ليه؟؟؟؟؟؟؟

[د\بوسى ربيع]

بجد نفسى حد يجاوبنى على حاجه ليه التشدد الفظيع انهارده وصلنا السكشن متاخرينر3 دقايق بالظبط اطردنا نفسى افهم ليه الجدول بتاعنا محطوط بالطريقه الجميله دى ناس تشتغل السكشن مرتين وناس مشتغلتهوش لسه طب ما ممكن كان الجدول يراعى ده من الاول بجد نفسى حد يفهمنى وسورى لو كنت طولت عليكم

[7a m a z a]

والله مش انتى لوحدك انا مطرود السنة اللى فاتت 3 مرات فى الصيدلانيات و 1 مرة السنة دى.... صحيح مش كلهم علشان بتأخر ... بس فية تعنت كبير جدا فى الحكاية دى
قال يعنى احنا بندخل نقطع الشغل اوى
وعجبى

[dr/noony]

احب اطمنكم يا جماعة انا كمان اطردت السنة اللى فات لانى اتاخرت خمس دقائق
لانى كنت بصلى وفضلت اتحايل على الدكتورة يا دكتورة دا انا كنت بصلى
الدكتورة متفضلة ترد عليا وتقولى وقت المعمل مقدس تيجى المعمل الاول وبعدين نبقى ننزلك تصلى وأخدوا اسمينا والحمد لله معملوش اى حاجة
بس فعلا شئ *** انهم يلخبطو الجدول بالطريقة دى
كان هيحصل ايه يعنى لو كان استمر الجدول على ماهو عليه

[د\بوسى ربيع]

يجماعه ميرسى على ردودكم وانى حسيت بجد انى مش لوحدى وحسيت ان فى ناس معايا لانى بجد كنت متضايقه جدا من الطريقه اللى اتعاملت بيها انهارده ومن طريقه معيدات الصيدلانيات معانا

[M.tal3t]

كله صيدلانيات

القسم ده ماشاء الله ذاع صيته في الكلية



mt-

[M.3esawy]

الصيدلانيات ومعمل الصيدلانيات ليه دايما ذكريات جميله مع الكل مش عارف ليه ....

• السنه اللي فاتت قالوا كل اتنين يشتغلوا مع بعض في نفس التجربة

اكيد طبعا لازم هنكلم بعض .. اقول لزميلي انا هاعمل كذا وانت كذا ..لكن المعيدين مش عايزين كده ...
بصراحه انا مش عارف هما كانوا عايزين ايه بالزبط ( يمكن اكلمه بالاشارة .. صم وبكم يعني ) المهم المعيد نده عليا انا وزميلي وحطلي صفر كبير في الكتاب انا وزميلي .. اكلمه ليه يقلي هو كده وبس
رحت اشتكي للدكتورة الكبيرة اللي كانت موجوده احكيلها ... تقولي ما تكررهاش تاني

• السكشن اللي وراها نفس المعيد نده عليا في نص المعمل وقالي انا اول اشوفك الوقتي

انت داخل متأخر ليه ؟؟؟ يلا اتفضل بره وانت غياب السكشن ده

[7a m a z a]

ماجبتش حاجة من عندى والله من غير ما اعرف طلع صيدلانيات بس الفرق بقى انى ماكنش بيطردنى معيدين كان بيطردنى الدكاترة
انا محقق اعلى رقم قياسى فى الطرد عفوا نحن خارج المنافسة

[WhiteBird]

ربنا يستر

[princess]

أنا بقى ماخدتش غير سكشن واحد من اول السنة والسكشن التانى مش هاناخده غير اخر الترم
والاكتر من كده انى اكتشف ان اللى خدوا السكشن التانى خدوه تاااااااااااانى انهاردة
ده يرضى مين ده؟؟؟؟؟؟
اللى خدوه تانى قالولى لو كنا نعرف ماكناش روحنا
انا بقى لو كنت اعرف كنت رحت

[Mr.Abd El Hamed]

يا جماعة موضوع التأخير دا فعلا هم عندهم حق....فيها ايه يعنى لو ندخل فى الميعاد المظبوط

وفيها ايه لو نصحى بدرى شويه...3 دقايق مش هتفرق معانا فى النوم لكن دخول طالب كل خمس دقايق فى السكشن بينرفز فعلا

وبالنسبه للطرد فى الصيدلانيات بالذات دا لانه قسم ملتزم...يعنى مثلا هو القسم الوحيد اللى بيطرد الناس عشان البالطو مش نضيف

وكمان هم كتر خيرهم عملوا السكشن 8.30 بد م كان فى الجدول 8.00 يعنى اخروه نص ساعه وبرضه بنييجى متأخر....بصراحه لعيب مننا كدا بأه

يجماعه ميرسى على ردودكم وانى حسيت بجد انى مش لوحدى

فعلا مش لواحدك بس لو ع المنتدى هنا 5 معاكى فى الرأى فمتهيألى كان فيه 150 واحد فى السكشن جايين فى معادهم و م انطردوش...ولا ايه!!؟؟

ارجو الإلتزام يا شباب...ومنرميش كل حاجه ع الكلية و النظام