منقول .....سؤال للشباب؟؟؟والبنات؟؟؟؟؟بصراحة

[بسطامى]

السلام عليكم
دة سؤال للشباب وبعدة البنات تشوف وعايزين الرد بصراحة
هذا للشباب ...
مانظرتك للبنت ذات الملابس الخارجة على الادب

_ هل تحكم على اي بنت بمجرد النظر الي لبسها وماهو حد الحشمة عندك

_ عندما تقف امام بنت محتشمة الملابس وتحس انها فرضت احترامها عليك شو يكون رايك فيها..

- هل لحشمة الملابس دور في احترام الفتاة ام انها قناع زائف لدى بعض البنات

_ هل تعتقد ان الغزو الفكري من اوصل اغلب الشباب الى نشر فضايح البنات





هذا للبنات ...

_ماسبب مضايقة الشاب للبنت في الاسواق

-هل تعقديين ان الشباب هو من يبداء في معاكسة البنت

_ ماسبب عدم احتشام البنات اثناء خروجهم

-هل تعقدين ان التفتح هو سبب ظهور هذه الفتن مثل الكليبات والفضائيات الهابطة

- هل تتدخل اسرتك في انتقاء ملابسك يضايقك ويحسسك بعدم الرضاء عن نفسك

-تعتقدين ان ملابس البنت تفرض احترامها عند الخروج من بيتك

- مامدى تاثير اصدقائك على طباعك وشخصيتك


مستنية احلى ردود

[Amira]

السلام عليكم

وعليكم الســلام ورحمة الله

_ماسبب مضايقة الشاب للبنت في الاسواق

بيتهيألى لكذا سبب اولهم ان البنت هى اللى بتخلى الشاب يضايقها سواء بلبسها اللى مش كويس او سلوكها او تصرفاتها ........

وسبب تانى بسبب الولد نفسه مش محترم نفسه يعنى المفروض حتى لو البنت مش كويسه فى لبسها او سلوكها

المفروض هو يغض البصر ومايضايقهاش على الاقل هيحسسها انها ملهاش قيمه

-هل تعقديين ان الشباب هو من يبداء في معاكسة البنت

اه هو اللى بيبدأ ف المعاكسه... بس زى ماقلت مابيبدأش كده لوحده

_ ماسبب عدم احتشام البنات اثناء خروجهم

اولا التربيه لو اهل البنت عرفوها ايه هو الزى الاسلامى او المحترم اللى المفروض تلبسه ومنعوها من اى

لبس خارج اكي مكنتش هتخرج من بيتها بلبس خارج لكن المشكله ان فى آباء وامهات بيفرحوا بلبس بناتهم حتى

وان كان خارج عن حدود الادب

ثانياً معظم محلات الملابس ماعدتش بتعرض غير الملابس السائده دلوقت اللى هى طبعا الملابس الخارجه عند

حدود الادب واللى ماتصلحش أصلا ان اى بنت مسلمه تلبسها

-هل تعقدين ان التفتح هو سبب ظهور هذه الفتن مثل الكليبات والفضائيات الهابطة

طبــــعاً لو كان فى إعلام هادف يفهم البنات اصول دينهم وايه هو اللبس المحترم

ويفهم الولاد معنى غض البصر وازاى يبعدو نفسهم عن الفتن اكيد مكنش هو ده حالنا

إنما دلوقت الاعلام بيشجع البنات على اللبس ده بالعكس هو اللى نشر اللبس ده عند المجتمه

- هل تتدخل اسرتك في انتقاء ملابسك يضايقك ويحسسك بعدم الرضاء عن نفسك

لا مابيضايقنيش خالص ..انا حتى اللى كنت بسألهم ايه رأيهم

-تعتقدين ان ملابس البنت تفرض احترامها عند الخروج من بيتك

مش عارفه الصراحه

- مامدى تاثير اصدقائك على طباعك وشخصيتك

طبعا بيأثروا جدا على شخصيتى ....واى حاجه بيقولوها لازم بفكر فيها وساعات كتير بيبقى رأيهم صح

شــــــكراً على المــــوضوع يا بســـطامى

[Al-Shaimaa]

