محكمة !!!

[متفائل]

بسم الله الرحمن الرحيم:


يقول الله تعالى فى كتابه الكريم :

" إِنَّ اللَّهَ يَأْمُرُكُمْ أَنْ تُؤَدُّوا الْأَمَانَاتِ إِلَى أَهْلِهَا وَإِذَا حَكَمْتُمْ بَيْنَ النَّاسِ أَنْ تَحْكُمُوا بِالْعَدْلِ..... الآيات "

و أخبر عباده فى الحديث القدسى :

( يا عبادي إني حرمت الظلم على نفسي وجعلته بينكم محرما فلا تظالموا .....الحديث "

و بعد فإننى أحب أن أتقدم فى بداية موضوعى هذا

بخالص الشكر و التقدير

إلى محكمة القضاء الإدارى بالمنصورة

و التى حكمت بإلغاءو وقف قرار رئيس الجامعة و الذى يقضى بمنعى من السكن بالمدينة الجامعية رغم استيفائى لجميع شروط القبول و السكن بالمدن الجامعية

و أخص بالشكر السادة المستشارين أعضاء المحمكة و الذين قاموا بإنصافى فى الدعوى المقامة منى لوقف هذا القرار

و أتقدم بالشكر أيضا للسادة المحامين الذين وكلتهم عنى فى هذه القضية

كما أشكر السيد المحامى الحاضر عن الجامعة و ذلك لتقديمه بيانا للمحكمة يفيد بأن رفض قبولى بالمدينة الجامعية يرجع لعدم موافقة الأمن
مما يفضح تدخل الأمن فى شئون الجامعة بشكل غير دستورى

نعود إلى موضوعنا و الذى يتناول الحديث عن حقوق الطلاب الضائعة داخل جامعتهم الحبيبة



سنتناقش فيما يلى :

أولا ً: الحقوق الضائعة

ثانيًا : سبب ضياعها

ثالثًا : و لماذا لا نطالب بها

رابعًا : و لماذا يسكت المسئولون عن ضياعها فى حين لا يسكت أحد إن تم التقصير فى أى من الواجبات علينا

خامسًا : سنحاول تناول بعض الحلول


فى انتظار مشاركاتكم

أولا : الحقوق الضائــعة

[متفائل]

ما يقرب من 55 مشاهدة و 0 ردود

من الواضح أن مفيش حد فى الكلية ضايغ حقه غيرى

جزاهم الله خيرا

ال 5 اللى ردوا فى الاستفتاء

[Dr nour]

يمكن دى أول مره أرد فيها على موضوع من فتره ويمكن دى الأولى اللى أرد فيها على موضوع اشعر بالاستغراب أو الغموض من محتواه أو بمعنى آخر مش فاهمه عن أى شئ بالضبط يتحدث
بس اللى اعرفه ان فى شئ شدنى أن أرد يمكن خيارات الاستفتاء اللى مش عارفه اختار منها بصراحه انا هتكلم بصفه عامه لأن حضرتك اتحدثت عن ضياع الحقوق داخل الجامعه ولم تذكر أمثله لهذه الحقوق الضائعه حتى نرى ان كانت فعلا ضائعه أم انها وجهه نظر فرديه

الحقوق الضائعة

يعنى حاجه ضايعه طب ايه اللى ممكن يضيعها

أولا يمكن انا أجهل الحقوق دى والجهل دا ممكن يكون راجع لعدم سعيى لمعرفتها يعنى عدم الاهتمام أو تكبير دماغ زى مابيقولوا وبالتالى انا اللى مقصر فى حقى مش أى شخص تانى يعنى مش معقول انا مش باسعى انى اعرف حقوقى وأطالب بقى الغير انهم يجولى ويعرفونى حقوقى
ويمكن أكون انا عارف حقوقى بس برضه خايف أطالب بيها لأى سبب من الاسباب وبرضه انا اللى مقصر فى حقوقى لان بضعفى سببت القوه للغير وجعلتهم يجيروا على حقوقى
اللى أعرفه ان الظالم والمظلوم كلا منهما مذنب وكلا منهما سيحاسب الظالم سيحاسب على ظلمه والمظلوم على تفريطه فى حقه وعدم الدفاع عن حقوقه

