استفتأء؟ برمجة الامتحانات

[genious]

اولا السلام عليكم

كنت قد تقدمت لمنحة وزارة الاتصالات للخرجين الجدد وما يخص خريجي العلوم الطبية( الطب والصيدلة والاسنان والبيطري والعلوم ) هو مجال biomedical informatics
وهو مجال واعد بالنسبة للتصميم الدوائي عن طريق الحاسب الالي computer-aided drug design

المهم انني اجتزت 3 امتحانات مبرمجة وهم english & IQ & personality الا انني لم اجتاز المقابلة الشخصية بالرغم من تأكيد المحاور(interviewer) علي قبولي وذلك لندرة خريجي هذة الكليات التي تقدمت للمنحة حيث ان اغلب الخرجين من كليات الهندسة والتربية والحاسبات والتجارة وغيرهما !

المهم قدر الله وما شاء فعل الذي اعجبني في هذا كله هو نظام الاسئلة وهي اسئلة مبرمجة علي الحاسب الالي حيث ان الحاسب مبرمج مسبقا علي عدد الاسئلة وانواعها والزمن المخصص لها واجابتها ايضا وكذلك النتيجة ايضا
وكما هو معمول به في امتحان اليونسكو ICDL تظهر لك النتيجة بعد اداء الامتحان مباشرة وبالتالي يختفي تأثير العنصر البشري من العملية كلها ونحن بشر تحكمنا الاهواء اما الحاسب فهو جماد لا يحابي احد علي احد مما يضمن عملية الحيادية المطلقة في عملية التقيم .

ارجوا من السادة الاعزاء ابداء الرأي حول تطبيق هذا النظام في الجامعات المصرية وخاصة الكليات العملية
ولسيادتكم فائق الاحترام والتقدير

[dr/noony]

فكرة ممتازة جدا اختى كانت امتحنت كدا فعلنا لما جت تشتغل فى السعودية
هى المشكلة فى الامكانات يعنى هنبقى محتاجين على الاقل الف جهاز
كومبيوتر او نصف العدد ونقسم الدفعة الواحدة على مجموعتين
ياريت فعلا تنفذ الفكرة واعتقد ده احسن بكتير لاعضاء هيئة التدريس
هيوفر عليهم وقت وجهد كبير وهيوفر علينا قلق كل سنة فى انتظار النتيجة
بالتوفيق يارب للجمييييييييييييع

[عبدالله عبدالرحمن]

C.A.D.D is promising branch in drug design
the faculty made a workshop that discussed the main concepts and keys
of this science
theoretically and practically.
i will make a report about that soon ISA

--------
بالنسبة لفكرتك فالدكتور صالح الشرقاوى العميد السابق كان يتكلم عن تطبيقها
فى خلال السنين القادمة
ولكن فى رأيي اعتقد ان المناهج وطبيعتها الحالية تجعل من الصعب ومن الظلم ايضا
ان تخضع الطالب للأمتحان بهذه الطريقة سيكون هذا عبئا كبيرا على الطلاب
ولكن مع تغيير اللأئحة وادخال امتحانات الميد ترم تصبح فكرة هذه الأمتحانات
امر اكثر قبولا بل واكثر افادة وتوفيرا للأموال والوقت والمجهود
وخصوصا مع توفر قاعة التكنولجيا الجديدة

شكرا لك على طرح الموضوع..

[muna7assan]

هيا فكره جميله جدا وعجبتنى

وزى ما د.عبد الله قال د.صالح كان تطرق للموضوع دا معانا فى التيرم الاول وعجبنى

بس للأسف لما جربتها فى الاسئله خلال التيرم حسيت انها مش كويسه

الاسئله تقريبا كده كانت مكتوبه عن طريق ناس مش عندهم فكره عن الماده فكنت بألاقى غلطات املائيه كتير

كمان مش كل المواد ينفع معاها كده

فيه مواد الورقه والقلم ليهم دور مهم جدا

زى العضويه مثلا

كمان كده هيشجع الحفظ تماما

لأن الكمبيوتر جهاز وهيكون مبرمج على اجابه واحده

وهتكون صح او غلط

يعنى يا الدرجه كلها يا زيرو

على عكس ما يكون الدكتور هوا اللى بيصحح ويحس ان الطالب اللى قدامه فاهم ولا لأ

بتهيألى علشان حاجه زى دى تنفع لازم المناهج نفسها تتغير

[M.tal3t]

totally , I agree with you

mt-

[dr/noony]

كمان مش كل المواد ينفع معاها كده

فيه مواد الورقه والقلم ليهم دور مهم جدا

زى العضويه مثلا

كمان كده هيشجع الحفظ تماما

لأن الكمبيوتر جهاز وهيكون مبرمج على اجابه واحده

وهتكون صح او غلط

يعنى يا الدرجه كلها يا زيرو

على عكس ما يكون الدكتور هوا اللى بيصحح ويحس ان الطالب اللى قدامه فاهم ولا لأ

بتهيألى علشان حاجه زى دى تنفع لازم المناهج نفسها تتغير

الامتحانات اللى بتبقى مبرمجة بتبقى نوعين يا اما صح وغلط او اختر
قليل قوى لما يجيب اكمل ......................................
ده احسن ولا سؤال يقولك اكتبلى تفاعل كانيزارو مثلا
يعنى مثلا فى سؤال زى اختر ده ممكن يجيبلك جزء من التفاعل
وانتى تختارى الجزء اللى يكمله وهكذا
اعتقد ان ده احسن بكتير جدا على الاقل بيعتمد على الفهم بنسبة عالية جدا
بعكس الامتحانات اللى فى ورق واكتب ما تعرفه عن واذكر فوائد وهكذا

