بتحب حد يناديك دكتوووووور

[Messi]

بتحب حد يناديك دكتوووووور

السلام عليكم

طبعا كلنا عارفين الجدل القايم مند الازل بين الطب والصيدلة

واحنا عارفين ان هناك الكتير مش بيحترموا مهنتنا

او بيحترموا المهنة ولكن لايحترموننا نحن الصيادلة

وربما نحن السبب في انتشار هده الفكرة السيئة عندنا

عندما استبدلنا مهنتنا بالتجارة

ومن تم ظهر الجدل بين الصيدلة والطب

ابتداءا من المهنة وطبيعتها وحقوقها

وصولا الي اللقب (دكتور)


سؤالي اليوم بيكون في اللقب (دكتور)


يلا كل واحد يجاوبنا بصراحة

هل بتحب حد يناديلك يادكتووور

وهل تتضايق لما حد مش بيقولك دكتوور

وهل تعتقد ان كلمة دكتووور من حق بكالوريوس صيدلة

وهل احساسك يختلف عندما تسمع الكلمة (دكتور)

كل واحد يجاوبنا بصراحة

[مهداه]

هل بتحب حد يناديلك يادكتووور

حتى الان حاسه انى ما زلت
مش جديره بيها
واكيد بفرح لما حد يقولهالى
وبخصوص الجدال حول طب وصيدله
لو خريج طب قال ملكيش حق ف كلمه دكتوره
هقوله ولا حضرتك ليك حق فيها
انت طبيب وانا صيدلانيه
ولكل مجاله
والمفروض نحترم بعض
وبعدين متفرقش يتقالى ايه المهم اقوم بدورى
اللى احس انى بعمله على اكمل وجهه
لكن بصراحه بتغاظ لما يكون حد عارف انى دكتوره وينادى بلقب تانى
موضوع جميل
جزاكم الله خيرا

[NeScaFE]

هل بتحب حد يناديلك يادكتووور

عادى اللى عاوز يتاديلى باسمى اهلا وسهلا واللى عاوز يقولى دكتورة برده اهلا وسهلا

وهل تتضايق لما حد مش بيقولك دكتوور

لا بس بتدايق لما حد يقولى يا ابلة شايفنى ماسكة خرزانة ولا ايه .عالم


وهل تعتقد ان كلمة دكتووور من حق بكالوريوس صيدلة

طبعا ولا مكناش دخلناها اصلا

وهل احساسك يختلف عندما تسمع الكلمة (دكتور)

ايون بحس انى لسة فى صيدلة :fopl00l:

[طيور الجنه]

يلا كل واحد يجاوبنا بصراحة

هل بتحب حد يناديلك يادكتووور

زمااااااااااان كان نفسى يتقالى يا دكتوره
لكن لما دخلت الكلية بقت عادى بل بالعكس بقت بتضايقنى شوية

وهل تتضايق لما حد مش بيقولك دكتوور

خااااااااااااااااااااالص
انا بحب اللى يناديلى يناديلى باسمى بس

وهل تعتقد ان كلمة دكتووور من حق بكالوريوس صيدلة

اكيد طبعاااااااا

وهل احساسك يختلف عندما تسمع الكلمة (دكتور)

على حسب الشخص اللى بيقولها
يعنى مثلا انا بحب اسمعها جدااااااا من شخص عزيز عليا اوى وبفرح لما يقولها وبحس انى كدة عملت حاجة
لكن فى ناس بتقولها بتريقة او استهتار
فلما بسمعها منهم بتنرفزنى جدااااا

[ASOOOM]

هل بتحب حد يناديلك يادكتووور
لأ

وهل تتضايق لما حد مش بيقولك دكتوور
لأ طبعا

وهل تعتقد ان كلمة دكتووور من حق بكالوريوس صيدلة
لأ طبعا لان الدكتور دا هو الحاصل علي درجه الدكتوراه في اي مجال وبالتالي لا هي من حق خريجي صيدله و لا خريجي طب لاننا صيادله وهم اطباء

وهل احساسك يختلف عندما تسمع الكلمة (دكتور)
بتضايق قوي

كل واحد يجاوبنا بصراحة
جاوبت

[dr_orchida]

بتحب حد يناديك دكتوووووور

هل بتحب حد يناديلك يادكتووور
اها

وهل تتضايق لما حد مش بيقولك دكتوور
لا يعني مش قوي

وهل تعتقد ان كلمة دكتووور من حق بكالوريوس صيدلة
اه ليه لأ......اومال هيقولولنا ايه؟؟؟!!!

وهل احساسك يختلف عندما تسمع الكلمة (دكتور)
يعني نوعا ما

كل واحد يجاوبنا بصراحة

اهي صراحة متناااااااااااااهية

ميرسي كتير علي التوبيك

[dr.monalizaa]

كلها شكليات يا محمد شكلياااااات وألقاااب

وبعدين هيا مش حق لاي حد لان اي حد ممكن يكون دكتور في مجاله
يحضر بس دكتوراه في أي حاجه وهيكون اسمه ببساطه ( دكتور)

لكن ان جيت للجد بقى محدش يستاهلها أصلا لاطب ولا صيدله ولا بيطري
كلنا في نفس النظام التعليمي الفاشل نحفظ ونفضي في الامتحانات وشكراااااااا

دكاترة آخر زمن

[chocolata]

انا بصراحه لسه حاسه انى مستحقاش وساعات لما خالى او حد من قرايبى الكبار يقولهالى بفخر انا بكون متضايقه طبعا ببتسم فى وشه لكن بينى وبين نفسى بحس انى لسه مستحقهاش وسواء طبيب او صيدلى كل واحد بيادى دور مهم
بس الفكرة احنا لو عرفنا دورنا الحقيقى بالضبط ايه ؟
هل هو فعلا مجرد البيع وابشرا يبقى ساعتها فعلا زينا زى التجار ؟
منفرقش حاجه
انا لغايه لما استحقها هاكون اسعد اكتر بلقب دكتورة

شكرا على الفكرة الجميله يادكتور