ازاي اي بنت تعكنن علي اخوها
ازاى تعكنينى ع اخوكى؟؟؟
الموضوع اهداء
لأى بنت مقهوره
وبالخصوص magic love
**لو فى مبارة فى التلفزيون**
لو فى مباراة واخوكى متحمس أقطعى الحماس ده
ازاى
أنا اقلك
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
استنى لحد ما يندمج اوى مع المباراة
وهتعرفى أنه اندمج لما تلاقى عنيه مفتوحين على
الااااخر ومش همه حد يعنى ممكن تجيبى صاروخ تفجريه
جنبه ولا يحس
هنا بقى قومى بشغلك
روحى جيبى قطعه قماش وبخاخ التنظيف واقفى عند التلفزيون وامسحى الشاشه
واذا قال ابعدى
قوليله أنا مش فاضيالك أنا بنضف وبمسح
.................................................. ................
وبعدين روحى جيبى المكنسة واكنسى المكان اللى
هو فيه وحاولى كل شوية تكنسى قدام التلفزيون
يعنى لا صوت ولا صورة
وغطى عليه ولا يهمك
ولوقال ابعدى وحسيتى أنه هايحدفك بحاجة
قولى يعنى اسيب البيت كده والضيوف جايين في السكة
..............................................
وبعدكده اعملى أنك نسيتى اي حاجه بره
ودوسى على رجليه واجرى وماتبصيش وراكى
*عند النوم*
لما تحسى أنه دخل فى النوم وسمعتيه بيشخر
هاتى اى طفل يقابلك ابن اختك او اخوكى الصغيرين
ابن الجيران ان شالله ابن البواب
ودخليه يلعب فى اوضته فوق راسه
وقوليله الأطفال احباب الله
.................................................. .......
اوتعالى وهو فى سابع نومه وازغديه
الزغده اللى يصحى مايحسش
بنفسه الا وهو قاعد
وبكل برود قولى (عايزين نخرج)
.................................................. .........
ولوشفتيه مش رايق ومالوش خلق
اوعى تخافى هى دى فرصتك
بس خلى بالك من حركات اديه
وحضرى مفتاح اوضتك علشان هاتحتاجيه
واضحكى على شكله وعلى شعره وقعدته
وعلى هدومه
واذا قال ابعدى علشان أنا مش رايق
زودى العيار حبتين
ولو حسيتى باى غدر
؟؟
استعملى مفتاح اوضتك واقفلى على نفسك
*وقت المعركة*
ولو طقت فى دماغك وحبيتى انك تقومى
بمعركة انتى وهو
لازم تجهزى نفسك من كل ناحية
1/اللبس:لازم تلبسى تريننج علشان يسهل الجرى
2/الشوشة لازم تلميها وتعملى حفلة ايشاربات فى راسك
وانتبهى ولا خصلة تنزل من شعرك
واليوم ده ياريت تكونى حاطة حنة على راسك
علشان مايتجرئش يلمس شعرك
3/مفتاح الاوضة لأن الإحتياط واجب
1اذا بدأت المعركة اوعى تبينى انك خايفة
وأول ما ايده تطول
اوعى تستسلمى واديله
طراااااااااااااااااخ
بالبوكس فى عينه علشان مايشفش ادامة
وحطى رجلك ادامة
وعلى طووووووووول
على اوضتك اللى مجهزة مفتاحها قبل كده
بس نصيحة اقعدى يومين لايشوفك ولا تشوفيه
لأنه عاوز ينتقم لكرامته
وممكن يوريكى النجوم فى عز الضهر
وبالتوفيق وابقو ادعولي وبالذات لحظه المعركه
............................................
طيب لو واحد راكب جنبك في اتوبيس او اي حاجه
هنسيبه من غير ما نرزل عليه
لو راكب فى باص أو ميكروباص وجنبك حد نايم اوعى تسيبه نايم
كل شوية اقعد قول وصلنا عشان يصحى مخضوض لو عمل اهبل صحيه وقوله مش انت نازل هنا بيتهيألى
لو مش نايم متسيبوش فى حاله برضه عيب عليك متجيش
ركز على سؤال واقعد اسألهوله كل شوية زى أنت نازل فين طب انت دفعت ولا لأ
لو قاعد هو جنب الشباك جوه وقالك عدينى قوله رجلى منملة مش قادر وخليه ينط زى القرد
أو قوله ماتنزل من الشباك
لو انت فى أتوبيس وقاعد على كرسى وجنبك ناس واقفة استمتع بقى وخدك وقتك
اتمطع بقى وقول ياسلام على الراحة الواحد مكنش عارف هيعمل أيه لو مش قاعد
لو العكس بقى اقعد اسأل كل واحد انت نازل فين واقعد قول بصوت عالى
ياجماعة محدش نازل قريب أصل انا عايز اقعد طول مانت واقف قول كده لحد مايقعدوك
كفاية كده بقى حرام المفروض تنزل قبل الناس ماتموت منك
أستنى رايح فين أنت نازل عادى كده ولا كأنك رذل ولا حاجة
وأنت نازل هيبقى فى ناس واقفة أعمل نفسك مش عارف تعدى
وحاول تجاهد على قد ماتقدر وتضيع الوقت اللى تقدر عليه
لحد الناس ماتشيلك وترميك بعد ماتكون جبتلهم السكر ورفعت ضغطتهم
مع تحيات حبيب الشعب A.H
رد مع اقتباس
المشاركة الأصلية كتبت بواسطة Hope1