[BoNbOoNa]

دكتورهاني مرعي (رئيس قسم الهستولوجي في طب بيطري ) طبّق الفكرة دي معانا السنة اللي فاتت
ليه موقع E-learning بتاعه .. و private بس للطلبة اللي بيدرس ليهم
كنا كل أسبـوع بنمتحن Online حاجة زي quiz كده علي المحاضرة اللي فاتت .. و احيانا يربط المحاضرات ببعض
كل مرة الدكتور بيحط 100 سؤال
و يبرمج الامتحان بحيث ينزل لكل واحد فينا 10 أسئلة عشوائيا ... و الامتحان مدته ربع ساعة
بنتفق مع الدكتور علي معاد معين و نفتح كلنا في الوقت ده و بعد الربع ساعة يتقفل قبول الامتحان ..
بمجرد ما تعمل submit للاجابات بتجيلك الدرجة و تصحيح الامتحان ...
واللي معملش submit لاجاباته قبل انتهاء الوقت المحدد تبقي راحت عليه . .

- الأسئلة كانت:
true or false , Choose the correct answer \ answers
اختيار اكتر من اجابة صحيحة كان اصعبهم .. لان لو نقطة نسيتها او اخترت نقطة غلط بتطير منك درجة السؤال

- امتحان العملي كان online برده .. في البيت
يعني تاخد دش و تعمل كوباية نسكويك دافية و relax خالص ع السرير و معاك اللاب بتاعك و بتمتحن امتحان عملي من 25 درجة ...
كان عبارة عن identification لـ25 slide في 10 دقائق . . .
دكتور هاني كان بيخلي المدة المتاحة للاجابة اقل من الطبيعي .. بحيث ان اللي يطول في سؤال شوية غالبا مش هيلحق يخلص و ده عشان محدش يحاول يسأل او يبحث عن الاجابات ... لأن طبعا الرقيــب الوحيد في الحالة دي هو " الضميـر "
طبعــا في ناس كانت بتتصرف يعني . . . و ظاهرة الحل الجماعي و السايبرات كانت شغالة تمام الايام دي

كـ فكرة يا ريت تتطبق في كل المواد . . لكن كتدريب .. زي الكويزات اللي كان د. عطاالله بيعملها لكن متطورة من مجرد مشاركات مكتوبة لإمتحانات بوقت محدد و درجات . . .

لكن كــ امتحان final مظنش ينفع خالص دلوقتي .. لانها مش هتغطي كافة المهارات المطلوب قياسها في الامتحان .. و 85% من المواد مش بندرسها بشكل يسمح ان امتحانها ييجي كده . . .

شكــرا جزيــلا،،

[genious]

انا اوافق بشروط ان تكون الاسئلة متنوعة بدرجة كبيرة ولا تتكرر بقدر الامكان كل امتحان مختلف متنوع مبتكر في نوعية اسئلته حيث ان معظم الطلبة الان يعتمدوا علي الدروس الذين يلقونونهم المهم والمتوقع واللي هياجي في الامتحان واني اتسأل كيف يكون 99% من اوائل الدفعات خريجي الدروس الخصوصية وليس خريجي الجامعات المصرية ثم ماذا تنتظر من شخص اعتمد علي غيره في الوصول الي القمة الا التقليد المحاكي الاجوف الذي لا فائدة له
اني في تلك اللحظة استمع الي برنامج في الازاعة يسمي كتاب عربي علم العالم وكم هذا البرنامج يحفذني ويشجعني وفي نفس الوقت يحزنني علي حال بلدي

اما بالنسبة لموضوع الضمير كيف نضع مستقبل امة في ايدي ضعاف الضمير

فاذا وضع الرجل في غير مكانه لن تتطور هذة الامه ابدا فالمقياس والمعيار هو الجودة مهما كان مصدرها


ولسيادتكم فائق الاحترام

[محمد غريب]

الكورسات ويا قلبي لاتحزن

[dr/M.Eldesoki]

فكرة رائعة
-----

انا اوافق بشروط ان تكون الاسئلة متنوعة بدرجة كبيرة ولا تتكرر بقدر الامكان كل امتحان مختلف متنوع مبتكر في نوعية اسئلته حيث ان معظم الطلبة الان يعتمدوا علي الدروس الذين يلقونونهم المهم والمتوقع واللي هياجي في الامتحان واني اتسأل كيف يكون 99% من اوائل الدفعات خريجي الدروس الخصوصية وليس خريجي الجامعات المصرية ثم ماذا تنتظر من شخص اعتمد علي غيره في الوصول الي القمة الا التقليد المحاكي الاجوف الذي لا فائدة له
اني في تلك اللحظة استمع الي برنامج في الازاعة يسمي كتاب عربي علم العالم وكم هذا البرنامج يحفذني ويشجعني وفي نفس الوقت يحزنني علي حال بلدي

اما بالنسبة لموضوع الضمير كيف نضع مستقبل امة في ايدي ضعاف الضمير

فاذا وضع الرجل في غير مكانه لن تتطور هذة الامه ابدا فالمقياس والمعيار هو الجودة مهما كان مصدرها


ولسيادتكم فائق الاحترام

كلام جميل جدا أشكر حضرتك يا دكتور على الكلام الجميل ده