أيه رأيكم نتفق على الصراحة.... تيجوا يلا !!!!!!!!

[أمــ هـنـد ــة الله]

الموضوع ببساطة مبنى على الصراحة
بس قبل ما أدخل فيه لازم نتفق
اللى يدخل الروم دى لازم يكتب رد (دى أمانة وهتتحاسبوا عليها)
وأنا هعرف
يعنى لازم يكون عدد المشاركات بتساوى عدد المشاهدات ok
تصدقوا نسيت الموضوع لأ لأ أفتكرت
المطلوب من كل طالب وطالبة يقول التقدير اللى حصل عليه من ساعة ما دخل
الكلية لحد دلوقتى
وكمان التقدير اللى تتمناه السنة اللى بعدها وبالمرة تجعله هدف ليك
بجد الموضوع بسيط وماتخافوش وما تتحرجوش لو كان التقدير قليل المهم أنك تكون صادق
وأى حد عندة تعقيب بخصوص الكلية أو اتظلم فى مادة يقول
ومن ناحية تانية هتفيدونا أحنا طلبة أعدادى
يعنى فضفضوا وقولوا اللى مضايقكم فى نظام الامتحانات
خلاص ياجماعة اتفقنا
يارب مايكونش موضوعى كسيف أو دمه تقيل واللى هيثبت عكس كده
أنكو تخيبو ظنى
وتشاركونا
صدقونى كان ممكن ما اكتبش الموضوع لما خطر ببالى
لكنى لقيته مفيد وهيفيد
وربنا يوفق الجميع ويعطى كل انسان ما يريد يارب آمين
والسلام عليكم ورحمة الله

[عامر إبراهيم]

أنا يا جماعة مش فى سجلى الكتير,

غير إعدادى السنة اللى فاتت, والنتيجة ماكنتش حلوة, بس الحمد لله.

والسنة دى أنا حولت كلنيكال, وربنا وفقنى إن شاء الله, نفسى أجيب إمتياز.

تحياتى;

[dr/noony]

السلام عليكم ورحمة الله وبركاته
موضوع جميييييييييل ويعطى أمل فى الاحسن
انا جبت فى اعدادى وأولى جيد جدا
نفسى ءان شاء الله السنة دى تكون أحسن أو حتى أحافظ على التقدير ده
وربنا معانا جميعا ويوفقنا ديما للاحسن

[kareem_abuzaid]

أنا هكتفي بان أقول محدش يستهون باعدادي هيا مش صعبة وفي نفس الوقت مش سهلة .وأنا واثق ان الي يهتم بيها ان شاء رب العباد مش يجيب فيها تقدير وبس ده من الممكن امتياز . وبما اني حولت فنفسي انسى سجلي القديم وبص لقدام . قلبتي عيلنا المواجع يا د/ hanoda والله لولا انك قولتي كلمة الصراحة مكنتش هكتب . وان شاء الله مش أقل من امتياز باذن الله

[dr_emi]

انا بقى
اعدادى بعد الشر عنكم كان معايا تحليليه
اما باقى السنين جيد جدا
واتمنى امتياز السنه دى

[Dr.Done]

أنا جيد جدا ولو جه إمتياز نو بروبلم

وعايزين نعرف إنتى بقى يا دكتورة هنوده تقديرك اللى عيزاه

[أمــ هـنـد ــة الله]

بما اننا اتفقنا على الصراحة وانا اللى حكمت
يبقى هقول الحقيقة مهما كانت
تجلب الآلم
أنا حاليا بعيد اعدادى
وطبعا قدر الله وما شاء فعل
واعدادى سهله والله
ولكن عندما تكون (الظروف وان اختلفت) ضدك
فتأتى الريح بما لاتشتهى السفن
الحمد لله
أما التقدير فهو ان شاء الله يارب امتياز لينا كلنا
ومش بعيد عننا والله
بس اهم شىء القرب من الله

[Doctor_Ahmed]

اللهم اجعلنا من المقبولين

[khokha]

اوكي والله انا صريحه انا مدبلره

[MOON LIGHT]

انا اتخرجت ياجماعة بس انا جبت فى كل سنة جيدجدا ماعدا تانية جبت جيد مرتفع
ويارب يكون تقديراتكم كلها عالية