تعال اتهان بجنيه واحد بس ........

[A7MD]

بالامس كان امتحان الباثولوجي للفرقة الرابعة بكلة الطب
وكم كان هذا اليوم رائعا .......

بجد مش ممكن

مخلوش نفسنا في حاجة

اهانات من العمال والدكاترة......ماشي
زحمة ..............................وماله
اختلاط الطلبة والطالبات بشكل اكتر من مهين لنا كصيادلة واكتر كمسلمين ...... كله موجود مش بقلكم مخلوش نفسنا في حاجة.............

ذهبت مبكرا قبل الامتحان بنصف ساعة لاجد حوالي 400 طالب وطالبة واقفين جمب بعض في مكان اشبة بالاسطبلا........ (فهو مازال تحت التجديدات اصوات العمال الذين يعملون عليها والتراب يملأ المكان من حولك (حاجة بصراحة فانتاستك )

ثم لفك الازدحام بعد مرور حوالي ساعتين وباقي في الخارج امتر من ثلثين الطلبة لسه ممتحنوش قالولنا اللي لسة ممتحنش يروح يسجل اسمه عند الستاذ محمد في الاوضة التانية ويدفع جنيه... (الجنية دي بقي مهم جدا لانه رسم دخولنا لكلية طب المنصورة العريقة وتدنيسنا لهذا المكان الطاهر... ماهو احنا في نظرهم مجرب بقالين او تجار مخدرات..... )

بالفعل ذهب عدد كبير جدا من الطالبات هناك وفجأة قال احد العمال محدش طالع من الاوضة ونادي علي احدي العاملات وقالها اقفلي الباب ومتخليش حد يطلع (اصلهم عايزين يلموا الاشتراكات مظبوطة عشان محدش يزوغ ومايدفعش رسم الدخول .......)

وكان بصراحة المنظر جوه الوضة دي اكتر من مشرف ... الطالبات والطلبة قاعدين علي البنشات (بنشات عامله زي بتاعة معمل العقاقير والفارما كده ) واكترهم واقف عليها يعملوا ايه يعني يقعدوا علي الارض .....

ولما جاء العامل العظيم (اللي هيلم الايراد بقي قصدي ) انقض عليه الطلاب واحاطوه من عن يمينه ويساره وحتي من فوقه حاجة مشرفة جدا (دي طبيعي جدا 300 طالب مسنين بقاله اكتر من ساعتين وواقفين علي رجليهم مطلوب منهم يسجلوا اسمهم عند عامل واحد ايه المتوقع يعني يقفوا طابور.....)

وبعدين قالك الدكتور فلان عاوز كشف الغياب طب لسه حوالي 100 طالب لسه مسجلوش اساميهم يعملوا ايه ........

بعد طول شد وجذب مع العمال ( اصل الدكاترة مش مستعبرنا ومش فاضين بقي لينا هما بس فاضيين يشتموا فينا ويتنكوا علينا كما لوكنا بنشحت منهم الدكتورة تقول لدي يازفته ودي اطلعي ملكومش امتحان عندي كده من الباب للطق......) حاجة يعني مش ممكن ....

وزي ماقلنا بعد طول شد وجذب مع العمال قالولنا كل 20 طالب بكتبوا اسمهم في ورقة ومعاهم 20 جنية كاملين من غير العشرين جنية مالكومش امتحان عندنا .....

وعندما قال احد الطلبة المحترمين محدش يدفع فلوس لان كده اهانة لينا قال الباقين مش مشكلة يا .... وماجتش علي جنيه
وهنعمل ايه وغير ذلك من جمل لرضا بالواقع والتسليم لتلك المهانة ........

واخيرا اتمحنا وعدي هذا اليوم الذي لن انساه ابدا وسيظل ذكري خالده لدي عن مدي حب وتقدير كلية الطب والاطباء للصيادلة....

