حتى الكلام ده خسارة !!!!!

[M.Hegazy]

البداية >>>>

خسارة فيكي كل كلمة حلوة قلتها ..

و خسارة فيكي أيام حياتي اللي عشانك ضيعتها ..

و خسارة فيكي الأحلام اللي بيكي حلمتها ..

و خسارة فيكي الدنيا اللي معاكي عشتها ..

و خسارة فيكي الحياة كلها ..



و مفيش بعدها بكام يوم >>>> رجعت !! لمين !!

كلامك خلاص مبقاش مسموع ..
و معدش ينفع خلاص الرجوع ..
و إزاي بعد اللي شفته من ألم و دموع ..
و بعد ما عشت سنين تايه و مخدوع ..
راجعالي بتبكي و بتطلبي مني الرجوع ..
لا يا حبيبتي خلاص كلامك مبقاش مسموع ..



النهاية بقى >>>> ما هو لكل قصة نهاية !!!

حياتي من غيرك بقت ممكنة ..
و حالتي من بعدك متحسنة ..
و يوم بيعدي و سنة ورا سنة ..
و عايش أيامي في هنا ..
أصحابي و حبايبي كتير ..
وروني الدنيا غير ..
و بقيت بألف خير ..
و لا حتى حاسس بعذاب ضمير ..
انتهى الحب و انتهى العذاب ..
لا طول بعد بقى و لا حتى غياب ..

كلمة أخيرة : " و خسارة فيكي أي كلمة عتاب " ..

[Nour al-islam]

جميلة اوي تسلم الايادي يا دكتور

[NeScaFE]

جميلة يا دكتور ......بس عندى سؤال
انت كاتب ولا حاسس بعذاب ضمير ....طب مش هى اللى المفروض بعدت يبقى انت ضميرك ليه يتعذب
ولا ممكن يكون قصدك انت انت ضميرك هيتعذب لانك اصلا عرفت وحدة زيها ؟؟؟؟؟؟؟ ..
ده النقد بتاعى وممكن يكون غلط ...بس عموما القصيدة كلها جميلة ...
تسلم .....

[M.Hegazy]

جميلة اوي تسلم الايادي يا دكتور

تسلمي إنتي يا دكتورة جميلة .. نورتيني بردك .. مرسيه على زوقك ..

جميلة يا دكتور ......بس عندى سؤال
انت كاتب ولا حاسس بعذاب ضمير ....طب مش هى اللى المفروض بعدت يبقى انت ضميرك ليه يتعذب
ولا ممكن يكون قصدك انت انت ضميرك هيتعذب لانك اصلا عرفت وحدة زيها ؟؟؟؟؟؟؟ ..
ده النقد بتاعى وممكن يكون غلط ...بس عموما القصيدة كلها جميلة ...
تسلم .....

مجرد كلمات جت ف بالي من مواقف شفتها لناس مقربين قوي مني .. فعبرت عنهم بلساني ..

تسلم إيدك يا دكتور على كلامك الجميل ده .. و أشكرك على النقد اللي بعتز بيه جدا ..

[M.32L]

جميل جداا فعلا الفىاق اصعب حاجه

[M.Hegazy]

جميل جداا فعلا الفىاق اصعب حاجه

نورت يا زعيم .. فعلا معاك حق .. رغم إننا ممكن نبان قاسيين و جامدين لحظة الفراق بس الفراق هوا الفراق .. صعب

[Sara Saso]

هى جميلة يا دكتور
بس مش قاسية شوية؟؟
لو هى وحشة قوى كده مكنتش رجعت وندمت واكيد مكنش الشخص ده حبها وارتبط بها لفترة
والمفروض اننا منجرحش فى حد حتى لو انفصلنا عنه وكان هو السبب
لان اكيد فيه لحظات حلوة برده جمعتنا بيه فى يوم من الايام
ده مجرد رأى مش أكتر
بس هى لو وحشة قوى كده يبقى تستحق كل ده وزيادة
وهو يستحق انه معرفهاش على حقيقتها من بدرى لان اكيد كان فيه مؤشرات على كده

[M.Hegazy]

هى جميلة يا دكتور
بس مش قاسية شوية؟؟
لو هى وحشة قوى كده مكنتش رجعت وندمت واكيد مكنش الشخص ده حبها وارتبط بها لفترة
والمفروض اننا منجرحش فى حد حتى لو انفصلنا عنه وكان هو السبب
لان اكيد فيه لحظات حلوة برده جمعتنا بيه فى يوم من الايام
ده مجرد رأى مش أكتر
بس هى لو وحشة قوى كده يبقى تستحق كل ده وزيادة
وهو يستحق انه معرفهاش على حقيقتها من بدرى لان اكيد كان فيه مؤشرات على كده

لأ .. هيا تستاهل أكتر من كده لأنها مجرحتش صاحبي بس .. دي كانت عايزة توقع بينه و بين أقرب أصحابه ..

و بعدين ناس كتيرة بتبقى ف الأول كويسة و بعدين بتقسى .. مش كل الناس بتفضل على حالها و مش كل الناس بيبان عليها .. أكيد بننخدع ف ناس كتير .. صح و لا غلط ؟؟

[Nour al-islam]

رائعه تسلم ايديك يا دكتور بانتظار كل جديد ورائع

[Sara Saso]

لأ .. هيا تستاهل أكتر من كده لأنها مجرحتش صاحبي بس .. دي كانت عايزة توقع بينه و بين أقرب أصحابه ..

و بعدين ناس كتيرة بتبقى ف الأول كويسة و بعدين بتقسى .. مش كل الناس بتفضل على حالها و مش كل الناس بيبان عليها .. أكيد بننخدع ف ناس كتير .. صح و لا غلط ؟؟

you are right
the look can cheat the eye
and words can cheat heart
now i know she deserve that
thanks doctor