اتحاد الطلاب...مناقشه لابد منها

[Messi]

بسم الله الرحمن الرحيم

طبعا الموضوع باين من اوله انه بيتكلم عن اتحاد الطلاب......
هوه طبعا موضوع ثقيل عليا شويه ... ومش عارف من اين ابدا .... ولكن سأطرح عليكم بعض الاسئله .....
وعليكم اجابتها فقط...... ارجو ان تتحلي المشاركات بمعايير الادب والاحترام والموضوعيه من البدايه....كما علمنا ديننا.....

هذه هي الاسئله:
1.هل تود الانضمام الي اتحاد الطلاب؟؟؟؟
ان كان الجواب لا ......فتوقف

وان كان الجواب نعم .....فجاوب علي هذه الاسئله:
1.لماذا تود الانضمام؟؟؟
2.هل تعتقد انك قادر علي تمثيل دفعتك؟؟؟؟
3.ما الاسهامات التي ستقدمها للاتحاد؟؟؟؟
4.حدثنا عن انشطتك الطلابيه التي التحقت بها قبل ان تفكر بالانضمام الي الاتحاد.........
5.كم عدد الاسر الطلابيه التي انضممت اليها؟؟؟؟؟وما اسهاماتك بها؟؟؟؟
6.كم ساعه يوميه ستنفقها من اجل الاتحاد؟؟؟؟؟
7.من هو مثلك الاعلي في الاتحاد؟؟؟؟
8.باي المجالات سوف تسلك في الاتحاد؟؟؟؟
9.هل انت واثق من عدد الاصوات التي ستقوم بانتخابك؟؟؟
10.هل شخصيتك ممكن تتغير بعد دخول الاتحاد؟؟؟؟؟
11.هل تعتقد بان الاناث قادرن علي تمثيل دفعتهن اكثر من الذكور؟؟؟؟؟؟ ايهم اصلح من رأيك ولماذا؟؟؟؟
12.هل تعرضت من قبل لمجالس تأديبيه؟؟؟؟
13.هل عملت حساب اليوم الي هتتطلع منه من الاتحاد؟؟؟؟
14.هل تعتقد انك قادر علي ترك بصمه بعدك بالاتحاد؟؟؟؟
15.هل احد الاسئله ضايقتك؟؟؟
(انتهت الاسئله)


اي مشاركه غير لائقه سيتم حذفها...



هدف الموضوع: هو تذكره كل من يعتقد ان الاتحاد لعبه او اسم فقط.......

[ameer]

1.هل تود الانضمام الي اتحاد الطلاب؟؟؟؟

لا............

[Nada Radwan]

هدف الموضوع: هو تذكره كل من يعتقد ان الاتحاد لعبه او اسم فقط.......

هدف الموضوع سامِ وجميل فعلاً..
بس مش حاعرف اجاوب على ولا سؤال

يعنى ايه الاتحاد؟؟
انا دخلت الكليه وسمعت ناس بتقول الاتحاد
ناس بتقول انه حلو..وناس مش شايفه كده
ناس انتخبت..وناس لأ
ناس بتشتغل..وناس لأ
بس فعلا لغايه دلوقتى انا مش فاهمه يعنى ايه اتحاد؟
معتقدش انى الوحيده اللى كده
عدد كبير من الدفعه الجديده اللى داخله مش فاهمين
وان كنت اظن ان اعدادى عندهم معلومات اكتر من كلينيكال
وبحس انهم على اتصال اكبر بالاتحاد
طب ايه معنى اشتراكى فيه؟
هل يقتصر على الافراد الممثلين لفرقهم؟؟
وللا زى الأسر الطلابيه إشتراكى بيتمثل ف الشغل اللى انا باقدمه؟
لو كان الاشتراك يقتصر على تمثيل الفرق وخلافه.....

1.هل تود الانضمام الي اتحاد الطلاب؟؟؟؟

لا..لأنى ببساطه مش بلاقي نفسي ف هذا النوع من الأعمال

[wh_kaboo]

كلها شويه ويبقى للغلق

[Mohamed Al Gohary]

شكرا على التوبيك يا د. محمد عليوة ..