ودي بقي بعض من الصور للمهزلة اللي حصلت النهاردة نرسلها لد.محمود العشماوي عله يسترد لنا ما بقي من كرامتنا












-----

[الجنة مرادى]

بجد مش لاقية تعليق

افتكرت برده واحنا رايحين نمتحن عملى الهستولوجى فى طب كان برده رسوم دخول الإمتحان 3 جنيه

[battota webas]

بجد انا لسه همتحن الصبح بس كويس انى عرفت ان فى جنيه بيتلم اجرة الميكروباص ياترى مين اللى بيلم الاجره التباع ولا عمو الاسطى الدكتور؟ وبندفع فين بالظبط لانى حاسه اننا طالعين رحله لحديقة الطفل فعلا هم يبكى وهم يدحك

[lovely princess]

!!!!!!


No CoMMent


!!!!!!!!!!!!!!!!!!!!!!!!!

[pharma princiss]

الاهانه دى كلنا اتعرضنا لها بس الصح اننا مش زى كل مره نقعد نصوت ونعيط وتعدى وخلاص
احنا الحمد لله قدرنا نوصل اللى حصل ده لد /ماجده الشربينى ود/سرى كان الرد اعملوا شكوى وقدموها لد حسن الكاشف بس للاسف احنا ماقدرناش نقابله امبارح انشاء الله مره تانيه بس كان الوعد من د/سرى اننا لو عملنا المذكره دى هايبعتها لعميد طب ويطلب تغيير المعامله وطبعا دكتوره انتوا متعودين على الهرجله دى فى صيدله وكاننا لما نروح لهم هناك هانشوف النظام ماشى على رجلين(قال يعنى) وهنحس اننا فى كوكب الالتزام
انشاء الله المذكره دى هاتكون موجوده يوم امتحان الصناعيه للى عايز يمضى عليها
ويبقى اسمنا عملنا اللى علينا والباقى على اداره الكليه

[Ramy Saad]

طبعا اللي حصل امبارح شيء مؤسف تماما إنه يحدث من كلية طب

سوء تنظيم ومعاملة سيئة للغاية ومنع الطالب من أداء الامتحان إلا بعد ما ياخد غيابه بجنيه !!

وإخراج الطلبة اللي مادفعوش بعد دخولهم معمل الامتحان بالفعل وإدخال آخرين مكانهم !!!!

وأسلوب معاملة سيء جدا من دكتورة المادة حتى في أثناء المحاضرات وتلفظها بألفاظ لم نعتد على سماعها داخل كليتنا أبدا
وإهانات وتجريح مباشر للطلبة والطلبة كلهم في المدرج شافوا وسمعوا
- بحاول أجمل اللفظ وبقول تجريح مش شتم مباشر -



المشاركات ديه منقولة من قسم الفرقة الرابعة وآرائهم بعد الامتحان ...

امتحان الباثولوجي النهارده كان كويس عبارة عن خمس جارات بس انا عندي اعتراض بسيط على الي حصل النهاردة بجد الي حصل النهادرة ده كان مهزلة مفيش نظام والشباب بتزق في البنات بطريقة همجية والي نرفزني اكتر اني سمعت واحد بيقول لصاحبه زق ياعم ملكش دعوة بحد والي كان واقف قدامهم بنات بجد لا تعليق ده مش اسلوب دكاترة يا جماعه بجد الواحد متنرفز من الي حصل النهارده والغلطة بجد على كلية طب لان كان المفروض من الاول يقسمونا مش نص الدفعه كلها في نفس الوقت

كلمة مهزلة قليلة على وصف الوضع المأسوي بتاع النهاردة

اللي حصل النهاردة إهانة لطلبة كلية الصيدلة ومش أي طلبة .. طلبة بكالوريوس


=======



المعمل متقسم 4 مجموعات
كل مجموعة 5 جارات
يعني بيدخل المعمل 20 طالب كل مرة

ازيكم كلكم عاملين ايه

وياللا اللي عاوز يكتب اسمه في الغياب بجنيه

والله العظيم مهزله

نداء الاول الى كل طالب وطالبه في مجموعه ب ممنوع الخروج من البيت الا وانت في جيبك جنيه علشان تتاكد انك ان شاء الله هتدخل الامتحان (تذكرة المعرض جنيه)

