده قليله يعني)

اقوله: طب و احنا امتي استفادنا؟؟؟؟؟؟
ما احنا طول عمرنا بنجيب الكتب الخارجيه ونذاكر منها ........
الا اينشتين و امثاله بقي.......دي حاجه تانيه

[The Princess]

حصل يا دكتورة ان كتاب الابلايد للفرقة الرابعة كان ب 120 جنيه و درجات العملى كانت ب 10 على خمس صفحات بالظبط يعنى الطالب يشترى كتاب ب 120 جنيه علشان خمس صفحات يكملهم عليهم 10 درجات بعض الطلبة قالوا مش هنشتريه و مش عاوزين ال10 درجات افتكر ده حقهم و حق الكلية ما تديهمش ال10 درجات لكن كون ان الدكتورة تدخل المعامل و تجيب اسامي اللى ما اشتروش واحد واحد و تدخل ساعة امتحان العملى و تنادى عليهم بالاسم و تزعق ازاى ما اشتروش الكتاب و ان مفيش دخول الترم التانى من غيره للمعامل و تقول فى الاخر انهم ممكن يشتروه دلوقتى و يكملوه و هياخدوا العشر درجات يعنى واضح ان المسألة مسألة فلوس
طبعا بعد الاهانة العلنى دى وسط زمايلهم مفتكرش ان حد فيهم هيروح يتحايل على الدكتورة و يقول مش قادر اجيبه ومبلغ 120 جنيه مهواش القليل و يهين كرامته احنا مش فى المدينة الفاضلة كل زمايله ابسط ما فيها هيقولوا عليه بخيل و كلام تانى لا يليق انى اقوله بعد التشهير العلنى ده طبعاالطلبة كلهم راحوا اشتروا الكتاب و كملوه قدام المكتب و دخلوا ادوه للمعيد فتحه نقل الاسم و حط الدرجة و اخدوه تانى و هما واقفين
المفروض ان الاتحاد من الاول كان يكون له وقفة مع اسعار الكتب و المصاريف اللى عماله تزيد كل شوية
فى كلية زى كلية الهندسة اغلى كتاب لا يتعدى 45 جنيه و اللى عاوز يشترى براحته مش عاوز هو حر مفيش حد بيتهان كده
انا مكنتش ناويه ادخل الموضوع و ارد منعا للجدال العقيم اللى هيحصل بس انا حبيت انقل صورة موجودة فعلا عندنا
و يارب المشاركة ما تتعدلش

ده رد تانى ليا فى احد المواضيع و هو نفس ردى هنا
و ارجع و اقول كل دكتور و شخصيته و الكلية مليانه بالدكاترة الافاضل اللى فى غاية الاحترام

[متفائل]

انا بقترح ان يبقي مصارف السنه+الكتب مره واحده.......كلها علي بعضها مع بعض.....في اول السنه
زي ابتدائي واعدادي وثانوي كده.....
والمصاريف دي تكون موحده علي مستوي كليات الصيدله في مصر كلها.....

اقتراح جميل
لكن تظل مشكلة الاجبار على شراء الكتاب قائمة
احنا الوقتى فى الجامعة
و التعليم الجامعى يختلف عما قبله تماما
مش معقول هيجبولنا المصدر اللى نذاكر منه زى أما نكون عيال صغيرين

فيه واحد يقولي :احنا ما بنستفيدش من الكتب دي في حاجه (او استفاده قليله يعني)

و أنا فى تالتة مشترتش كتاب الفارما لكنى اشتريت كتاب آخر كان مليان بالرسومات التوضيحية و معلومات أكثر عن الأدوية
و بفضل الله جايب فى المادة امتياز

اقوله: طب و احنا امتي استفادنا؟؟؟؟؟؟
ما احنا طول عمرنا بنجيب الكتب الخارجيه ونذاكر منها ........
الا اينشتين و امثاله بقي.......دي حاجه تانيه

ارجع و أقول دى حرية شخصية اللى عايز يشترى الكتاب أهلا و سهلا
و اللى مش عايز برده أهلا و سهلا

و شكرا لمشاركتك

-----

ده رد تانى ليا فى احد المواضيع و هو نفس ردى هنا
و ارجع و اقول كل دكتور و شخصيته و الكلية مليانه بالدكاترة الافاضل اللى فى غاية الاحترام

مقدر كلام حضرتك يا دكتر
لكن مع هذا الاختلاف فى الشخصيات
فإنه ينبغى للجميع أن يلتزم بالقوانين و التعليمات

ما يحدث فى معظم الأقسام من مخالفة للنظام
يدفعنى و بشدة للتفكير فى إقامة دعوى قضائية لاتخاذ قرارات أكثر صرامة تضمن تطبيق التعلميات الواردة فى خطاب السيد العميد و خطاب السيد الوكيل
لأن السكوت عن الحق يعنى التمادى فى الباطل

و شكرا لمروركم

[مورجان]

أنا شايف إن الموضوع خد منحني تاني

دلوقتي إحنا مش عايزين نتكلم في مقترحات

و إنناعايزين نخفض أسعار الكتب ,,, طب نعمل ايه و نكلم مين ( و إن كان الكلام من الأهمية بمكان )

لأ

إحنا معانا حاجة في إيدينا

و هو فلوس كتب العقاقير

اللي نزلها تسعيرة إجبارية من الكلية لم يلتزم بها القسم

و أخدوا آلاف الجنيهات من الطلبة دون وجه حق

و بسبب الموضوع دا

دارات قصص و روايات بيني و بين الوكيل و العميد

إن شاء الله هحكيلكوا مقتطفات من اللي حصل المشاركات القادمة - لو كان لينا عمر -

اربط حزام الأمان و استعد للصدمات

[SHYMAA]

عادى على فكره ومش كل الاقسام بتجبرك على شراء الكتاب
على سبيل المثال : كتاب الميكرو بتاعنا ناس اشترته وناس تانيه لا
والمعيده فى السكشن قالت مش مهم عندى الكتاب
كملو فى ورق وصححوه وفعلا ده اللى حصل واخدنا الدرجه وكله عدى
واللى جاب الكتاب كان زعلان لانه مش مهم
فما تعممش حكاية الاجبار دى على كله

[مورجان]

عادى على فكره ومش كل الاقسام بتجبرك على شراء الكتاب
على سبيل المثال : كتاب الميكرو بتاعنا ناس اشترته وناس تانيه لا
والمعيده فى السكشن قالت مش مهم عندى الكتاب
كملو فى ورق وصححوه وفعلا ده اللى حصل واخدنا الدرجه وكله عدى
واللى جاب الكتاب كان زعلان لانه مش مهم
فما تعممش حكاية الاجبار دى على كله

أكيد بنفتقد لنظام يضبط موضوع الإجبار على الشراء من غيره

قسم يعديها

و قسم يقول لازم الكتاب

دا بيقول كدا على أساس ايه

و دا بيقول كدا على أساس ايه

مفيش ضوابط بتحكم الكل