حبيتها

[dr/elmallah]

حبيتها وبكل مافيها .. وعمر الحب ماكان يوم ذنب
إزاى تيجى تعتب على قلبى ...لمجرد انه فى يوم حب
عمر ما كان الحب جريمة .. الا مع اللى بياخده بلعب
عشت ليكى ايام وليالى .. وانتى بتقتلى فيا القلب
*****************************************
كل ما أعود قلبى يسامح ... ترجعى تانى وتغلطى فيا
آجى اصالحك تبعدى عنى ... وتسيبينى أسهر انا لياليا
تعدى علينا أيام وشهور ... ويرجع ييجى الحق عليا
عشت ليكى أيام وليالى ... والنسيان شيئ مش باإيديا
*****************************************
عمرى معاكى ماغلطت فى مرة..... ولا كان قلبى معاكى يوم جارح
هوا أنا يعنى طيبتى دى ذنبى ..... ولا لأنى معاكى باأسامح
بس أنا غلطى اللى انا عارفه .... إنى باأرجع ليكى وأصالح
عشت ليكى أيام وليالى ... وحياتى مالهاش أى ملامح
******************************************
كنتى بعيدة عنى وأنا جنبك .... وكأن بعدك عنى قانون
عارفه كل حاجه باأعملها..... واللى انا عارفه عليكى ظنون
عمرك يوم ماعرفتى الحب .... وأنا كان حبى ليكى بجنون
عشت ليكى أيام وليالى ... وخليتى عمرى عليا يهون

[SHYMAA]

كنتى بعيدة عنى وأنا جنبك .... وكأن بعدك عنى قانون
عارفه كل حاجه باأعملها..... واللى انا عارفه عليكى ظنون
عمرك يوم ماعرفتى الحب .... وأنا كان حبى ليكى بجنون
عشت ليكى أيام وليالى ... وخليتى عمرى عليا يهون

دول من اجمل الابيات اللى انا حبيتها
اسلوبك سهل قوى واقرب للعامى علشان كده القصيده بسيطه
فى انتظار المزيد من كتاباتك

[same7]

والله العظيم يا واد مش كلام ولا عشان اعرفك حتى

الكلام ده كبير اوى اوى اوى

ده انت غرقان يا واد

بجد تحفه
خالص مالص

[dr/elmallah]

الف الف شكر على كلامك اللى يرفع المعنويات ده يا شيماء وربنا يجبر خاطرك يا رب

والف الف شكر ليك يا سامح على كلامك الجامد ده بس ملاحظة بسيطة انا مش غرقان ولاحاجه انا لسه عايش والحمد لله