كل اللي حصل ان عمو العامل مكانش بيدخل حد الامتحان من غير ميكتب اسمه في الغياب

ومحدش بيكتب اسمه في الغياب الا بعد مايطلع الجنيه مجموعه من البنات اضايقوا راحوا اشتكوا للدكتور

قالهم ازااااااااااااااااااي وقام داخل داخل تاني وكان شيئا لم يكن استمر لم التبرعات لترميم المبنى على حساب طلبة كلية الصيدله

مش مهم بس هيا تيجي على قد الجنيه

النداء التاني كل طالب ياخد معاه ورقه بكرامته اصل انا اتذليت على ما اخدت منهم ورقه جوه

بس الامتحان كان كويس 5 جارات تكتب اسم الorgan وبعدينdisease هيا disease كده صح؟؟

وشدو حيلكم والموضوع ان شاء الله مش مستاهل تضييع وقت ربنا يوفقنا جميعا

وجزاكم الله خيرا

بصراحة يا جماعة انا اسف انى بقول لكم ان المنظر النهاردة مكنش منظر دكاترة خالص دة اطفال حضانة معتقدش يعملوا كدة و اللى طلعوا فوق البنش _بنات اكتر من البنين لكن الاتنين طلعوا _ فوق راس الراجل علشان يكتب اسمهم كانوا ولا حتى اطفال حضانة الحقيقة احنا اللى بنعمل كدة فى نفسنا و احنا اللى بنخلى العمال يفقدوا احترامهم لينا يعنى اية المشكلة اللى حيمتحن الاول من اللى حيمتحن الاخر معتقدش اللى حيمتحن الاول حياخد درجتين بونص

احنا مش كنا رايحين نمتحن
احنا كنا رايحين نتهان والله فين النظام وفين الناس المسئوله
وايه حكايه اكتب اسمك بجنيه تدخل الامتحان يعنى ايه
حاجه بقت زفت

شكل الامتحان كان فيه زحمه وهيصه

طب الواحد على كده يأخر نفسه وما يروحش 9

يعنى الواحد يروح على الساعه 11 تكون الزحمه خفت

هو الامتحان شغال للساعه كام ياجماعه؟؟؟؟؟؟؟

حد يعرفنى

انا عن نفسي روحت الساعه 11.30 ولاكان في زحمه ولا حاجه
بس محدس يتأخر علي 12 عشان مخلصين أخر مجموعه تقريبا 12.30

انا بأه هروح براحتى وهدخل براحتى ومش دافع ولا مليم الا بمزاجى لو حد اتكلم هزعق واعمل مشكلة وكده كده مش فارقة

طب والله العظيم كلمه مهزله حاجه قليله في وصف اللي حصل النهارده مفيش اي نوع من النظام او الترتيب اسلوب همجي الى اقصى درجه كان مفيش تفكير يعني ازاي جدول ينزل بنص الدفعه مره واحده كان ايه اللي يحصل لو اتقسموا بالارقام وكانت كل مجموعه جت على وقتها اما عن طلبتنا فطبعا ظهروا بمنظر حضاري جدا جدا والبنات بتصرخ والولاد داخلين هجوم بطريقه وبيزقوا في زميلاتهم والبنات بتزق كاننا فين انا مش عارفه بجد عيييييييييييييييييب كدا
اما الدكاتره بقى بتوع طب فحدث ولا حرج اسوا اسلوب واوحش معامله بيمرمطوا فينا على مزاجهم ويكفي لما الدكتوره اللي كانت بتشرحلنا باثولوجي في المدرج تقول لبنتين معانا في السكشن اتحركي يازفته انتي وهيا فعلا هو دا اسلوب الدكاتره !!!!!!!!!!!!!!!!!!!