ودعني انتهز هذه الفرصه لأوضح بعض الاشياء ..

يعني ايه اتحاد !!

اتحاد طلاب .. هو الممثل الشرعي والرسمي للطلاب ..

طب يعني ايه ممثل شرعي ورسمي ؟؟

يعني المفروض ان اى حد عنده مشكله .. او عنده اى حاجه فى اى حاجه .. يتوجه فورا للاتحاد أى شخص فيه بصفة المسئولية .. وهو يحلها لك ..

اتحاد الطلاب المفروض انه يبقى له أنشطة في كل المجالات .. يفتح بيها الباب قدام الكل انه يشارك ويطلع مواهبه .. ويستمتع بوقته ..

برضه يبقى له انشطة خدميه للكليه .. مسئول قدام الطلاب عن توصيل كل الاقتراحات والشكاوي من الطلاب إلى إدارة الكليه بل والسعي إلى حلها .. وتوصيل كافة وجهات النظر ..

الحقيقه الاتحاد ككيان .. مش هقدر اغطيه بكلماتي ..

لكن ..

في بداية العام الدراسي .. كان هناك حفلة لأسرة برايت ستارز لترحيب بدفعه اعدادي .. كانت لى كلمة فيها .. تحدثت ووضحت كل شيء عن اتحاد الطلاب والانشطة الطلابية ..

وأيضا حفلة اسرة كلينيكال .. للترحيب بدفعة كلينيكال الجديدة .. تحدثت أيضا ووضحت كل شيء عن ما سبق ذكره ..

وخطة عمل الاتحاد للعام الدراس الحالي موجوده فى قسم الاتحاد .. لمن يريد ان يطلع عليها .. ويرى بنفسه هل تطبق ام لا ..

وانا كشخص مسئول باتحاد الطلاب .. أرحب جدا بكل انتقاد ( هادف ) للاتحاد .. يكون غرضه هو تحسين آداء الاتحاد او الصورة العامه له فى الكليه ..

بالعكس أتمناها من كل من يهمه أمر كلية الصيدلة ..

وأخيرا دعني أجاوب على أسئلتك ...

1.لماذا تود الانضمام؟؟؟

لخدمة كليتي .. بشكل فعّال ومؤثر .. وأنمي بداخلي روح المسئولية والقيادة ..

2.هل تعتقد انك قادر علي تمثيل دفعتك؟؟؟؟

من المفترض أن يوجه هذا السؤال لدفعتي .. لكن لو أجبت أنا عنه سأقول نعم ..

3.ما الاسهامات التي ستقدمها للاتحاد؟؟؟؟

بكل بساطة زيادة تفعيل دورة ..

4.حدثنا عن انشطتك الطلابيه التي التحقت بها قبل ان تفكر بالانضمام الي الاتحاد.........

عضو أسرة في الكلية ..

5.كم عدد الاسر الطلابيه التي انضممت اليها؟؟؟؟؟وما اسهاماتك بها؟؟؟؟

اثنان .. أسرة في الكلية .. وأسرة رسالة

6.كم ساعه يوميه ستنفقها من اجل الاتحاد؟؟؟؟؟

لو قلت لك أنها تبلغ 24 ساعة في اليوم .. في بعض الأيام .. فستقول عني أبالغ

7.من هو مثلك الاعلي في الاتحاد؟؟؟؟

طارق رمزي ..

8.باي المجالات سوف تسلك في الاتحاد؟؟؟؟

الأسر الطلابية ..

9.هل انت واثق من عدد الاصوات التي ستقوم بانتخابك؟؟؟

نعم ..

10.هل شخصيتك ممكن تتغير بعد دخول الاتحاد؟؟؟؟؟

أكيد للأحسن إن شاء الله ..

11.هل تعتقد بان الاناث قادرن علي تمثيل دفعتهن اكثر من الذكور؟؟؟؟؟؟ ايهم اصلح من رأيك ولماذا؟؟؟؟

أنا لا أفاضل جنس على حساب الجنس الآخر .. كل ما أقوله أن هناك عضوتان فى مجلس اتحاد الطلاب لهذا العام ..

12.هل تعرضت من قبل لمجالس تأديبيه؟؟؟؟

الحمد لله لأ ..

