مدرج اكلينكي

[M_S_SH]

بسم الله الرحمن الرحيم

لجنة 37 &38 &39 في مدرجات اكلينكي
بناشد دك حسن الكاشف بتغير مقر اللجان

بنجات مدرجات اكلينكي عالية جدا
ومابنعرفش نحل ونكتب واحنا اعدين فلازم بنقف علشان نعرف نكتب ومش معقوله هنقف كل امتحان
فياريت تشوفولنا حل

[Mohamed Al Gohary]

الشكوى اتكررت من المدرج بخصوص موضع السند عن ارتفاع موضع الجلوس .. امبارح برضه طلبة الفرقة التالته اشتكوا منها ..

يتم نقل الموضوع للدكتور حسن إن شاء الله ..

[Nada Radwan]

الحمدلله..أخيييييييييراً
انا قاعده ف المدرج ده 3شهور اتقطم ضهرى ومش عارفه اعمل ايه
عموما ابقوا ارفعولى شكوى معااااكم

[Mohamed Al Gohary]

طيب ليه محدش اشتكى منكم قبل كده من ساعة ما الدراسه بدات .. بجملة الشكاوي يعني

عموما ربنا يسهل ونلاقي حل للموضوع ده ..

[Anas]

طب يجيبوني أنا في اللجنة دي ... أصل أنا في الطرقة للمرة الرابعة

و مقولكوش على الجو هناك عامل ازاي ... كأنك عالبحر على طول ... ولا الهوا ... تحفة

[Nada Radwan]

على فكرره ياجماعه المشكله حلها سهل
يقعدوكوا على البنجات الزوجيه
ده مدرجى وانا عارفاااااه البنجات اللى ترتيبها فردى بس اللى كده
انما التانى والرابع والسادس وهكذا كويسين جدا جدا
بس انا بصراحه مبحبش اقعد فيهم عشان مبشوفش

[NonY]

هههههههههههههههه
حاجة تضحك و الله

[pharmacistina]

شكرا جزيلا للدكتور حسن الكاشف .. شكرا لادارتنا الكريمة


تم ضبط الوضع النهاردة ..

المشكلة ان المدرج فيه بنش عالي و بنش كويس

اللي حصل هو تغيير الأوضاع الى البنشات الكويسة ..

المرة اللي فاتت أنا كنت بمتحن و ايديا فوق و البنش واصل بالضبط لحد رقبتي و كان وضع صعب جدااا

النهاردة كان كل شيء تمام


أنا اللي مزعلني بقى حاجة ..

مين الباشمهندس الذكي الممتاز اللي مصمم البنشات دي !!

دي بنشات مصممة خصيصا للعمالقة ..

وازاي الكلية تستلم من المهندسين بنشات بالشكل دة , مش دي مدفوع فيها ميزانية من الكلية ؟؟

المفروض تتعمل مزبوطة ..

[Amira]

طب يجيبوني أنا في اللجنة دي ... أصل أنا في الطرقة للمرة الرابعة

و مقولكوش على الجو هناك عامل ازاي ... كأنك عالبحر على طول ... ولا الهوا ... تحفة

الطــــــــرقه

كانت ايام امتحنت فيها السنه اللى فاتت الواحد كان ناقص يسيب الامتحان ويمشى من البرد والدوشه اللى بتبقى فيها

الحمدلله السنادى طلعت فووووق "ف اعدادى "

بس برضو على نفس التربيزه بتاعه البحر دى والكرسى اللى يقطم الضهر بس اكيد احسن من الطرقه

[dr/noony]

أنا اللي مزعلني بقى حاجة ..

مين الباشمهندس الذكي الممتاز اللي مصمم البنشات دي !!

دي بنشات مصممة خصيصا للعمالقة ..

وازاي الكلية تستلم من المهندسين بنشات بالشكل دة , مش دي مدفوع فيها ميزانية من الكلية ؟؟

المفروض تتعمل مزبوطة ..

هههههههههههههههههه
بتهيألى معظم البنية التحتية للمبنى ب وأ حاجات مستعملة
اصلا تلاقى نصف الابواب بتفتح بالظغط واللى مش فيه اكر اصلا
احنا مرة اتقفل علينا الباب فى سكشن الفارما ود/أحمد اتصل بحد
عشان يجى يفتحه من برة والسكشن فى مبنى أ اللى لسة متسلم جديد
ولا دورات المياه بقدرة قادر لما اتكتب عليها خاص بأعضاء هيئة التدريس
بقة عشرة على عشرة واحنا الطلبة الغلابة تلاقى مرة الحنفيات بايظة
وغيره وغيره اقول ايه ولا ايه ؟يالا الحمد لله انها أخر سنة ونستريح