بصراحه اللي حصل النهارده كان مهزله وقله قيمه كل واحد يزعلقنا شويه من الدكاتره للعمال والدخول بجنيه
كليه الطب مش عارفه تنظم امتحان ميخدش خمس دقايق اصل كان هيحصل حاجه لو حددت كل شويه ارقام بميعاد لما الواحد يخرج من بيته الساعه 7 ويوصل هناك 8وشويه ويدخل الساعه12 مع التخبيط والزق والخانقه وكمان دكتور يطلع يقول لو مخلصتوش الساعه12 هتجيوا بكره اصل ولادنا جايين طب اللي جابلك يخليلك واحناهنروح ندور علي بابا وماما بتاعنا في الكليه

الدكتورة قالت ألفاظ أشد من كدة كمان في المحاضرتين اللي الدكتورة مشكورة شرحتهم
وكانت محل انتقاد من الجميع
!!!!

======

ممكن نعمل موضوع نذكر فيه كافة التفاصيل وفيه زملاء صوروا الوضع بتاع النهاردة

ونعرضه على د . محمود بكر

بحيث يتكلم هو مع إدارة كلية طب
لأن مش سهل إنهم يتصرفوا بالطريقة ديه

حضرتك بتقول فيها يادكتور انا بجد النهارده في وسط المنظر اللي كنا فيه دا كان هاين عليا اروح فعلا لسياده العميد ييجي يشوف لينا حل في اللي احنا فيه دا لو كليه طب عاجزه عن تنظيم امتحان بشكل لائق لينا يبقوا ينسقوا مع الكليه بتاعتنا ويتفضلوا عندنا بالجارات بتاعتهم في يوم الامتحان واحنا بقى كليتنا تتولى تنظيمنا بدل مايطلع دكتور ويقولنا اتحركوا فضوا الطرقه احنا عاوزين نعرف نشتغل ودكتور تاني يقول خلصوا اصل ولادنا جايين

ولا حول ولا قوه الا بالله العلي العظيم

عادى يا جماعة اللى بيحصل ده ما احنا قبل كده واحنا بناخد سكشن الباثولوجى جت دكتورة وتقريبا طردتنا بره وما شوفناش باقى الجارات وقالت هما بتوع صيدلة دول جايين يعملوا هنا ايه مايروحوا كليتهم وكأننا راحيين بمزاجنا واديكم شوفتوا البهدلة والاساءة بتاعة النهارده بجد مفيش احترام لينا ولا لكليتنا عندهم

للدرجة دى يا جماعة !!!!!!!!!!

هما بيتعاملوا معانا من اى منظور ....منظور انهم افضل مننا ولا ايه ؟؟؟؟

بجد شكل بكره مش هيعدى على خير ....واى حد هيتكلم مهما كان هيكون ليه وقفة

بجد انا اتخنقت جدا من كلامكم ...ازاى كده وما فيش حد اتكلم او اعترض على الكلام ده

طب كويس انكم اتكلمتوا انا اصلا دمى بيغلى من الصبح انا رايحه الساعه 8ونصف ومعرفتش ادخل الا الساعه 11 لا وازاى داده هى اللى دخلتنى ده طبعا بعد البهدله اللى اتبهدلناها والدكتوره اللى طبعا الواحد مش قادر يقول حاجه عن اسلوبها اللطيف معانا تقولنا يلا خلصوا الساعه 12 مش عايزين نشوف حد منكم ولادنا جاين زى ما نكون احنا جاين من اسرائيل الناس دى لما بتيجى عندنا بنشيلهم على دماغنا واهنتانا هناك دى اهانه

للكليه

وبعد ما دخلنا اللجنه وامتحنا وخرجت وطبعا فى اللحظه دى كنتى هصلى شكر ان ربنا نجانى افاجا باصحابى يقولوا امتحانا اتلغى اصل فى بنات اخدوا غيابهم جوا فا الدكتوره يا حبيبتى اتعصبت ولغت امتحان المجموعه حاولنا نسالها طبعا مردتش علينا والله اعلم ايه مصير الامتحان بتاعنا بس بجد حسبى الله ونعم الوكيل وعايزين نشوف رد فعل كليتنا فى اللى حصلنا
-----


ايوه هما دايما بتوع طب عندهم عقد نقص كده وفاكرين نفسهم احسن مننا يبصوا لحال المستشفيات ويستخبوا احسنلهم

انا بجد مش عارف كل اللى حصل ده على ايه؟؟؟
عشان يعنى 10او 12 درجه بتوع الجارات ؟
انا مستعد اتنازل عن الدرجات دى لو الموضوع هيبقى باامهانه دى ليا او للكليه بتاعتى ..لانى كرامتى من كرامه كليتى وكرامه كليتى من من كرامتى ..
على فكره الجالرات اللى هما يتامروا بيها علينا دى ..العامل بتاع المتحف بيتعرف عليهم وبيرتبهم وهو مغمض عنيه!!!!!