13.هل عملت حساب اليوم الي هتتطلع منه من الاتحاد؟؟؟؟

كل شيء وله آخر بالتاكيد .. ولو دامت لغيرك ما وصلت إليك ..

14.هل تعتقد انك قادر علي ترك بصمه بعدك بالاتحاد؟؟؟؟

أتمنى ذلك ..

[متفائل]

شكرا على التوبك د / عليوة

بس السؤال : لماذا لا نعلم بموعد الترشيح للانتخابات إلا فى يوم التقديم مع أن هذا فيه مخالفة للقانون " قانون تنظيم الجامعات " ؟؟؟!!!!!!!!!!!!

حتى لو نجح البعض من " غبر المنسقين المسبق مع بعض الطلبة " فى التقديم و يتم قوبلوهم فى الكشوف الابتدائية
فعلى الفور يتم شطب أسمائهم من القوائم النهائية

و بالتالى يعلن الاتحاد كل عام بالتزكية و لا نرى انتخابات و لا نرى صناديقها و لا نرى دعاية و لا نرى منافسة كما يحدث فى أى انتخابات فى الدنيا .....الخ

أيام الاعدادى و الثانوى كنت ببقى فى اتحاد الفصل
من يوم ما دخلت الكلية و أنا الحمد لله بنزل فى القوائم الابتدائية
و الحمد لله برضه بيتم الشطب من القوائم النهائية

ليس الهدف مما سبق النقض
و إنما توضيخ حقائق يلمسها الجميع

أريد أن أقول أن الله عز و جل لم يخلقنا كى ننقض
و إنما خلقنا لنعمر
و عندما نرى وضعا ما يعيق هذه الوظيفة علينا أن نقومه
و عندما نرى وضعا آخر فى الطريق لتحقيق هذه الوظيفة علينا أن نشجعه

أعتذر على الاطالة
و لكم جزيل الشكر

[Dr/HULK]

انا بس هتكلم فى نقطة واحدة

اتحاد الطلبة للفرقة التالتة مش ظاهر فيه غير

الجوهرى مع انه مش رئيس الاتحاد

ومحمد نصر كمقرر ثقافى

والباقى محدش يعرفهم

واللى اعرف شكلهم هما اللى انا قلت عليهم

والباقى ليس لهم وجود ولا حتى حد يعرفهم الا نسبة قليلة من الدفعة

اه على فكرة انا جاوبت ب لأ

مش عشان الاتحاد وحش لكن عشان اهدافه لحد دلوقتى محدش بيوضحها

كل اللى اعرفه عنه شوية كلام لاما بيشجع لاما بيعارض

واللى الاتحاد بيعمله مش بيفرق كتير عن نشاط الاسر الطلابية

[Anas]

بعيدا عن الأسئلة اللي في الموضوع ... هقول موقف لسه في ذاكرتي من يوم ما حصل

أول احتكاك ليا بالاتحاد ... و انا ف اعدادي ... كان في اعلان لحجز الدواليب مع رئيس الاتحاد

سألت عن مكانه و قابلته ... طارق رمزي ... شخصية تستحق الاحترام في المواقف القليلة اللي اتعاملت فيها معاه ... و سألني في سنة كام ... قلتله اعدادي ...

أول كلمة قالهالي ... بعيدا عن الدواليب و أي حاجة تانية

" تدخل معانا الاتحاد ؟؟؟ "

شوف الكلمة جاية ازاي ... " تدخل " ... من غير بقى لا ترشيح ولا انتخابات ولا كلام فاضي من ده كله

و لإني كان عندي فكرة مسبقة مش ولا بد عن الاتحاد - و لم تتغير كثيرا الى الآن و لا أعتقد انها ستتغير - فكان الجواب بالرفض ... و الحمد لله حتى الآن لم أندم على اني رفضت ده

و أنا شخصيا لا يهمني - حاليا - الاتحاد وجوده من عدمه في شيء ... و ان كنت اتمنى انا أرى اتحادا حقيقيا ممثلا فعليا للطلبة ... و يبقى الأمل موجود

بس سؤال بريء - بجد - للجوهري ... انت قلت :

اتحاد طلاب .. هو الممثل الشرعي والرسمي للطلاب ..