و لماذا يسكت المسئولون عن ضياعها فى حين لا يسكت أحد إن تم التقصير فى أى من الواجبات علينا

ههههه دا شئ طبيعى كل شخص بيدور على حقه مش حقوق الآخرين يعنى انا بدور على حقوقى أنا مش حقوق شخص تانى يعنى مش معقول انى ادافع عن حقوق زميلتى أو صاحبتى أو أى شخص آخر وهو بنفسه مش مهتم بحقوقه ولا بيطالب بيها

فشئ طبيعى ان كل مسئول لا يتهاون فى التقصير فى حقوقه آه من واجبه انه يحافظ على حقوقنا بس لازم احنا فى الأول يكون عندنا همه فى معرفه حقوقنا وعدم التهاون فى ضياعها لكن مادام احنا بنسكت عن حقوقنا فى الوقت دا مش المفروض نلقى باللوم على أى شخص آخر انه لماذا لم يصن حقوقنا
________________
وفى النهايه ببارك لحضرتك على حكم المحكمه

[متفائل]

يمكن دى أول مره أرد فيها على موضوع من فتره ويمكن دى الأولى اللى أرد فيها على موضوع اشعر بالاستغراب أو الغموض من محتواه أو بمعنى آخر مش فاهمه عن أى شئ بالضبط يتحدث

جزاكم الله خيرا على هذا الرد الصريح و الواضح

على فكرة أكتر حاجة بكرها الغموض

و لا أحب أن أتحدث هذه اللغة

و يا ريت لو فيه أى غموض فى هذا الموضوع

يتم تنبهى و إن شاء الله يتم إيضاحه

و مرة أخرى شكرا ع المشاركة

بس اللى اعرفه ان فى شئ شدنى أن أرد يمكن خيارات الاستفتاء اللى مش عارفه اختار منها

عندك حق فعلا الاخيتارات محيرة شويتن
إلا أننى أعتقد أنه عدم المطالبة بالحقوق يرجع بالفعل لواحدة من الثلاثة
إنما هى إيه تحديدا فعلا دا شئ محير
شخصيا قعدت أفكر كتير قبل أن اختار


بصراحه انا هتكلم بصفه عامه لأن حضرتك اتحدثت عن ضياع الحقوق داخل الجامعه ولم تذكر أمثله لهذه الحقوق الضائعه حتى نرى ان كانت فعلا ضائعه أم انها وجهه نظر فرديه

على سبيل المثال
إننا لحد الوقتى فى رابعة لم نحصل على مكافأة امتحانات سنة أولى

مثال آخر

المصاريف الدراسية المرتفعة
و التى تعد مخالفة للدستور
الذى ينص على مجانية التعليم للمصريين
المفروض المصارف متعديش فى مجملها ال 20 جنية نظير بعض الخدمات

يعنى حاجه ضايعه طب ايه اللى ممكن يضيعها

أولا يمكن انا أجهل الحقوق دى والجهل دا ممكن يكون راجع لعدم سعيى لمعرفتها يعنى عدم الاهتمام أو تكبير دماغ زى مابيقولوا وبالتالى انا اللى مقصر فى حقى مش أى شخص تانى يعنى مش معقول انا مش باسعى انى اعرف حقوقى وأطالب بقى الغير انهم يجولى ويعرفونى حقوقى
ويمكن أكون انا عارف حقوقى بس برضه خايف أطالب بيها لأى سبب من الاسباب وبرضه انا اللى مقصر فى حقوقى لان بضعفى سببت القوه للغير وجعلتهم يجيروا على حقوقى

