كلمات في الظلمات

[M.Hegazy]

ظلام اليأس يحلّق فوق رأسي .. سئمت حياتي و حتى سئمت نفسي ..

مالي و لدنيا الثعالب و الكلاب .. مالي و الكل من حولي سراب ..

مالي و خطأي فيها هو الصواب .. مالي و الكل مآله إلى التراب ..

كرهتك أيتها الدنيا فاكرهيني .. و فكي أسر نفسي و ارحميني ..

أيتها الدنيا العذراءْ ..
فيك ما فيكي من الشقاءْ ..

ذقت ما فيكي من البلاءْ ..
مرضت و ليس لي فيكي دواءْ ..

صرخت و لم تلبي لي يوما نداءْ ..

أأنت يا دنيا بلهاءْ ؟؟!!!

أأنت يا دنيا عمياءْ ؟؟!!!

أأنت يا دنيا صماءْ ؟؟!!!

نعيمك يا دنيا بلاءْ ..


هي الدنيا يا أيها البشرْ .. فيها المر و فيها الأمرّ ْ ..
فاسمع يا أخي و اعتبرْ .. لا تخطو بنفسك نحو الشرْ ..
و التجأ إلى الله في كل أمرْ .. فعنده تعالى نعم المستقرْ ..

[M.32L]

جميل جداا بس ليه كرهت الدنيا اوووى كده

[Nour al-islam]

جميله اوي يا دكتور
بس النفور ده من الدنيا ولا غرورها
تسلم الايادي

[Messi]

GO0O0O0O0O0O0O0O0O0O0O0O0D
ME-

[le pharmacien]

رائع يا دكتور ....الابيات دى بتصف حالتى مع الدنيا هوه انا مش هموت بقى ...(يارب قريبا ان شاء الله)

[NeScaFE]

رائع يا دكتور ....الابيات دى بتصف حالتى مع الدنيا هوه انا مش هموت بقى ...(يارب قريبا ان شاء الله)

اللهم لا سهل الا ماجعلته سهلا وان شئت جعلت الحزن سهلا ............
اى نعم هى دنيا غبية وزهقانين منها ونفسنا والله ربنا ياخدنا ......بس ادعى ربنا
وهو ان شاءالله يفرج كربك وهمك .........

كلام جميل يا دكتور ومعبر ...................وعندك حق فيه تماما ..............
تحياتى ........

[Al-Shaimaa]

حقيقي كلمات رائعة
تسلم ايد حضرتك يا دكتور

[M.Hegazy]

جميل جداا بس ليه كرهت الدنيا اوووى كده

أولا أشكرك على تعليقك الجميل ..

ثانيا ليه كرهت الدنيا !!! عشان حاجات كتير قوي و كل الحاجات دي بتقولي أكره الدنيا و عمر ما كان في بيني و بين الدنيا عمار أبدا .. عشان كده كرهتها و مش عايز منها حاجة غير تسيبني ف حالي ..

جميله اوي يا دكتور
بس النفور ده من الدنيا ولا غرورها
تسلم الايادي

أشكرك يا دكتورة جميلة .. هوا الكلام مايستحقش الشكر ده كله .. بس إنتو زوق و الله ..
النفور ده من الدنيا و كل حاجة ليها علاقة بالدنيا لأن الواحد خلاص فاض بيه ..ربنا يرحمنا برحمته الواسعة ..

GO0O0O0O0O0O0O0O0O0O0O0O0D
ME-

نورت الموضوع يا دكتور محمد

رائع يا دكتور ....الابيات دى بتصف حالتى مع الدنيا هوه انا مش هموت بقى ...(يارب قريبا ان شاء الله)

أشكرك يا دكتور .. بس يا ريت بقى بما إننا هنبقى أصدقاء تسمع من أخوك الكلام ده كويس .. إنتي تكره الدنيا آه و تزهق و تزعل مفيش مشاكل بس بلاش موضوع " هوه أنا مش هموت بقى " ..
إخص عليك أمال مين اللي يقرأ كلامي ده ..
تمني الموت يا صديقي حاجة مش كويسة و النبي عليه الصلاة و السلام نهانا عن تمني الموت و قال : " لا يتمنين أحدكم الموت ؛ لضر نزل به، فإن كان لا بد متمنيا، فليقل: اللهم أحيني ما كانت الحياة خيرا لي، وتوفني إذا كانت الوفاة خيرا لي " .. و ربنا يا رب يكرمك و يسعدك و يفرج كربك و يزيل همك و تبقى زي الفل إن شاء الله و تنورنا هنا و نسمع منك كلامك الجميل ده ..

اللهم لا سهل الا ماجعلته سهلا وان شئت جعلت الحزن سهلا ............
اى نعم هى دنيا غبية وزهقانين منها ونفسنا والله ربنا ياخدنا ......بس ادعى ربنا
وهو ان شاءالله يفرج كربك وهمك .........

كلام جميل يا دكتور ومعبر ...................وعندك حق فيه تماما ..............
تحياتى ........

أشكرك على كلامك و مساندتك و تشجيعك ..
و أنا معاك في كلامك و إن شاء الله كله يتعدل و يبقى أحسن .. أما بالنسبة لي أنا شلت إيدي من الدنيا دي خالص .. و ربنا يستر علينا .. مش عايز حد يزعل أمانة عليكو و سامحوني إذا كنت سببت لكم الكآبة .. بس ده طبعي ..

حقيقي كلمات رائعة
تسلم ايد حضرتك يا دكتور

تسلم إيدك يا Dr\MSHMSH نورت الموضوع و الله ..