ممثل للطلاب على أي أساس ... و من أضفى عليه صبغة " الشرعية و الرسمية " ؟؟؟

هل الشرعية اكتسبها من خلال اختيار بعض الموظفين - أو جهات أخرى - لمجموعة من الطلبة بأن يكونو ممثلين لزملائهم ؟؟؟

ممكن يكون منهم ناس كويسة جدا على المستوى الشخصي و العملي أيضا ... و لو اترشحو في انتخابات جدية هينجحو باكتساح قصاد أي حد أيا كان ... انما الصورة العامة للاتحاد هي كما نعرفها جميعا

و أكرر مرة تانية ... لا يهمني - حاليا - الاتحاد وجوده من عدمه في شيء ... و علاقتي ببعض أفراده كويسة جدا على المستوى الشخصي ... و منهم الجوهري و غيره كتير

و نظل نقول ... و يبقى الأمل موجود ...

[عبدالله عبدالرحمن]

بعيدا عن الأسئلة اللي في الموضوع ... هقول موقف لسه في ذاكرتي من يوم ما حصل

أول احتكاك ليا بالاتحاد ... و انا ف اعدادي ... كان في اعلان لحجز الدواليب مع رئيس الاتحاد

سألت عن مكانه و قابلته ... طارق رمزي ... شخصية تستحق الاحترام في المواقف القليلة اللي اتعاملت فيها معاه ... و سألني في سنة كام ... قلتله اعدادي ...

أول كلمة قالهالي ... بعيدا عن الدواليب و أي حاجة تانية

" تدخل معانا الاتحاد ؟؟؟ "

شوف الكلمة جاية ازاي ... " تدخل " ... من غير بقى لا ترشيح ولا انتخابات ولا كلام فاضي من ده كله

و لإني كان عندي فكرة مسبقة مش ولا بد عن الاتحاد - و لم تتغير كثيرا الى الآن و لا أعتقد انها ستتغير - فكان الجواب بالرفض ... و الحمد لله حتى الآن لم أندم على اني رفضت ده

و أنا شخصيا لا يهمني - حاليا - الاتحاد وجوده من عدمه في شيء ... و ان كنت اتمنى انا أرى اتحادا حقيقيا ممثلا فعليا للطلبة ... و يبقى الأمل موجود

بس سؤال بريء - بجد - للجوهري ... انت قلت :

ممثل للطلاب على أي أساس ... و من أضفى عليه صبغة " الشرعية و الرسمية " ؟؟؟

هل الشرعية اكتسبها من خلال اختيار بعض الموظفين - أو جهات أخرى - لمجموعة من الطلبة بأن يكونو ممثلين لزملائهم ؟؟؟

ممكن يكون منهم ناس كويسة جدا على المستوى الشخصي و العملي أيضا ... و لو اترشحو في انتخابات جدية هينجحو باكتساح قصاد أي حد أيا كان ... انما الصورة العامة للاتحاد هي كما نعرفها جميعا

و أكرر مرة تانية ... لا يهمني - حاليا - الاتحاد وجوده من عدمه في شيء ... و علاقتي ببعض أفراده كويسة جدا على المستوى الشخصي ... و منهم الجوهري و غيره كتير

و نظل نقول ... و يبقى الأمل موجود ...

شوف بقى ياعم أنس
انت قلت اللى فيها
طول ما الأتحاد الطلابى
بالتعيين هيفقد كثير من مصدقيته
حتى ولو كات المعينين على قدر كبير
من الكفاءة
لكن ظاهرة التعيين بتقضى بشكل كبير على واحدة من اهم المهارات التى يحتاجها الطالب
فى الفترة الجامعية لتؤهله بعد ذلك لأتخاذ مثل هذه الخطوات فى المجتمع
أقصد طبعا الأنتخابات الطلابية
النقطة دى هتفضل على طول علامة استفهام كبيرة
واعتقد انها السبب فى عدم ثقة الطلاب فى الأتحاد

