انا لازم اتغير

[Messi]

بسم الله الرحمن الرحيم.......
حان الان ميعاد هذا الموضوع....
انا لازم اتغير.....انا لازم اعترف اني كان عندي اخطاء ولازم اصلحها........
انا لازم اتغير.....انا لازم اقف وقفه مع نفسي وابدأ اخطط............
انا لازم اتغير .....واغير اسلوبي في المذاكره ............
انا لازم اتغير.....انا لازم اخطط للتأهيلي للامتحانات دلوقتي.......
انا لازم اتغير......طب ازاي هتغير؟؟؟؟؟؟؟؟؟؟
ده السؤال؟؟؟؟


1.اذاكر ازاي؟؟
2.احضر المحاضرات ؟؟؟
3.الوقت؟؟؟
4.اعمل ايه عشان استفيد من السكاشن؟؟؟
5.انا ايه الي الخبره الي اخدتها من التيرم الاول ؟؟وازاي استثمرها التيرم التاني؟؟
6.هل انا اخطأت؟؟؟؟ولا دي الطبيعه؟؟؟؟؟
7.احط ايه دافع امامي عشان اذاكر؟؟؟؟
8.هل التأجيل اثر علينا؟؟؟؟؟وازاي مأجلش؟؟؟
9.هل الكورسات مفيده؟؟؟


دي يمكن خلاصه الاسئله الي طرحناها قبل كده في موضوع(باي تيرم اول.......)
وزياده ودي الاسئله الي عايزين نجاوب عليها..........................


ياتري ايه الي حصل لينا ده طبيعي؟؟؟؟؟
الكل بيقول كده

بينصحونا دايما اننا نذاكر اول باول.....طيب؟؟؟؟؟؟
دلوقتي لو حضرت المحاضرات برجع البيت مرهق جدا ومصدع.........طب اذاكر اول باول ازااااااي؟؟؟؟؟
المحاضرات غير الدروس والحصص زماااااان ..........الواحد بيتعب فعلا فيها.........
طب ايه الحل؟؟؟؟؟؟؟؟؟ يعني ما نحضرش محاضرات؟؟؟؟؟؟؟؟
ولو محضرناش برده مش في صالحنا ......ليه؟؟؟؟؟؟؟
لان ساعات حاجات بتتقال في المحاضره وما بتنزلش في الورق الي بره وبتيجي في الامتحانات واحنا لسه مجربي قريب علي سبيل المثال (الكيمياء)..............
طب نعمل ايه؟؟؟؟؟؟

نعسكر في البيت ونجيب الورق وخلاص؟؟؟ ونبقي نحضر السكاشن بس؟؟؟
ولا نروح المحاضرات وبرده هنجيب الورق بس الاخر اليوم هنرجع تعبانين و مش قادرين نذاكر واليوم يضيع
ونقول بكره نذاكر ان شاء الله .....وبكره اساسا عندي حاجات تانيه جديده...........

هل الحل في الكورسات؟؟؟
حذرني منها الناس الكبار وقالولي ملهاش لزمه ....


يمكن دي مشكله اننا مش لاقين وقت الواحد يذاكر فيه بدماغ عاليه وبتركيز




دي مشكله خلاف مشكله اخري هيه المذاكره نفسها بقي لسه ما اتكلمتش فيها......
انا سمعت اننا نذاكر بتحصيل 50 % ..........طب ال50% الباقين هذاكرهم امته؟؟؟؟
واراجع امته لما انساهم؟؟؟؟؟؟؟؟




بالنسبه للسكاشن الحل الامثل للاستفاده كما نصحني الكثيرون هوه تذاكر السكشن قبل ما تروحه وبكده هتحقق اكبر استفاده........


لازم يا جماعه يكون صفعه القلم بتاعت التيرم الاول علي وجوهنا ........تغيرنا التيرم التاني واحنا الي نرد له القلم ده.........


ياريت طبعا اسمع اراءكم واراء الناس الكبار الي مجربين .......اكيد هيفيدونا في الموضوع ده..

