نحن نسال وانت تجيب

[المشمرون للجنة]

السلام عليكم ورحمة الله وبركاته

امتدادا لموضوع اختنا منى عن الاقبال على المنتدى

انا احب من كل واحد من اللى كانوا فعلا فى المنتدى انه يقول ايه اللى استفاده من دخوله للمنتدى ( طبعا اقصد القسم الخاص بفرقتنا )

وهل كان بيضيع وقته ولا لأ ؟؟

وهل ناوى انه يستمر فعلا على اتصال بالمنتدى وعنده خطة للمنتدى فى الترم التانى لو استمر؟؟؟

وايه اكتر موضوع او مشاركة عجبته فى منتدانا ؟؟؟

وبيطلب ايه من زملائه فى الترم التانى بالنسبة لنشاطهم مثلا

وفى الختام ايه الرسالة او كلمة الشكر او العتاب التى يحب ان يقدمها لزميل بعينه او المنتدى ككل من باب الحب

[Mostafa 3laa]

السلام عليكم ورحمة الله وبركاته

امتدادا لموضوع اختنا منى عن الاقبال على المنتدى

انا احب من كل واحد من اللى كانوا فعلا فى المنتدى انه يقول ايه اللى استفاده من دخوله للمنتدى ( طبعا اقصد القسم الخاص بفرقتنا )

بصراحه
مفيش اى استفاده عشان مكنش فى شغل اصلا

وهل كان بيضيع وقته ولا لأ ؟؟

لأ

وهل ناوى انه يستمر فعلا على اتصال بالمنتدى وعنده خطة للمنتدى فى الترم التانى لو استمر؟؟؟

اكيد طبعا هستمر ان شاء الله
هحاول اجيب اى بروجكتور او محاضره هنا ان شاء الله

وايه اكتر موضوع او مشاركة عجبته فى منتدانا ؟؟؟

ساحه الحوار

وبيطلب ايه من زملائه فى الترم التانى بالنسبة لنشاطهم مثلا

ركزو معانا يا جدعان ابوس ايديكو
عايزين نشتغل

وفى الختام ايه الرسالة او كلمة الشكر او العتاب التى يحب ان يقدمها لزميل بعينه او المنتدى ككل من باب الحب

شكرا لد/منى نور عشان هى الوحيده اللى شغاله هنا وبتحاول كتير بس مفيش اى استجابه

موضوع هايل

شكرا

[المشمرون للجنة]

جزاك الله خير على الرد الجميل

وانا اتفق معك على المجهود الذى تذله اختنا منى فى المنتدى وانا اقدملها جزيل الشكر لكن لا ننسى ايضا دكتور ابو ملك ربنا يكرمه ويوفقه

[hesham]

موضوع جميل وانا فعلا استفدت كتير ...رغم انى كنت من الناس اللي بتشارك اكتر من انى استفيد من المنتدى ..لكن كنت بستفيد برده من المشاركات الاخرى

[muna7assan]

السلام عليكم ورحمة الله وبركاته
وعليكم السلام ورحمه الله وبركاته

امتدادا لموضوع اختنا منى عن الاقبال على المنتدى

انا احب من كل واحد من اللى كانوا فعلا فى المنتدى انه يقول ايه اللى استفاده من دخوله للمنتدى ( طبعا اقصد القسم الخاص بفرقتنا )


وهل كان بيضيع وقته ولا لأ ؟؟
لأ الحمد لله مش كان بيضيع وقتى كنت عارفه اوفق بين المنتدى والمذاكره

وهل ناوى انه يستمر فعلا على اتصال بالمنتدى وعنده خطة للمنتدى فى الترم التانى لو استمر؟؟؟
اكيد ان شاء الله اكيد هأفضل على اتصال
واتمنى اننا كلنا نقدر نحسن من صوره دفعتنا فى المنتدى

وايه اكتر موضوع او مشاركة عجبته فى منتدانا ؟؟؟

كل توبيك او مشاركه كانت فى صوره مبادره من حد انه يقدم افاده لغيره من نفسه عجبتنى جدا

وبيطلب ايه من زملائه فى الترم التانى بالنسبة لنشاطهم مثلا
نفسى جدا نشاط فرقتنا يظهر بين باقى الدفعات
ونحسن تصرفاتنا فى المحاضرات

وفى الختام ايه الرسالة او كلمة الشكر او العتاب التى يحب ان يقدمها لزميل بعينه او المنتدى ككل من باب الحب

شكرا ليكى يا قمر على التوبيك وعلى كل محاوله ليكى انك تفيدى حد فى المنتدى

كمان الف شكر لد.ابو ملك لانه بجد قدم كتير جدا بالذات فى النبات

وشكرا مقدما لكل حد ناوى انه يفيد او يتغير فى التيرم الجديد ان شاء الله

وشكرا ليكى ولد.مصطفى على الكلام الجميل دا انا مش باعمل حاجه زياده والله دا اقل ما يمكن

فيه بس كلمه عتاب للى بيعتبروا المنتدى زى لوحه اعلانات بيدخلوا يقرأوا اخر الاخبار والاعلانات وخلاص

زى ما قلت قبل كده المنتدى مش هايضره حاجه زى دى

احنا بس اللى هانستفيد او لأ...

[المشمرون للجنة]

ها فين يا جماعة المشاركات حتى فى دى كماان مش عايزين تشاركوا

انا عايزة اعرف وجهة نظر كل الموجودين فعلا ونعرف الخلل من الموجودين انهم مش بيقدموا حاجة جيدة او مفيدة ولا من الغير مشتركين اساسا

وبالتوفيق لنا جميعا

[eman mohamed]

أكيد أنا لازم أشكركم علي مجهوداتكم يا جماعة أنا لسه جديدة في المنتدي بس ان شاء الله أكون موجودة معاكو باللي أقدر عليه من الترم التاني لإن فعلا دفعتنا من أقل المشاركين في المنتدى الرسمي رغم ان من أحلي المنتديات و أكثرها افادة عليمستوى المنتديات اللى معمولة أنا مقدرش أجاوب علي الأسئلة المكتوبة بغير اني عاجبني الروح الموجودة بين الأعضاء و كمان حابة كل مواضيع المنتدي حتي خارج فرقتنا و شكرا مرة تانية و ان شاء الله الترم التانى يكون أحلي

[المشمرون للجنة]

اهلا بك يا ايمان معانا ويارب الترم التانى يكون احلى واحلى

وفعلا منتدانا من احلى المنتديات بجد فيه كل اللى انا محتجاه دينى وترفيهى وعلم يعنى شامل

بس المهم نستفيد

بالتوفيق لنا جميعا

[DR/saad]

بسم الله الرحمن الرحيم

قسم فرقتنا زى مقالت الدكتوره منى عاوز شويه تظبيط بس الكلام دا من الاعضاء كلها وبجد مشكوره على مجهودها الرائع انا مسجل من السنه الى فاتت في المنتدى بس مشركاتى قليله وان شاء الله تزيد السنه دى بس المهم الاستفاده
والنشاط فى الترم التانى مطلوب طبعا عشان بجد احنا الترم الاول عدا من غير اى ايجابيات
والرساله الى كل زميلى فى الفرقه الاولى
ارجو ان احنا نثق فى نفسنا ونتعامل مع الامور بروح رياضيه عشان نساير امور الحياه
يا رب الرساله توصل

وشكرا على موضوعك الجميل