ماسبب مضايقة الشاب للبنت في الاسواق
هو مش في الاسواق بس
ده كمان في الشوارع والمواصلات حتى داخل الحرم الجامعي
والسبب في ده ان اللي بيعملوا كده مرضى نفسيين بيقولو اي كلام لاي واحدة وخلاص
من غير ما يفكرو ان ممكن اختا او امه او بنته في المستقبل هتكون في موقف زي ده
وكمان مش الشباب بس المضايقات دي بتصدر عن رجال بعمر اباءنا او اكبر


-هل تعقديين ان الشباب هو من يبداء في معاكسة البنت
اكيد طبعا _وان يكن هناك بعض الاحيان بتكون فيه بنات اخلاقها مش كويسة بتعمل اقصى جهدها للفت انظار الولاد ليها_لكن في الغالب المرضى النفسيين من الولاد هم اللي بيبدأو المواقف السخيفة دي

_ ماسبب عدم احتشام البنات اثناء خروجهم
قلة الوعي الديني
غياب الرقابة في الاسرة(لانشغال الام في العمل غالبا)
اتخاذ الممثلات والمتبرجات قدوة عند كثير من البنات
انحطاط اغلب الازواق في الاسواق(يعني بقا صعب انك تلاقي بوتيك عارض ملابس محترمة حتى العبايات بقت اضيق من فساتين السهرات)

-هل تعقدين ان التفتح هو سبب ظهور هذه الفتن مثل الكليبات والفضائيات الهابطة
نقدر نقول انه احد العوامل القوية
لكن احنا لو مش عندنا استعداد لتقبل مثل هذه الامور مش هيكون لما تسميه التفتح ده اي تاثير
- هل تتدخل اسرتك في انتقاء ملابسك يضايقك ويحسسك بعدم الرضاء عن نفسك
انا اصلا مش بحب اختار ملابسي اطلاقا
امي هي اللي بتتولى المهمة دي نيابة عني(وده رغبتي انا)
والحمد لله مش بضايق من اي تعليق يقال على زيي سواء بالسلب او الايجاب

-تعتقدين ان ملابس البنت تفرض احترامها عند الخروج من بيتك
اكيد ان مظهرها بيكون له عامل كبير
وبياثر بشدة في الانطباع الاول ليها عند الناس

- مامدى تاثير اصدقائك على طباعك وشخصيتك
تاثير اصدقائي عليا كبير الى حد ما
وبعدين انا مش هطلق كلمة صديقة دي على اي حد
يعني معظمهم ان لم يكن كلهن شخصيته افضل منى مئات المرات
وطبعاتهم هي اللي دفعتني اني اسعى لصداقتهن


وشكرا على الموضوع الرائع يا دكتورة

[مهداه]

السلام عليكم
وعليكم السلام ورحمه الله وبركاته
دة سؤال للشباب وبعدة البنات تشوف وعايزين الرد بصراحة

هذا للبنات ...

_ماسبب مضايقة الشاب للبنت في الاسواق
مبروحش السوق

-هل تعقديين ان الشباب هو من يبداء في معاكسة البنت
اه........... هو صحيح شكلها اللى بيثيره ويخليه يعاكسها
بس ده كان زماان
دلوقتى معدتش تفرق مع الشباب اللى بيعاكسوا
ولا تقصدى البنت اللى تبدا بالمعاكسه؟؟؟؟؟؟؟؟؟؟؟؟

_ ماسبب عدم احتشام البنات اثناء خروجهم
يعنى عاوزه تبقى حلوه ..............ليه؟
لنفسها مثلا او عاوزه تبقى احسن من صحبتها ............. من الاخر مرض نفسى اخرته الغرور
تجيب عريس مثلا ..................... اقول برضه كل شئ قسمه ونصيب
وجارى البحث عن اسباب اخرى

-هل تعقدين ان التفتح هو سبب ظهور هذه الفتن مثل الكليبات والفضائيات الهابطة
اكيد له دور كبير وخصوصا اتجاه كتير من الفتيات لاتباع العصر ............ ربنا يهدينا ويبعدنا عن طرق السوء دى

- هل تتدخل اسرتك في انتقاء ملابسك يضايقك ويحسسك بعدم الرضاء عن نفسك
انا افتكر زمااااااااان ايام ابتدائى يعنى حوالى رابعه كده كان ممنوع البس بنطلون ولازم الحجاب
والحمد لله اتعودت على كده ودلوقتى محدش بيتدخل خالص