[د/محمد عمر]

فى البدايه احب احيى حضرتك يا دكتور محمد على الموضوع الرائع ده
حضرتك تقريبا كنت معايا وانا بفكر اعمل الموضوع ده فى الفرقه الرابعه !!!
يمكن عشان انتم اول سنه فى صيدله فمحتوش اوى بمدى كارثيه الامر
اينعم عرفتوا ان الامتحانات كانت السنين اللى فاتت كل اسبوع فكان بيبقى فيه فرصه للعب وايام الامتحانات
ربنا بيفرجها
لكن انتم محستوش الوضع زى ما احنا حسيناه ...فعلا كان صعب بجد لكل اللى كان متعود يزاكر فى الاسبوع اللى قبل الامتحانات ودول كتييييييييييير تقريبا اكتر من 80%من كل الدفعات
انا من رايى ان حضور المحاضرات عليه عامل كبير اوى حتىلو حاسس انك مش فاهم حاجه.. يعنى انا بالنسبالى المواد اللى كنت بحضر فيها وبالتحديد المحاضره اللى كنت بحضرها واجى ازاكرها ايام الامتحانات مش بتاخد منى اكتر من 10 دقايق على عكس اللى محضرتوش بياخد اكتر من كده بكتييييييييير
اما بالنسبه لموضوع الكورسات ده فمالوش لزمه والله وكمان معظم الناس وليس كلهم من اللى بيدوا الكورسات مش مؤهلين لكده ويعنى ابسطها النهارده فى امتحان ادراره الاعمال كان فيه واحد كاتب القانون بجزر والتانى من غير جزر (طب اصدق مين ؟؟)اكيد طبعا هصدق دكتور الماده حتى لو غلط فهو اللى هيصحح الامتحان مش دكتور الكورس.
اوصيكم ونفسى عن تجربه شخصيه كانت مليئه بكتير من العثرات حتى ادركت ان الصالح هو حضور المحاضرات والمتابعه اولا باول حتى وان كان الموضوع صعب فتعالى على نفسك عشان نفسك برده
واسال الله ان يلهمك الصبر واكيد هتحس بالفرق
المحاضرات كمان بيتقال فيها حاجات قيمه جدا جدا جدا مستحيل حد من بره هيديهالك ...حاجات هتخليك صيدلى بجد..مش تقليد وده هيفرق معاك ااكيد
اسف للاطاله واتمنى للجميع التوفيق واجازه سعيده ان شاء الله

[مهداه]

اوصيكم ونفسى عن تجربه شخصيه كانت مليئه بكتير من العثرات حتى ادركت ان الصالح هو حضور المحاضرات والمتابعه اولا باول حتى وان كان الموضوع صعب فتعالى على نفسك عشان نفسك برده
واسال الله ان يلهمك الصبر واكيد هتحس بالفرق
المحاضرات كمان بيتقال فيها حاجات قيمه جدا جدا جدا مستحيل حد من بره هيديهالك ...حاجات هتخليك صيدلى بجد..مش تقليد وده هيفرق معاك ااكيد

فعلا يا دكتور انا كنت مجربه حكايه اذاكر بعد المحاضرات دى السنه اللى فاتت وكانت كل حاجه ماشيه تمام
بس السنه دى مش عارفه اللى حصل كل حاجه جت بسرعه
يلا ربنا يعدى الترم اللى فات ده على خير
هحكيلكم تجربه زميله لى
ما شاء الله عليها
بعد ما بنروح البيت كل يوم تقرا المحاضرات من الكتاب
ولو قراءه سريعه وبتضيف بعض النقاط اللى بتبقى مش موجوده ف الكتاب والدكتور قالها وبكده تكون ذاكرت على الاقل 25%
وف اخر الاسبوع بتشترى الورق وبتقراه ومعاها الكتاب وبالتالى بتزيد الحصيله للضعف 50%
والاجازه اللى بين النظرى والعملى بتجمع بيها المنهج على اجزاء وبكده بتكون وصلت مذاكرتها 90%
وقبل الامتحان نفسه تجميع الكلام بيبقى سهل وعن فهم مش حافظه كلمتين بصيغه معينه ومع تغيير الصيغه تحل غلط......... لالالالا

اسف للاطاله واتمنى للجميع التوفيق واجازه سعيده ان شاء الله

ربنا يبارك لينا فيها

ياريت طبعا اسمع اراءكم واراء الناس الكبار الي مجربين .......اكيد هيفيدونا في الموضوع ده..

