إجتماع الاربعاء القادم ( 24-2 )

[AlaDDin]

أعضاء اسرة (في الكليه ) و غير الاعضاء كمان ..

ازيكم جميعا .. يا رب تكونوا بخير .. و قضيتوا اجازه سعيده ان شاء الله ..

الاسره عاملة اجتماع ان شاء الله .. يوم الاربع الجاي ( 24-2 )

الساعه 12 و نص بعد الظهر ..

في اوضة الاتحاد الجديده ( في بدروم مبنى أ )






الاجتماع عشان نحدد انشطة التيرم التاني ان شاء الله ..

و نظبط الجدول الزمني بتاعها ..

و نبدأ تحديد مجموعات العمل .. و نبدأ الشغل كمان ..

الاجتماع مهم جدا ..

يا ريت كل اعضاء الاسره تحضر ..

و كمان اللي يحبوا ينضموا للاسره .. يشرفونا ..


شكرا .. و مستنينكم

[Mohamed Al Gohary]

بالتوفيق ان شاء الله .. وتيرم موفق ..

[Messi]

ربنا يوفقكم يا جماعه

[محمد سمير]

ان شاء الله ترم ملىء بالأنشطه المتميزه كالعاده

[Shorouk .A. Mady]

انا عاوزه انتمى للاسره بس بصراحه مش عارفه الشروط بتاعة الانضمام وفى نفس الوقت عندى سكشن وقت الاجتماع ممكن حد يقولى اعمل ايه

[محمد سمير]

انا عاوزه انتمى للاسره بس بصراحه مش عارفه الشروط بتاعة الانضمام وفى نفس الوقت عندى سكشن وقت الاجتماع ممكن حد يقولى اعمل ايه

ما فيش اى شروط واهلا بيكى فى الاسره وتنورينا

هو السكشن هيخلص امتى

[AlaDDin]

حضرتك تنورينا يا د شروق ..

و مفيش اي شروط للانضمام غير ان يكون عندك الحماس و الاستعداد للشغل

و الاجتماع بكره هيبقى من 12 و نص ل 2 ان شاء الله ..

لو قدرتي تيجي في اي وقت .. يكون كويس جدا ..

لو مقدرتيش ..

ممكن حضرتك تتواصلي من ايميل الاسره : [email protected]

او من الرسايل الخاصه في المنتدى ليا ..

و نتفق مع حضرتك على وقت للتواصل و الاشتراك .. و بداية الشغل كمان على طول ان شاء الله ..

و سعيد جدا بردك

[Shorouk .A. Mady]

اولا شكرا ليكم بصراحه انا كنت خايفه ميكنش فيه ترحيب منكم لانضمامى ومن ناحية الحماس فانا باذن الله عندى استعدادان شاء الله انا هبدأ سكشن الحيوان الساعه 12 وهخلص الساعه2 فمش عارفه لو مكنش فيه غياب الاسبوع ده هاجى لحضراتكم وهحاول احضر السكشن فى اى وقت تانى ولو معرفتش هتواصل مع حضراتكم عن طريق الميل

[Messi]

انا كمان عايز انضم لاسرتكم..........انا عندي انشطه كتير عايز امارسها ......ممكن؟؟؟

[AlaDDin]

اكيد يا دكتور محمد .. انت تنورنا ..و يا ريت تتواصل معايا من خلال الميل .. او الرسائل الخاصه ..
-----
الحمد لله الاجتماع تم على خير ..و في نظري كان من انجح اجتماعات الاسره ..و حضره عدد كبير من الاعضاء ..بشكر كل اللي حضر من اعضاء الاسره .. و بشكر الاعضاء الجديده اللي نورتنا ..و ان شاء الله يكون تيرم موفق للجميع
-----
الحمد لله الاجتماع تم على خير ..

و في نظري كان من انجح اجتماعات الاسره ..

و حضره عدد كبير من الاعضاء ..


بشكر كل اللي حضر من اعضاء الاسره .. و بشكر الاعضاء الجديده اللي نورتنا ..

و ان شاء الله يكون تيرم موفق للجميع