وبالنسبة لموضوع تدخل الأتحاد اللى تقالتلك ففى بقى الأجمل
لما واحد يقول لواحد بص وهما الأثنين فى اعدادى
انا هبقى الأمين وانت الأمين المساعد
وفعلا بعدها بكم سنة الاخ ده بقى فعلا امين الأتحاد
يعنى الراجل عارف العملية ماشية ازاى
وبعدين انت نسيت تقول حاجة
تحيا مصر للمصريين

[Messi]

1.هل تود الانضمام الي اتحاد الطلاب؟؟؟؟
نعم
ان كان الجواب لا ......فتوقف

وان كان الجواب نعم .....فجاوب علي هذه الاسئله:
1.لماذا تود الانضمام؟؟؟
كي اقوم بخدمه كليتي .....وزملائي بالدفعه
2.هل تعتقد انك قادر علي تمثيل دفعتك؟؟؟؟
نعم ... وسيشهدوا لي بذلك
3.ما الاسهامات التي ستقدمها للاتحاد؟؟؟؟
هحاول في مجال الرياضي.....او مجال الاسر
4.حدثنا عن انشطتك الطلابيه التي التحقت بها قبل ان تفكر بالانضمام الي الاتحاد.........
حتي هذه اللحظه ... لم اقدم ما هو يستحق ان ادخل به الاتحاد....
ولكن في المستقبل القريب ان شاء الله
5.كم عدد الاسر الطلابيه التي انضممت اليها؟؟؟؟؟وما اسهاماتك بها؟؟؟؟ المسئول الرياضي عن اسره فارما ستارز.......شاركت مع اسرتي النجاح وصيدلي المستقبل في عمليه الاشراف علي برنامجهم الاخير وكنت اصغر مشرف هناك......قد انضم بالتيرم التاني الي (رساله .. فالكليه...والجمعيه العلميه).......حتي يكون لي ذخيره كافيه من النشاط.....انافس به علي احد المقاعد باتحاد الطلاب...
6.كم ساعه يوميه ستنفقها من اجل الاتحاد؟؟؟؟؟
اعتقد ولحسن الحظ انني من المنصوره......وليس من بلد اخري تابعه ......بالتالي هيكون جل وقتي المتاح لدي لخدمه الاتحاد.......فمثلا:لو حد احتاجني...كلها دقائق واكون هناك.....
7.من هو مثلك الاعلي في الاتحاد؟؟؟؟
اكيد هوه اكتر واحد شوفته بذل مجهود من اجل الاتحاد والكليه وهو د.محمد
8.باي المجالات سوف تسلك في الاتحاد؟؟؟؟
الرياضي او الاسر
9.هل انت واثق من عدد الاصوات التي ستقوم بانتخابك؟؟؟
هذه النقطه بالذات انا مطمن منها جدا.......فوالحمدلله شعبيتي بالكليه جميله.....واتوقع مسانده اصدقائي لي يوم الانتخابات باذن الله
10.هل شخصيتك ممكن تتغير بعد دخول الاتحاد؟؟؟؟؟
اتمني ان يكون للافضل
11.هل تعتقد بان الاناث قادرن علي تمثيل دفعتهن اكثر من الذكور؟؟؟؟؟؟ ايهم اصلح من رأيك ولماذا؟؟؟؟
اعتقد ان الذكور اقدر من الاناث في تمثيل دفعهم.......وذلك بسبب
جرأتهم..........اكيد مفيش بنت هتتاخر علي البيت ولكن الولد يتأخر في الكليه كيفما شاء.....
12.هل تعرضت من قبل لمجالس تأديبيه؟؟؟؟
لم و لن اتعرض باذن الله
13.هل عملت حساب اليوم الي هتتطلع منه من الاتحاد؟؟؟؟
ان قدر الله لي ان ادخله...........فاكيد اليوم الي هطلع منه هيكون قاسي.....ولكن لو كنت بعامل الناس كويس......ده الي يتبق لي حينئذ...واكيد الناس بعد لما اطلع هتحبني تمام زي قبل ما اطلع منه...
14.هل تعتقد انك قادر علي ترك بصمه بعدك بالاتحاد؟؟؟؟
اتمني
15.هل احد الاسئله ضايقتك؟؟؟
لأ