وانا كمان هسمع معاك
ويا ريت اى حد اكبر من اى حد عنده نصيحه ف ماده معينه ميبخلش علينا بيها
وانا هبتدى لاولى
اولا الصيدلانيات : جزء دكتور حسن بجد حضور المحاضره ومحاوله الكتابه فيها ولو 80% من اللى الدكتور بيقوله
وقراءته بعد ما تروح البيت وكمان قبل المحاضره هتلاقيك متميز ف جزئه لانه بجد عنده قدره غير عاديه على توصيل المعلومه
اما بقى الاورجانك : فمن امتع المواد مكرره مكرره مكرره
منهج اعدادى هو بتاع اولى هو بتاع تانيه مع زيادات بسيطه وتقسيمه لذيذه للمنهج
يعنى لو فهمت جزء انواع reactions وال introduction
هتلاقى كل اللى بعد كده سهل ولذيذ خالص ( وعن تجربه بجد)
مسنيه نصايح اخوانى الكبار
ف رعايه الله

[د/محمد عمر]

[/font]

بعد ما بنروح البيت كل يوم تقرا المحاضرات من الكتاب
ولو قراءه سريعه وبتضيف بعض النقاط اللى بتبقى مش موجوده ف الكتاب والدكتور قالها وبكده تكون ذاكرت على الاقل 25%
وف اخر الاسبوع بتشترى الورق وبتقراه ومعاها الكتاب وبالتالى بتزيد الحصيله للضعف 50%
والاجازه اللى بين النظرى والعملى بتجمع بيها المنهج على اجزاء وبكده بتكون وصلت مذاكرتها 90%
وقبل الامتحان نفسه تجميع الكلام بيبقى سهل وعن فهم مش حافظه كلمتين بصيغه معينه ومع تغيير الصيغه تحل غلط......... لالالالا

بارك الله فيها فعلا تجربه تستحق ان تكون موضع نقاش وان يقتدى بيها الجميع
وانا اولهم
-----

اما بقى الاورجانك : فمن امتع المواد مكرره مكرره مكرره
منهج اعدادى هو بتاع اولى هو بتاع تانيه مع زيادات بسيطه وتقسيمه لذيذه للمنهج
يعنى لو فهمت جزء انواع reactions وال introduction
هتلاقى كل اللى بعد كده سهل ولذيذ خالص ( وعن تجربه بجد)

ده فعلا موضوع مهم جدا هتلاقى منه فى تالته وخاصه جزء الكربوهيدرات هتلاقيه فى الحيويه والفيتو بالاضافه الى ان معضم استركشرات الطبيه فىتالتهورابعه رابعه اساسامبنيه فى معظمها وتسميتها مركبات عضويه

[ASOOOM]

انا حاليا مقدرش اتكلم غير عنحضور المحاضرات انا الحمد لله كنت بحضر محاضراتي و دا فادني جدا حتي في النهايه لما اشك في حاجه برجع للكحاضرة و لو اني بكتب هيروغليفي لكن بيفيد و كمان لما حد بيسألني برد و انا متأكده من كلامي

انما موضوع المذاكرة اول باول دا كان فاشل معايا الترم الول لاني كنت بسافر يوميا و كنت تعبانه شويه فمقدرتش احقق الجزء دا بالشكل المطلوب و طبعا اتزنقت في الامتحانات

اخيرا حبيت اشكر دكتورة مهداه عن التجربة واعتقد انها حاجة مريحه ومفيده

اسفه ع الاطاله و جزاك الله خيرا دكتور محمد على الموضوع و الافاده

[The promise]

الموضوع جميل انا كنت بحضر كل حاجة وفى مواد كتير كنت بذاكرها اول باول وبعدين سمعت كلا م اللى حوالية واحبطونى كل لما امشى مع واحدة تقولى الجزئية دى صعبة وانا بقيت اصدق لدرجة انى بقيت اذاكر واقول لنفسى اللى انا بذاكرة بلا فائدة لحد مكنتش فاكرة اى حاجة بس بجد انا كنت برجع مرهقة جدا لان جروب (ب) جدولة وحش واحب اشكرك يا مهداة على التجربة الجميلة ويا ريت لو حد يحط نظام معين لتنظيم الوقت لان فى ناس اكبر منى قالولى مش هتنجحى الا بالكورسات وماتحضريش المحاضرات الى مش بتفهمى منها حاجة وبجد عملولى حالة خوف لدرجة انى ندمت انى دخلت الكلية

