النتيجه امتى ؟

[Dr.Doly]

سلام عليكم

ازيكم يا جماعه يا رب تكونو بخير كده و قضيتو اجازة سعيده

كنت عاوزة اسأل لو حد يعرف النيجه هتبان على امتى كده

ولسا كتير عليها ولا ايه ؟

[DR/saad]

يريتها تبان وتريحنا بس هى السنه الى فاتت كانت
ففى نهايه تانى اسبوع من الدراسه كانت يوم الخميس
يعنى هى قربت برده

واطمنى ان شاء الله خير

[الدكتوره الصغيره]

يا جماعه نتيجه اولي بانت؟؟؟؟؟؟؟؟؟؟؟؟؟؟؟

[Dr\Emy]

ياجماعة نتيجة اعدادي هي اللي بانت
احنا لسة اعتقد بما ان اعدادي ظهرت يبقي احنا اكيد قربنا
يعني ع اخر الاسبوع الجاي ولا حاجة
ربنا يطمننا كلنا

[مهداه]

متقلقوش يا جماعه
ان شاء الله خير
وان شاء الله النتيجه هتظهر قريب اوى
لان كل المواد راحت الكنترول
وبيقولوا انها بتترفع
مبروك مقدما

[Dr\Emy]

ما المقصود بتترفع؟؟؟؟بيرفعوها ع النت ولا بيرفعو الدرجات

[احمد شبند]

السلام عليكم ورحمة الله

أزيكم يا سنة أولى

أنا جالى معلومات بس مش أكيدة

أن درجاتكم هتبان بكرة إن شاء الله أو بداية الأسبوع القادم بالكتير أوى


بالتوفيق يا رب والكل يفرح بنتيجته إن شاء الله

[ameer]

طب كنت عايز اعرف بس لو المادة لونها اصفر في النتيجة بس فاضل درجة او اتنين علي النجاح بتتحسب رافة وبتعدي ولا بيبقي اصلا درجات الرافة منضافة قبل ما تظهر

[احمد شبند]

شوف يا دكتور أمير

لو لسة نظام الرفع موجود (أصل فى إشاعات أ،ه أتلغى أصلا)

لو موجود

بيعلملك أصفر وبعدين تتشال أخر السنة


طب ليه بيسبوها فى الترم الأول؟؟


علشان لا قدر الله لو فى مواد تانية وقعت فيها يبقى مش هيقدر يضيف درجات الرأفه لكل مادة لان درجات الرأفه الى هما مثلا 9 درجات لو المادة من 150 ترمين بتتضاف لمادة واحدة أو تتقسم على مدتين أو أكتر

يعنى ممكن تتقسم 3 فى واحدة 4 فى واحدة 2 فى واحدة

يعنى مش 9 درجات فى كل مادة زى ما الناس فاكرة


المهم دلوقت


هل فعلا نظام الرفع أتلغى من الكلية ولا لسة شغااااال؟؟؟

[ameer]

شوف يا دكتور أمير

لو لسة نظام الرفع موجود (أصل فى إشاعات أ،ه أتلغى أصلا)

لو موجود

بيعلملك أصفر وبعدين تتشال أخر السنة


طب ليه بيسبوها فى الترم الأول؟؟


علشان لا قدر الله لو فى مواد تانية وقعت فيها يبقى مش هيقدر يضيف درجات الرأفه لكل مادة لان درجات الرأفه الى هما مثلا 9 درجات لو المادة من 150 ترمين بتتضاف لمادة واحدة أو تتقسم على مدتين أو أكتر

يعنى ممكن تتقسم 3 فى واحدة 4 فى واحدة 2 فى واحدة

يعنى مش 9 درجات فى كل مادة زى ما الناس فاكرة


المهم دلوقت


هل فعلا نظام الرفع أتلغى من الكلية ولا لسة شغااااال؟؟؟

طيب لو اعتبرنا انة لسة موجود ودرجة النجاح في الكيمياء من 102 وواحدة جايبة 99 ينضاف ليها درجات رأفة وتنجح ولا لأ
ولو مش هينضاف رافقة المادة بتشيلها للسنة اللي بعدها ولا بتدخل تخلفات ولا اية
معلش بقي عملنلكم ازعاج