ممكن أعرف أنت بتذاكر إزاى؟

[Ahmed awad zaki]

اسمحولى يا شباب: انا عندى رأى مش عارف موافقنى علية ولا لأ؟
زيادة لإثراء التعاون المثمر بينكم من أسئلة واستفسارات ؟
ممكن توبيك يكون ......أنا أذاكر إزاى الطبية مثلاُ ولا اللأبليد ولا الصناعية ولا غيرها
ممكن كل واحد يستخدم طريقة أو قرأ عن طريقة لسرعة إكتساب المعلومة يقولها لينا واحنا بنتعلم مع بعض ؟
ولا إية رأيكم؟

[dr queen]

اسمح لى د/أحمد أنا فى تالته
بس حابه اشكر حضرتك ع الموضوع والفكره

وان شاء الله الكل يستفيد منها ..

[د/محمد عمر]

موضوع هايل يا دكتور احمد
صحيح انا ممكن اكون بزاكر بالطريقه اللى تناسبنى بس ممكن اشوف طريقه تانيه يكون بيزاكر يها زميل ليا وتناسبنى اكتر
جزاك الله كل خير يا دكتور

[wh_kaboo]

شكرا دكتور احمد كل يوم بتزيدنى معرفة من اول مثال التفاحة

شكرا جزيلا لك

[Amira Said]

فكرة رائعة د/أحمد،، و مفيدة جدا خصوصا في ظل الظروف الاستثنائية السنة دي، محتاجين نذاكر بأسرع وسيلة

[قناع الذهب]

للاسف انا بذاكر بس بطريقة مش صح
لازم كل حاجة اقراها اكتبها فى ورق خارجى والحاجة اللى مكتبهاش متشبتش ابدا ودا غلط بس اتعودت على كدة
هيا بتاخد وقت جااااامد جدا يعنى ممكن ضعف الوقت بس عندى بتثبت المعلومة
شكرا على الفكرة يا د\احمد

[محمد سمير]

جزاك الله خيرا ياد/ احمد

وياريت حضرتك تبقى تساعدنا برضه بخبرتك

[Amira Said]

على فكرة المذاكرة بالكتابة طريقة صح، مين قال انها مش صح،، انا بذاكر بالكتابة برضه،، و علشان الحاجة تثبت بلخص المنهج كله في ورقة و براجع عليها في الآخر
و الطريقة الناجحة دي حاجة نسبية، حسب كل واحد يعني

[wh_kaboo]

للاسف انا بذاكر بس بطريقة مش صح
لازم كل حاجة اقراها اكتبها فى ورق خارجى والحاجة اللى مكتبهاش متشبتش ابدا ودا غلط بس اتعودت على كدة
هيا بتاخد وقت جااااامد جدا يعنى ممكن ضعف الوقت بس عندى بتثبت المعلومة

تقريبا وان كده برضو لازم اكتب الحاجة مرة واتنين علشان تثبت شويه

[Ahmed awad zaki]

كلام رائع يا شباب انتوا تعرفوا لو انت ذاكرت كالأتى:
1- تقرأ بصوت (ميصحيش النايم طبعاً)
2- كتبت اللى بتقرأة
3- ركزت بالعين جيداً للى بتقرأة
هيحصل ايه: أنت الأن بتستقبل و تؤكد المعلومة
............... إزاى؟
أولاُ أنت تراها ......................1
ثانياً تقرأها ....... فبتسمعها ..........2
ثالثأ بتكتبها .................أى بتأكدها ......3
يعنى ماسك المعلومة .........هتدخلى .....هتدخلى
ولا إيه يا جماعة
ممكن بتاخد وقت بس استرجاع المعلومة يأتى سريعاً