يعنى ايه الكلام ده؟؟؟؟؟؟؟؟؟؟

[سوزران]

انا قرأت خبر على المنتدى ان امتحاناتنا هتكون 3أسابيع بشرط ان الامتحانات يوم ويوم يعنى ايه الكلام ده يوم ويوم دا احنا نضيع
دا رابط الموضوع

http://www.pharma-board.com/board/sh...818#post262818

[همسة عتاب]

للأسف يا دكتورة الرابط مش شغال..

بس انا سمعت النهاردة ان امتحاناتنا زي الترم اللي فات..

مادتين في الاسبوع..

ربنا يعدي الشهرين الباقيين على خير..

وبعد كده يعملوا اللي همة عاوزينه!!

[محمد سمير]

الكلام مش هيفيد بشىء

نأقلم نفسنا على النظام ده وخلاص

هنعمل ايه يعنى

[ahmad_888]

طب ياجماعة والله المنااهج بتبقى كبيرة أوووي ومش بنلحق نخلصها حتى لو ذاكرنا من دالوقتي
أحنا مش بنعرف نلم المادة في يومين بنسيب أجزاء كتيرة جداا ودا مش في صالحنا .
ياريت لو كل مادة عرفنا نتفق مع الدكاترة إنهم يعملولنا شيتات على جزء النظري يعني مثلا كل محاضرة يدوا أسئلة معينة أو يدو المهم في الجزء ده وأي واحد مننا يلمها ويكتبها على الكمبيوتر ويبقى المصدر بتاعنا للمذاكرة .
أحنا بنبقى في حالة نفسيه صعبة جدا . ولما بيكون في مادة جايه صعبه بتأثر على اللي بعدها
احنا أأخر سنه إن شاء الله مش طالبه أي حاجه والله خاالص . بجد انا مخنوق جدا لإني شوفت الترم الأول أيام صعبة جداا . ربنا بيكرم طبعا بس لازم نعمل اللي علينا .
نحاول نتفق مع الدكاترة ونحضر محاضراتهم ويقولولنا المهم . يعملولنا مذكرة أسئلة ونشتريها أو أي حاجه

[همسة عتاب]

تحديد مدة امتحانات الفصل الدراسي الثاني


" ضرورة الانتهاء من كافة أعمال امتحانات الفصل الدراسي الثاني بكليات الجامعة في موعد أقصاه نهاية شهر يونيو القادم بواقع أسبوعين للكليات النظرية و ثلاثة أسابيع للكليات العملية على ألا تزيد الفترة البينية للامتحانات عن يوم بعد يوم "


الكلام ده جاي من إدارة الجامعة و موحد على جميع كليات جامعة المنصورة

سؤال واحد بس... وياريت اللي عنده اجابة يقولها..

لصالح مين ده كله؟؟؟

معقولة لصالح الطالب؟؟!!!!!!

[سوزران]

سؤال واحد بس... وياريت اللي عنده اجابة يقولها..

لصالح مين ده كله؟؟؟

معقولة لصالح الطالب؟؟!!!!!!

لصالح تطبيق نظام الجوده............................................ ...بجد no comment

[إيمان حمدي]

الحمد لله يا جماعة وربنا يسترها معانا بجد يعني على آخر سنة
ياااااااااااااااااااااه
يوم ما الدكتور محمود مسك العمودية خلانا نمتحن مادة في الاسبوع
فاكرين
يالا الحمد لله والله المستعان مانقدرش نقول غير كدا

[pharma sh]

على ألا تزيد الفترة البينية للامتحانات عن يوم بعد يوم "
ياريت حد يوضح الجملة ديه هل الامتحانات زي الترم الاول يومين وتلاتة بين كل امتحان وامتحان ولا يوم واحد ولو يوم واحد اعتقد 50 في الية من الدفعة هيسأطوا السنة ديه

[همسة عتاب]

إلهي..
إليك أشكو ضعف قوتي.. وقلة حيلتي.. وهواني على الناس..
أنت أرحم الراحمين..
إلى من تكلني.. إلى بعيد يتجهمني.. أم عدو ملكته أمري..

[سمسوما]

لصالح تطبيق نظام الجوده............................................ ...بجد no comment

اعتقد من ضمن نظام الجودة ان الامتحانات تكون ام سى كيو
و دا طبعا مبيحصلش ... يا ناخد الموضوع كله يا نسيبه كله
تهريج و شىء يغيظ
"يبقى انت اكيد فى مصر"