عشرين جملة 98%من شباب مصر بيقولوها للبنات

[aros_al_neel]

دي دعااااااااااااااااااااابه ضحك يعني


1-حبيبتى انتى عارفه انا مش بحب حركات الشباب الطايش انا اصلا مبكلمش بنات
(وتلاقيه يعرف طوب الارض )


2-يااااه ياحبيبتى انا حاسس انى اعرفك من زمان
(وهوا تلاقيه متلخبط بينها وبين بنت كان يعرفها قبل كده)


3- حاسس ان فيكى حاجه غريبه غير كل البنات
(اكنها مثلا بتمشى على ايديها ورجليها )


4-انا حاسس ان فى شبه كبير بين افكارى و افكارك احنا اكيد مخلوقين لبعض

(اكيد دى البنت رقم 100 اللى بيقولها كده وكأًن كل بنات الدنيا مخلوقين عشانه)


5- حبيبتى انتى اول حب فى حياتى وانا حاسس انى اتولدت يوم ماقبلتك
(على أساس ان والدته كانت حامل فيه 20 سنه وولدته قبل مايقابلها بيومين )


6-يااه يا حبيبتى انتى تؤمرى وانا انفذ اللى انتى عايزاه اجبهولك

(فى المشمش)


7-حبيبتى الطقم اللى انتى لبساه ده تحفه بس متلبسهوش تانى عشان بتبقى حلوه وانا بغيييييير بغيييييييييير
(طبعا فاهمين الحركات دى تلاقيه مش عاجبه اساسا)


8-هكلم باباكى اول ماكًون نفسى
(موووووووووووت يا حمااااااااااار)


9-عايز اشوفك كل يوم كل ساعه كل ثانيه
(عشان اصحابه يتأكدو انها حلوه)


10 حبيبتى افتكرى دايما انى لما بحب بحب بجد وانا حبيتك بجد من اول ماشوفتك وكنت بدور عليكى من زمااااااان

(بففففففففف الاسطوانه المشروخه)


11-انا علاقتى بيكى محدش يعرفها غيرى و غيرك و ربنا لانك بقيتى كل خصوصياتى
(يعنى يا دوب اللى يعرفو اخواته و اصحابه و جرانه وقاريبه وصحاب صحابه.....الخخخخ)


12-معلش ياحبيبتى مش هقدر اعدى عليكى بالعربيه النهارده علشان هيا فى التوكيل
(طبعا عارفين شويه الفشخرة دول وهوا اساسا ماعندوش عربيه و اكيد ماعرفش يزوغ بعربيه باباه )


13- ياحبيبتى انتى بتتكلمى فى أيه انا كل عطورى من فرنسا
( ايوه زغلل عنيها ياواد)


14-ياه لما بشوف رقمك على الموبيل قلبى بيتنفض

(طبعا من الخضه انها تكون فأسته)


15-فلان قالى اديله رقمك بس انا قلتله اقتلنى قبل ماتاخد رقها منى
(ياااااه على التضحيه وهى ياعينى رقمها مع مخاليق ربنا كلهم)


17-اسف يا حبيبتى امبارح مقدرتش اكلمك كنت مشغوووول فى المذاكره
(قصده معهوش فلوس او مشغول مع واحده تانيه)


18-اسف يا حبيبتى انى مقدرتش اجى فى المعاد امبارح كان عندى ظروف صعبه

(معزور الولد افتكر معاد البنت التانيه اللى بقاله 3 اسابيع مأجله)


19-عارفه يا حبيبتى انا طول الليل منمتش قاعد بفكر فيكى
(بس على ميين ترد عليه تقوله اومال مين اللى كان نايم و مبيردش على التليفون؟ بس كالعاده الرد جاهز............ياااه انتى تقصدى الخمس دقايق اللى نمتهم دوول؟دول من كتر التفكير فيكى جالى غيبوبه)


20-عارفه يا حبيبتى انا اصلا مش بفتح الماسنجر الا لما بتكونى موجوده اصلاالنت من غيرك ما يسواش
(يقصد مش بيفتح البلوك عنها الا اما تكون هيا بس الى اون
)

[buffy]

ا

[dr.tito]

لأ طبعاً فى ولاد كتير صادقين فى كلامهم انتى كدة هتسخنى الدنيا علينا

[simsimstar]

بجد موضوع تحفة ويموت من كتر الضحك
وعجبنى أوى فعلا الكلام دا منتشر خالص
بس بردة أكيد فى ولاد محترمين
اللى هما 2 %



بجد تسلم الأيااااااااااااااااااااااااااااااااادى

[بسطامى]

مشكورة يادكتورة
أعتقد بنسمع الكلام ده كله فى الأفلام والمسلسلات
يعنى أكيد من الواقع
وبعدين الحسنة تخص والسيئة تعم 2% أيضا

[dr/mero]

بجد موضوع تحفة تسلم ايدك يا دوك ب يا رب يكون نصيبا في 2 %الباقيين

[dr_3A.G]

بجد بجد موضوع رائع وهو ده فعلا اللى بنسمع عنه فى الافلام ومع البنات اللى مصاحبين وتيجى تقوليلهم يقولولك الا ده عمره ما يكون كداب بس السؤال هو لسه فى ولاد محترمين؟؟؟؟

[chocolata]

ههههههههههههههههههه موضوع زى العسل بجد وفعلا دى معظم العبارات اللى بتتقال المفروض يدوروا على غيرها عايزين نشوف شويه ابداع وابتكار والحمد لله ان فيه 2% كويسين ربنا يستر وميكونوش ضاعوا هم كماااان

[aros_al_neel]

بس اكيد لسة في ناس كتير متحرمة طبعا
ياريت ماحدش يزعل احنا بنهزر بس

[إيمان حمدي]

كدا كل البنات هيقطعو بعض على ال 2% الباقيييييين
الحمد لله انا لقيت واحد فيهم وماسكة فيه بإيدي وسناني