نداء من طلاب الفرقة الرابعة و الثالثة .. ميعاد الشفوي أصبح مشكلة !

[pharmacistina]

السلام عليكم ورحمة الله وبركاته

بعد التحية للجميع أساتذتنا الأفاضل و زملائي وزميلاتي


بدأت مخاوف الشفوي تتبادر الى الأذهان ..

بصرف النظر عن مشكلة الزحام و التدافع أمام لجان الشفوي ..


فهناك مشكلة أكبر من مشكلة الزحام ..


متى سيكون امتحان الشفوي ؟؟؟


نحن الفرقة الرابعة امتحاننا الصيدلة الصناعية يوم 16 - يناير السبت من الساعة التاسعة صباخا حتى الحادية عشر صباحا

المفروض اننا نمتحن شفوي الصناعية بعدها ..

مع ان الفرقة الاعدادية عندها امتحان في نفس اليوم الساعة 12 ظهرا ..

وطبعا من غير المنطقي ان يكون الفرقة الاعدادية في اللجان و احنا الفرقة الرابعة في الطرقات بانتظار الشفوي , لأن هيحصل ازعاج للناس اللي في اللجان .. و غير ان هيكون في الطرقات لجان سنة اعدادي ..

يعني من الساعة 11 الى الساعة 12 المفروض ان جميع طلاب الفرقة الرابعة يخرجوا من الكلية ..


يظل طلاب الفرقة الرابعة في خارج الكلية حتى انتهاء امتحان الفرقة الاعدادية في تمام الساعة 3 عصرا

هل سيبدأ امتحان شفوي الصناعية الساعة 3 عصرا , دة احنا الدفعة 1000 طالب و طالبة

هنخلص امتى بعد أذان العشاء ؟؟؟!!!!!

أم أن الحل الآخر هو ............

أن يتم عقد امتحان شفوي الصناعية في اليوم التالي الأحد 17 - يناير و هذه تعتبر الطامة الكبرى علينا لأن الصيدلانيات عندنا قبلها يومين .. كمان هيروح منهم يوم عشان شفوي الصناعية .. يبقى كدة الضياع بعينه




و قياسا على النموذج السابق ستتكرر الكثير من هذه الأسئلة عند جميع الفرق ..

الفرقة الأولى هتمتحن في نفس يوم امتحان الفرقة الثالثة


هل معنى كدة تأجيل امتحانات الشفوي للفرقة الثالثة و الرابعة الى اليوم التالي لامتحان النظري و يتم بذلك انتقاص يوم آخر من أيام مذاكرة المادة التالية ..

وبذلك ...


اللهم أجرنا في مصيبتنا و اخلفنا خيرا منها



نرجو من ادارة الكلية فعل اي شيء أو ايجاد مكان مناسب لامتحانات الشفوي ..


المهم أن يتم أداء امتحان الشفوي في نفس يوم امتحان النظري ..


أرجوووكم يا أساتذتنا ..


شكرا جزيلا ..

[عبدالله عبدالرحمن]

هى فعلا مشكلة بس اللى انا سمعته من مصدر مؤكد ان مفيش شفوى تانى يوم ان شاء الله بس ممكن فعلا الشفوى يتأخر لغاية العشاء او بعدها واعتقد ان مفيش حلول فى يد الأدارة الوقت ضيق والعملية مقفلة الا اذا نقلوا امتحانات الشفوى فى المبنى القديم زى ماحنا هنمتحن الفيتو هناك والبيو كذلك

[muna7assan]

أن يتم عقد امتحان شفوي الصناعية في اليوم التالي الأحد 17 - يناير و هذه تعتبر الطامة الكبرى علينا لأن الصيدلانيات عندنا قبلها يومين .. كمان هيروح منهم يوم عشان شفوي الصناعية .. يبقى كدة الضياع بعينه

و قياسا على النموذج السابق ستتكرر الكثير من هذه الأسئلة عند جميع الفرق ..

الفرقة الأولى هتمتحن في نفس يوم امتحان الفرقة الثالثة

هل معنى كدة تأجيل امتحانات الشفوي للفرقة الثالثة و الرابعة الى اليوم التالي لامتحان النظري و يتم بذلك انتقاص يوم آخر من أيام مذاكرة المادة التالية ..

وبذلك ...

اللهم أجرنا في مصيبتنا و اخلفنا خيرا منها

نرجو من ادارة الكلية فعل اي شيء أو ايجاد مكان مناسب لامتحانات الشفوي ..
المهم أن يتم أداء امتحان الشفوي في نفس يوم امتحان النظري ..

اللهم امين
بس فعلا مشكله كبيره جدا
بالذات كمان ان اولى وتالته ليهم شفوى

[pharmacistina]

بالذات كمان ان اولى وتالته ليهم شفوى

آه صحيح ..

و أننا اللي كنت زعلانة ان سنة اعدادي هتمتحن معانا في نفس الأيام ..

أمال سنة أولى و ثالثة هيمتحنوا ازاي نظري و شفوي مع بعض في نفس اليوم .!!

المبنى القديم زى ماحنا هنمتحن الفيتو هناك والبيو كذلك

المبنى القديم ازاي ؟؟

هو حضرتك مرحتش المبنى القديم قريب ..

دة بقى عبارة عن شارع مكسر تماما ..

قسم العقاقير فقط اللي سليم ..

هل منطقي ان كل امتحانات الشفوي تبقى في قسم العقاقير ..

I don,t think so

الشفوى يتأخر لغاية العشاء او بعدها

دي كارثة بالنسبة للناس اللي بتسافر ..

