وقفه مع الشعر الحلمنتيشي (يام الملايه اللف)

[zidane]

يا حلوة يا ملفلفة...يا ام الملاية اللف
لفة ملايتك تلفلف..الف جني والف
لفلفتي قلبي وراسي...عقلي منها خف
لفيت اهاتي واساتي...واضرب كفوف على كف
والتف حولي البشر...من كل جنس وصنف
يحكوا حكاية جدع...لف الفيافي لف
ويقولوا ماله الصبي...ده كان رزين واتهف
ترك البلد والولد... واتدارى جوا الكهف
يا حلو يا ملفلفة...يا م الملاية اللف
لفة ملايتك تلفلف...الف جني والف
لفتة عيونك فنى...هفت فؤادي هف
فُت الصديق الوفي...وجريت اهاهي هُف
شرطة رموشك بلى...سًفت حياتي سًف
فريت افرفر وانادي..اُف ياهو اُف
سهم الغرام انكوى...وقطف حياتي قطف
يا حلو يا ملفلفة...يا م الملاية اللف
لفة ملايتك تلفلف...الف جني والف
وحياة ابوكي واخوكي...وكل الاولياء والالف
خفي الدلال والقسى...واديني حبة عطف
يمكن يزول الضنا...وتفنى اثار اللف
وارجع ارفرف واطير...واهجر حياة الكهف
واعرف صديقي الوفي...واللي في صداقته خَف
يا حلو يا ملفلفة...يا م الملاية اللف
لفة ملايتك تلفلف...الف جني والف

[ameer]

فففففففففف..... هو فيه ايه انا لساني لففففففف معدش بينطق غير ف

[NeScaFE]

ههههههههههه............جميلة اوى............بس دى انت اللى مالفها ولا ايه؟؟؟؟؟

[Come back]

علي فكرة الموضوع حلو بس اعتقد ان ده مش المكان المناسب ليه
ممكن يكون في المنتدي الترفيهي يكون افضل

[zidane]

علي فكرة الموضوع حلو بس اعتقد ان ده مش المكان المناسب ليه
ممكن يكون في المنتدي الترفيهي يكون افضل

شكرا علي المرور وعلي فكرة ده المنتدي الترفيهي

[ameer]

هو كان في الترفيهي بس واضح ان حد من المشرفين نقله للادبي فمش مشكله

[chocolata]

جميله جدا يازيدان بجد ليها احساس جميل غزل من نوع شعبى بسييييييييييط بس انا بس اللى مضايقنى استخدام كلمات زى بلى وسف انا عارفه انها بتوصف البهدله باوضح الصور
بس هل مفيش الفاظ شعبيه برده بس ايحاءها اقل شويه متخلنيش احس ساعات انها مصيبه وحلت عليه
رغم انى فى نفس الوقت حاسه اد ايه انها مسيطرة عليه بس مش عارفه محتارة شويه فى الحته دى مش عارفه اذا كنت فاهم قصدى ولا ايه؟
بس انت كاتبها ولا اييه؟
بس هى جميييييله سواء مكتوبه او منقوله

[asfourelgana]

-----
جميلة جدا يا دكتور

بس ياترى القصيده دي حضرتك اللي كاتبها؟

ولا دي منقوله ؟

اصل ان حاسه ان اسلوبها اشبه ما يكون بشعر بيرم التونسي

[Al-Shaimaa]

انا بعشق الشعر الحلمنتيشي
اول مرة سمعت القصيدة دي كانت من مدرس اللغة العربية في ثانوي
بجد هو اكتر حد خلاني أحب الأدب
جزاه الله كل خير

ويسلم اختيارك يا دكتور