-تعتقدين ان ملابس البنت تفرض احترامها عند الخروج من بيتك
اه

- مامدى تاثير اصدقائك على طباعك وشخصيتك
اصدقاء حياه ووكده ما فيش
لكن صحبه جامعه
اه ليهم تاثير كبير
بس الحمد لله ف الاتجاه الدينى وان كان شويه علمى
ده لان معظمهم منتقبات ( انا مش منتقبه )
وبرضه اعرف شويه بنات منفتحات هو صحيح ف حدود الادب
بس القعده معهم شكل تانى خالص
بس دول مش بياثروا فيا اوى
مستنية احلى ردود

تحياتى يا بسطمايه يا جميل

[NeScaFE]

السلام عليكم

وعليكم السلام ورحمة الله وبركاته

هذا للبنات ...

_ماسبب مضايقة الشاب للبنت في الاسواق
اول حاجة طبعا هى التربية غير السليمة للشباب دول
وتانى حاجة البنت لبسها مش محترم او تصرفها وسلوكها وهى ماشية مش محترم
-هل تعقديين ان الشباب هو من يبداء في معاكسة البنت

اه طبعا ....بس هى السبب وهى اللى خليته يعمل كده
_ ماسبب عدم احتشام البنات اثناء خروجهم
اول حاجة طبعا الابتعاد عن الله وعن الدين واللى امر بيه فى موضوع الحجاب
وده طبعا له عوامل ادت لحدوثه وهى طبعا القنوات الهابطة والفضائيات وعالم الموضة وغيره
كمان مفيش من اهل البنت حزم فى موضوع حجابها بيسبوها تلبس اللبس ده وبيكونو فرحانين بيه
على اسا س انها بقت جميلة كده واحلى وحدة فى البنات
-هل تعقدين ان التفتح هو سبب ظهور هذه الفتن مثل الكليبات والفضائيات الهابطة
بنسبة كبيرة والسبب برده زى ماقلت القنوات الفضائية وعالم الموضة وحتة تحرير المراة اللى زادت عن حدها اوى
- هل تتدخل اسرتك في انتقاء ملابسك يضايقك ويحسسك بعدم الرضاء عن نفسك
لا بالعكس..انا معرفش البس ملابس الا لما يكونو موافقين عليها
-تعتقدين ان ملابس البنت تفرض احترامها عند الخروج من بيتك
طبعا ده من حيث الظاهر بس........لكن ملناش دعوة دلوقتى بالجوهر
- مامدى تاثير اصدقائك على طباعك وشخصيتك

طبعا اصدقائى باخد رايهم برده فى حاجات كتير مهمة بالنسبة ليا واكيد بياثرو عليا
لانى بعتبرهم زى اهلى بالظبط
مستنية احلى ردود

انا رديت اهو يا قمر............تسلمى حبيبتى ع التوبيك ده
توبيك جميل وهادف.........

[بسطامى]

ميرسى ساجماعة على ردودكم الجميلة
وبكده نقدر نجمع أكبر قدر من الأراءونستفيد منها
ويلا ياجماعة مستنية باقى الردود

[S!lent Tear]

_ماسبب مضايقة الشاب للبنت في الاسواق
ده ممكن يرجع للبنت نفسها يعنى لو هيه لابسة لبس محترم ومش متبرجة اكيد محدش حتى هيفكر يبصلها

-هل تعقديين ان الشباب هو من يبداء في معاكسة البنت
مش دايما

_ ماسبب عدم احتشام البنات اثناء خروجهم
سؤال صعب والله

-هل تعقدين ان التفتح هو سبب ظهور هذه الفتن مثل الكليبات والفضائيات الهابطة
اكيد طبعا ده سبب الفساد نفسه

- هل تتدخل اسرتك في انتقاء ملابسك يضايقك ويحسسك بعدم الرضاء عن نفسك
لا بس مش لدرجة انى اشترى حاجة مش عايزاها

-تعتقدين ان ملابس البنت تفرض احترامها عند الخروج من بيتك
اكيد

- مامدى تاثير اصدقائك على طباعك وشخصيتك
اكيد اصدقائى لهم انطباع كبير على شخصيتى يعنى لو مجتهدين دراسيا اكيد هاشعر بالغيرة منهم واحاول اتفوق ده مثال يعنى

موضوع جميــل جزاكم الله كل خير

[طيور الجنه]

