تنبيهات هامه قبل بدأ الامتحانات النظرية

[Mohamed Al Gohary]

طبعا كلنا شاف الاعلان اللى متعلق فى كل حته واللى بخصوص منع تواجد الموبايلات مع الطلاب اثناء الامتحانات حتى ولو كان مغلقا ..

وقد أثارته للنقاش والاعلان الاستاذه منى - جزاها الله كل خير عنا - وتجادل الجميع والبعض وضع اقتراحات ..

والكلام النهائي .. بعد حديثي مع الدكتور محمود بكر عميد الكلية .. والدكتور حسن الكاشف وكيل الكلية لشئون التعليم والطلاب ..

القرار سيتم تطبيقه ولا تهاون فيه ..

طيب الحلول .. توصلنا لاربع حلول .. هى على الترتيب :

الحل الأول والأمثل هو ترك الموبايل في البيت ..

الحل الثاني هو ترك الموبايل أثناء مدة الامتحان فقط مع أى موظف او اى شخص فى الكليه بالمعرفة الشخصية ..

الحل الثالث هو وضع الموبايلات فى الدواليب الخاصه بالطلاب على .. مع ملاحظة انه من المفترض ان المباني تكون خاليه من الناس اثناء الامتحان .. فلا مجال لوجود أناس غرباء عن الكليه ..

الحل الرابع .. هو الحل المتروك لكل طالب على حده .. بمعنى ان اى حل يرى اى طالب انه مناسب له دون اى مسئوليه من ادارة الكليه .. فليفعله ..

طيب الوقتي انا هاخد موبايلي معايا وهقفله وهعينه كويس في جيبي او فى جيب سري .. ماشي معاك .. ومش هتتفتش ولا حد هيكلمك .. بس لو حصل وتم اكتشاف الموبايل معاك هيتم تحرير محضر شروع فى غش فوراً ..

هضرب لك مثل : هو الظابط بتاع مكافحة المخدرات مطلوب منه انه يفتش واحد واحد ومواطن مواطن .. عشان يمسك اللى معاه مخدرات ؟؟ اكيد لا لكن اللى بيقع بياخد الجزاء ..
يقع ازاى بقى دى اكيد مبتتوقعش يعني ..

لازم كلنا نقتنع ان ده قرار والواجب علينا اننا نلتزم بيه .. وننفذه ..

[ASOOOM]

مشكور يا دكتور على مجهودك بس يا تري في مشكلة اني اسيب الموبايل في الشنطة والاتنين يكونوا ع الباب و لا ايه مع العلم اني بسافر

[Mohamed Al Gohary]

لا ممنوع ترك الشنط على الباب ..
السنه اللى فاتت اول يوم كان فيه شنط طتيره فالدكتور محمود امر انها كلها تخش مع التنبيه على عدم اصحابها بعد كده ..

في كل ذلك حكم .. مش مجرد اوامر وخلاص ..

[موظفه طموحه]

بجد ربنا يجازيك خير د/ جوهرى
وانا شايفه ان الحلول كلها متروكه للطالب يعنى كما يترائى لكل طالب من حل يعنى كل طالب هيعمل اللى يريحه المهم انه مايدخلش اللجنه بالموبايل
بس فيه حاجه
احنا عندنا فى جدول الملاحظه بند بيقول
(التاكد من ان الطلاب لايحملون معهم هواتف محموله او كتبا او مذكرات او مراجع او اية اوراق من اى نوع حتى ولو كانت بيضاء والتاكد من عدم تواجد ذلك داخل اللجنه )
ان شاء الله هسأل د/ محمود
اذاى اتاكد احنا لما بنلاقى حاجه بنمنعها وخلاص
على العموم ربنا يوفقكم كلكم يارب

[ASOOOM]

لا ممنوع ترك الشنط على الباب ..
السنه اللى فاتت اول يوم كان فيه شنط طتيره فالدكتور محمود امر انها كلها تخش مع التنبيه على عدم اصحابها بعد كده ..

في كل ذلك حكم .. مش مجرد اوامر وخلاص ..

تمام طيب ينفع اسلمه للمراقب قبل الامتحان وآخده وانا خارجة معلش اسئلتي كتير

[موظفه طموحه]

بيتهيالى يجماعه حكاية المراقب هتبقى صعبه عشان مفيش مكان يضعهم فيه الى انتهاء اللجنه
يعنى عن نفسى مش هقدر اخد موبايل من حد افرضوا موبايل ضاع ولا اتسرق احط نفسى فى موقف ذى ده ليه فيه امامكم كذا حل .

[Mohamed Al Gohary]

اكيد طبعا يا استاذ منى .. بس اللى انا اقصده ان مفيش تفتيش شخصي .. من حق المراقبين انهم ينبهوا ان مفيش موبايلات .. ولو فيه حاجه ظاهره من الحاجات اللى حضرتك ذكرتيها من حقكم تمنعوها ..

واكيد الدكتور محمود عنده الاجابه الادق ..

تمام طيب ينفع اسلمه للمراقب قبل الامتحان وآخده وانا خارجة

لو المراقب وافق بشكل شخصي .. اوك مفيش اى مشكله

[عامر إبراهيم]

لسان حالنا : وأنا مالى

[Messi]

لسان حالنا : وأنا مالى

ايه المطلوب؟؟؟؟؟؟؟

[عامر إبراهيم]

ايه المطلوب؟؟؟؟؟؟؟

وأنا مالى