17 مليون!!

[meramar]

امبارح قريت خبر غريب جدا :

(نص الخبر موجود فى كل مكان للى عايز يرجعله)


ان الحكومه هتبيع 17 مليون فدان فى خلال السبع سنوات القادمه

17 مليون فدان مساحه عملاقه ..ومفيش مبرر لبيعها-مش كفايه الخصخصه واللى عملتوا فينا-

افتكرت فيلم (عايز حقى )..احنا بنعمل زيه بالظبط
بنبيع البلد مع فرق ان مش احنا -الشعب - اللى هنقبض



الحاجه الغريبه ان فى اراضى من دى مش للزراعه اصلا ..عباره عن جبال..طيب بتتباع ليه بالظبط؟

وفى اراضى فيها محاجر دهب ومعادن تانيه بمليارات..طيب ليه منستفيدش احنا بيها؟

امال مين اللى هيستفيد؟


والفدان احيانا بيتباع بمتين جنيه ..تمن كارتين شحن زى ما الصحفى العبقرى المسلمانى قال!!

الغريبه ان الفدان اللى هيتباع بمتين جنيه ده تانى يوم الصبح تباع بمليون جنيه
يعنى اللى هيشتريه يكسب فيه مليون الا ميتين فى يوم واحد

طبعا مواقع المعارضه قالت حاجاات كتير عن البيعه دى ..لا تعليق عليها ومقدرش انقلها


انا مش فاهمه ...

لو حد فاهم ايه اللى بيحصل والبلد بتتباع ليه يقولى : هو فى ايه؟

[ameer]

البلد بتبيعنا احنا شخصيا يبقي جت علي شوية اراضي هي ضايعة ضايعة وطول ما في حاجات زي دي بتحصل انا كدة مطمن ان (مصر بتتقدم بينا )

[Amira Said]

سؤال بريء، هو ممكن أشتري كام فدان من دول؟ و لا البيع لازم لحد تاني غير أميرة

[Al-Shaimaa]

سؤال بريء، هو ممكن أشتري كام فدان من دول؟ و لا البيع لازم لحد تاني غير أميرة

اعتقد ان البيع هيكون لاي حد مش من مصر
او من مصر وفلوسه بتروح برا مصر
المهم الاستفادة تكون بعيدة عن الشعب الغلبان وخلاص

شكرا على طرح الموضوع يا دكتورة

[meramar]

البلد بتبيعنا احنا شخصيا يبقي جت علي شوية اراضي هي ضايعة ضايعة وطول ما في حاجات زي دي بتحصل انا كدة مطمن ان (مصر بتتقدم بينا

ايه التفاؤل ده كله
عامة هو مصر معتش بتتقدم بينا ..بقت بتتقدم على حسابنا

سؤال بريء، هو ممكن أشتري كام فدان من دول؟ و لا البيع لازم لحد تاني غير أميرة

نفس السؤال جه فى دماغى ..
وطبعا البيع لحد تانى ..
الحيتان ..القطط السمان كده يعنى

اعتقد ان البيع هيكون لاي حد مش من مصر
او من مصر وفلوسه بتروح برا مصر
المهم الاستفادة تكون بعيدة عن الشعب الغلبان وخلاص

شكرا على طرح الموضوع يا دكتورة

صح يامشمش ..معروف مين اللى بيستفيد

نورتوا الموضوع

[Nada Radwan]

ممممممم
واضح ان حملة الجنسيه المصريه مش من حقهم يشتروا ف الاراضي دى
زى بالظبط ما زياررة الاهرامات بقي ممنوع للمصريين
فعلا..مصر بتتقدم
انا حانزل بكره المشايه اقدم على جواز سفر هونولولى ..
واشتريلى فدان ف الارض دى بالمكافأه اللى اخدتها

[NeScaFE]

طب سؤال بقى

هو الفدان ده موجود ع المشاية ؟؟؟؟؟

[meramar]

واضح ان حملة الجنسيه المصريه مش من حقهم يشتروا ف الاراضي دى
زى بالظبط ما زياررة الاهرامات بقي ممنوع للمصريين
فعلا..مصر بتتقدم
انا حانزل بكره المشايه اقدم على جواز سفر هونولولى ..
واشتريلى فدان ف الارض دى بالمكافأه اللى اخدتها

المكافأه تجيب نص فدان بس على فكره

طب سؤال بقى

هو الفدان ده موجود ع المشاية ؟؟؟؟؟

لا ..تقديم الجوازات هو اللى على المشايه
انما الفدادين موجوده فى الجلاء جنب العصاره
عشان هناك الحته واسعه تكفى ال17 مليون وكده

منورين ياجماعه والله