تضامناً مع متضرري السيول

[Mohamed Al Gohary]

بسم الله الرحمن الرحيم

انطلاقا من حملة المساندة لمتضرري السيول .. فإن كلية الصيدلة بصدد المشاركة فى مساعدة هؤلاء ..

تفتكروا الكلية ممكن تعمل ايه !!

أرجو طرح أفكار ..

شكراً

[Nada Radwan]

السلام عليكم..
أنا رأيي يتعمل حمله زى صندوق تضامن ف كل أسره يتجمع فيها
فلوس..بطاطين"بس قبل ما الشتا يخلص طبعاً"..وممكن لبس كمان
وتبقي بإشراف الكليه طبعاً..

أو ممكن ستاند كبير ف الاسكوير مثلاً ويبقي واقف قدامه واحد مسؤول عن تجميع الحاجات دى
بس اهم حاجه طبعاً ان كل ده يبقي بسرعه..لأن الناس دول بيتكتكوا فعلاً
أنا حاسه ان الاافكار اللى قلتها دى متلخبطه..بس هى محتاجه شويه ترتيب وأنا معاكم إن شاء الله

[~AnaLgEs!A~]

انا مع رأيك يا د/ Nada

اهم حاجة الأخذ فى الاعتبار طريقة توصيل تلك المساعدات

لأن معظم التبرعات اللى راحت لهم ..... السادة المسؤلين و بتوع المحليات و ... و .... هما اللى أخدوها

و تقريبا مفيش حاجة وصلت لهم

المهم ........... من الأفراد المتضررين دول قالوا ... اللى عاوز بتبرع لنا بحاجة يسلمها لنا فى ايدينا

ربنا يسهل و كلنا نقدر نتبرع باللى نقدر علية

[Mohamed Al Gohary]

فكرة التبرعات موجوده وقائمة .. احنا عاوزين افكار تانيه .. هل ممكن !!

[Messi]

اولا لازم نشكر اتحاد طلبه كليه الصيدله عن هذا العمل الانساني الذي يقدمه....
ثانيا طلاب كليه الصيدله تحت امر اتحاد الطلاب.........احنا مستعدين باذن الله ...نساعدكم
ثالثا : اعتقد ان يتم تجميع المال اولا ثم تاتي الافكار وليس العكس.....فقط ياريت مع بدايه التيرم يقوم د.محمد
بتنبيه جميع الطلاب في كل الفرق عن هذه المسانده ......وسيجد استجابه كبيره وفعاله.....

[@Noh]

أنا رأيى تجميع أدوية بالاضافة للأموال, وأى طالب عنده حاجة اضافية فى بيته ممكن يسلمها (ملابس , أغطية , مأكولات,........) , بالاضافة للمجهودات الشخصية أنا عن نفسى مستعدة أشارك ان شاء الله.

[M_S_SH]

فكرة ان الكلية عندنا تشارك في حاجة زي دي جميل قوي
اقتراحي ان يتعمل يوم لجمع التبرعات سواء فلوس او ملابس او اغطية وبطاطين..
واليوم دة يبقي تحت اشراف رعاية الشباب (او معرفش الجهة المسئوله عن دة في الكلية اية بالظبط)
وبمشاركة الاتحاد وجميع الاسر الطلابية
وكل الي يحب يشارك..
بس يا ريت في اقرب وقت

[Dr.Mohamed]

سلام عليكم

جوهرى بقلك دلوقتى فى حاجه كويسه ممكن نعملها ... الجمعيه العلميه بكليه الطب عاملين حمله ضخمه وبيرأسهم فيها الأستاذ ابراهيم حجازى المذيع والكاتب الصحفى .. واتصلوا بيه هاتفيا فى البرنامج تقريبا محمد سمير عبد الغفار السقا دا رئيس الجمعيه العلميه هناك ورد عليه انه ليه ميكونش فى الحمله طلبه جامعه المنصوره كلهم 120.000 طال وطالبه.. وهو مستعد ينزل الجامعه ... أنا كنت بفكر اشارك معاه باسرتنا اسرة رساله .. لكن لو الكليه فعلا حابه تعمل حاجه يبقى ليه لأ.. يريت اعرف رأيك..ومعايا أرقام الموبايلات لو تحب ..

[pharma princiss]

سلام عليكم

جوهرى بقلك دلوقتى فى حاجه كويسه ممكن نعملها ... الجمعيه العلميه بكليه الطب عاملين حمله ضخمه وبيرأسهم فيها الأستاذ ابراهيم حجازى المذيع والكاتب الصحفى .. واتصلوا بيه هاتفيا فى البرنامج تقريبا محمد سمير عبد الغفار السقا دا رئيس الجمعيه العلميه هناك ورد عليه انه ليه ميكونش فى الحمله طلبه جامعه المنصوره كلهم 120.000 طال وطالبه.. وهو مستعد ينزل الجامعه ... أنا كنت بفكر اشارك معاه باسرتنا اسرة رساله .. لكن لو الكليه فعلا حابه تعمل حاجه يبقى ليه لأ.. يريت اعرف رأيك..ومعايا أرقام الموبايلات لو تحب ..

كلام حضرتك تمام ياد/محمد وهو ده كان اساس الشغل
بس كليه طب هاتعمل الحمله دى خلاص وحددت هاتعمل ايه ووكيل كليه طب كلم د/ماجده الشربينى وقاللها انتوا ممكن تعملوا ايه واحنا كنا مستنيين اقتراحات علشان تتعرض النهارده على مجلس الكليه وتتبعت باذن الله للاستاذ ابراهيم حجازى
بس كنا عايزين نعرف ايه افكارنا ككليه صيدله مستنيين افكار جديده وعايزين نعرف مين هايقدر يسافر هناك وكمان ناخد النهارده الموافقه من د محمود علشان نبقى ماشيين صح ومافيش حاجه تبوظ الشغل بانتظار الافكار الجديده

[dina j]

السلام عليكم و رحمة الله
و الله الأفكار اللى موجودة لحد الآن جميلة بس أنا شايفة انها بتتمحور حول المساعدة المادية فقط و دى طبعا حاجة أساسية و لكن لازم يكون فيه مساعدات من نوع آخر يعنى مثلا من هو مؤهل انه يساعد نفسيا لأن أكيد كان فيه ضرر نفسى كبير و اننا نحاول نساعد من ناحية تانية من جهة بناء مساكن بسيطة لبعض الى فقدوا مساكنهم و أكيد كفاية الوقفة اللى المفروض انها تكون متوافرة من ناحيتنا و لكن اللى أقصده م الآخر ان التواجد هناك بجانبهم هيكون عامل مساعد كبير و ربنا معاهم ان شاء الله