هااااااام جداااااا

[Sara Saso]

ازيكم يا دكاترة
النهاردة هاطرح موضوع مهم ويا ريت كل واحد عنده رد او اقتراح ميبخلش بيه علينا
طبعا كلنا اشتغلنا عملى نباتات طبية ومع ان المنهج جميل وشغله لذيذ وممتع
لكن
كتيييير قوى مننا اشتكى من ان الميكرسكوبات فى المعامل رديئة جدا
فهى يا مش بتطلع نتايج خالص يا بتطلع نتايج سيئة ومش واضحة كفاية
والنتيجة ان العملى اللى المفروض يخلص فى ربع ساعة بنستهلك فيه وقت السكشن كله
وكمان ممكن منتعرفش على كل الpowders
دا غير الاحباط اللى بيجيلك لما تشوف زميلك اللى ربنا اكرمه بالصدفه بميكروسكوب كويس طلع نتايج هايلة وانت لسه واقف بتحاول بلا فايدة
انا السكشن التالت الميكرسكوب بتاعى تعبنى جدا وبالكاد قدرت اتعرف على البودر بعدسة 10
اما عدسة 40 دى بقى كسرت بسببها خمس شرايح وبرده مشفتش حاجة خاااالص ولما اخدت الشرايح اللى انا جهزتها وشوفتها على ميكرسكوب تانى فى اخر السكشن شفت نتايج هايلة بالظبط زى الspots
اللى الدكاترة بيجهزوها لنا
ولما سالت الدكتورة ازا كنا هنمتحن بالميكروسكوبات دى ولا هيغيروها بميكرسكوبات جديدة ردت وقالت
هنشوف ولو حصل ان الميكروسكوبات السيئة دى هى اللى هتنزل فى الامتحان هنقول لكم تاجروا ميكروسكوبات
معقول ده يا جماعة كلية الصيدلة جامعة المنصورة مش قادرة توفر ميكروسكوبات كويسة للطلبة؟؟؟!!!
طب زنبه ايه الطالب اللى الميكروسكوب بتاعه طلع سيىء فى الامتحان؟؟؟
حرام قوى تضيع عليه درجات العملى لسبب مش بايده!!
وحتى لو هنمتحن بميكروسكوبات حديثة المفروض نشتغل بها الاول سكشن او اتنين علشان نعرف ازاى نتعامل معاها لان اكيد فيه حاجات وامكانيات فيها جديدة علينا.
فايه رايكم يا جماعة؟ عايزين نوصل شكوتنا وصوتنا لادارة الكلية لعل وعسى حد يسمع ويستجيب
وكفاية قوى الدرجات اللى هتروح مننا فى النظرى والشفوى واعتقد ان موضوع زى ده ميحتملش التاجيل لان الامتحانات خلاص على الابواب

[le pharmacien]

خييييير ان شاء الله
متقلقيش فى الامتحانات بينزلوا ميكروسكوبات جديده خاصه من الترم التانى
من السنه اللى فاتتفى مجموعه ميكروسكوبات جديده جت
اللى هيه بتشوفوا بيها spots وميقدروش مينزلوش الجديده
لان فى مشاكل كتير وشكاوى حصلت بسببها

[DR DOOLA]

هما قالوللنا فى السكاشن ان هما بيعودونا الاول على الميكرسكوبات دى فى الاول كده و بعد كده هيبقو يعلموان على الميكرسكوبات الجديده اللى هى اللى بنشوف عليها spots
و حتى الدكتور ساعتها شبه العمليه بان انت لما تتعلم السواقه بتتعلم على فيات الاول مش اوبل
بس خير خير

[Dr.RaNa 91]

عندك حق والله
دا انا في السكشن قعدت اعمل الشريحه كذا مره
و حسيت بجد ان العيب فيا
اخدت الشريحه بتاعتي و رحت شفت عند ميكروسكوب تاني
اتصدمت
كان خلاص بعد ما جالي احباط جامد من نفسي
اني مش عرفه اظبط ولا شريحه

بس اكيد ان شاء الله حيجبولنا ميكروسكوبات كويسه
في الامتحانات

[المشمرون للجنة]

صراحة يا جماعة الامل فى الله وحده

السنة الماضية كنت قرات مواضيع الفرقة الاولى مع دكتور باهر وقالهم الافضل ياجروا ميكروسكوب لانه لايضمن لهم توافر ميكروسكوبات بحالة جيدة لكل الطلبة

لكن الكلام ده كان السنة الماضية و ممكن كل سنة ولها ظروفها

وبالنسبة للشغل فى السكشن انا كنت واقفة على ميكروسكوب معرفتش اطلع عليه ولا شربحة الا بعد عناء كبير وزميلتى اللى معايا عليه ماشاء الله ربنا يباركلها بطلع كل حاجة مضبوطة وبيكون شكلها تحفه وعرفت ان العيب اكيد من شريحتى وبعديناكتشفت انه رزق اسال الله ان يبلغنى اياه

[HOSASONA]

dont worry elsana ely fatt gabo lawl mra microscopat gdeeda aloolna gaya mn amrica wlazm t7afzo 3leeha 3la fkra hia nfsha ely bnshof feha elspots ely mt7dra mn elmo3edeen

[Sara Saso]

الله يطمنكم يا جماعة وربنا يوفقنا جميعا

[muna7assan]

معقوله؟؟؟؟

أأجر ميكروسكوب وانا داخله امتحن؟؟؟؟؟؟؟

[Sara Elbakry]

احنا كليتنا دى كليه.................نووو كووووومنت والله

انا فى السكشن التانى كان فى حاجه ظريفه جدا

انا واللى كانت واقفه معايا عالميكرسكوب واحنا بنشوف الشريحه هى تقولى انا شايفاها

اجى انا ابص الاقى شويه نقط سوده وما فيش اى ملامح للشريحه

اقلها ما فيش حاجه ظاهره تقولى لا ظاهره

المشكلة ان نفس الشكل بتاع النقط السوده دى طلع هو ا هوا فى كل الشرايح

والاعجب انى لما ابص من العدسه من غير ما يبقى فى شريحه الاقى نفس الصورة بتاعت النقط السوده

طبعا الميكرسكوب بايظ وخربان طبعا


بس هى جت عالميكرسكوبات يعنى

ما الجدول ........... والوقت قليل والعمليه خربانه من اولها لاخرها

عادى ياجماعه كله بيطلع فى الغسيل

[m.o.n.a]

بصراحه الميكروسكوب السكشن الثالث كان وحش جدا والرابع كان سئ جدا
وخاصه ان السكشن الرابع محتاج ميكروسكوب جيد جدا
علشان نشوف الهيرز كويس
ياللا خير خير
ربنا يستر بقى
انا جالى عقده من سكاشن العقاقير كلها لان ربنا بيرزقنى كل سكشن بميكروسكوب يعقد