[muna7assan]

بجد مفيش كلام يتقال بعد كلام د.عمر و د.مهداه

والله يا جماعه كل كلمه صح

سواء بخصوص الكورسات او الحضور اللى بجد اكتشفت انه الحل والمفتاح لامتحان الشفوى

انا اكبر منكم بسنه وما لحقتش انسى جو اعدادى واللخبطه بتاعته دى

بالنسبه لنصيحتى لاعدادى التيرم التانى

اكتر مادتين تخلوا بالكم منهم وتذاكروهم من اول السنه محاضره بمحاضره والا مش هاتلحقوا تلموهم فى الاخر واحنا مش ضامنين الظروف هتكون ايه هما

الاورجانيك والنبات

الاورجانيك عايزه دماغ مفتوحه ومذاكره كذا مره لانها فهم فهم فهــــــــــــــــــــم
ويستحيل انك تفهمها وتستوعبها من مره قبل الامتحان وخلاص زى ما عملتوا فى التحليليه

بالنسبه للنبات فهو اضعاف اضعاف اللى خدتوه فى التيرم الاول
انا مش باخوفكم منه بس بجد لازم تذاكروه من الاول
لأنه اربع فروع وطويل عن التيرم الاول

الفيزياء هيا هيا تقريبا بدون اختلاف فى الحراره والمودرن
الاختلاف بيكون انه مفيش كهربيه وبييجى مكانها جزء اسمه optics بصريات وعدسات وقوانين حلوه وظريفه

ولاااااااااازم تحضروا المحاضره لأن السنه اللى فاتت الدكتور جاب مسأله مش فى الورق بس اتقالت فى المحاضره وناس قليله اللى حلتها

الحيوان دا بقى انا اضمن لكم ان دا اللى هايحببكم فى اعدادى
هاتاخدوا فيه حاجات كتير تحسسكم انكم فى صيدله
لأنه جزء تبع صيدله وجزء تبع علوم
وجزء صيدله ممتع ولذيــــــــــــــذ
ولازم تحضروا لدكتور شحته ودكتور طارق بالذات
بجد شرحهم ما شاء الله رائع

اسفه على الاطاله الفظيعه دى واتمنى انى اكون افدتكم

[aros_al_neel]

بصراحة موضوع جدا رائع وفي الوقت المناسب لأننا فعلا لازم نتغير
بالنسبة للمذاكرة اول بأول فكانت صعبة خصوصا ف الايام الي فيها سكاشن متأخر ف اليوم دا بتكون راجع مش شايف قدامك
أما بقى الكورسات ف في ناس بتقول ملهاش لازمة وفي ناس بتقول ضرورية خصوصا ف الترم التاني !!!!!!
على العموم ربنا معانا ويوفقنا جميعا يااااااااااااااااااااااااااااااااااااارب

[نورهان 2009]

وانا برده بشجع حضور المحاضرات حتي لو مش هتفهم حاجه
لان في المحاضرات الدكتور بيقول امثله عمليه من الحياه بتفتكرها وانت بتزاكر ومش بتنساها
ولما تطلعو من اعدادي هيبقي في شفوي ومعظم الدكاتره بتعرف اللي بيحضر من اللي مبحضرش بالنطق
او بحاجه معينه قالتها في المحاضره
وبعدين تاكد ان ربنا مش هيضيع تعبك وحضورك المحاضرات ويساويك باللي قاعد في البيت
لان احنا بنعمل علي قد جهدنا وبعدين ربنا بيجازينا عليه

[Messi]

بشكر الناس الي شاركت ......وبقول ياريت تبقي المشاركه اكبر من كده وخاصه الناس الي لديهم الخبره الكافيه..
لان الموضوع بجد مهم ومحتاج وقفه