_ماسبب مضايقة الشاب للبنت في الاسواق
هو فعلا مش الاسواق بس دة فى كل مكان

-هل تعقديين ان الشباب هو من يبداء في معاكسة البنت
مش فى كل الاوقات
لبس البنت بيكون سبب أول يعنى لو بنت محترمة محدش هيقدر يكلمها
ولو ان اليومين دول الواحد بيشوف العجب فى الكلية وبرة الكلية
وللاسف فى دلوقتى بنات بتحب تتعاكس وبتبقى فى قمة السعادة
_ ماسبب عدم احتشام البنات اثناء خروجهم

دة اكيد بيرجع للبيت وتربيتها
كمان الموضة والكلام الفارغ دة والتأثير الغربى الشديد علينا ورغبتهم القوية فى تشوية الحجاب
-هل تعقدين ان التفتح هو سبب ظهور هذه الفتن مثل الكليبات والفضائيات الهابطة
طبعا أكيد ده سبب رئيسى
وهو محاولة التقليد الاعمى للمشاهير بغض النظر عن سبب الشهرة

- هل تتدخل اسرتك في انتقاء ملابسك يضايقك ويحسسك بعدم الرضاء عن نفسك
لاء خاااااااالص
أنا عمرى ما اشتريت لبس الا وماما معايا وهى اللى بتختارلى وانا بثق فى اختيارها

-تعتقدين ان ملابس البنت تفرض احترامها عند الخروج من بيتك
أكيد
- مامدى تاثير اصدقائك على طباعك وشخصيتك
معظم صحابى نفس تفكيرى مع اختلاف بسيط بس من الصعب ان حد يأثر عليا
بسمع كل الاطراف وفى النهاية بعمل اللى يناسبنى واللى مريحنى



موضوع مهم وجميل يا بسطامى
تسلم ايدك

[le pharmacien]

بسم الله
بالنسبالى لبس البنت مش مقياس بالمره لسلوكها
فى بنات كتير لبسها محترم بس اخلاقها مش كويسه والعكس
الموضوع كلوا نابع من البيت والمجتمع لو مفيش نصيحه من البيت
وكمان مشاء الله مجتمع زى بتاعنا اللى الراقصات فيه بقوا قدوه
لازم البنت تطلع كده وفى بنات ممكن تلاقيها فى العباده كويسه جدا
بس نقطه ضعفها هوه اللبس ولكل منا نقطه ضعف بس لازم تتغلب على شيطانها
ربنا يهدى شباب وبنات المسلمين يارب

[pharmacistina]

و عليكم السلام ..

_ماسبب مضايقة الشاب للبنت في الاسواق

أحيانا بتكون البنت هي السبب : عن طريق اللبس الغير محتشم أو الملفت للنظر , الميك آب الكتير , طريقة المشي , الابتسام و الهزار أو الكلام بصوت عالي ..

أحيان أخرى ( نادرة ) لا يكون للبنت ذنب , ولكن الشاب بيكون هو اللي عايز يعمل جدع بقى فيقوم يعاكس .. و غالبا بيكونوا ناس أصلا أصغر مننا بكتير ..

-

هل تعقديين ان الشباب هو من يبداء في معاكسة البنت

في بعض الأحيان أيوة , و أحيانا البنت بتكون عايزة كدة ..

_ ماسبب عدم احتشام البنات اثناء خروجهم

رغبتها في انها تكون شيك و تقلد الموضة , و تحس انها مودرن , و تبان حلوة ..

-هل تعقدين ان التفتح هو سبب ظهور هذه الفتن مثل الكليبات والفضائيات الهابطة

ممكن نقول أحد الأسباب

- هل تتدخل اسرتك في انتقاء ملابسك يضايقك ويحسسك بعدم الرضاء عن نفسك

أبداا بالعكس , هو دة الصح

-تعتقدين ان ملابس البنت تفرض احترامها عند الخروج من بيتك

طبعا

- مامدى تاثير اصدقائك على طباعك وشخصيتك

تأثيرهم ..
مش كبير لأني مش بغير شيء في شخصيتي بسهولة , فأنا كدة و ثابتة على كدة الا اذا أنا اقتنعت ان فيا شيء لازم يتغير بغيره ,

لكن طبعا بقتنع برأيهم لو كان صائب و باخد مشورتهم ..