يعنى هو احنا مش هنعرف نجيب جارات زى دى وقسم من الكليه يشرف على عملى المادة دى وخلاص بدل حرقة الدم دى دول ماكانوش 10 درجات
هى البابليك قسم ايه اللى بيديها؟

احنا اتبهدلنا واتهزقنا جامد اوى وبعد ما عملنا اللى ميتعملش علشان ندخل الدكتورة قالت يللا المجموعة دى امتحانها مبغى وقطع ورق الغياب يا د\فلان انا مش فاهمة فيه ايه هوا احنا رايحين نشحت منهم
داحنا اسوء معاملنا لينا ف كليتنا ودى مبتحصلش بردة احسن من كدة واصلا الجارات والحاجات دى ملهاش لزمة يعنى مكنش هيحصللهم حاجة لو كانوا قسمونا بالارقام زى ما الناس العاقله بتعمل بس يللا هيا فعلا عقد
ربنا يسامحهم بقة

الطب اللى بيتكلمو علية دا ماهو الا شوية ورق بتحفظ وبيطلعو يتعلمو فى الناس فى المستشفيات.

انا لسه همتحن بكرة

لكن لو اى حاجة من دى حصلت هتكون مشكلة بجد .

بصوا ياجماعة أنا شايف اننا فى حاجة الى الدرجات دى فبلاش نروح مشدودين عشان شدة الاعصاب هتخلينا نعمل مشاكل معلش اهو يوم وهيعدى بس لازم يبأه لينا وقفة فى الموضوع انا كنت بقول زى حضرتك كده من شوية وبعدين راجعت نفسى لقيتنى أنا اللى هكون خسران فأنا هتجنب حدوث المشاكل بس مش هسمح لحد انه يهينى
-----
بالمناسبة ياجماعة فى جملتين كده ليحيى بن معاذ كنت عايز اقولهملكوا
(1)سوء الخلق سيئة لاتفيد معها كثرة الحسنات وحسن الخلق حسنة لا تضر معها كثرة السيئات
(2)فى سعة الأخلاق كنوز الأرزاق
متهيألى لو كانت المعاملة النهارده مختلفة كانا كلنا هنشكردكاتره طب على حسن المعاملة لكن ماحدث هو العكس; كان فى واحد راح للرسول وسأله عن حاجة يعملها وتدخله الجنه قاله كن محسنا فقال له يارسول الله وكيف أعرف فقال له سل جيرانك فإن قالوا انك محسن فأنت محسن وإن قالوا إنك غير محسن فأنت غير محسن.

دي مهزلة بجد...

وعدم احترام لكليتنا

المفروض ان وقت الامتحان من 9 ل 11...


انا داخلة الامتحان الساعة 11.30

وبعد حرب عنيفة.. وبعد ما دخلنا ووقفنا على الجارات..

خرجوا المجموعة كلها..

قال ايه.. اللي ما سجلش اسمه ودفع الجنيه يخرج برة..

ووقفوا الامتحان لحد ما خرجنا..

ودخلوا اللي كتبوا اسماءهم ودفعوا..

ده يبقى اسمه ايه؟؟؟

مش عارفة كان هيجرى ايه لو كتبنا اسماءنا ودفعنا الجنيه بعد ما نخلص..

بجد.. حسبي الله ونعم الوكيل..