غير كدة ان بما أن المادة التالية هيكون قدامها يومين

اذا كل طالب هيكون نفسه يمتحن شفوي بأسرع ما يمكن علشان يروح ينام و يبدأ مذاكرة المادة التالي

مما يعني أنه هيحصل ضرب نار قدام لجان الشفوي , مش بس تدافع و تزاحم




المهم ان دي مشكلة و أنا قلت نعرضها يمكن الادارة تشوفلنا حل قبل الامتحانات ..

[summer breeze]

هى فعلا مشكلة بس اللى انا سمعته من مصدر مؤكد ان مفيش شفوى تانى يوم ان شاء الله بس ممكن فعلا الشفوى يتأخر لغاية العشاء او بعدها واعتقد ان مفيش حلول فى يد الأدارة الوقت ضيق والعملية مقفلة الا اذا نقلوا امتحانات الشفوى فى المبنى القديم زى ماحنا هنمتحن الفيتو هناك والبيو كذلك

يعني دكاتره الاكسترنال هيفضلوا قاعدين علشانا لحد العشا دول ماشاء الله كان اخرهم لبعد العصر بساعه وتلاقيهم خلاص بيفنشوا علشان يلحقوا يسافروا هما كمان الظريف في الموضوع ان انا ديما ببقى من الناس اللي بتمتحن بعد الغدا بتاع الدكاتره دلوقتي بقى الدكاتره هيبقوا معزومين على الغدا والعشا واكيد برضه هبقى من مجموعه بعد العشا دي

يارب رحمتك ولطفك بينا يارب

[عبدالله عبدالرحمن]

المبنى القديم ازاي ؟؟

هو حضرتك مرحتش المبنى القديم قريب ..

دة بقى عبارة عن شارع مكسر تماما ..

قسم العقاقير فقط اللي سليم ..

ايوا ماانا عارف بس هو ده الحل الوحيد
الا اذا بقى المبنى الف استخدم وبتهيألى مش هيبقى فيه لجان نظرى
مش عارف ده هيبقى فيه لبخ جامد

دي كارثة بالنسبة للناس اللي بتسافر ..

وانا اولهم يادكتورة والله اول المضرورين بس الله المستعان اكيد فى حل

يعني دكاتره الاكسترنال هيفضلوا قاعدين علشانا لحد العشا دول ماشاء الله كان اخرهم لبعد العصر بساعه وتلاقيهم خلاص بيفنشوا علشان يلحقوا يسافروا هما كمان الظريف في الموضوع ان انا ديما ببقى من الناس اللي بتمتحن بعد الغدا بتاع الدكاتره دلوقتي بقى الدكاتره هيبقوا معزومين على الغدا والعشا واكيد برضه هبقى من مجموعه بعد العشا دي

يارب رحمتك ولطفك بينا يارب

والله دكتور شحتة هو اللى قالنا كده
قال ان امتحان شفوى الفارما احتمال يقعد لغاية العشاء
وده كان احد اسباب ان امتحان الأساى بتاعنا جه على النظرى كله
عشان نبقى ذاكرنا المنهج قبل كده ونلحق نخلص


وفى انتظار رأى ادارة الكلية

[Amira Said]

ممكن تبقى لجان الشفوي كلها في مكان منفصل، مثلا في مبنى أ لو مفيهوش لجان نظري أو في النادي التكنولوجي أو على السطح يعني مش لازم في مكاتب الدكاترة، وعموما عادي في كليات طول عمرها بتمتحن كده وبيخلصوا الشفوي في نفس اليوم وفي دفعات بتمتحن نظري في نفس وقت شفوي دفعات أخرى
هتعدي ان شاء الله

[Mohamed Al Gohary]

الامتحان هيكون في نفس اليوم ان شاء الله .. لان مش منطقى انه يتاجل اساسا لتاني يوم ..
كان فيه اقتراح ان امتحانات الشفوي تبقى لواحدها منفصله فى اجازة نص السنه .. طبعا ده من خيالي ..

عموما امتحان الشفوي هيكون بعد النظري بتنظيم معين وتقسيم معين .. وادارة الكليه هتعلن عنه بس المهم اننا يكون عندنا مرونه والتزام ..

السلام عليكم
اعزائى طلبة وطالبات كلية الصيدله الكرام
نامل منكم جميعا المساعده فى تقليل الزحام وتنظيم هذه العمليه
اثناء الامتحان الشفوى
حيث انه سيتم تقسيم الدفعه الى مجموعات
ولذلك نرجو من الجميع
الالتزام كل فى الميعاد المخصص له
وعدم الحياد عنه

مع تمنياتنا لكم جميعا بالتوفيق ان شاء الله

[Amira Said]

ان شاء الله يبقى عندنا التزام، بس برضه لازم تكون في آليات تجبرنا على احترام القوانين والالتزام،، احنا بنتكلم عن دفعة عددها حوالي 1000 طالب، مش لازم نتوقع ان كلنا هنلتزم
معنى كلامي، ان لو قالوا من 1 ل 100 الساعة 11 ومن 101 ل 200 الساعة 1 مثلا وفعلا محدش دخل قبل موعده وامتحن هنضطر نلتزم، لكن لو انا لقيت ان في حد دخل قبل معاده وامتحن عادي أنا هروح الزق في الباب لغاية ما امتحن ومش هيهمني ان ده مش معادي -أنا بتكلم بصراحة عن اللي بيحصل-

[موظفه طموحه]

السلام عليكم
ان شاء الله ادارة الكلية تسعى الى راحتكم
جميعا وان شاء الله اتمنى ان امتحان الشفوى ينظم بطريقه تريحكم كلكم ونتحمل مع بعض شويه يجماعه عشان بس الوقت ضيق
دعواتى لكم جميعا بالتوفيق والنجاح ان شاء الله .