تمام
و من هذا الكلام يمكن أن نستنج أن السلبية هى العائق الأساسى

لأنه من الإيجابية أن تسعى لمعرفة حقوقك و أن تجتهد فى ذلك قدر استطاعتك

و أيضا من تمام الإيجابية أن تسعى للمطالبة بهذه الحقوق ما دمت قد علمتها

بل تحاول أن تكسر الحواجز التى تحول دون حصولك على حقك

اللى أعرفه ان الظالم والمظلوم كلا منهما مذنب وكلا منهما سيحاسب الظالم سيحاسب على ظلمه والمظلوم على تفريطه فى حقه وعدم الدفاع عن حقوقه

طبعا
و هنا حديث لرسول الله

انصر أخاك ظالماً أو مظلوماً، فقال: رجل يا رسول الله أنصره إذ كان مظلوماً، أفرأيت إذا كان ظالماً كيف أنصره؟! قال: تحجزه أو تمنعه من الظلم، فإن ذلك نصره

ههههه دا شئ طبيعى كل شخص بيدور على حقه مش حقوق الآخرين يعنى انا بدور على حقوقى أنا مش حقوق شخص تانى يعنى مش معقول انى ادافع عن حقوق زميلتى أو صاحبتى أو أى شخص آخر وهو بنفسه مش مهتم بحقوقه ولا بيطالب بيها

فشئ طبيعى ان كل مسئول لا يتهاون فى التقصير فى حقوقه آه من واجبه انه يحافظ على حقوقنا بس لازم احنا فى الأول يكون عندنا همه فى معرفه حقوقنا وعدم التهاون فى ضياعها لكن مادام احنا بنسكت عن حقوقنا فى الوقت دا مش المفروض نلقى باللوم على أى شخص آخر انه لماذا لم يصن حقوقنا
________________
وفى النهايه ببارك لحضرتك على حكم المحكمه

الله يبارك فيك

فى انتظار مشاركاتكم

[Dr_ Ahm]

الف مبروك على يا غالى على دخولك المدينه وان شاء اله تكون اولى الخطوات للحصول على تلك الحقوق الضائعه


التى واعتقد انها قد ضاعت بسبب خوفنا وحرصنا


وبسبب الجمله الشهيره

انا مش عاوز مشاكل انا حمشى جنب الحيط يا عم احسنلى يا عم فكك هو انا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[متفائل]

الف مبروك على يا غالى على دخولك المدينه وان شاء اله تكون اولى الخطوات للحصول على تلك الحقوق الضائعه

الله يبارك فيك يا دكتور
بس للأسف مش هسكن الوقتى لأن الحامعة استأنفت الحكم
و الجلسة القادمة خلال أيام
دعواتك

التى واعتقد انها قد ضاعت بسبب خوفنا وحرصنا

وبسبب الجمله الشهيره

انا مش عاوز مشاكل انا حمشى جنب الحيط يا عم احسنلى يا عم فكك هو انا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لا و أنت الصادق
المشى جنب الحيط برده بقى خطر
الوقتى لازم المشى جوه الحيط

مبسوط جدا بمشارتك فى الموضوع

ربنا يكرمك

[متفائل]

و ما زال الحديث مستمرا عن الحقوق الضائعة :

1. المصروفات الدرسية
2. مكافأة الامتحانات
   

3 ................

فى انتظار مشاركاتكم

[آيه محمد]

انا بصراحه مش عارفه اقول ايه
بس عموما وفي المجمل
قبل ما ادور علي حقوقي لازم اشوف الواجبات
وانا متأكده لو ان كل واحد عمل اللي عليه باتقان
مش هيكون فيه حقوق ضايعه ابدا

[متفائل]

انا بصراحه مش عارفه اقول ايه
بس عموما وفي المجمل
قبل ما ادور علي حقوقي لازم اشوف الواجبات
وانا متأكده لو ان كل واحد عمل اللي عليه باتقان
مش هيكون فيه حقوق ضايعه ابدا

جزاكم الله خيرا على المشاركة

لكنى اعتقد أن معظم الواجبات اللى على الطلبة بتؤدى كما ينبغى

إلا إذا كان قصد حضرتك

أنه المطالبة بالحقوق جزء من الواجبات

ففى هذه الحالة اعترف بأنه يوجد تقصير

و شكرا على المشاركة

و نرجو المتابعة

[S!lent Tear]