بالرغم من انى لم اتعرض شخصيا(حتى الان)لاى من الاهانات سالفه الزكر ..الا ان كرامه زميلى من كرامتى
وكرامتنا نحن الاتثنين من كرامه الكليه التى نتشرف وبكل فخر بالانتماء اليها...
بالطبع لم تكن هذه الاهانات موجهه لطالب بعينه بل عندى يقين تام انها كانت موجهه لهذا الكيان العظيم الذى ننتمى اليه..وهذا ليس تهويل للامور بل لكى لايعتقد الاخرون اننا ا مثل ما يعتقدون ..
وفقنا الله جميعا

للدرجة دى !!!!!!!!!
ليه هيقسموا مع بعض فى الاخر ولا ايه ؟؟؟؟


بجد.. حسبي الله ونعم الوكيل

انا طبعا لسة همتحن بكرة
ومش موافق طبعا انى اى حد فى الدفعة كلها يتهان وياريت الموضوع يوصل للعميد فعلا.

بلاش يا جماعه تخدوا الموضوع بالعصبيه دى .......انا امتحنت النهارده وزعقت مع احد دكاتر كليه طب ولكن لم يفد الوضع شىء غير انى اتعصبت وفقدت اعصابى فلو سمحتو ا كونوا هاديين او بمعنى اصح بارديين افيد
-----
كده كده كلام الدكاتره هو اللى هيمشى.......ادفع المليون اقصدى ادفع الجنيه

انا ان شاء الله لسه همتحن بكرة بس هحاوت اروح متاخر وربنا يوفقنا جميعا وما يحصلش كدة تاني وعمر ما كان طلبة طب احسن مننا ابدا الحمد لله احنا داخلين كليتنا بمزاجنا لاننا عارفين قيمة مهنتنا فيما بعد وبنعتز بيها جدا وهما بيحسدونا عليها بعدين
لكن لازم يكون فيه رد فوري من كليتنا للاهانة اللي حصلت لزمايلي النهاردة ويارب ما تحصلش بكرة بس ربتا يستر

أرجو ألا يحدث لباقي الدفعة اليوم ماحدث بالأمس
وأن تكون هذه آخر مرة يحدث فيها مثل هذا الموقف

[A H M E D]

ربنا يسامحهم

بيعكرو مزاجنا وخلاص

وناسيين اننا بكالوريوس صيدلة

مش دبلومات

اللي حصل امبارح ده اتصور واتذاع

واللي هيحصل النهاردة هيتسجل فيديو

باعتلكو وحش في تصوير المواقف والازمات (يا رب ما يكسفني)

خلو بالكو خبو عيالكو

بالتوفيق يا دكاترة

[سوزران]

هى الدكتورة ماجدة شرحت ايه فى الطبيه غير البنسلين والسلفوناميد وanti fungal

[Messi]

بصوا يا جماعه علي فكره بقي ولا احنا دكاتره ولا هما دكاتره ........الدكتور ده بس تتقال لبتاع الجامعه الي هوه معاه الدكتوراه .........يعني دكتور في كليه الاداب اسمه دكتور لكن بتاع طب اسمه طبيب ......
ثم شوفوا فضل الصيدله علي الاطباء انفسهم .....مين الي بيديهم الدواء ......طب تخيلوا كده طبيب يعالج مرضاه من غير دواء؟؟؟؟؟؟؟؟؟
احنا لينا فضل كبير علي الاطباء وعلي الناس كلها.........
هل الرسوم دي قانونيه يعني كل طالب ملزم لما يدخل الكليه التانيه انه يدفع لها رسوم ؟؟ده في الدستور؟؟؟؟
يعني هما لو جايين عندنا هندفعهم رسوم؟؟؟؟؟؟؟
ثم ماذا تنتظرون من مشرحين الجثث الميته؟؟؟؟؟؟ ان تحدثنا عن المعايره
معتقدش ان الاهانه دي ممكن تحدث من طالب في طب لاني عارف اخلاق اغلبهم لكن الاداريين والدكاتره ..............

[khokha224]

يا جماعه انا امتحنت انهرده و الحمدلله مكنش فى اى مشاكل ولا حتى دفعنا الجنيه
بس انا كنت الصبح بدرى و خلصت علطول وكنا قليلين اوى واضح ان الكل قرر يروح متأخر الله اعلم هيحصل معاهم ايه
هيبقوا زحمه موووووت