هو الخجل عيب؟؟؟

[Messi]

هو الخجل عيب؟؟؟ السلام عليكم ورحمة ورحمة الله وبركاتة
يارب ياجماعة تكونوا كلكم فى اتم صحة وعافية
الخجل هذا الانكسار وحب التوارى وعدم الاختلاط بالاخرين
يمنعك من التحدث او الاختلاط بالناس مما يعطى عنك انطباعا سئ
حبانا الله بعمل تكن فية عون للناس وسبب للشفاءبأذن الله فهل يمنعك الخجل من اداء دورك او يمنعك من احقق الحق فى بعض الاحيان؟؟
هل الخجل اكثر عند النساء؟؟؟
هل هناك فرق بين الخجل والحياء؟؟
اذا كان احدهما مذموم فما العلاج؟؟؟

(محمد عليوة)

[عاشقة الرحمن]

الحياء اعلى مراتب الايمان
والرسول عليه افضل الصلاة واذكى السلام

كان اكثر حياء من العذراء ف خدرها

وفى مقولة بتقول (اذا لم تستحى فافعل ما شئت)

وطبعا الحياء دا شىء ممدوح ممدوح ممدوح


والخجل دا اعتقد ان حضرتك بتتكلم عنه على انه الانطواء

وان الانسان ما يكنش اجتماعى يعنى فى عزلة دايما عن الناس

دا من رايى مذموم


اللهم ارزقنا الحياء


جزاكم الله خيرا ع الموضوع دا

[drH.M]

السلام عليكم
طبعا فيه فرق كبير بين الحياء والخجل
وانا متفق تماما مع المشاركة السابقة وهضيف ان الحياة صفة محمودة وهي الاستحياء من الأتيان بأشياء مخالفة
أما بالنسبة للخجل ده مصيبة كبيرة ربنا يعافينا واياكم منه
لأنه ده بيضيع حقوق ناس كتيرة أوي
انت متخيل لما يكون لك حق عند حد ومش قادر تطلبه لأنك مكسوف أو خجلان؟!!!!!!
الخجل من وجهة نظري انك تحاول تعالجه فورا لأنه بيزيد مع الوقت
ازاااااااااي
شوف اللي اللي انت بتخجل منه واعمله !!!!!!!!!!
قريت مقال عن الموضوع ده في كتاب مئة طريقة لتحفيز نفسك لستيف تشاندلرز وذكر انه كان بيعاني من الخجل
المهم من ضمن اللي قاله علي ماأتذكر
"عرض نفسك لأكتر موقف محرج ممكن تتخيله وكرره ومع الوقت هتشفي منه
زي مثلا"ألبس قميص مقطع وانزل الكلية
أو انزل الجامعة من غير جزمة
فكل ماتتعرض لمواقف محرجة أكتر كل ماتتغلب علي الخجل عندك "
مع اني مش مقتنع بذلك بس أهوه يحاول يعمل ةأي حاجة عشان يقدر يعيش في العالم اللي مفيهوش ياما ارحميني
أما بالنسبة لأنتشار الخجل فأعتقد نستبعد البنات من الموضوع طبعا لشجاعة البنت أكتر من الولد دلوقتي
هو الموضوع نسبي متغير وليس مطلق
شكرا جزيلا

[hananah]

هو الخجل طبعا مطلوب بس بحدود
يعنى الخجل لما نتحط فى موقف محرج او بتتكلم مع حد متعوفوش
بس يعنى مثلا مش فى البيت ولا مع صحابك
ومش شرط يكون اللى بيتكسف منطوى يعنى

[NeScaFE]

طبعا الحياء ده صفة جميلة جدا جدا وكما قال الرسول عليه افضل الصلاة والسلام
(اذا لم تستحى فافعل ماشئت )

وطبعا فى فرق بين الحياء والخجل .الخجل اعتقد انه مزموم بعض الشىء لانه ممكن يضيع حقوق ناس ان انا او انت او غيرنا مش قادر يطلب حقه لانه خجلان كمان الخجل بيؤدى الى ظاهرة الانطواء على النفس بعض الشىء وده من الناحية الاجتماعية والانتشار بين الناس دى حاجة مش كويسة وبالتالى هتاثر على سلوك الانسان ده ان مكانش فى بيته وحياته الحالية هتبقى فى حياته اللى بعد كده

[Nada Radwan]

فهل يمنعك الخجل من اداء دورك او يمنعك من احقق الحق فى بعض الاحيان؟؟

أحياناً آه فعلاً
فى فرص كتير اوى ضيعتها بسبب الخجل
لدرجة انى بقيت باخجل ساعات انى اسلم على حد
حتى لو عينه ف عينى..وده طبعا ادى فكره خاطئه عن الواحد
انه متكبر وبيتعالى ع الناس

هل الخجل اكثر عند النساء؟؟؟

مممم احتمال يمكن..

