اقتراح ..

[M.Hegazy]

السلام عليكم و رحمة الله و بركاته ..

تحية طيبة لكل إخواني و أخواتي في منتدي صيدلة الجميل .. و بعد ..

أخباركم إيه يا جماعة ؟؟؟ و عاملين إيه .؟؟ و أخبار مزاجكم إيه ؟؟ يا رب تكونو في أتم صحة و عافية و سعادة ..

و ربنا يطمن قلوبكم على النتيجة بإذن الله ..

أنا قلت من أولها كده و عشان نبقى منظمين شوية .. جت ف دماغي فكرة حاسس إنها هتفيدنا و هتوفر وقتنا و مجهودنا و مش هتخلي أي حد لما يدخل المنتدى يتوه و يقدر يوصل بسهولة للي بيدور عليه ..

دلوقتي الاقتراح كالآتي :

يا ريت نعمل لكل مادة ساحة حوار خاصة بيها .. و طبعا عارفين الكلام ده معناه إيه ؟؟

طيب طيب .. هوضح أكتر ..

يعني مثلا .. العضوية هيبقى ليها ساحة حوار مستقلة .. فيها كل حاجة .. محاضرات ،، سكاشن ،، إعلانات ،، اللي عنده سؤال و مش عارف إجابته يلاقيه هنا ،، و أي حاجة تخص العضوية يلاقيها ف مكان واحد ..

بكده اللي داخل المنتدى مش هيقعد يدور على اللي هوا عايزه و أحيانا كتير مش بنلاقي كل اللي محتاجينه ..

يعني أنا أبقى عايز أي حاجة تخص صيدلانيات عارف مكانها فين و لو محتاج حاجة زيادة أو عندي سؤال اكتبه في ساحة حوار المادة دي و أكيد هتلاقي اللي يرد عليك ..

اتمنى التوفيق للجميع و اتمنى اسمع آرائكم بخصوص الاقتراح ده .. و يا رب ننجح كلنا و نقدر ناخد بايد بعض و ننفع بعض .. و نبقى من اللي قال عليهم النبي عليه الصلاة و السلام : " أحب الناس إلى الله أنفعهم للناس ، وأحب الأعمال إلى الله عز وجل سرور يدخله على مسلم ، أو يكشف عنه كربه أو يقضي عنه ديناً أو يطرد عنه جوعاً ، ولأن أمشي مع أخ في حاجه أحب إليَّ من أن أعتكف في هذا المسجد - مسجد المدينة - شهراً ومن كف غضبه ستر الله عورته ، ومن كتم غيظه ولو شاء أن يمضيه أمضاه ، ملأ الله قلبه رجاءً يوم القيامة ومن مشى مع أخيه في حاجة حتى تهيأ له أثبت الله قدمه يوم تزول الأقدام .." ..

اللهم اجعلنا ممن تحبهم و يحبونك ..و اعنا على خدمة دينك و المسلمين .. و ادخلنا برحمتك في عبادك الصالحين .. اللهم آمين

تقبلوا تحياتي ..

[دكتور فاتن]

اقتراح مفيد جدا يا دكتور

جزاكـ الله كل خير وربنا يوفقكـ ويوفقنا

[Dr\Emy]

فكرة كويسة جدا
وهتساعدنا اكتر
وربنا يوفقك فيها

[Sara Saso]

فكرة جميلة بجد يا دكتور
وفعلا الفرق التانية عاملة حاجة زى كده
ربنا يوفقك فى تنفيزها ويجعله فى ميزان حسناتك

[M.Hegazy]

اشكركم على دعو و تأييد الفكرة .. و يا رب نكون إيد واحدة و ننفع و نفيد بعض ..

بانتظار المشاركات و الأسئلة و الاقتراحات ..

و جزاكم الله خيرا

[المشمرون للجنة]

جزاكم الله خيرا

فعلا فكرة جميلة

واعتقد اننا اخذنا اامس فى الكلية فى أ وب صيدلانيات وتحليلية وسكاشن

يلا نعملهم ساحة حوار وناقش المحاضرات ونذاكرها منين وازاى يعنى نساعد بعض من الاول واللى يفوته محاضرة لظروف ما مطمن ان شاء الله انها هتشرح له حتى لو باختصار احسن من لا شئ

لكن انا متاسفة هبدا معاكم من غدا لانى لم احضر اول يوم لظروف معينة واتمنى ان اللى حضر التحليلية يفيدنا ويعمل لها ساحة حوار

جعله الله فى موازين حضراتكم اجمعين

[*Aya*Verse*]

تسلم يا دكتور ع الافكار الجميلة دى
و بجد يا ريت تتنفذ

[muna7assan]

اقتراح جميل جدا

وتنفيذه اجمل

جزاك الله الف خير يا د.ابو ملك