هل هناك فرق بين الخجل والحياء؟؟

أكيد طبعاً..
أنا توصلت لقاعده بتقول
إن كل اللى عندهم خجل عندهم حياء
ومش كل اللى عندهم حياء عندهم خجل
بيتهيألى الفرق واضح

اذا كان احدهما مذموم فما العلاج؟؟؟

اكيد الحياء مش مذموم لان الرسول دعا ليه
بس الخجل كمان مش مذموم
بس لازم يكون بنسبه معينه لانه لو زاد عن حده بيبقي بايخ ودمه تقيل

[impossible]

الحياء حاجه جميله جدا
مش عارفه ازاي ناس كتير عايشين من غيره
المشكله كمان ان كتير مبقوش بيعترفوا بيه و بيعتبروه عبط
وطبعا زي المشاركات ما وضحت في فرق كبييييييربين الحياء و الخجل

[ahmedofegypt]

الخجل , اللى حضرتك تقصد بيه العزله و عدم كون الانسان اجتماعى .. ده شيئ مش مطلوب خالص لأن الحياه محتاجه جرأه اكتر من كده ..

لكن الحياء .. طبعاً شيئ محمود جداً , بالعكس ده لازم لأنه من مراتب الايمان .. و لو كل الناس بقى عندها حياء , اكيد مشاكل كتير هتختفى من مجتمعنا .. و خصوصاً لما يبقى عندنا حياء من الله عز و جل قبل الحياء مع الناس ...

..... اذا لم تستحى فافعل ما شئت .... و ده معناه ان عدم وجود الحياء بيخلى الانسان متوقع منه اى فعل مذموم .. و معناه برده ان الحياء عند الانسان هو السور المنيع اللى بيحميه من الوقوع فى المحظورات و القبيح من الفعل و القول ...

و اعتقد ان الكلام ده بينطبق على الرجل و المرأه .. و ان كانت المرأه يغلب فيها الحياء عن الرجل .. و يكون لها جمالاً اكثر من الرجل ..

[Rooose]

أنا شايفة ان الخجل والحياء متقاربين في المعني بس معني فيهم أشمل شوية ...

اما لما سلوك الانسان يوصل لدرجة الانطواء والعزلة دا يبقي مرض ومش ينفع نقول عليه خجل ...

بس في ناس بيكون عندها حياء زيادة في الاطار الطبيعي برده ...

يعني ...

ممكن يكون في حاجات كتير عادية وصح والناس كلها بتعملها بس بالنسبة لهم هي محرجة جدا رغم انهم مش منطويين ولا منعزلين ولا حاجة يعني ممكن الموقف عادي جدا بس مربك بالنسبة لهم ...

الموضوع نسبي جدا ...

وطبعا

النساء الحياء عندهم مهما كان أزيد بكتييييييييييييير عن الرجال ودا الطبيعي ...

والحياء دا طبعا حاجة جوا أي انسان سواء رجل أو امرأة يعني حاجة في التكوين نفسه وأي حد مش كده يبقي مش طبيعي بس طبعا زي مقلت الحياء درجات بتختلف من شخص للتاني بس القاعدة انه موجود أصلا ...

[chocolata]

اولا شكرا على الموضوع يادكتور
الخجل شىء جميل واد معنى الحيااااااء ومطلوب
لكن ميوصلش لدرجه مبالغ فيها تسبب الانطواء والعزله تماما عن الاخرين لان دا مش كويس ابدا للشخص دا لانه مش طول عمرههيعيش لوحده ولو جه بعد مده كبيرة من الانطواء يحاول يتعامل مع الواقع مش هيعرف
مينفعش الخجل يخلينا نمتنع عن التعبير عن موقفنا عن شعورنا سواء كان غضب او حب او مختلف المشاعر
او التعبيرعن شخصيتنا او وجودنا
يمكن احيانا الخجل من اننا نقول انا عايز دا او رافض يخلينا نقبل بحاجات ملهاش لازمه لينا ومش عايزينا او نضيع من ايدينا حاجات او حتى اشخاص حابين وجودهم فىى حياتنا
فكل شىء لازم يبقى بحدود مايزيدش ولا يقل اوى